Սեղմել Esc փակելու համար:
ՀՀ ՏԱՐԱԾՔԻ ՕԴԱԼՈՒՍԱՆՅՈՒԹԵՐԻ ԻՐԱԿԱՆԱՑՄ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ՏԱՐԱԾՔԻ ՕԴԱԼՈՒՍԱՆՅՈՒԹԵՐԻ ԻՐԱԿԱՆԱՑՄԱՆ ԵՎ ԲԱԶԱՅԻՆ ՔԱՐՏԵԶՆԵՐԻ ՍՏԵՂԾՄԱՆ ՄԻՋՈՑԱՌՈՒ ...

 

 

041.0622.071099

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

 

7 հոկտեմբերի 1999 թվականի թիվ 622

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԻ ՕԴԱԼՈՒՍԱՆՅՈՒԹԵՐԻ ԻՐԱԿԱՆԱՑՄԱՆ ԵՎ ԲԱԶԱՅԻՆ ՔԱՐՏԵԶՆԵՐԻ ՍՏԵՂԾՄԱՆ ՄԻՋՈՑԱՌՈՒՄՆԵՐԻ ՄԱՍԻՆ

 

Հայաստանի Հանրապետության տարածքի միասնական տեղեկատվական հիմքի ձևավորման, օդալուսանյութերի (աերոֆոտոհանույթների) իրականցման և բազային քարտեզների ստեղծման նպատակով`

1. Ստեղծել հանձնաժողով հետևյալ կազմով`

 

    Խ. Հարությունյան           - ՀՀ տարածքային կառավարման նախարար

                                 (հանձնաժողովի նախագահ)

    Գ. Վարդանյան               - ՀՀ բնապահպանության նախարար

    Գ. Շահբազյան               - ՀՀ գյուղատնտեսության նախարար

    Ա. Դարբինյան               - ՀՀ էկոնոմիկայի նախարար

    Հ. Հովհաննիսյան            - ՀՀ քաղաքաշինության նախարար

    Գ. Մարտիրոսյան             - ՀՀ վարչապետի խորհրդական

    Մ. Վարդանյան               - ՀՀ կառավարությանն առընթեր անշարժ

                                 գույքի կադաստրի պետական կոմիտեի նախագահ

    Ա. Ասլիկյան                - ՀՀ ֆինանսների նախարարի առաջին տեղակալ

    Գ. Գրիգորյան               - ՀՀ ազգային անվտանգության նախարարի

                                 տեղակալ

    Ա. Զինևիչ                  - ՀՀ պաշտպանության նախարարի տեղակալ

    Ս. Օհանյան                 - ՀՀ կառավարության աշխատակազմի

                                 քաղաքաշինության և բնական ռեսուրսների

                                 վարչության պետ (հանձնաժողովի քարտուղար)

 

2. Հայաստանի Հանրապետության համապատասխան նախարարություններին, գերատեսչություններին` մեկամսյա ժամկետում հանձնաժողովին ներկայացնել`

ա) իրենց համակարգերի տնօրինության տակ գտնվող առկա օդալուսանյութերի քարտեզների, հանութագրված այլ նյութերի և նշված ոլորտի նկատմամբ անհրաժեշտ պահանջների վերաբերյալ տվյալները.

բ) նշված աշխատանքների ուղղությամբ իրականացվող ու նախատեսվող ծրագրերի առկայության ֆինանսավորման չափի և աղբյուրների վերաբերյալ տվյալները:

3. Հանձնաժողովին`

ա) երկամսյա ժամկետում մշակել օդալուսահանույթների իրականացման ու բազային քարտեզների ստեղծման ծրագրի հայեցակարգը և ներկայացնել Հայաստանի Հանրապետության կառավարություն.

բ) եռամսյա ժամկետում հայեցակարգի հիման վրա մշակել օդալուսահանույթների իրականացման ու բազային քարտեզների ստեղծման ծրագրի իրականացման տեխնիկական առաջադրանքները.

գ) հստակեցնել նշված աշխատանքներն իրականացնող մասնագիտացված կազմակերպությունների ցանկը և այդ աշխատանքներին մասնակցելու հնարավոր տարբերակները.

դ) նշված աշխատանքներում առավելագույնս ներգրավել հանրապետության մասնագետներին, օգտագործել տեղական մեխանիզմներն ու սարքավորումները.

ե) հայեցակարգի և տեխնիկական առաջադրանքի մշակման աշխատանքներում ընդգրկել միջազգային փորձագետների և հստակեցնել նրանց վճարումների ֆինանսավորման աղբյուրները:

4. Հայաստանի Հանրապետության էկոնոմիկայի նախարարությանը, Հայաստանի Հանրապետության ֆինանսների նախարարությանը` երկամսյա ժամկետում ներկայացնել առաջարկություն հանձնաժողովին Հայաստանի Հանրապետության տարածքի օդալուսահանույթների իրականացման և բազային քարտեզների ստեղծման աշխատանքների ֆինանսավորման աղբյուրների վերաբերյալ:

5. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին` նշված աշխատանքների իրականացման ուղղությամբ շարունակել բանակցությունները միջազգային կազմակերպությունների հետ` հստակեցնելով ֆինանսավորման աղբյուրները, մասնակիցների կազմը, անհրաժեշտ տեխնիկական բնութագրերն ու ցուցանիշները` ընթացքի մասին պարբերաբար տեղյակ պահելով հանձնաժողովին:

 

 

pin
ՀՀ Վարչապետ
07.10.1999
N 622
Որոշում