Սեղմել Esc փակելու համար:
ՀՀ ՀԱՆՐԱԿՐԹԱԿԱՆ ՀԱՄԱԿԱՐԳԻ ԲԱՐԵՓՈԽՈՒՄՆ...
Քարտային տվյալներ

Տեսակ
Գործում է
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ՀԱՆՐԱԿՐԹԱԿԱՆ ՀԱՄԱԿԱՐԳԻ ԲԱՐԵՓՈԽՈՒՄՆԵՐԻ ՓՈՐՁՆԱԿԱՆ ԾՐԱԳՐԻ ԻՐԱԿԱՆԱՑՄԱՆ ԱՌԱՆՁԻՆ ՄԻ ...

 

 

040.0697.201199

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«20» նոյեմբերի 1999 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

20 նոյեմբերի 1999 թվականի թիվ 697

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱԿՐԹԱԿԱՆ ՀԱՄԱԿԱՐԳԻ ԲԱՐԵՓՈԽՈՒՄՆԵՐԻ ՓՈՐՁՆԱԿԱՆ ԾՐԱԳՐԻ ԻՐԱԿԱՆԱՑՄԱՆ ԱՌԱՆՁԻՆ ՄԻՋՈՑԱՌՈՒՄՆԵՐԻ ՄԱՍԻՆ

 

Հայաստանի Հանրապետության կառավարության 1999 թվականի հունիսի 1-ի «Հայաստանի Հանրապետության հանրակրթական համակարգի բարեփոխումների փորձնական ծրագիրը հաստատելու մասին» N 377 որոշմամբ հաստատված ծրագրի իրականացումը և 1999 թվականի նոյեմբերի 1-ից հանրակրթական 154 դպրոցներում ֆինանսավորման նոր համակարգի ներդրումն ապահովելու նպատակով Հայաստանի Հանրապետության կառավարությունը որոշում է.

i

1. Սահմանել, որ փորձնական ծրագրում ընդգրկված դպրոցները 1999 թվականի նոյեմբերի 1-ից պարտավոր են հաշվապահական հաշվառումը վարել և ֆինանսական հաշվետվությունները կազմել ու ներկայացնել Հայաստանի Հանրապետության կառավարության 1996 թվականի մայիսի 2-ի N 147 որոշմամբ հաստատված` Հայաստանի Հանրապետության հաշվապահական հաշվառման և հաշվետվության կանոնադրությամբ, Հայաստանի Հանրապետության ֆինանսների և էկոնոմիկայի նախարարության 1997 թվականի դեկտեմբերի 22-ի «Կազմակերպությունների ֆինանսատնտեսական գործունեության հաշվապահական հաշվառման հաշվային պլանը» և «Կազմակերպությունների ֆինանսատնտեսական գործունեության հաշվապահական հաշվառման հաշվային պլանի կիրառման հրահանգը» հաստատելու մասին» N 529 հրամանով հաստատված հաշվային պլանով և դրա կիրառման հրահանգով, 1998 թվականի օգոստոսի 5-ի «Կազմակերպությունների տարեկան (միջանկյալ) ֆինանսական հաշվետվությունները և դրանց լրացման հրահանգը» հաստատելու մասին» N 263 հրամանով հաստատված ֆինանսական հաշվետվությունների ձևերին, ինչպես նաև հաշվապահական հաշվառումը կարգավորող այլ իրավական ակտերին համապատասխան:

2. Հայաստանի Հանրապետության ֆինանսների նախարարությանը`

ա) սույն որոշման 1-ին կետի կատարումն ապահովելու և այդ ուղղությամբ դպրոցներին գործնական օգնություն կազմակերպելու նպատակով, Հայաստանի Հանրապետության կրթության և գիտության նախարարության հետ համաձայնեցնելով, պայմանագրային հիմունքներով ներգրավել համապատասխան աուդիտորական և հաշվապահական կազմակերպություններ և դրանց վճարումն իրականացնել կառուցվածքային բարեփոխումների երկրորդ վարկային ծրագրի շրջանակներում նախատեսված միջոցների հաշվին, որի համար հատկացնել 90,0 հազ. ԱՄՆ-ի դոլարին համարժեք դրամ: Ապահովել աուդիտորական և հաշվապահական կազմակերպությունների կողմից կատարված աշխատանքների ընդունումը.

բ) երկշաբաթյա ժամկետում ապահովել փորձնական ծրագրում ընդգրկված հանրակրթական դպրոցների` 1999 թվականի նոյեմբերի 1-ի դրությամբ բյուջետային պարտքերի մարումը:

3. Հայաստանի Հանրապետության ֆինանսների նախարարությանը և Հայաստանի Հանրապետության էկոնոմիկայի նախարարությանը` բանակցել Համաշխարհային բանկի հետ սույն որոշման 2-րդ կետում նշված միջոցների ստացումը սեղմ ժամկետում ապահովելու նպատակով:

4. Սույն որոշումն ուժի մեջ է մտնում 1999 թվականի նոյեմբերի 20-ից:

 

 

pin
ՀՀ կառավարություն
20.11.1999
N 697
Որոշում