040.0677.291099
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«29» հոկտեմբերի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
29 հոկտեմբերի 1999 թվականի թիվ 677
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության Ազգային ժողովի 1999 թվականի հոկտեմբերի 27-ի նիստում տեղի ունեցած ողբերգության հետևանքով ականավոր պետական- քաղաքական գործիչների զոհվելու կապակցությամբ նրանց թաղման ծախսերը կատարելու նպատակով Հայաստանի Հանրապետության կառավարության աշխատակազմին կանխավճարի ձևով հատկացնել 25 մլն դրամ` Հայաստանի Հանրապետության 1999 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
2. Հայաստանի Հանրապետության ֆինանսների նախարարությանը` ելնելով Հայաստանի Հանրապետության կառավարության աշխատակազմի կողմից կատարված փաստացի ծախսերի վերաբերյալ ներկայացված հաշվետվությունից` Հայաստանի Հանրապետության կառավարություն ներկայացնել առաջարկություն սույն որոշման 1-ին կետում նշված գումարի վերջնական չափի վերաբերյալ:
3. Սույն որոշումն ուժի մեջ է մտնում 1999 թվականի հոկտեմբերի 29-ից: