Սեղմել Esc փակելու համար:
ԿԵՆԴԱՆԻՆԵՐԻ ՀԱՄԱՐԱԿԱԼՄԱՆԸ ՆԵՐԿԱՅԱՑՎՈՂ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ԿԵՆԴԱՆԻՆԵՐԻ ՀԱՄԱՐԱԿԱԼՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐԸ ՍԱՀՄԱՆԵԼՈՒ ԵՎ ՀՀ ԿԱՌԱՎԱՐՈՒԹՅԱՆ ...

 

 

040.1315.181115

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

12 նոյեմբերի 2015 թվականի N 1315-Ն

 

ԿԵՆԴԱՆԻՆԵՐԻ ՀԱՄԱՐԱԿԱԼՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐԸ ՍԱՀՄԱՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՀՈՒՆՎԱՐԻ 29-Ի N 59-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

 

«Անասնաբուժության մասին» Հայաստանի Հանրապետության օրենքի 6-րդ հոդվածի 1-ին մասի 30-րդ կետին համապատասխան` Հայաստանի Հանրապետության կառավարությունը որոշում է.

1. Սահմանել կենդանիների համարակալմանը ներկայացվող պահանջները` համաձայն հավելվածի:

2. ՈՒժը կորցրած ճանաչել Հայաստանի Հանրապետության կառավարության 2004 թվականի հունվարի 29-ի «Հայաստանի Հանրապետությունում գյուղատնտեսական կենդանիների համարակալման, հաշվառման և գրանցման կարգը հաստատելու մասին» N 59-Ն որոշումը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2015 ԹՎԱԿԱՆԻ ՆՈՅԵՄԲԵՐԻ 18-ԻՆ

 

Հավելված

ՀՀ կառավարության

2015 թվականի նոյեմբերի 12-ի

N 1315-Ն որոշման

 

ԿԵՆԴԱՆԻՆԵՐԻ ՀԱՄԱՐԱԿԱԼՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐԸ

 

I. ԸՆԴՀԱՆՈՒՐ ԴՐՈՒՅԹՆԵՐ

 

1. Հայաստանի Հանրապետության կառավարության 2015 թվականի նոյեմբերի 12-ի N 1315-Ն որոշմամբ սահմանվում են Հայաստանի Հանրապետությունում կենդանիների համարակալմանը ներկայացվող պահանջները:

2. Հայաստանի Հանրապետության տարածքում բուծվող կենդանիները ենթակա են համարակալման:

3. Կենդանիների համարակալումը գյուղատնտեսական կենդանիների (բացառությամբ թռչունների, մեղուների) և տնային կենդանիների ականջներին ծածկագրավորված տեղեկություն պարունակող հատուկ պիտակների կամ մարմնի որոշակի մասերին էլեկտրոնային չիպերի` կրիչների ամրացումն է, որը հնարավորություն է ընձեռում անհատականացնելու և հաշվառելու կենդանիներին:

 

II. ԾՐԱԳՐԻ ԻՐԱԿԱՆԱՑՈՒՄԸ

 

4. Կենդանիների համարակալման աշխատանքներն իրականացվում են համայնքն սպասարկող անասնաբույժի միջոցով, որի հետ հարաբերությունները կարգավորվում են համապատասխան պայմանագրով:

5. Հայաստանի Հանրապետությունում խոշոր եղջերավոր կենդանիների համարակալմանը ներկայացվող պահանջների բաղկացուցիչ մասերն են`

1) ականջապիտակները, որոնք պետք է պատրաստված լինեն ջերմակայուն պոլիմերային նյութից. «իգական» կցամասի երկարությունը` 60 մմ-ից մինչև 75 մմ, լայնությունը` 50 մմ-ից մինչև 65 մմ, իսկ «արական» կցամասի երկարությունը` 55 մմ-ից մինչև 65 մմ, լայնությունը` 50 մմ-ից մինչև 65 մմ, երկկողմանի ընթեռնելի նույնանման նիշերով պիտակներն ամրացվում են կենդանու ձախ և աջ ականջներին` նախատեսված հատուկ դակիչով.

2) անձնագիրը` խոշոր եղջերավոր կենդանիների համար, որը հատկացվում է անասնապահությամբ զբաղվող ֆիզիկական կամ իրավաբանական անձանց` ականջապիտակ ունեցող յուրաքանչյուր կենդանու համար: Կենդանու անձնագրում ներառվում են կենդանու հաշվառման համարը, ծննդյան տարեթիվը, սեռը, ցեղը, տեղաշարժի մասին տվյալները, անասնաբուժական միջոցառումների անվանումները և դրանց իրականացման ժամկետները, սպանդի վերաբերյալ տեղեկատվությունը` ամիսը, ամսաթիվը, տարեթիվը: Անձնագիրը լրացնելուց հետո այն տրվում է անասնապահությամբ զբաղվող ֆիզիկական կամ իրավաբանական անձանց կամ նրանց կողմից լիազորված անձին.

3) գրանցամատյանը, որը վարում է համայնքն սպասարկող անասնաբույժը, և որում մուտքագրվում են համարակալված կենդանու անհատական տվյալները, կենդանու շարժի, սպանդի, անկման, անասնաբուժական կանխարգելիչ և ախտորոշիչ միջոցառումների անվանումներն ու իրականացման ժամկետները.

4) էլեկտրոնային տեղեկատվական համակարգը, որի միջոցով մուտքագրվում է կենդանու առողջության, համարակալման ու հաշվառման և շարժի վերաբերյալ տեղեկատվությունը: Անհրաժեշտության դեպքում այն հնարավորություն է ընձեռում վերլուծելու և ապահովելու ձևավորվող տվյալների բազայի անվտանգությունն ու պահպանումը:

(5-րդ կետը փոփ. 10.09.2020 թիվ 1493-Ն որոշում)

6. Հայաստանի Հանրապետությունում մանր եղջերավոր կենդանիների համարակալմանը ներկայացվող պահանջների բաղկացուցիչ մասերն են`

1) ականջապիտակները, որոնք պետք է պատրաստված լինեն ջերմակայուն պոլիմերային նյութից. մինչև 40 մմ երկարությամբ և 38 մմ լայնությամբ, երկկողմանի ընթեռնելի նույնանման նիշերով պիտակներն ամրացվում են կենդանու ձախ ականջին` նախատեսված հատուկ դակիչով.

2) անձնագիրը` մանր եղջերավոր կենդանիների համար, որը հատկացվում է անասնապահությամբ զբաղվող ֆիզիկական կամ իրավաբանական անձանց` ականջապիտակ ունեցող յուրաքանչյուր կենդանու համար: Կենդանու անձնագրում ներառվում են կենդանու հաշվառման համարը, ծննդյան տարեթիվը, սեռը, ցեղը, տեղաշարժի մասին տվյալները, անասնաբուժական միջոցառումների անվանումները և դրանց իրականացման ժամկետները, սպանդի վերաբերյալ տեղեկատվությունը` ամիսը, ամսաթիվը, տարեթիվը: Անձնագիրը լրացնելուց հետո այն տրվում է անասնապահությամբ զբաղվող ֆիզիկական կամ իրավաբանական անձանց կամ նրանց կողմից լիազորված անձին.

3) գրանցամատյանը, որը վարում է համայնքն սպասարկող անասնաբույժը և որում մուտքագրվում են համարակալված կենդանու անհատական տվյալները, կենդանու շարժի, սպանդի, անկման, անասնաբուժական կանխարգելիչ և ախտորոշիչ միջոցառումների անվանումներն ու իրականացման ժամկետները.

4) էլեկտրոնային տեղեկատվական համակարգը, որի միջոցով մուտքագրվում է կենդանու առողջության, համարակալման ու հաշվառման և շարժի վերաբերյալ տեղեկատվությունը, և որն ապահովում է ձևավորվող տվյալների բազայի անվտանգությունն ու պահպանումը:

(6-րդ կետը փոփ. 10.09.2020 թիվ 1493-Ն որոշում)

7. Հայաստանի Հանրապետությունում խոզերի համարակալմանը ներկայացվող պահանջների բաղկացուցիչ մասերն են`

1) ականջապիտակները` կենդանիների խմբերի համարով.

2) գրանցամատյանը, որը վարում է համայնքն սպասարկող անասնաբույժը, և որում մուտքագրվում են համարակալված կենդանիների խմբերի, կենդանիների շարժի, սպանդի, անկման վերաբերյալ տվյալները, անասնաբուժական կանխարգելիչ և ախտորոշիչ միջոցառումների անվանումներն ու իրականացման ժամկետները.

3) էլեկտրոնային տեղեկատվական համակարգը, որի միջոցով մուտքագրվում է կենդանու առողջության, համարակալման ու հաշվառման և շարժի վերաբերյալ տեղեկատվությունը, և որն ապահովում է ձևավորվող տվյալների բազայի անվտանգությունն ու պահպանումը:

8. Հայաստանի Հանրապետությունում միասմբականի կենդանիների համարակալմանը ներկայացվող պահանջների բաղկացուցիչ մասերն են`

1) միկրոչիպը. մինչև 13 մմ երկարությամբ և 2 մմ տրամագծով (բրնձի հատիկի չափ) տեղակայվում է կենսաապակուց պատրաստված պատիճի մեջ, որն օրգանիզմի համար անվնաս է, և որը ներմաշկային եղանակով ներարկվում է մեկանգամյա օգտագործման համար նախատեսված հատուկ ներարկիչի միջոցով.

2) տեսածրիչը (սկաներ), որի միջոցով հնարավորություն է ընձեռվում ընթերցելու կենդանու անհատական համարը (15 սմ-1 մ հեռավորության վրա), որն արտացոլվում է սկաների էկրանի վրա.

3) էլեկտրոնային տեղեկատվական համակարգը, որի միջոցով մուտքագրվում է կենդանու առողջության, համարակալման ու հաշվառման և շարժի վերաբերյալ տեղեկատվությունը, և որն ապահովում է ձևավորվող տվյալների բազայի անվտանգությունն ու պահպանումը:

9. Հայաստանի Հանրապետությունում տնային կենդանիների համարակալմանը ներկայացվող պահանջների բաղկացուցիչ մասերն են`

1) միկրոչիպը. մինչև 13 մմ երկարությամբ և 2 մմ տրամագծով (բրնձի հատիկի չափ) տեղակայվում է կենսաապակուց պատրաստված պատիճի մեջ, որն օրգանիզմի համար անվնաս է, և որը ներմաշկային եղանակով ներարկվում է մեկանգամյա օգտագործման համար նախատեսված հատուկ ներարկիչի միջոցով.

2) տեսածրիչը (սկաներ), որի միջոցով հնարավորություն է ընձեռվում ընթերցելու կենդանու անհատական համարը (15 սմ-1 մ հեռավորության վրա), որն արտացոլվում է սկաների էկրանի վրա.

3) էլեկտրոնային տեղեկատվական համակարգը, որի միջոցով մուտքագրվում է կենդանու առողջության, համարակալման ու հաշվառման և շարժի վերաբերյալ տեղեկատվությունը, և որն ապահովում է ձևավորվող տվյալների բազայի անվտանգությունն ու պահպանումը:

10. Լիազոր մարմնի կողմից իրականացվում է հաշվառված կենդանիների վերաբերյալ էլեկտրոնային տեղեկատվական համակարգի մշակման և տեղեկատվական համակարգի վարման կարգը:

 

III. ԱԿԱՆՋԱՊԻՏԱԿՆԵՐԻ ԵՎ ԱՆՁՆԱԳՐԵՐԻ ՓՈԽԱՐԻՆՈՒՄԸ

 

11. Եթե կենդանուն ամրացված ականջապիտակը դարձել է անընթեռնելի, վնասվել կամ կորել է, ապա անասնապահությամբ զբաղվող ֆիզիկական կամ իրավաբանական անձինք 7-օրյա ժամկետում տեղեկացնում են համայնքն սպասարկող անասնաբույժին` նոր հաշվեպիտակ ստանալու համար: Վնասված ականջապիտակը հանվում է կենդանու ականջից, և 30 օրվա ընթացքում ամրացվում է նոր ականջապիտակ` համապատասխան փոփոխություն կատարելով կենդանու անձնագրում և գրանցամատյանում:

(11-րդ կետը փոփ. 10.09.2020 թիվ 1493-Ն որոշում)

12. Եթե անասնապահությամբ զբաղվող ֆիզիկական կամ իրավաբանական անձինք կենդանու անձնագրում և հաշվառման գրանցամատյանում հայտնաբերում են գրանցումների անճշտություն, կամ անձնագիրը դարձել է օգտագործման համար ոչ պիտանի, ապա անձնագրի փոխարինման համար դիմում են համայնքն սպասարկող անասնաբույժին` ներկայացնելով փոխարինման ենթակա անձնագիրը:

(12-րդ կետը փոփ. 10.09.2020 թիվ 1493-Ն որոշում)

13. Անձնագրի կորստի դեպքում` անասնապահությամբ զբաղվող ֆիզիկական կամ իրավաբանական անձինք 7 օրվա ընթացքում դիմում են համայնքն սպասարկող անասնաբույժին և ստանում նոր անձնագիր: Նոր անձնագրում պետք է լինի «Կրկնօրինակ» նշումը:

(13-րդ կետը փոփ. 10.09.2020 թիվ 1493-Ն որոշում)

14. Համայնքն սպասարկող անասնաբույժը վնասված կամ կորած անձնագրի փոխարեն նոր անձնագիրը տալիս է 14 օրվա ընթացքում: Նոր տրված անձնագրում պետք է գրանցվեն նախկին անձնագրում ամրագրված կենդանու անհատականացման բոլոր համարները, ինչպես նաև տվյալներ իրականացված անասնաբուժական միջոցառումների մասին:

15. Կենդանու հարկադիր սպանդի կամ անկման դեպքում` անասնապահությամբ զբաղվող ֆիզիկական կամ իրավաբանական անձինք անհապաղ տեղեկացնում են համայնքն սպասարկող անասնաբույժին և 7 օրվա ընթացքում հանձնում են կենդանու անձնագիրն ու ականջապիտակը: Հանձնված անձնագրերն ու ականջապիտակներն ակտավորվում և ոչնչացվում են:

(15-րդ կետը փոփ. 10.09.2020 թիվ 1493-Ն որոշում)

16. Վնասված կամ կորած ականջապիտակները և անձնագրերը սահմանված ժամկետում նորով չփոխարինվելու, ինչպես նաև դրա վերաբերյալ համայնքն սպասարկող անասնաբույժին չտեղեկացվելու դեպքում նշված կենդանին հանվում է տեղեկատվական համակարգի հաշվառումից:

17. Այլ երկրներից ներմուծվող կենդանիները պետք է համարակալվեն 30 օրվա ընթացքում:

 

 

pin
ՀՀ կառավարություն
12.11.2015
N 1315-Ն
Որոշում