ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
ԱՐՏԱՀԵՐԹ ՆՍՏԱՇՐՋԱՆ ՀՐԱՎԻՐԵԼՈՒ ՄԱՍԻՆ
Ղեկավարվելով «Հայաստանի Հանրապետության նախագահի մասին» Հայաստանի Հանրապետության օրենքի 8 հոդվածի 5-րդ կետով, որոշում եմ.
1995 թվականի հունվարի 17-ին ժամը 10.00-ին հրավիրել Հայաստանի Հանրապետության Գերագույն խորհրդի արտահերթ նստաշրջան հետևյալ օրակարգով.
1. Հայաստանի Հանրապետության կառավարության և Միջազգային զարգացման ընկերակցության միջև կնքված «Ոռոգման համակարգերի վերականգնման» ծրագրի վարկային համաձայնագիրը, Հայաստանի Հանրապետության կառավարության և Միջազգային զարգացման ընկերակցության միջև կնքված «Էներգահամակարգի պահպանման» ծրագրի վարկային համաձայնագիրը, ինչպես նաև Վերակառուցման և զարգացման եվրոպական բանկի և «Երևանի «Զվարթնոց» օդանավակայան» հատուկ նշանակության պետական ձեռնարկության միջև Հայաստանի Հանրապետության կառավարության երաշխավորությամբ կնքված «Բեռնահամալիրի կառուցման» վարկային պայմանագիրը վավերացնելու մասին:
2. 1995 թվականի առաջին եռամսյակում Հայաստանի Հանրապետության պետական բյուջեի կատարումը ապահովելու մասին:
3. «Եկամտահարկի մասին» Հայաստանի Հանրապետության օրենքի մասին:
4. «Գույքահարկի մասին» Հայաստանի Հանրապետության օրենքի մասին
5. Հայաստանի Հանրապետության նախագահի 1994 թվականի տարեկան հաղորդումը հանրապետության քաղաքական և սոցիալ - տնտեսական իրավիճակի մասին:
11 հունվարի 1995 թ.
ՆՀ-407