Սեղմել Esc փակելու համար:
ԱԴՐԲԵՋԱՆԱԿԱՆ ԽՍՀ-ՈՒՄ, ԼՂԻՄ-ՈՒՄ, ՀԱՅԿԱ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ԱԴՐԲԵՋԱՆԱԿԱՆ ԽՍՀ-ՈՒՄ, ԼՂԻՄ-ՈՒՄ, ՀԱՅԿԱԿԱՆ ԽՍՀ ՍԱՀՄԱՆԱՅԻՆ ՇՐՋԱՆՆԵՐՈՒՄ ՀԱՅ ԱԶԳԱԲՆԱԿ ...

 

 

ՀԱՅԿԱԿԱՆ ԽՍՀ ԳԵՐԱԳՈՒՅՆ ԽՈՐՀՐԴԻ
ՈՐՈՇՈՒՄԸ

 

ԱԴՐԲԵՋԱՆԱԿԱՆ ԽՍՀ-ՈՒՄ, ԼՂԻՄ-ՈՒՄ, ՀԱՅԿԱԿԱՆ ԽՍՀ
ՍԱՀՄԱՆԱՅԻՆ ՇՐՋԱՆՆԵՐՈՒՄ ՀԱՅ ԱԶԳԱԲՆԱԿՉՈՒԹՅԱՆ ԵՎ ԽՈՐՀՐԴԱՅԻՆ ԲԱՆԱԿՈՒՄ ՀԱՅԱԶԳԻ ԶԻՆԾԱՌԱՅՈՂՆԵՐԻ ԱՆՎՏԱՆԳՈՒԹՅԱՆ ԱՊԱՀՈՎՄԱՆ ԽՆԴԻՐՆԵՐԻ ՄԱՍԻՆ

 

Հայկական Խորհրդային Սոցիալիստական Հանրապետության Գերագույն խորհուրդը որոշում է.

1. Ելնելով ռեգիոնում ստեղծված լարված իրավիճակից և նկատի ունենալով, որ հայ բնակչության նկատմամբ Ադրբեջանի տարածքում կատարվող բռնությունները, հալածանքներն ու սպանությունները մինչև այժմ ձեռնարկված միջոցառումներով չեն կանխվում, Հայկական ԽՍՀ Գերագույն խորհուրդը դիմում է ԽՍՀՄ Գերագույն խորհրդին, պահանջելով հրավիրել ԽՍՀՄ ժողովրդական դեպուտատների արտահերթ համագումար` այդ հարցը քննարկելու և հայ բնակչության կյանքի անվտանգության ապահովման համար գործուն միջոցներ իրականացնելու նպատակով:

2. Հայկական ԽՍՀ Գերագույն խորհուրդը դիմում է ԽՍՀՄ Գերագույն խորհրդին` քննության առնելու Ադրբեջանական ԽՍՀ Շահումյանի շրջանի և Գետաշենի ենթաշրջանի ժողովրդական դեպուտատների տեղական խորհուրդների որոշումները, որոնք հիմնականում պայմանավորված են տեղի հայ բնակչության կյանքին սպառնացող իրական վտանգով:

3. Հանրապետության սահմանային շրջաններում Հայկական ԽՍՀ վարչական մարմինների մասնակցությամբ անցկացնել ժողովրդական դեպուտատների շրջանային խորհուրդների արտահերթ նստաշրջաններ` սահմանամերձ շրջանների բնակչության կյանքն ու անվտանգությունն ապահովող համատեղ միջոցառումների ծրագիր մշակելու նպատակով:

4. Հաշվի առնելով, որ ազգային պատկանելության հողի վրա խորհրդային բանակում վերջին մեկուկես տարում արձանագրվել են հայազգի զինծառայողների սպանության, հալածանքի ու ծեծի բազմաթիվ դեպքեր, Հայկական ԽՍՀ Գերագույն խորհուրդը դիմում է ԽՍՀՄ Գերագույն խորհրդին` զորամիավորումներում ծառայող հայազգի զինծառայողների կյանքի ապահովության իրական երաշխիքներ ստեղծելու պահանջով:

5. Հանձնարարել Հայկական ԽՍՀ դատախազությանը` Հայկական ԽՍՀ Գերագույն խորհրդի ներկա նստաշրջանում ինֆորմացիա տալ հանրապետության տարածքում կատարված զանգվածային թունավորումների և դրանց հետաքննության արդյունքների մասին:

 

17 սեպտեմբերի 1989 թվականի,

թիվ 1597-XI.

 

 

pin
ՀՀ Գերագույն խորհուրդ
17.09.1989
N 1597-XI
Որոշում