Սեղմել Esc փակելու համար:
ՎԵԴՈՒ ՋՐԱՄԲԱՐԻ ՖԻՆԱՆՍԱՎՈՐՄԱՆ ՆՊԱՏԱԿՈՎ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՎԵԴՈՒ ՋՐԱՄԲԱՐԻ ՖԻՆԱՆՍԱՎՈՐՄԱՆ ՆՊԱՏԱԿՈՎ ՀՀ ԵՎ ԶԱՐԳԱՑՄԱՆ ՖՐԱՆՍԻԱԿԱՆ ԳՈՐԾԱԿԱԼՈՒԹՅԱՆ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

 

26 նոյեմբերի 2015 թվականի N 52

 

43. ՎԵԴՈՒ ՋՐԱՄԲԱՐԻ ՖԻՆԱՆՍԱՎՈՐՄԱՆ ՆՊԱՏԱԿՈՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ԶԱՐԳԱՑՄԱՆ ՖՐԱՆՍԻԱԿԱՆ ԳՈՐԾԱԿԱԼՈՒԹՅԱՆ ՄԻՋԵՎ 75 ՄԼՆ ԵՎՐՈ ԱՐԺՈՂՈՒԹՅԱՄԲ ՎԱՐԿԱՅԻՆ ՀԱՄԱՁԱՅՆԱԳՐԻ ՆԱԽԱԳԾԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

(1-ին մաս)

 

1. Հավանություն տալ Վեդու ջրամբարի ֆինանսավորման նպատակով «Հայաստանի Հանրապետության կառավարության և Զարգացման ֆրանսիական գործակալության միջև 75 մլն եվրո արժողությամբ վարկային համաձայնագրի նախագծին` համաձայն հավելվածի:

2. Հայաստանի Հանրապետության ֆինանսների նախարարին` ստորագրել Վեդու ջրամբարի ֆինանսավորման նպատակով Հայաստանի Հանրապետության կառավարության և Զարգացման ֆրանսիական գործակալության միջև 75 մլն եվրո արժողությամբ վարկային համաձայնագիրը:

3. Հայաստանի Հանրապետության արդարադատության նախարարին` տրամադրել Վեդու ջրամբարի ֆինանսավորման նպատակով Հայաստանի Հանրապետության կառավարության և Զարգացման ֆրանսիական գործակալության միջև 75 մլն եվրո արժողությամբ վարկային համաձայնագրով նախատեսված իրավաբանական կարծիքը:

4. Հայաստանի Հանրապետության արդարադատության նախարարին` մինչև Հայաստանի Հանրապետության կառավարության և Զարգացման ֆրանսիական գործակալության միջև 75 մլն եվրո արժողությամբ վարկային համաձայնագրի ստորագրման օրը տրամադրել իրավաբանական կարծիքի նախագիծը` Հայաստանի Հանրապետության ֆինանսների նախարարությանը` Զարգացման ֆրանսիական գործակալությանը ներկայացնելու նպատակով:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2015 ԹՎԱԿԱՆԻ ՆՈՅԵՄԲԵՐԻ 27-ԻՆ

 

Հավելված

ՀՀ կառավարության

2015 թ. նոյեմբերի 26-ի նիստի

N 52 արձանագրային որոշման

 

ՀԱՄԱՁԱՅՆԱԳԻՐ N՛[*] ՆԱԽԱԳԻԾ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

(Վարկառու)

ԵՎ

ԶԱՐԳԱՑՄԱՆ ՖՐԱՆՍԻԱԿԱՆ ԳՈՐԾԱԿԱԼՈՒԹՅԱՆ

(այսուհետ` ՎԱՐԿԱՏՈՒ)

միջև

ՎԱՐԿԱՅԻՆ ՀԱՄԱՁԱՅՆԱԳԻՐ

ամսաթիվ [*]

 

Սույն Վարկային համաձայնագրում (այսուհետ` Համաձայնագիր) ոչինչ չի համարվում Զարգացման ֆրանսիական գործակալության (այսուհետ` ԶՖԳ) կողմից ներկայացված առաջարկություն կամ նախաձեռնություն: Սույն նախագիծն օգտագործվելու է որպես Վարկառուի և ԶՖԳ-ի միջև քննարկումների հիմք` վարկային համաձայնագրի պայմանների և դրույթների առնչությամբ, եթե ԶՖԳ-ն որոշում կայացնի նման վարկ տրամադրելու վերաբերյալ:

Վարկ տրամադրելու վերաբերյալ ԶՖԳ-ի որոշումը ենթակա է. (i) Ծրագրի առնչությամբ ԶՖԳ-ի գնահատման գործընթացի դրական արդյունքին; (ii) ֆինանսավորման մասին փաստաթղթերի պայմանների և դրույթների շուրջ բանակցություններին; (iii) ԶՖԳ-ի ներքին կորպորատիվ մարմինների կողմից ծրագրի հաստատմանը, և (iv) Արժույթի միջազգային շուկայի կամ կապիտալ շուկաների կամ Վարկառուի ֆինանսական պայմանների վրա ազդող անբարենպաստ փոփոխությանը կամ Հայաստանում քաղաքական իրավիճակին

Համաձայնագրում նշված գումարները և թվերը ինդիկատիվ են և կարող են փոփոխվել բանակցությունների ընթացքում: Ոչ մի պարագայում սույն Համաձայնագիրն իրենից պարտավորություն չի ներկայացնում ԶՖԳ-ի համար Վարկառուի, այլ փոխատուների/համաֆինանսավորողների կամ այլ մարմնի նկատմամբ: Սույն Համաձայնագրի նախագծի պայմանները գաղտնի են: ԶՖԳ-ն կամ Վարկառուն չպետք է ֆինանսավորման որևէ ասպեկտ բացահայտեն առանց մյուս կողմի նախնական գրավոր համաձայնության, եթե. (i) տեղեկատվության նման բացահայտումը չի պահանջվում օրենքով, կամ (ii) նման տեղեկատվության բացահայտումը անհրաժեշտ է Վարկառուի իրավական գծով խորհրդատուներին, հաշվապահներին կամ հարկային գծով խորհրդատուներին

 

ԲՈՎԱՆԴԱԿՈՒԹՅՈՒՆ

 

1. ՍԱՀՄԱՆՈՒՄՆԵՐ ԵՎ ՄԵԿՆԱԲԱՆՈՒԹՅՈՒՆՆԵՐ

1.1 Սահմանումներ

1.2 Մեկնաբանություններ

2. ՄԻՋՈՑ, ՆՊԱՏԱԿ ԵՎ ՕԳՏԱԳՈՐԾՄԱՆ ՊԱՅՄԱՆՆԵՐ

2.1 Միջոց

2.2 Նպատակ

2.3 Մոնիթորինգ

2.4 Նախապայմաններ

3. ՄԻՋՈՑՆԵՐԻ ՄԱՍՀԱՆՈՒՄ

3.1 Մասհանման գումար

3.2 Մասհանման դիմում

3.3 Վճարման ավարտ

3.4 Վճարման մեխանիզմներ.

4. ՏՈԿՈՍ

4.1 Տոկոսադրույք

4.2 Հաշվարկ և տոկոսի վճարում

4.3 Ժամկետանց վճարում և դեֆոլտի տոկոս

4.4 Տոկոսադրույքի վերաբերյալ հաղորդակցություն

4.5 Գործող ընդհանուր դրույք

5. ՎՃԱՐՆԵՐ

5.1 Պարտավճարներ

5.2 Գնահատման վճար

5.3 Կասեցման վճար

6. ՄԱՐՈՒՄ 7. ԿԱՆԽԱՎՃԱՐ ԵՎ ԿԱՍԵՑՈՒՄ

7.1 Կամավոր կանխավճար

7.2 Պարտադիր կանխավճար

7.3 Վարկառուի կողմից կասեցում

7.4 Վարկատուի կողմից կասեցում

7.5 Սահմանափակումներ

8. ԼՐԱՑՈՒՑԻՉ ՎՃԱՐՄԱՆ ՊԱՐՏԱՎՈՐՈՒԹՅՈՒՆՆԵՐ

8.1 Ծախսեր և ծախքեր

8.2 Կանխավճարի փոխհատուցում

8.3 Հարկեր և տուրքեր

8.4 Աճող ծախսեր

8.5 Արժույթի փոխհատուցում

8.6 Վճարման ամսաթվեր

9. ՆԵՐԿԱՅԱՑՈՒՑՉՈՒԹՅՈՒՆՆԵՐ ԵՎ ԵՐԱՇԽԻՔՆԵՐ

9.1 ՈՒժ և իշխանություն

9.2 Ապացույցների վավերականությունն ու ընդունելիությունը

9.3 Պարտադիր պարտավորություններ

9.4 Փաստաթղթավորման և դրոշմակնիքների բացակայություն

9.5 Միջոցների փոխանցում

9.6 Այլ պարտավորությունների հետ կապված կոնֆլիկտի բացակայություն

9.7 Գերակա օրենք և կիրարկում

9.8 Դեֆոլտի բացակայություն

9.9 Ապակողմնորոշիչ տեղեկատվության բացակայություն

9.10 Ծրագրի փաստաթղթեր

9.11 Ծրագրի լիազորություններ

9.12 Միջոցների ծագումը, կոռուպցիայի գործողություն, խարդախության կամ

հակամրցակցային գործողություն

9.13 Էական անբարենպաստ ազդեցություն

10. ՀԱՆՁՆԱՌՈՒԹՅՈՒՆՆԵՐ

10.1 Օրենքների և կարգավորումների հետ համապատասխանություն

10.2 Լիազորություններ

10.3 Ծրագրի փաստաթղթեր

10.4 Ծրագրի իրականացումը

10.5 Գնումներ

10.6 Բնապահպանական և սոցիալական պատասխանատվություն

10.7 Լրացուցիչ ֆինանսավորում

10.8 Համամասնորեն դասակարգում

10.9 Նշանակում

10.10 Ծրագրի հաշիվները

10.11 Ստուգումներ

10.12 Ծրագրի գնահատումը

10.13 Ծրագրի կառուցումը

10.14 Միջոցների ծագումը, կոռուպցիայի գործողության, խարդախության կամ

հակամրցակցային գործողության բացակայություն

10.15 Վերափոխանցում Վերջնական Շահառուի մոնիթորինգ

11. ՏԵՂԵԿԱՏՎՈՒԹՅՈՒՆ ՏՐԱՄԱԴՐԵԼՈՒ ՀԱՆՁՆԱՌՈՒԹՅՈՒՆ

11.1 Ֆինանսական տեղեկատվություն

11.2 Առաջընթացի մասին հաշվետվություն

11.3 Տարբեր տեղեկատվություն

11.4 Վերջնական Շահառուին վերաբերող տեղեկատվություն

11.5 Տարբեր տեղեկատվություն

12. ԴԵՖՈԼՏԻ ԴԵՊՔԵՐ

12.1 Դեֆոլտի դեպք

12.2 Աքսելերացիա

12.3 Դեֆոլտի դեպքի ծանուցում

13. ՄԻՋՈՑՆԵՐԻ ԿԱՌԱՎԱՐՈՒՄԸ

13.1 Վճարումներ

13.2 Հաշվանցում

13.3 Աշխատանքային օրեր

13.4 Վճարման արժույթ

13.5 Օրերի հաշվարկ

13.6 Վճարման վայր

13.7 Վճարման համակարգերի խափանման դեպք

14. ԱՅԼ ԴՐՈՒՅԹՆԵՐ

14.1 Լեզուն

14.2 Հավաստագրեր և սահմանումներ

14.3 Մասնակի կիրառում

14.4 Հրաժարման բացակայություն

14.5 Նշանակում

14.6 Իրավական ուժ

14.7 Ամբողջ համաձայնագիր

14.8 Փոփոխություններ

14.9 Գաղտնիություն - Տեղեկատվության բացահայտում

14.10 Սահմանափակման ժամանակահատված

14.11 Միջոցների ազատ փոխանցում

15. ԾԱՆՈՒՑՈՒՄՆԵՐ

15.1 Գրավոր

15.2 Առաքում

15.3 Էլեկտրոնային հաղորդակցություն

16. ԳԵՐԱԿԱ ՕՐԵՆՔ, ԿԻՐԱՐԿՈՒՄ ԵՎ ՏԵՂԻ ԸՆՏՐՈՒԹՅՈՒՆ

16.1 Գերակա օրենք

16.2 Արբիտրաժ

16.3 Տեղի ընտրություն

17. ՏԵՎՈՂՈՒԹՅՈՒՆ 18. [CAISSE AUTONOME D'AMORTISSEMENT] ԱՂՅՈՒՍԱԿ 1A - ՍԱՀՄԱՆՈՒՄՆԵՐ ԱՂՅՈՒՍԱԿ 1B - ԿԱՌՈՒՑՈՒՄ ԱՂՅՈՒՍԱԿ 2 - ԾՐԱԳՐԻ ՆԿԱՐԱԳՐՈՒԹՅՈՒՆ ԱՂՅՈՒՍԱԿ 3 - ՖԻՆԱՆՍԱՎՈՐՄԱՆ ՊԼԱՆ ԱՂՅՈՒՍԱԿ 4 - ՆԱԽԱՊԱՅՄԱՆՆԵՐ ԱՂՅՈՒՍԱԿ 5A - ՄԱՍՀԱՆՄԱՆ ՀԱՅՏԻ ՁԵՎ ԱՂՅՈՒՍԱԿ 5B - ՄԱՍՀԱՆՄԱՆ ԵՎ ԴՐՈՒՅՔԻ ՀԱՍՏԱՏՄԱՆ ՁԵՎ ԱՂՅՈՒՍԱԿ 5C - ԴՐՈՒՅՔԻ ՓՈԽԱՐԿՄԱՆ ՀԱՅՏԻ ՁԵՎ ԱՂՅՈՒՍԱԿ 5D - ԴՐՈՒՅՔԻ ՓՈԽԱՐԿՄԱՆ ՀԱՍՏԱՏՄԱՆ ՁԵՎ ԱՂՅՈՒՍԱԿ 5E - ՄԱՍՀԱՆՄԱՆ ԵՎ ԴՐՈՒՅՔԻ ՀԱՍՏԱՏՄԱՆ ՁԵՎ ԱՂՅՈՒՍԱԿ 8 - ՄԵՂՄԱՑՈՒՑԻՉ ՄԻՋՈՑԱՌՈՒՄՆԵՐ ՇՐՋԱԿԱ ՄԻՋԱՎԱՅՐԻ ԵՎ ՍՈՑԻԱԼԱԿԱՆ ՌԻՍԿԵՐԻ ԿԱՌԱՎԱՐՄԱՆ ՀԱՄԱՏԵՔՍՏՈՒՄ ԱՂՅՈՒՍԱԿ 9 - ԱԶԴԵՑՈՒԹՅԱՆ ՑՈՒՑԱՆԻՇՆԵՐԻ ՀԱՇՎԵՏՎՈՒԹՅԱՆ ՁԵՎ

 

Վարկային համաձայնագիր

 

(1) Հայաստանի Հանրապետության

Ի դեմս` պրն. Գագիկ Խաչատրյանի, որպես Հայաստանի Հանրապետության ֆինանսների նախարար, ով պատշաճ կերպով լիազորված է ստորագրելու սույն համաձայնագիրը

(«Հայաստանի Հանրապետություն» կամ «Վարկառու»);

 

և

 

(2) Զարգացման ֆրանսիական գործակալության, ֆրանսիական հանրային կազմակերպության, որը ղեկավարվում է ֆրանսիական օրենսդրությամբ, և որի գրանցված գրասենյակը գտնվում է 5, Rue Roland Barthes, 75598 Paris Cedex 12, France, հասցեում, գրանցված Փարիզի առևտրի և ընկերությունների ռեգիստրում 775 665 599 համարի տակ, ի դեմս [M. Pascal PACAUT]-ի, որպես Զարգացման ֆրանսիական գործակալության Ասիայի վարչության տնօրեն, ով պատշաճ կերպով լիազորված է ստորագրելու սույն համաձայնագիրը

 

(«ԶՖԳ» կամ «Վարկատու»);

 

միջև

 

(այսուհետ` միասին «Կողմեր» և յուրաքանչյուրն առանձին` «Կողմ»);

 

Հաշվի առնելով, որ

 

Ա. Վարկառուն մտադիր է բարելավել ազգային գյուղական ոռոգման համակարգի կայունությունը մի քանի ամբարտակների կառուցումը ֆինանսավորելու միջոցով, մասնավորապես Արարատյան դաշտավայրում Վեդիի ջրամբարը («Ծրագիր»)` ըստ Հավելված 2-ում (Ծրագրի նկարագիր) նկարագրվածի:

Բ. Վարկառուն դիմել է Վարկատուին Ծրագիրն ամբողջությամբ ֆինանսավորելու նպատակով գումար տրամադրելու վերաբերյալ,

Գ. ԶՖԳ Կառավարման խորհրդի` 2015 թվականի հունվարի 29-ի թիվ C20150008 որոշման համաձայն` Վարկատուն համաձայնվել է գումարը հասանելի դարձնել Վարկառուի համար` սույն համաձայնագրի դրույթներին և պայմաններին համապատասխան:

 

Սույնով Կողմերը Համաձայնում են հետևյալի շուրջ`

 

1. ՍԱՀՄԱՆՈՒՄՆԵՐ ԵՎ ՄԵԿՆԱԲԱՆՈՒԹՅՈՒՆՆԵՐ

 

1.1 Սահմանումներ

Սույն Համաձայնագրում մեծատառով օգտագործվող բառերը և արտահայտությունները (այդ թվում` վերոգրյալ դեկլարատիվ դրույթներում և Հավելվածներում օգտագործվողները) կրում են Հավելված 1Ա-ով (Սահմանումներ) իրենց տրված իմաստը, բացառությամբ սույն Համաձայնագրով նախատեսված այլ դեպքերի:

 

1.2 Մեկնաբանություն

Սույն Համաձայնագրում օգտագործվող բառերը և արտահայտությունները պետք է մեկնաբանվեն Հավելված 1Բ-ի (Մեկնաբանություն) դրույթներին համապատասխան, բացառությամբ այլ դեպքերի, երբ առկա է այլ մեկնաբանություն:

 

2. ՄԻՋՈՑ, ՆՊԱՏԱԿ ԵՎ ՕԳՏԱԳՈՐԾՄԱՆ ՊԱՅՄԱՆՆԵՐ

 

2.1 Միջոց

Սույն Համաձայնագրի դրույթների համաձայն` Վարկատուն Վարկառուին տրամադրում է առավելագույնը յոթանասունհինգ միլիոն եվրո (75 մլն եվրո) չափով գումար:

 

2.2 Նպատակ

Փոխառված ամբողջ գումարը Վարկառուն պետք է օգտագործի բացառապես ֆինանսավորման նպատակով, բացառությամբ հարկերի` Հավելված 2-ում սահմանված Ծրագրի նկարագրին (Ծրագրի Նկարագիր) և Հավելված 3-ում սահմանված Ֆինանսական պլանին (Ֆինանսական պլան) համապատասխան:

Այդ միջոցները պետք է հասանելի լինեն ՀՀ ֆինանսների նախարարությանը իր և Ծրագիրն իրականացնող գործակալության հայցով: Ծրագիրը պետք է տնօրինվի Հայաստանի Հանրապետությունում, իսկ շահառուն պետք է լինի ՀՀ գյուղատնտեսության ջրային տնտեսության պետական կոմիտեն:

 

2.3 Մշտադիտարկում

Վարկատուն պատասխանատվություն չի կրում փոխառված որևէ գումարի օգտագործման համար, որը հակասում է սույն համաձայնագրի դրույթներին:

 

2.4 Նախապայմաններ

(a) Ստորագրման օրվանից ոչ ուշ, Վարկառուն Վարկատուին պետք է տրամադրի Հավելված 4-ի Մաս I-ով (Նախապայմաններ) սահմանված բոլոր փաստաթղթերը:

(b) Մասհանման հայտը չպետք է ուղարկվի Վարկատուին, եթե`

(i) առաջին մասհանման դեպքում` Վարկատուն չի ստացել Հավելված 4-ի Մաս II-ով, III-ով և V-ով (Նախապայմաններ) սահմանված բոլոր փաստաթղթերը և ծանուցել Վարկառուին, որ վերջիններս բավարար են իրենց ձևով և բովանդակությամբ;

(ii) յուրաքանչյուր երկրորդ մասհանման դեպքում` Վարկատուն չի ստացել Հավելված 4-ի Մաս VI-ով և V-ով (Նախապայմաններ) սահմանված բոլոր փաստաթղթերը և ծանուցել Վարկառուին, որ վերջիններս բավարար են իրենց ձևով և բովանդակությամբ; և

(iii) յուրաքանչյուր հաջորդ մասհանման դեպքում` Վարկատուն չի ստացել Հավելված 4-ի Մաս V-ով (Նախապայմաններ) սահմանված բոլոր փաստաթղթերը և ծանուցել Վարկառուին, որ վերջիններս բավարար են իրենց ձևով և բովանդակությամբ; և

(iv) Մասհանման հայտի և համապատասխան Մասհանման համար առաջարկված Մասհանման ամսաթվի դրությամբ, չի առաջացել Վճարման համակարգերի խաթարման դեպք, իսկ սույն Համաձայնագրով սահմանված պայմանները կատարվել են, ներառյալ`

(1) Դեֆոլտի դեպք չի շարունակվում կամ չի ծագել առաջարկված Մասհանման արդյունքում;

(2) Մասհանման հայտը կատարվել է 3.2 (Մասհանման հայտ) Հոդվածի դրույթներին համապատասխան;

(3) Հոդված 9-ի առնչությամբ Վարկառուի կողմից տրամադրված յուրաքանչյուր ներկայացված փաստաթուղթ ճշգրիտ է (Ներկայացուցչություններ և երաշխիքներ);

 

3. ՄԻՋՈՑՆԵՐԻ ՄԱՍՀԱՆՈՒՄ

 

3.1 Մասհանման գումար

Գումարը հասանելի կդառնա Վարկառուի համար Հասանելիության ժամանակահատվածում, մի քանի մասհանումներով, պայմանով, որ մասհանումների թիվը չպետք է գերազանցի քսանը (20):

Առաջարկվող մասհանման գումարը պետք է լինի առնվազն երեք միլիոն եվրո (3.000.000 եվրո) կամ հասանելի վարկի չափով գումար, եթե այդ գումարը երեք միլիոն եվրոյից (3.000.000 եվրո) պակաս է:

 

3.2 Մասհանման հայտ

2.4 (բ) (ii) (Նախապայմաններ) Հոդվածի պայմանների բավարարման դեպքում Վարկառուն կարող է մասհանել գումարը` Վարկատուին պատշաճորեն լրացված Մասհանման հայտ ներկայացնելով: Յուրաքանչյուր Մասհանման հայտը ՀՀ գյուղատնտեսության նախարարության ջրային տնտեսության պետական կոմիտեի և Ծրագիրն իրականացնող գործակալության կողմից պետք է ներկայացվի ԶՖԳ տնօրենին 15.1 (Գրավոր կերպով և հասցեներ) Հոդվածում սահմանված հասցեով:

Յուրաքանչյուր Մասհանման հայտ անհետկանչելի է և կհամարվի պատշաճորեն լրացված, եթե.

(a) Մասհանման հայտը իր բովանդակությամբ համապատասխանում է 5Ա Հավելվածում (Մասհանման հայտի ձև) սահմանված ձևին;

(b) Մասհանման հայտը Վարկատուի կողմից ստացվել է Մասհանման վերջնաժամկետի ավարտից առնվազն տասնհինգ (15) աշխատանքային օր առաջ:

(c) Մասհանման առաջարկվող ամսաթիվը Հասանելիության ժամանակահատվածում աշխատանքային օրն է;

(d) Մասհանման գումարը համապատասխանում է 3.1 (Մասհանման գումարներ) Հոդվածին; և

(e) Մասհանման նպատակով Հավելված 4-ի (Նախապայմաններ) Առաջին մասհանման Մաս II-ով, III-ով և V-ով, երկրորդ մասհանման IV-ով և V-ով, Բոլոր մասհանումների Մաս V-ով սահմանված բոլոր փաստաթղթերը կցված են Մասհանման հայտին, համապատասխանում են վերոնշյալ Հավելվածին և 3.4 Հոդվածի պահանջներին, և իրենց ձևով և բովանդակությամբ բավարար են վարկատուի համար;

Ցանկացած փաստաթղթային ապացույց, ինչպիսիք են հաշիվները կամ հաշիվ-ապրանքագրերը, պետք է ունենան համապատասխան վճարման հանձնարարագրի հղման թիվն ու ամսաթիվը: Վարկառուն պահպանում է փաստաթղթային ապացույցների բնօրինակները, ցանկացած պահի դրանք հասանելի է դարձնում Վարկատուի համար, և Վարկատուի դիմումի հիման վրա տրամադրում է վերջինիս այդ ապացույցների հաստատված պատճենները կամ կրկնօրինակները:

 

3.3 Վճարման ավարտ

 

Հոդված 13.7-Ի (Վճարման համակարգերի խաթարման դեպք) համաձայն` սույն համաձայնագրի 2.4 (բ) (Նախապայմաններ) Հոդվածով սահմանված բոլոր պայմանների կատարման դեպքում Վարկատուն հասանելի է դարձնում պահանջվող Մասհանումը Վարկառուի համար` Մասհանման ամսաթվից ոչ ուշ:

Վարկատուն պետք է տրամադրի Վարկառուին Մասհանման հաստատման նամակ Հավելված 5 Բ-ով (Մասհանման և դրույքի հաստատման ձև) սահմանված ձևով: Այդ նամակը պետք է փոստով ուղարկվի Վարկառուին և հաստատվի էլեկտրոնային եղանակով` համաձայն սույն Համաձայնագրի 15-րդ հոդվածի: Այն անձինք, որոնք իրավասու են Մասհանման հայտ ներկայացնել և ստանալ Մասհանման հաստատումը, պետք է նշանակված լինեն սույն Համաձայնագրի 4-րդ Աղյուսակի Մաս II-i (a) (i) մասում նշված փաստաթղթում:

 

3.4 Վճարման մեխանիզմներ

Գումարը հասանելի է դառնում հետևյալ դրույթներից մեկի համաձայն`

 

3.4.1 Վարկառուի ծախսերի վերաֆինանսավորում

Վարկառուն թույլատրելի ծախսերի վերաֆինանսավորման նպատակով իրավասու է մասհանման հայտ ներկայացնել միայն Առաջին մասհանման նպատակով: Մասհանման առաջին հայտը պետք է ներառի թույլատրելի ծախսերի վերաֆինանսավորման նպատակով հայցվող գումարը և սույն Համաձայնագրի Հոդվածում 3.4.2.2-ում (Նախնական Կանխավճար) սահմանված նախնական կանխավճարը: Թույլատրելի ծախսերի և Նախնական Կանխավճարի վերաֆինանսավորման ընդհանուր արժեքը չպետք լինի պակաս քան 3,000,000 մլն եվրոն:

Գումարը Վարկառուին վճարվում է ուղղակիորեն Ծախսերի վերաֆինանսավորման համար նախատեսված Ծրագրի հաշվին սույն Համաձայնագրի դրույթների և պայմանների համաձայն, պայմանով, որ Մասհանման հայտում նշված Վարկառուի կողմից թույլատրելի ծախսերի վճարման ապացույցները ներկայացվել են Վարկատուին վերջինիս համար բավարար ձևով և բովանդակությամբ: Անհրաժեշտության դեպքում Վարկառուն յուրաքանչյուր Մասհանման հայտին պետք է կցի Հավելված 4-ի (Նախապայմաններ) Մաս II-ով և/կամ Մաս III-ով սահմանված փաստաթղթերը:

Վարկառուն Թույլատրելի ծախսերի և նախնական կանխավճարի վերաֆինանսավորման նպատակով Առաջին Մասհանման հայտին պետք է կցի Հավելված 4-ի (Նախապայմաններ) Մաս II-ով, III-ով և V-ով սահմանված փաստաթղթերը:

Եթե Վարկառուն դիմել է իր կողմից կատարված այնպիսի թույլատրելի ծախսերի վերաֆինանսավորման համար, որոնք կատարվել են եվրոյից բացի այլ արժույթով, Վարկառուն պետք է փոխարկի նման թույլատրելի ծախսերի գումարը եվրոյով համարժեք գումարի` կիրառելով Եվրոպական կենտրոնական բանկի կողմից կիրառվող համապատասխան արժույթի փոխարժեքը, իսկ ձախողելու դեպքում` համապատասխան արժույթի երկրի կենտրոնական բանկի կողմից կիրառվող փոխարժեքով` Մասհանման հայտի ամսաթվի դրությամբ:

Վարկատուն կարող է դիմել Վարկառուին տրամադրելու այլ ապացույցներ վկայելով, որ համապատասխան թույլատրելի ծախսերին առնչվող աշխատանքներն ու ծառայություններն իրականացվել են:

 

3.4.2 Վերականգնվող կանխավճարներ

Վարկատուի կողմից Միջոցները պետք է հասանելի դառնան կանխավճարների («Կանխավճար(ներ)») տեսքով, որոնք պետք է փոխանցվեն Ծրագրի հաշվին (ինչպես սահմանված է ստորև):

 

3.4.2.1 Ծրագրի հաշվի բացում

Վարկառուն ՀՀ կենտրոնական բանկում պետք է բացի և պահպանի Ծրագրի անունով հաշիվ («Հաշվի Բանկ»): Այդ հաշիվը պետք է լինի ՀՀ ֆինանսների նախարարության գանձապետարանում Ծրագրի անունով բացված և եվրոյով արտահայտված միասնական գանձապետական ենթահաշիվ: Ծրագրի հաշիվը պետք է ծառայի միայն (i) Մասհանումների գումարների ստացման և (ii) թույլատրելի ծախսերի վճարման համար:

Այսուհետ Վարկառուն պարտավորվում է հրաժարվել և երաշխավորել, որ Հաշվի բանկը հրաժարվի հաշվանցման ցանկացած իրավունք, որ կարող է ունենալ նման կողմը Ծրագրի հաշվի, ինչպես նաև Հաշվի բանկում Վարկառուի անունից բացված ցանկացած այլ հաշվի առնչությամբ, կամ Վարկառուի ցանկացած այլ պարտքի նկատմամբ:

 

3.4.2.2 Նախնական կանխավճար

Վարկատուն Ծրագրի հաշվին է վճարում 10 միլիոն եվրո գումարի չափով նախնական կանխավճար (10.000.000 եվրո)` պայմանով, որ 2.4 (Նախապայմաններ) Հոդվածով սահմանված պայմանները կատարված են:

 

3.4.2.3 Հավելյալ կանխավճարներ

Հավելյալ կանխավճարները կատարվում են Վարկառուի դիմումի հիման վրա, որոնք ենթակա են 2.4 (Նախապայմաններ) Հոդվածով սահմանված պայմանների կատարմանը:

 

3.4.2.4 Վերջնական կանխավճար

Բացառությամբ այն դեպքերի, երբ Վարկատուի հետ ձեռք է բերվել այլ համաձայնություն, վերջնական կանխավճարը պետք է կատարվի մյուս կանխավճարների վճարման պայմաններին համապատասխան և, անհրաժեշտության դեպքում, պետք է հաշվի առնի Ծրագրի ֆինանսավորման պլանում Կողմերի միջև համաձայնեցված ցանկացած փոփոխություն:

 

3.4.2.5 Կանխավճարների օգտագործման հիմնավորում

Վարկառուն համաձայնվում է Վարկատուին ներկայացնել հետևյալը`

(i) վերջնական կանխավճարի մասհանման ամսաթվից ոչ ուշ, քան վեց (6) ամիս հետո Վարկառուի լիազորված ներկայացուցչի կողմից ստորագրված հավաստագիր, որը կփաստի, որ և նախավերջին, և վերջնական կանխավճարների գումարի հարյուր տոկոսն (100%) օգտագործվել է` տրամադրելով համապատասխան ժամանակահատվածում Թույլատրելի ծախսերի համար վճարված գումարների վերաբերյալ մանրամասն բացվածք, և

(ii) վերոգրյալ (i) ենթապարբերությունում նշված հավաստագրի տրամադրումից ոչ ուշ, քան երեք (3) ամիս հետո, Վարկառուի կողմից նշանակված անկախ և հեղինակավոր աուդիտորական ընկերության կողմից իրականացված վերջնական աուդիտորական հաշվետվություն («Վերջնական աուդիտորական հաշվետվություն»), որը ենթակա է աուդիտորական առաքելության տեխնիկական առաջադրանքի, ինչպես նաև Վարկառուի կողմից նշանակված աուդիտորական ընկերության նշանակման առնչությամբ Վարկատուի դիտողություններ չունենալուն: Նշանակված աուդիտորական ընկերությունը պետք է հաստատի, որ միջոցների ներքո մասհանված և Ծրագրի հաշվին փոխանցված գումարները օգտագործվել են սույն Համաձայնագրի դրույթներին համապատասխան:

 

3.4.2.6 Կիրառվող փոխարժեք

Եթե թույլատրելի ծախսերից որևէ մեկը արտահայտված է եվրոյից բացի այլ արժույթով, Վարկառուն պետք է փոխարկի հաշիվ-ապրանքագրի գումարը եվրոյով համարժեք գումարով` կիրառելով Հայաստանի կենտրոնական բանկի կողմից կիրառվող համապատասխան արժույթի փոխարժեքը, իսկ ձախողելու դեպքում` համապատասխան արժույթի երկրի կենտրոնական բանկի կողմից կիրառվող փոխարժեքը` համապատասխան հաշիվ-ապրանքագրի ամսաթվի դրությամբ:

 

3.4.2.7 Օգտագործման վերջնաժամկետ

Վարկառուն համաձայն է, որ Կանխավճարների ձևով վճարված բոլոր միջոցները պետք է ամբողջությամբ օգտագործվեն Թույլատրելի ծախսերը վճարելու համար` Մեկնարկի ամսաթվից ոչ ուշ, քան 6 ամիս հետո:

 

3.4.2.8 Հսկողություն-աուդիտ

Վարկառուն համաձայն է, որ Մասհանման ժամանակահատվածում Ծրագրի հաշիվը պետք է աուդիտի ենթարկվի տարեկան կտրվածքով: Դրանք պետք է իրականացվեն Վարկառուի կողմից նշանակված անկախ և հեղինակավոր աուդիտորական ընկերության կողմից, որը ենթակա է աուդիտորական առաքելության տեխնիկական առաջադրանքի իրականացման, ինչպես նաև Վարկառուի կողմից նշանակված աուդիտորական ընկերության նշանակման առնչությամբ Վարկատուի դիտողություններ չունենալուն: Աուդիտի հետ կապված բոլոր վճարները պետք է կատարվեն Վարկառուի կողմից: Աուդիտորական ընկերությունը պետք է հաստատի, որ Միջոցների ներքո ստացված և Ծրագրի հաշվին փոխանցված գումարները օգտագործվել են սույն Համաձայնագրի դրույթներին համապատասխան:

Աուդիտորական հաշվետվությունները պետք է հասանելի դառնան յուրաքանչյուր ֆիսկալ տարվա վերջին օրվանից հետո ոչ ուշ, քան երեք (3) ամսվա ընթացքում:

Մասհանման ժամանակահատվածի ընթացքում Վարկատուն կարող է իրականացնել, կամ ապահովել, որպեսզի երրորդ կողմն իր անունից և Վարկառուի հաշվին իրականացնի պատահական ստուգումներ, բացի փաստաթղթային ապացույցների պարբերական վերահսկողությունից:

 

3.4.2.9 Մինչ օգտագործման վերջնաժամկետը կանխավճարների օգտագործման հիմնավորման ներկայացման ձախողում

Վարկատուն կարող է Վարկառուից պահանջել ետ վճարել բոլոր այն գումարները, որոնց օգտագործումը պատշաճ կամ բավարար կերպով հիմնավորված չէ` 3.4.2.7 (Օգտագործման վերջնաժամկետ) Հոդվածով որպես օգտագործման վերջնաժամկետ սահմանված ամսաթվի դրությամբ Ծրագրի հաշվին առկա բոլոր մյուս գումարների հետ միասին: Վարկառուն պետք է Վարկատուին ետ վճարի այդ գումարները` Վարկատուից նման ծանուցում ստանալու օրվանից հետո քսան (20) օրացուցային օրվա ընթացքում: Սույն Հոդվածի ներքո Վարկառուի կողմից կատարված ցանկացած վճարում համարվում է Պարտադիր կանխավճար 7.2 (Պարտադիր կանխավճար) Հոդվածի դրույթներին համապատասխան:

 

3.4.2.10 Փաստաթղթերի պահպանում

Վարկառուն պետք է պահպանի Ծրագրի հաշվին և կանխավճարների օգտագործմանն առնչվող փաստաթղթային ապացույցները և այլ փաստաթղթերը` վերջնական կանխավճարի Մասհանման ամսաթվից հետո տասը (10) տարի ժամկետով:

Վարկատուի դիմումի հիման վրա` Վարկառուն պարտավորվում է ներկայացնել նման փաստաթղթային ապացույցները և այլ փաստաթղթերը Վարկատուին կամ վերջինիս կողմից նշանակված ցանկացած աուդիտորական ընկերության:

 

4. ՏՈԿՈՍ

 

4.1 Տոկոսադրույք

4.1.1 Ֆիքսված տոկոսադրույք

Յուրաքանչյուր մասհանման նկատմամբ կիրառելի տոկոսադրույքը պետք է լինի ստորագրման օրվանից մինչև համապատասխան դրույքի սահմանման օրն ընկած ժամանակահատվածում ինդեքսային դրույքի տատանումից ավելացող կամ նվազող ֆիքսված կողմնորոշիչ դրույքը:

Վարկառուն յուրաքանչյուր Մասհանման հայտում կարող է նշել ֆիքսված տոկոսադրույքի համար առավելագույն գումարը: Եթե դրույքի սահմանման օրվա դրությամբ հաշվարկված ֆիքսված տոկոսադրույքը գերազանցում է համապատասխան Մասհանման պահանջում նշված ֆիքսված տոկոսադրույքի առավելագույն գումարը, ապա նման Մասհանման հայտը պետք է չեղյալ հայտարարվի, և չեղյալ հայտարարված Մասհանման հայտում նշված գումարը պետք է հաշվեգրվի Հասանելի վարկին:

 

4.1.2 Նվազագույն տոկոսադրույք և առավելագույն տոկոսադրույք

4.1.1 Հոդվածի (Ֆիքսված տոկոսադրույք) համաձայն սահմանված տոկոսադրույքը չպետք է.

. գերազանցի տարեկան 6.25 տոկոսը, որը ստորագրման օրվա դրությամբ ըստ Պաշտոնական Զարգացման Աջակցության OECD/DAC-ի չափանիշների նշյալ Միջոցների համար առավելագույն կիրառելի տոկոսադրույքն է, կամ

. ավելի ցածր լինի, քան զրո ամբողջ տոկոսը (0.25%)` անկախ տոկոսադրույքի նվազումից:

 

4.2 Տոկոսի հաշվարկը և վճարումը

Վարկառուն պետք է վճարի Մասհանման (Մասհանումների) կուտակված տոկոսները յուրաքանչյուր Վճարման օր:

Համապատասխան Վճարման օրը և համապատասխան Տոկոսի ժամկետի համար Վարկառուի կողմից վճարման ենթակա տոկոսագումարը պետք է հավասար լինի յուրաքանչյուր Մասհանման դեպքում չմարված մայր գումարի նկատմամբ Վարկառուի կողմից փոխառված տոկոսագումարին: Յուրաքանչյուր Մասհանման դեպքում Վարկառուի կողմից փոխառված տոկոսը պետք է հաշվարկվի հետևյալի հիման վրա`

(i) Վճարմանն անմիջապես նախորդող ամսաթվի կամ, առաջին Տոկոսի ժամկետի դեպքում, համապատասխան մասհանման ամսաթվի դրությամբ համապատասխան Մասհանմանն առնչվող Վարկառուի կողմից փոխառված չմարված մայր գումարը;

(ii) տարին երեք հարյուր վաթսուն (360) օր սկզբունքով համապատասխան տոկոսի ժամկետի ընթացքում կուտակված օրերի ճշգրիտ թիվը, և

(iii) Հոդված 4.1-ի (Տոկոսադրույք) դրույթների համաձայն սահմանված կիրառելի Տոկոսադրույքը:

 

4.3 Ժամկետանց վճարում և տույժի տոկոս

(a) Չվճարված բոլոր գումարների (բացառությամբ տոկոսի) դիմաց ժամկետանց վճարում և դեֆոլտի տոկոս

Եթե սույն Համաձայնագրի ներքո Վարկառուն ձախողում է սահմանված ժամկետում Վարկատուին իր կողմից վճարման ենթակա ցանկացած գումարի վճարումը (լինի դա մայր գումարի վճարում, Կանխավճարային փոխհատուցում, ցանկացած վճարներ կամ ցանկացած տեսակի ընթացիկ ծախսեր, բացառությամբ ցանկացած չվճարված ժամկետանց տոկոսների), օրենքով թույլատրելի չափով տոկոսները կգումարվեն ժամկետանց գումարին համապատասխան օրվանից մինչև փաստացի վճարման օրը (երկուսն էլ արբիտրաժի վճռից առաջ կամ հետո` առկայության դեպքում)` ընթացիկ Տոկոսային ժամկետում կիրառելի տոկոսադրույքին գումարած 3,5 տոկոս (ժամկետանց վճարման տոկոս): Վարկատուի կողմից որևէ պաշտոնական նախնական ծանուցման անհրաժեշտություն չի լինի:

(b) Ժամկետանց վճարում և չվճարված ժամկետանց տոկոսի նկատմամբ տույժի տոկոս

Սահմանված ժամկետում չվճարված տոկոսին օրենքով թույլատրելի չափով ավելանում է տոկոս, որը հաշվարկվում է ընթացիկ Տոկոսի ժամկետում կիրառելի տոկոսադրույքին (տույժի տոկոս) գումարած 3,5 տոկոս (ժամկետանց վճարման տոկոս)` այն չափով, որ նման տոկոսը ենթակա է եղել վճարման առնվազն մեկ (1) տարի շարունակ: Վարկատուի կողմից որևէ պաշտոնական նախնական ծանուցման անհրաժեշտություն չի լինի:

 

4.3 Հոդվածի (ժամկետանց վճարում և տույժի տոկոս) ներքո Վարկառուն կվճարի ցանկացած չվճարված տոկոս Վարկատուի պահանջից անմիջապես հետո կամ չվճարված վճարման համար սահմանված ամսաթվին հաջորդող յուրաքանչյուր Վճարման ամսաթվին:

(c) Վարկատուի կողմից ժամկետանց վճարման տոկոսի կամ տույժի տոկոսի ցանկացած վճարման ստացումը չի ենթադրում Վարկառուին վճարման երկարաձգման տրամադրում և չի հանդիսանում Վարկատուի իրավունքներից շեղում:

 

4.4 Տոկոսադրույքի վերաբերյալ տեղեկատվության տրամադրում

Վարկատուն պետք է անմիջապես Վարկառուին ծանուցի սույն Համաձայնագրի համաձայն յուրաքանչյուր Տոկոսադրույքի որոշման մասին:

 

4.5 Գործող ընդհանուր դրույք

Ֆրանսիական սպառողական օրենսգրքի L.313-1, L.313-2 և R.313-1 հոդվածներին և Ֆրանսիական դրամավարկային և ֆինանսական օրենսգրքի L. 313-4 Հոդվածին չհակասելու նպատակով` Վարկատուն տեղեկացնում է Վարկառուին, և Վարկառուն ընդունում է, որ Միջոցների նկատմամբ կիրառելի գործող ընդհանուր դրույքը կարող է հաշվարկվել տարեկան [*լրացնել տառերով] տոկոս դրույքով ([*]լրացնել թվերով-%)`տարին երեք հարյուր վաթսունհինգ (365) օր սկզբունքով, և վեց (6) ամիս տևողությամբ Տոկոսի ժամկետի համար [*] լրացնել դրույքը տառերով տոկոս ([*] լրացնել դրույքը թվերով-%) դրույքով, որը ենթակա է հետևյալին`

(a) Վերը նշված դրույքները տրամադրված են միայն տեղեկատվական նպատակներով;

(b) վերոնշյալ դրույքները հաշվարկվում են այն հիմքով, որ

(i) Միջոցների մասհանումը ամբողջական է Ստորագրման ամսաթվին;

(ii) Վարկառուի համար հասանելի որևէ Մասհանում չի կրում տոկոս լողացող դրույքի վրա, և

(iii) Միջոցների ընթացքում ֆիքսված դրույքը հավասար է [*] տոկոսի ([*]%); և

(c) Վերոնշյալ դրույքները հաշվի են առնում սույն Համաձայնագրի ներքո Վարկառուի կողմից վճարման ենթակա կոմիսիոն վճարները և ծախսերը` ընդունելով, որ նման կոմիսիոն վճարները և ծախսերը կմնան ֆիքսված և կկիրառվեն մինչև սույն Համաձայնագրի ժամկետի լրանալը:

 

5. ՎՃԱՐՆԵՐ

 

5.1 Պարտավճար

Ստորագրման ամսաթվից սկսած 2 ամիսը լրանալու հաջորդող առաջին օրը Վարկառուն Վարկատուին պետք է վճարի տարեկան զրո ամբողջ հինգ (0,5%) պարտավճար:

Պարտավճարը կհաշվարկվի վերը նշված դրույքով` անցած օրերի փաստացի թվի համար համամասնորեն բաշխված Հասանելի վարկի գումարի նկատմամբ` գումարած որևէ առկախված Մասհանման հայտի համաձայն Վարկատուի կողմից տրամադրված որևէ մասհանման գումարը:

Առաջին պարտավճարը կհաշվարկվի (i) Ստորագրման ամսաթվին հաջորդող 2 ամիսը լրանալու հաջորդ օրվանից սկսած մինչև (ii) Վճարման ամսաթվին անմիջապես հաջորդող ամսաթիվը (ներառյալ) ընկած ժամանակահատվածի համար: Հաջորդ պարտավճարները կհաշվարկվեն Վճարման ամսաթվին անմիջապես հաջորդող ամսաթվից սկսած (ներառյալ) և ավարտվում մինչև հաջորդ Վճարման ամսաթիվը (ներառյալ) ընկած ժամանակահատվածների համար:

Կուտակված պարտավճարը ենթակա է վճարման` (i) Հասանելիության ժամկետում յուրաքանչյուր Վճարման ամսաթվին; (ii) Մասհանման ժամկետի վերջին օրվան հաջորդող Վճարման ամսաթվին, և (iii) Հասանելի վարկն ամբողջությամբ չեղյալ հայտարարվելու դեպքում նման չեղյալ հայտարարումն ուժի մեջ մտնելու ամսաթվին հաջորդող Վճարման ամսաթվին:

 

5.2 Գնահատման վճար

Ստորագրման ամսաթվից ոչ ուշ քան մեկ ամիս Վարկառուն պետք է Վարկատուին վճարի գնահատման վճար` զրո ամբողջ հինգ տոկոսի չափով (0,5%), որը հաշվարկվում է Միջոցների առավելագույն գումարի նկատմամբ, ինչպես նաև այն ծախսերի արժեքը (ներառյալ օրինական վճարները), որոնք ծագել են Վարկատուի կողմից կապված համաձայնագրի ստորագրման նախապատրաստման, բանակցման հետ` ինչպես սահմանված է Համաձայնագրի Հոդված 7.2-ի (b) «Լրացուցիչ ծախսեր» առաջին պարբերությունում:

 

5.3 Կասեցման վճար

Եթե 7.3 Հոդվածի (Վարկառուի կողմից կասեցում) դրույթների և/կամ 7.4 Հոդվածի (Վարկատուի կողմից կասեցում) (c) և պարբերությունների համաձայն Միջոցները ամբողջությամբ կամ մասնակի կասեցվում են (d), Վարկառուն պետք է վճարի կասեցման վճար` որը հավասար է Միջոցների կասեցված գումարի երկու ամբողջ հինգ տոկոսին (2.5%):

Որպես բացառություն վերոնշյալ պարբերության` եթե Միջոցները կասեցվում են մասնակի Հոդված 7.4-ի (Վարկատուի կողմից կասեցում) պարբերության պայմաններին համապատասխան (a) և եթե Հասանելի վարկը չի գերազանցում ամբողջ միջոցների 15%-ը, ապա կասեցման վճար չի կիրառվի:

Յուրաքանչյուր կասեցման վճար ենթակա է վճարման Միջոցների ամբողջությամբ կամ մասնակի կասեցմանն անմիջապես հաջորդող Վճարման ամսաթվին:

 

6. ՄԱՐՈՒՄ

 

Արտոնյալ ժամանակահատվածը լրանալուց հետո Վարկառուն պետք է Վարկատուին ետ վճարի Միջոցների մայր գումարը քսանութ (28) կիսամյակային մասնաբաժիններով, որոնք ենթակա են վճարման յուրաքանչյուր Վճարման ամսաթվին:

Առաջին մասնաբաժինը ենթակա է վճարման 2021թ. նոյեմբերի 30-ին, իսկ վերջին մասնաբաժինը` 2035թ. մայիսի 31-ին:.

Մասհանման ժամկետի ավարտին Վարկատուն պետք է Վարկառուին տրամադրի Միջոցների մարման ժամանակացույց` հաշվի առնելով, առկայության դեպքում, 7.3 Հոդվածի (Վարկառուի կողմից կասեցում) և/կամ 7.4 Հոդվածի (Վարկատուի կողմից կասեցում) համաձայն Միջոցների ցանկացած հնարավոր կասեցում:

 

7. ՄԱՐՈՒՄ ԵՎ ԿԱՍԵՑՈՒՄ

 

7.1 Կամավոր կանխավճար

Նախքան 2025թ. մայիսի 31-ը չի թույլատրվում Միջոցների ամբողջական կամ մասնակի կանխավճար:

Արտոնյալ ժամանակահատվածի վերջին օրվանից սկսած` Վարկառուն կարող է կատարել Միջոցների ամբողջական կամ մասնակի կանխավճար` հետևյալ պայմաններից ելնելով`

(a) Վարկառուն կանխավճարի նախատեսված ամսաթվից որ պակաս, քան երեսուն (30) Աշխատանքային օր առաջ գրավոր և անհետկանչելի ծանուցման միջոցով Վարկատուին ծանուցում է կանխավճար կատարելու իր մտադրության մասին;

(b) Կանխավճարի գումարը պետք է հավասար լինի մայր գումարի մեկ կամ մի քանի մասնաբաժիններին;

(c) Կանխավճարի նախատեսված ամսաթիվը պետք է լինի Վճարման ամսաթիվը;

(d) բոլոր կանխավճարները պետք է կատարվեն սույն Համաձայնագրի ներքո կուտակված տոկոսների, կանխավճարի գումարի հետ կապված, ցանկացած վճարների, փոխհատուցումների և ծախսերի վճարման հետ միասին;

(e) վճարման որևէ խախտում տեղի չի ունեցել կամ տեղի չի ունենում; և

(f) մասնակի կանխավճարի դեպքում Վարկառուն պետք է Վարկառուին բավարարող ապացույց տրամադրած լիներ առ այն, որ ունի Ծրագրի ֆինանսավորման նպատակով բավարար միջոցներ, ինչպես սահմանված է Ֆինանսավորման պլանում:

Վճարման ամսաթվին, երբ կատարվում է կանխավճարը, Վարկառուն պետք է վճարի Հոդված 8.2-ի (Կանխավճարի փոխհատուցում) համաձայն վճարման ենթակա Կանխավճարի փոխհատուցման ամբողջ գումարը:

Վարկառուն չի կարող կրկին փոխառությամբ ստանալ նախապես վճարված կամ կասեցված Միջոցները ամբողջությամբ կամ մասնակի:

 

7.2 Պարտադիր կանխավճար

Հետևյալ դեպքերից որևէ մեկի մասին Վարկատուից ծանուցումը ստանալուն պես Վարկառուն պետք է անմիջապես ամբողջ Միջոցների կամ դրա մի մասի կանխավճար կատարի:

(a) Անօրինականություն: համաձայն իր գործող օրենքի` Վարկատուի համար անօրինական է դառնում սույն Համաձայնագրով նախատեսված իր պարտավորությունների կատարումը կամ Միջոցների ֆինանսավորումը կամ տնօրինումը;

(b) Լրացուցիչ ծախսեր: Հոդված 8.4-ում (Լրացուցիչ ծախսեր) նշված որևէ Լրացուցիչ ծախսի գումարը նշանակալիորեն մեծ է, և Վարկառուն հրաժարվել է վճարել նման Լրացուցիչ ծախսը;

(c) Դեֆոլտ: Վարկատուն հայտարարում է Դեֆոլտի դեպք` համաձայն Հոդված 12-ի (Դեֆոլտի դեպքեր);

(d) Միջոցների օգտագործման հիմնավորման ձախողում: Վարկառուն ձախողում է Վարկատուին բավարարող կերպով մինչև միջոցների օգտագործման ժամկետի լրանալը հիմնավորել տրամադրված գումարների օգտագործումը (Հոդված 3.4.2.9 (Մինչև օգտագործման վերջնաժամկետը տրամադրված միջոցների օգտագործման հիմնավորման ապահովման ձախողում);

(e) Կանխավճար` վնասի արդյունքում հասցված կորստի դեպքում:

(i) Ներքոնշյալ (ii) ենթահոդվածի համաձայն, եթե Վարկառուն Ապահովագրական քաղաքականության ներքո Ծրագրի հետ կապված վնասի արդյունքում հասցված կորստի համար ստանում է [*](1)-ը գերազանցող գումարի չափով ապահովագրական միջոցներ, Վարկառուն պետք է օգտագործի այդ ապահովագրական միջոցները Միջոցների համարժեք գումարի կանխավճարի համար;

________________

1) Պետք է լրացվի կամ չլրացվի` կախված կիրառելի Ապահովագրական քաղաքականություններից

 

(ii) Վարկառուն պարտավոր չէ նախապես վճարել Միջոցները (i) ենթահոդվածի համաձայն, եթե Վարկատուն հաստատում է Վարկառուի կողմից Վարկատուին ներկայացված վերականգնման պլանը; և

(iii) կանխավճարի ամսաթիվը պետք է լինի Վարկառուի կողմից վերը նշված (i) պարբերությամբ նշված ապահովագրական միջոցները ստանալուն անմիջապես հաջորդող Վճարման ամսաթիվը:

Վերը նշված (a), (b) և (c) պարբերություններում նշված դեպքերից յուրաքանչյուրի պարագայում Վարկատուն իրավունք ունի Վարկառուի կողմից գրավոր ծանուցումն ունենալուց հետո կիրառել իր իրավունքները` որպես վարկատու` Հոդված 12.2-ի (Ակսելերացիա) (b) պարբերությունում նշված կերպով:

 

7.3 Վարկառուի կողմից կասեցում

Մինչև Մասհանման վերջնաժամկետը Վարկառուն կարող է կասեցնել Հասանելի վարկն ամբողջությամբ կամ մասնակիորեն` Վարկատուին երեք (3) աշխատանքային օր առաջ ծանուցելով այդ մասին:

Կասեցման նման ծանուցումը ստանալուն պես Վարկատուն պետք է կասեցնի Վարկառուի կողմից նշված գումարը` պայմանով, որ Ֆինանսավորման պլանում նշված Թույլատրելի ծախսերը ծածկված են Վարկատուին բավարարող կերպով` բացառությամբ այն դեպքի, երբ Վարկառուն հրաժարվել է Ծրագրից:

 

7.4 Վարկատուի կողմից կասեցում

Հասանելի վարկը պետք է կասեցվի Վարկառուին ծանուցում ուղարկելուց անմիջապես հետո: Ծանուցումն ուժի մեջ է մտնում անմիջապես, եթե`

(a) Մասհանման վերջնաժամկետին Հասանելի վարկը հավասար չէ զրոյի;

(b) Առաջին Մասհանումը չի կատարվել Դեկլարատիվ դրույթների (C) պարբերությունում նշված կարգով Վարկատուի իրավասու մարմինների կողմից Միջոցները հաստատելուց հետո տասնչորսամսյա (14) ժամկետի լրանալու ամսաթվին;

(c) Դեֆոլտի դեպք է տեղի ունեցել կամ տեղի է ունենում, կամ

(d) Հոդված 7.2-ում (Պարտադիր կանխավճար) նշված դեպք է տեղի ունեցել;

բացառությամբ, այն դեպքերի, երբ, ըստ Հոդված 7.4-ի (Վարկատուի կողմից կասեցում) (a) և (b) պարբերությունների, Վարկատուն առաջարկել է հետաձգել Մասհանման վերջնաժամկետը կամ առաջին Մասհանման վերջնաժամ Հոդվածը` նոր ֆինանսական պայմանների հիման վրա, որոնք կիրառվելու են Հասանելի վարկի ներքո Մասհանումների դեպքում, և Վարկառուն համաձայնություն է տվել այդ առաջարկին:

 

7.5 Սահմանափակումներ

(a) Հոդված 7-ի (Կանխավճար և Կասեցում) համաձայն` Կողմերից մեկի կողմից կանխավճարի կամ կասեցման ծանուցումը պետք է լինի անհետկանչելի, և, եթե այլ բան նախատեսված չէ սույն Համաձայնագրով, ցանկացած նման ծանուցում պետք է նշի համապատասխան կանխավճարի կամ կասեցման կատարման ամսաթիվը կամ ամսաթվերը և կանխավճարի կամ կասեցման գումարը:

(b) Վարկառուն կանխավճար չի կատարի կամ չի կասեցնի Միջոցներն ամբողջությամբ կամ մասնակիորեն` բացառությամբ սույն Համաձայնագրով հստակ սահմանված ժամանակի և ձևի:

(c) Սույն Համաձայնագրի ներքո ցանկացած կանխավճար պետք է կատարվի (i) նախապես վճարվող գումարի կուտակված տոկոսների, (ii) չվճարված վճարների, և (iii) Հոդված 8.2-ում (Կանխավճարի փոխհատուցում) նշված Կանխավճարի փոխհատուցման վճարման հետ միասին:

(d) Ցանկացած կանխավճարի գումար պետք է կիրառվի մնացած մասնաբաժինների նկատմամբ` մարման ժամկետի հակառակ կարգով:

 

8. ԼՐԱՑՈՒՑԻՉ ՎՃԱՐՄԱՆ ՊԱՐՏԱՎՈՐՈՒԹՅՈՒՆՆԵՐ

 

8.1 Ծախքեր և ծախսեր

8.1 Վարկառուն ուղղակիորեն կվճարի կամ կփոխհատուցի Վարկատուին Վարկատուի կողմից նախապես կատարված բոլոր ծախքերը և ծախսերը (ներառյալ` օրինական վճարները), որոնք առաջացել են Վարկատուի կողմից` սույն Համաձայնագրի կամ սույն Համաձայնագրին առնչվող ցանկացած այլ փաստաթղթի բանակցությունների, նախապատրաստման և ստորագրման (ներառյալ` ցանկացած իրավաբանական կարծիք) և Ստորագրման ամսաթվից հետո ցանկացած այլ Ֆինանսական փաստաթղթի առնչությամբ: Այդ ծախսերը կկազմեն 15,000,000 եվրո` բացառությամբ ԱԱՀ-ի:

Եթե պահանջվում է սույն Համաձայնագրում նյութական փոփոխություններից ծագած փոփոխություն Վարկառուի կողմից, վերջինս պետք է Վարկատուին փոխհատուցի այդ պահանջին պատասխանելու, գնահատելու, բանակցելու կամ համապատասխանելու առնչությամբ առաջացած բոլոր ծախսերը (ներառյալ` օրինական վճարները): Այդ ծախսերը և վճարները կկազմեն 15,000,000 եվրո` բացառությամբ ԱԱՀ-ի:

Վարկառուն Վարկատուին կփոխհատուցի սույն Համաձայնագրի ներքո իր իրավունքների կիրառման կամ պահպանման հետ կապված բոլոր ծախքերը և ծախսերը (ներառյալ` օրինական վճարները):

Վարկառուն ուղղակիորեն կվճարի կամ Վարկատուին կփոխհատուցի Վարկատուի կողմից նախապես կատարված բոլոր խելամիտ ծախքերի և ծախսերի գումարները` կապված Փարիզից Վարկատուի հետ համաձայնեցված այլ վայր Վարկառուի միջոցների կամ հաշիվների փոխանցման հետ, ինչպես նաև Միջոցների ներքո համապատասխան բոլոր գումարների վճարման հետ կապված փոխանցման վճարներն ու ծախսերը: Այդ ծախսերը և վճարները կկազմեն 15,000,000 եվրո` բացառությամբ ԱԱՀ-ի:

 

8.2 Կանխավճարի փոխհատուցում

Հաշվի առնելով Հոդված 7.1-ին (Կամավոր կանխավճար) կամ Հոդված 7.2-ին (Պարտադիր կանխավճար) համապատասխան Միջոցների ամբողջական կամ մասնակի կանխավճարի արդյունքում Վարկատուի կրած ցանկացած կորուստ` Վարկառուն պետք է Վարկատուին վճարի հետևյալի հանրագումարին համարժեք փոխհատուցում`

- Փոխհատուցվող Կանխավճարի հատուցում, և

- Նախապես վճարված գումարի հետ կապված Վարկատուի կողմից իրականացված սվոփային գործարքների հեջավորման տոկոսադրույքների չվճարման արդյունքում առաջացած ցանկացած ծախսեր:

Որպես վերոնշյալի բացառություն` այն դեպքում եթե Միջոցներն ամբողջությամբ կամ դրանց մի մասը վճարվել է համաձայն Հոդված 7.1-ի (i) (Պարտադիր կանխավճար-անօրինականություն (a)) կամ Հոդված 7.2-ի (ii) (Պարտադիր կանխավճար-Լրացուցիչ ծախսեր (b)) ապա այդ դեպքում Վարկառուի կողմից ծագած Լրացուցիչ ծախսերը` բխող Ֆրանսիայի օրենքից կամ այլ կարգավորումներից, կամ Ստորագրման օրվանից հետո Ֆրանսիայում գործող արդեն իսկ գործող որևէ օրենքի կամ կարգավորման փոփոխությունից, Փոխհատուցվող Կանխավճարի հատուցումը չի կիրառվի և Վարկառուն Վարկատուին պետք է վճարի միայն փոխհատուցում, որը հավասար կլինի Վարկատուի կողմից կատարված սվոպ գործարքների հեջավորման ցանկացած տոկոսադրույքի խախտման արդյունքում առաջացած արժեքին նախապես վճարված գումարի առնչությամբ:

 

8.3 Հարկեր և տուրքեր

8.3.1 Գրանցման ծախսեր

Վարկառուն ուղղակիորեն վճարում, կամ, եթե կիրառելի է, Վարկատուին փոխհատուցում է դրոշմատուրքի, գրանցման և այլ նմանատիպ հարկերի առնչությամբ Վարկատուի կողմից նախապես կատարված ծախսերը, որոնք ենթակա են վճարման Ֆինանսական փաստաթղթի կամ Ֆինանսական փաստաթղթի որևէ հնարավոր փոփոխության առնչությամբ:

 

8.3.2 Շահութահարկ

Վարկառուն պարտավորվում է, որ սույն Համաձայնագրի ներքո Վարկատուին կատարված բոլոր վճարումները ազատվում են շահութահարկից:

Եթե շահութահարկը պահանջվում է օրենքով, Վարկառուն պարտավորվում է ցանկացած նման վճարման գումարը ավելացնել այնքան գումար է, որը Վարկատուի համար հավասար է վճարման այն գումարին, որը պետք է կատարվեր շահութահարկի վճարում չպահանջվելու դեպքում:

Վարկառուն Վարկատուին փոխհատուցում է Վարկառուի հաշվի բոլոր ծախսերը և/կամ հարկերը, որոնք վճարվել են Վարկատուի կողմից (եթե կիրառելի է)` բացառությամբ Ֆրանսիայի հարկերի:

 

8.4 Լրացուցիչ ծախսեր

Վարկառուն Վարկատուի պահանջից հինգ (5) աշխատանքային օրվա ընթացքում Վարկատուին է վճարում Վարկատուի կողմից (i) որևէ նոր օրենքի կամ կանոնակարգի կամ դրանց որևէ փոփոխության կամ գործող որևէ օրենքի կամ կանոնակարգի մեկնաբանման կամ կիրառման ցանկացած փոփոխության ուժի մեջ մտնելու, (ii) Ստորագրման ամսաթվից հետո որևէ օրենքին կամ կանոնակարգին համապատասխանելու արդյունքում կրած բոլոր Լրացուցիչ ծախսերը:

Սույն Հոդվածում, «Լրացուցիչ ծախսեր» նշանակում է`

(i) Միջոցներից եկամտաբերության կամ Վարկատուի ընդհանուր կապիտալի ցանկացած կրճատում;

(ii) ցանկացած լրացուցիչ կամ ավելացված ծախս, կամ

(iii) սույն Համաձայնագրի ներքո վճարման ենթակա ցանկացած գումարի կրճատում,

որոնք կրում է Վարկատուն այնքանով, որքանով դրանք վերագրելի են Վարկատուին` կապված Ֆինանսական փաստաթուղթ ստորագրելու կամ ֆինանսավորելու կամ սույն Համաձայնագրի ներքո իր պարտականությունները կատարելու հետ:

 

8.5 Արժույթի փոխհատուցում

Եթե սույն Համաձայնագրի կամ գումարի նկատմամբ տրված որևէ հրամանի, դատական որոշման կամ վճռի ներքո Վարկառուի կողմից որևէ գումար պետք է փոխարկվի այդ գումարի վճարման արժույթից այլ արժույթի հետևյալ նպատակներով`

(i) Վարկառուի նկատմամբ պահանջ կամ ապացույց ներկայացնելու համար, կամ

(ii) Որևէ դատական կամ արբիտրաժային ընթացակարգերի առնչությամբ հրամանի, դատական որոշման կամ վճռի հասնելու կամ դրանց կիրարկման համար,

ապա Վարկառուն Վարկատուին է փոխհատուցում և Վարկատուի պահանջից երեք (3) աշխատանքային օրվա ընթացքում օրենքով թույլատրված կարգով Վարկատուին է վճարում փոխարկումից ծագող կամ ցանկացած տարբերության արդյունքում առաջացած ցանկացած ծախսի, կորստի կամ պարտավորության գումարը` (A) առաջին արժույթից երկրորդ արժույթին համապատասխան գումարի փոխարկման համար կիրառվող փոխարժեքի և (B) Վարկատուի կողմից գումարը ստանալու պահին իր համար հասանելի փոխարժեքի կամ փոխարժեքների միջև: Վարկատուին փոխհատուցման այս պարտավորությունը կախված չէ սույն Համաձայնագրի ներքո Վարկառուի որևէ այլ պարտավորությունից:

Վարկառուն հրաժարվում է վճարման սահմանված արժույթից բացի այլ արժույթով կամ դրամական միավորով սույն Համաձայնագրով սահմանված գումարները վճարելու իրավասության իր ցանկացած իրավունքից, որ կարող է ունենալ:

 

8.6 Վճարման ամսաթվեր

Հոդված 8-ով (Լրացուցիչ վճարման պարտավորություններ) սահմանված Վարկառուի կողմից Վարկատուին վճարման ենթակա ցանկացած կոմպենսացիա կամ փոխհատուցում պետք է վճարվի համապատասխան կոմպենսացիա կամ փոխհատուցում առաջացնող հանգամանքներին հաջորդող Վճարման ամսաթվին:

Չնայած վերոնշյալին` Հոդված 8.2-ին (Կանխավճարի փոխհատուցում) համաձայն կանխավճարի հետ կապված ցանկացած փոխհատուցում պետք է վճարվի համապատասխան կանխավճարի ամսաթվին:

 

9. ՆԵՐԿԱՅԱՑՈՒՑՉՈՒԹՅՈՒՆՆԵՐ ԵՎ ԵՐԱՇԽԻՔՆԵՐ

 

Հոդված 9-ում (Հայտարարություններ և երաշխիքներ) սահմանված բոլոր հայտարարություններն ու երաշխիքները կատարվում են Ստորագրման օրը Վարկառուի կողմից` ի օգուտ Վարկատուի: Հոդված 10-ի (Հայտարարություններ և երաշխիքներ) բոլոր հայտարարություններն ու երաշխիքները պետք է կատարվեն նաև այն օրը, երբ Հավելված 4-ի (Նախապայմաններ) Մաս II-ում նշված բոլոր պայմանները կատարված են, յուրաքանչյուր մասհանման պահանջի ամսաթվին և յուրաքանչյուր վճարման ամսաթվին, բացառությամբ, երբ Հոդված 9.9-ում (Ապակողմնորոշիչ տեղեկատվության բացակայություն) նշված կրկնվող հայտարարությունները պետք է կատարվեն Վարկառուի կողմից` կապված վերջին հայտարարության ամսաթվից Վարկառուի կողմից տրամադրված տեղեկատվության հետ:

 

9.1 Լիազորություն

Վարկառուն լիազորություն ունի սույն Համաձայնագիրն ու Ծրագրի փաստաթուղթը ստորագրելու, իրականացնելու և տրամադրելու և իրականացնելու բոլոր նախատեսված պարտավորությունները: Վարկառուն ձեռնարկել է բոլոր անհրաժեշտ գործողությունները` լիազորելու սույն Համաձայնագրի ու Ծրագրի փաստաթղթի`իր կողմից ստորագրումը, իրականացումն ու առաքումը և սույն Համաձայնագրով ու Ծրագրի փաստաթղթով նախատեսված գործարքները:

 

9.2 Ապացույցների վավերականությունն ու ընդունելիությունը

Պահանջվող բոլոր լիազորությունները`

(a) Հնարավորություն ընձեռել Վարկառուին սույն Համաձայնագրի և Ծրագրի փաստաթղթի ներքո օրինականորեն ստորագրել, իր իրավունքները կիրառելու և պարտավորություններին հետևելու; և

(b) Հոդված 16-ով (Գերակա օրենք, կիրարկում և վայրի ընտրություն) սահմանված Վարկառուի իրավասության դատարաններում կամ արբիտրաժային ընթացակարգերում սույն Համաձայնագիրն ու Ծրագրի փաստաթուղթը ընդունելի ապացույց համարելու համար,

ստացվել են և օրինական են, և չկան այնպիսի հանգամանքներ, որոնք կարող են առաջացնել նման Լիազորության ամբողջական կամ մասնակի հետաձգում, չվերականգնում կամ փոփոխություն:

 

9.3 Պարտադիր պարտավորություններ

Սույն Համաձայնագրի և Ծրագրի փաստաթղթի ներքո Վարկառուի կողմից ստանձնվող պարտավորությունները համապատասխանում են Վարկառուի համար իր իրավասության շրջանակներում բոլոր օրենքներին և կանոնակարգերին և օրինական են, վավեր, պարտադիր ու կիրառելի, որոնք ուժի մեջ են մտնում` դրանց գրավոր պայմանների համաձայն:

 

9.4 Գրանցման կամ դրոշմատուրքի բացակայություն

Ըստ Վարկառուի իրավասության օրենքների` անհրաժեշտ չէ, որ Ֆինանսական փաստաթղթերը գրանցվեն, գրառվեն կամ կցվեն որևէ դատարանում կամ իրավասու այլ մարմնում կամ դրոշմատուրքը, գրանցման կամ համանման հարկերն ու վճարները վճարվեն` կապված Ֆինանսական փաստաթղթերի կամ դրանցով նախատեսված գործարքների հետ:

 

9.5 Միջոցների փոխանցում (2)

Սույն Համաձայնագրի ներքո Վարկառուի կողմից Վարկատուին վճարվելիք բոլոր գումարները` լինի դա մայր գումար թե տոկոսներ, ժամկետանց վճարման տոկոսներ, Կանխավճարային փոխհատուցում, լրացուցիչ ծախսեր կամ ծախքեր, կամ այլ գումարներ, ազատ փոխադրելի են դեպի Ֆրանսիա կամ որևէ այլ երկիր:

Սույն ներկայացուցչությունը ուժի մեջ է մինչև Վարկատուին վճարվելիք ենթակա ամբողջ գումարի մարումը: Եթե Միջոցների մարման ժամկետները երկարաձգվել է Վարկատուի կողմից, ապա սույն ներկայացուցչության կողմից հետագա հաստատման անհրաժեշտություն չի լինի:

Վարկառուն ճիշտ ժամանակին պետք է անհրաժեշտ դրամական միջոցներ` «Եվրո», ձեռք բերի սույն ներկայացուցչությանը համապատասխանելու համար:

______________

2) Տարբերակը պետք է ընտրվի` կախված ներքին կիրառելի օրենքից

 

9.6 Այլ պարտավորությունների հետ հակասության բացակայություն

Վարկառուի կողմից Ծրագրի և սույն Համաձայնագրի առնչությամբ փաստաթղթերի կնքումն ու կատարումը, ինչպես նաև նախատեսված գործարքները չեն հակասում դրանց վերաբերող որևէ ներքին կամ օտարերկրյա օրենքին կամ կարգավորմանը, Վարկառուի պարտավորությունների կամ իր որևէ ակտիվների մասով սահմանադրական փաստաթղթերին (կամ նմանատիպ այլ փաստաթղթերին), կամ այլ համաձայնագրին կամ փաստաթղթերին:

 

9.7 Կարգավորող օրենք և կիրարկում

a) Ֆրանսիական օրենքի ընտրությունը որպես կարգավորող օրենք կճանաչվի և կընդունվի Վարկատուի իրավասության դատարանների և արբիտրաժային տրիբունալների կողմից:

b) Ֆրանսիական դատարանում կամ արբիտրաժային տրիբունալներում սույն Համաձայնագրի առնչությամբ կայացված ցանկացած վճիռ կճանաչվի և կընդունվի Վարկառուի իրավասության շրջանակներում:

 

9.8 Դեֆոլտի բացակայություն

Դեֆոլտի դեպք տեղի չի ունենում կամ հավանաբար չի ծագի:

Վարկառուի այլ համաձայնագրերի կամ իր ակտիվների վրա ազդող ոչ մի խախտում չկա, որը հավանաբար կարող է էական անբարենպաստ ազդեցություն ունենալ:

 

9.9 Ապակողմնորոշիչ տեղեկատվության բացակայություն

Վարկառուի կողմից Վարկատուին տրամադրված ամբողջ տեղեկատվությունը ճշգրիտ է, հավաստի և տրամադրման օրվա դրությամբ թարմեցված, կամ նպատակահարմարության դեպքում, այն օրվա դրությամբ, երբ դրանք համարվել են տրամադրված, չեն փոփոխել, ուժը կորցրած համարվել, կասեցվել կամ երկարաձգվել վերանայված պայմաններով և էականորեն ապակողմնորոշիչ չեն` բացթողման, նոր հանգամանքների առաջացման կամ ցանկացած տեղեկատվության բացահայտման արդյունքում:

 

9.10 Ծրագրի փաստաթղթեր

Ծրագրի փաստաթղթերը համարվում են Ծրագրին առնչվող ամբողջ համաձայնագիրը և երրորդ կողմերի համար վավեր են, պարտադիր և կատարման ենթակա: Ծրագրի Փաստաթղթերը չեն փոփոխվել, կասեցվել կամ դադարեցվել, առանց Վարկատուի նախնական հաստատման` դրանք Վարկատուին տրամադրման օրվանից և Ծրագրի փաստաթղթերի առնչությամբ առկա վեճեր չկան:

 

9.11 Ծրագրի լիազորություններ

Ծրագրի բոլոր լիազորությունները ձեռք են բերվել կամ լիիրավ ուժի մեջ են մտել ու գործում են և Ծրագրի որևէ լիազորության ամբողջական կամ մասնակի փոխվելու, նորացվելու, չեղարկվելու կամ ուժը կորցրած ճանաչվելու հետ կապված հանգամանքներ չկան:

9.12 Միջոցների ծագում, Կոռուպցիոն գործողություններ, Խարդախություն և Հակամրցակցային գործունեություն

Վարկառուն ներկայացնում և երաշխավորում է, որ

(i) Ծրագրում ներդրված բոլոր միջոցները Պետական բյուջեից են;

(ii) Ծրագիրը (մասնավորապես, Միջոցներով ֆինանսավորվող պայմանագրի առնչությամբ բանակցություն, դրա կնքում կամ կատարում) չի առաջացրել կոռուպցիոն գործողություններ, Խարդախություն կամ Հակամրցակցային գործունեություն

 

9.13 Էական անբարենպաստ ազդեցություն

Վարկառուն ներկայացնում և երաշխավորում է, որ հնարավոր էական բացասական ազդեցություն առաջացնող դեպքեր կամ հանգամանքներ չեն եղել և չկան:

 

------------------------------------------------------

ԻՐՏԵԿ - շարունակությունը հաջորդ մասերում

 

 

pin
ՀՀ կառավարություն
26.11.2015
N 52
Արձանագրային որոշում