ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆԻ ՀԻՄՆԱԴՐՄԱՆ
75-ԱՄՅԱ ՀՈԲԵԼՅԱՆԸ ՆՇԵԼՈՒ ՄԱՍԻՆ
Ի նշանավորումն Երևանի պետական համալսարանի հիմնադրման 75-ամյակի, որոշում եմ.
1. Երևանի պետական համալսարանի հիմնադրման 75-ամյա հոբելյանի կապակցությամբ 1994 թվականի հոկտեմբերի 6-ից 8-ը կազմակերպել հանդիսավոր միջոցառումներ:
2. Ստեղծել հոբելյանական հանձնաժողով հետևյալ կազմով`
Լևոն ՏԵՐ-ՊԵՏՐՈՍՅԱՆ - Հայաստանի Հանրապետության նախագահ
Հրանտ ԲԱԳՐԱՏՅԱՆ - Հայաստանի Հանրապետության վարչապետ
Արմենակ ՂԱԶԱՐՅԱՆ - Հայաստանի Հանրապետության պետական նախարար
Ռաֆայել ՂԱԶԱՐՅԱՆ - Հայաստանի Հանրապետության Գերագույն խորհրդի
կրթության և գիտության, լեզվի և մշակույթի
հարցերի մշտական հանձնաժողովի նախագահ
Վարդգես ԳՆՈՒՆԻ - Հայաստանի Հանրապետության բարձրագույն կրթության
և գիտության նախարար
Ռադիկ ՄԱՐՏԻՐՈՍՅԱՆ - Երևանի պետական համալսարանի ռեկտոր
Ռոմեո ՇԱԽԱԹՈՒՆՅԱՆ - Երևանի պետական համալսարանի պրոռեկտոր
3. Հանձնաժողովին` երկամսյա ժամկետում հաստատել Երևանի պետական համալսարանի հիմնադրման 75-ամյա հոբելյանի հետ կապված հանդիսավոր միջոցառումների ծրագիր:
4. Հայաստանի Հանրապետության կառավարությանը` նախատեսել համապատասխան միջոցներ հանձնաժողովի կողմից հաստատված ծրագրի իրականացումն ապահովելու համար:
28 մարտի 1994 թ.
ՆՀ-281