041.0668.261099
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
26 հոկտեմբերի 1999 թվականի թիվ 668
Մ. ՀԱԿՈԲՅԱՆԻ, Ղ. ՈՒԼԻԽԱՆՅԱՆԻ, Ա. ՀՈՎՀԱՆՆԻՍՅԱՆԻ ԵՎ Ա. ԱՎԵՏԻՍՅԱՆԻ ԻՐԱՔԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂՄԱՆ ՄԱՍԻՆ
1. Հայաստանի Հանրապետության արդյունաբերության և առևտրի նախարարության թեթև արդյունաբերության վարչության պետ Մերուժան Հակոբյանին, «Զարգացման հայկական գործակալություն» փակ բաժնետիրական ընկերության դեղագործական բնագավառի զարգացման ծրագրերի խմբի ղեկավար Ղուկաս Ուլիխանյանին, Հայաստանի Հանրապետության արտաքին գործերի նախարարության Մերձավոր և Միջին Արևելքի վարչության արաբական բաժնի երկրորդ քարտուղար Արտակ Հովհաննիսյանին և Հայաստանի Հանրապետության կառավարության աշխատակազմի արտաքին կապերի վարչության պետի տեղակալ Ալեքսանդր Ավետիսյանին 1999 թվականի հոկտեմբերի 29-ից մինչև նոյեմբերի 12-ը գործուղել Իրաքի Հանրապետություն` արդյունաբերական 32-րդ ամենամյա միջազգային տոնավաճառին մասնակցելու համար:
2. Մ. Հակոբյանի, Ղ. Ուլիխանյանի, Ա. Հովհաննիսյանի Իրաքի Հանրապետություն գործուղման հետ կապված ծախսերը կատարել Հայաստանի Հանրապետության 1999 թվականի պետական բյուջեով արտասահմանյան պաշտոնեական գործուղումների համար նախատեսված միջոցների հաշվին, իսկ Ա. Ավետիսյանը` Հայաստանի Հանրապետության կառավարության աշխատակազմի գործուղումների միջոցների հաշվին:
3. Հայաստանի Հանրապետության արտաքին գործերի նախարարությանը և Հայաստանի Հանրապետության տրանսպորտի նախարարությանը` լուծել Մ. Հակոբյանի, Ղ. Ուլիխանյանի, Ա. Հովհաննիսյանի և Ա. Ավետիսյանի Իրաքի Հանրապետություն մեկնելու հետ կապված հարցերը: