ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
11 օգոստոսի 2016 թվականի N 31
18. «ԲԱՑ ԿԱՌԱՎԱՐՄԱՆ ԳՈՐԾԸՆԿԵՐՈՒԹՅՈՒՆ» ՆԱԽԱՁԵՌՆՈՒԹՅԱՆ ՇՐՋԱՆԱԿՆԵՐՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՐՐՈՐԴ ԳՈՐԾՈՂՈՒԹՅՈՒՆՆԵՐԻ ԾՐԱԳՐԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ
Հավանություն տալ «Բաց կառավարման գործընկերություն» նախաձեռնության շրջանակներում Հայաստանի Հանրապետության երրորդ գործողությունների ծրագրին` համաձայն հավելվածի:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2016 ԹՎԱԿԱՆԻ ՕԳՈՍՏՈՍԻ 17-ԻՆ
Հավելված
ՀՀ կառավարության
2016 թ. օգոստոսի 11-ի նիստի
N 31 արձանագրային որոշման
ԲԱՑ ԿԱՌԱՎԱՐՄԱՆ ԳՈՐԾԸՆԿԵՐՈՒԹՅՈՒՆ
Հայաստանի Հանրապետության երրորդ գործողությունների ծրագիր
(2016-2018 թվականներ)
ՆԵՐԱԾՈՒԹՅՈՒՆ
Հայաստանի Հանրապետության միանալը Բաց կառավարման գործընկերության (այսուհետ` ԲԿԳ) շարժմանն ազդարարվել էր ՀՀ արտաքին գործերի նախարարի նամակով (1)` ուղղված ԲԿԳ համակարգող խորհրդի համանախագահներին: 2011 թ. հոկտեմբերի 17-ի իր նամակում նախարարը նշել էր, որ Հայաստանն ողջունում է Բաց կառավարման գործընկերության գաղափարը, որը պետությունների համար պետք է ձևավորի միասնական հարթակ` ստեղծելով իրենց ժողովուրդների կարիքներին առավել համապատասխանող կառավարություններ: Այդ նամակից հինգ տարի անց, 2016 թվականին վստահաբար կարող ենք փաստել, որ Բաց կառավարման գործընկերությունը այլևս կայացել, գաղափարից վերածվել է աշխարհի պետությունների շուրջ 1/3-ի համար ժողովրդավարությունը խթանող ամենաարդյունավետ գործիքներից մեկի: Այս հաջողությունն արժևորվում և գնահատվում է նաև մեր պետության կողմից, ինչի ապացույց է Հայաստանի ազգային` երրորդ Գործողությունների ծրագրի մշակումը:
------------------------
1) http://www.opengovpartnership.org/country/armenia
ԲԿԳ գաղափարախոսությունն ու գործիքակազմը միանգամայն համահունչ են Հայաստանի պես ոչ մեծ, բայց բարեփոխումները վճռական և հետևողական իրականացնող երկրի նպատակներին, որը օրակարգային խնդիր է դրել բարձրացնել հանրային կառավարման համակարգի արդյունավետությունը: Չունենալով այդ խնդրին հսկայական ռեսուրսներ ուղղելու հնարավորություն` մենք որդեգրել ենք կառավարման համակարգի կատարելագործման այլ, առավել հիմնարար քաղաքականություն. այն է` կիրառել բաց կառավարման դոկտրինը: Վերջինս ենթադրում է, որ տեղեկատվության հասանելիությունը, հաշվետվողականության բարձրացումը, մասնակցային վարքագծի խթանումը կհանգեցնեն ավելի հասուն, բանիմաց, զարգացած և պատասխանատու հասարակությունների ձևավորմանը: Արդյունքում կբարձրանա կառավարման համակարգի արդյունավետությունը և անհանդուրժողականությունն այնպիսի արատավոր երևույթների հանդեպ, ինչպիսիք են կոռուպցիան, անարդարությունը և հանրային միջոցների անարդյունավետ օգտագործումը: Այս նպատակները բխում են թե՛ Հայաստանի Հանրապետության 2015 թվականի սահմանադրական փոփոխություններից, թե՛ Կառավարության ծրագրից և թե՛ համընդհանուր և ոլորտային ռազմավարական փաստաթղթերից, որոնց կիրարկման համար ձեռնարկվում են թիրախային միջոցառումներ և ծրագրեր:
Բաց կառավարումն ինքնին չի նշանակում կառավարման արդյունավետության բարձրացում, սակայն դրա միջոցով հնարավոր է ներդնել վերահսկողական նոր գործիքակազմ, բարձրացնել հաշվետվողականությունը, թափանցիկ դարձնել պետական գերատեսչությունների աշխատանքը, դրանով իսկ հզորացնել ժողովրդի իշխանությունը, ինչն էլ իր հերթին կհանգեցնի արդյունավետ կառավարմանը: Այս ամենից ելնելով` Հայաստանը շարունակում է առավել մեծ պարտավորվածությամբ ԲԿԳ սկզբունքները կյանքի կոչելու ուղին, ինչը պատվաբեր է 21-րդ դարի յուրաքանչյուր ժողովրդավար պետության համար: Կարևոր է նաև, որ ամրապնդվում է քաղաքացի-պետություն փոխգործակցության նոր մշակույթը` ապահովելով քաղաքացու ակտիվ մասնակցությունն որոշումների կայացման և քաղաքականության մշակման գործընթացներում:
ԲԱՑ ԿԱՌԱՎԱՐՄԱՆՆ ՈՒՂՂՎԱԾ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՔԱՅԼԵՐԸ
Հայաստանի Հանրապետությունը 2011-2016 թթ. ընթացքում ԲԿԳ իր երկու ազգային ծրագրերի միջոցով շոշափելի բարեփոխումներ է իրականացրել այնպիսի կարևորագույն ոլորտներում, ինչպիսիք են բյուջետային համակարգը (օրինակ` Ծրագրային բյուջետավորումը), հանքարդյունաբերությունը (օրինակ` Արդյունահանող ճյուղերի թափանցիկության նախաձեռնությանը միանալու գործընթացը), առողջապահությունը, կրթությունը, տեղական ինքնակառավարումը, տեղեկատվության ազատությունը, պետական գնումների բարեփոխումները, իրավաստեղծ գործունեությունը, տեղեկատվության մատչելիությունը և այլն: Շուրջ 20-ից ավել հանձնառությունների միջոցով թիրախավորված գործողություններ են ձեռնարկվել ԲԿԳ հիմնական մարտահրավերների ուղղությամբ` բարելավելով հանրային ծառայությունների մատուցումը, հանրային միջոցների արդյունավետ կառավարումը, հանրային վստահության խթանումը, ինչպես նաև ապահով համայնքների ստեղծումը:
Հայաստանի կողմից արդեն իսկ որդեգրած մոտեցում է դարձել ԲԿԳ սկզբունքներին համահունչ գործելաոճը նաև ԲԿԳ գործողությունների ծրագրից դուրս: Դրա վառ օրինակն է նախորդ Գործողությունների ծրագրերով ստանձնած պարտավորությունների շարունակականությունը: Նախորդ Գործողությունների ծրագրերով ստանձնած հանձնառությունները շարունակականորեն իրականացվում են անկախ դրանց` հաջորդ ԲԿԳ ծրագրերում չընդգրկելու հանգամանքից: Այսպես օրինակ` արդեն իսկ ներդրվել է «Mail-Armenia» համակարգը, որը գործում է e-Citizen պորտալի ներքո և ՀՀ քաղաքացիներին ամրակցվում են անձնական էլեկտրոնային հասցեներ: Աշխատանքներ են տարվում պաշտոնական ծանուցումներն ուղարկել նաև այդ համակարգի միջոցով: «Համայնքների տեղական ինքնակառավարման մարմինների գործունեության թափանցիկության ապահովում» հանձնառությունը իրականացվելու է Հայաստանի 20000-ից պակաս բնակչություն ունեցող համայնքների համար: Կշարունակվի նաև համայնքապետարանների գործունեության, տեղական ինքնակառավարման մարմիններին (այսուհետ` ՏԻՄ) (համայնքների ղեկավարներին և ավագանիների անդամներին) վերապահված լիազորությունների իրականացման արդյունավետության բարձրացումը` քաղաքացիների սպասարկման նոր գրասենյակների բացման, ինչպես նաև համայնքների ղեկավարների և ավագանիների անդամների վերապատրաստման միջոցով: Հայաստանն ավարտին կհասցնի արդեն իսկ մեկնարկած Արդյունահանող ճյուղերի թափանցիկության նախաձեռնությանը միանալու գործընթացը:
Բացի այդ, երկրորդ Գործողությունների ծրագրով ստանձնած և, օբյեկտիվ հանգամանքներից ելնելով սահմանված վերջնաժամկետներում ավարտին չհասցրած հանձնառությունները ևս շարունակվելու են և ավարտին են հասցվելու` անկախ դրանց` երրորդ Գործողությունների ծրագրում չներառելու հանգամանքից:
Ի հավելումն վերոգրյալի` հարկ է նշել, որ Կառավարությունը հայտնել է և հաստատակամ է իր պատրաստակամության մեջ համատեղ աշխատել և աջակցել Գործողությունների ծրագրերի մշակման ընթացքում ստացված այն առաջարկների իրականացմանը, որոնք ԲԿԳ ձևաչափին չհամապատասխանելու պատճառով չեն ընդգրկվել Գործողությունների ծրագրերում, սակայն կարող են նպաստել կառավարման արդյունավետության բարձրացմանը:
Ոգեշնչող է, որ մեր երկրի ջանքերը նկատվում և գնահատվում են թե՛ հայաստանյան քաղաքացիական հասարակության կողմից, և թե՛ միջազգային հանրության կողմից: Մասնավորապես, 2015 թվականի սեպտեմբերին «Ինֆորմացիայի ազատության կենտրոն» հասարակական կազմակերպության կողմից նախաձեռնած 13-րդ «Ոսկե բանալի և ժանգոտ կողպեք» ամենամյա մրցանակաբաշխությանը «Բաց կառավարման գործընկերություն» միջազգային նախաձեռնության շրջանակում հայաստանյան գործողությունների ծրագրի հանձնառությունների լավագույն իրականացման համար ՀՀ կառավարության աշխատակազմն արժանացավ «Ոսկե բանալի» մրցանակին: 2015 թվականի հոկտեմբերին Մեքսիկայի Միացյալ Նահանգների Մեխիկո քաղաքում ԲԿԳ նախաձեռնության գլոբալ համաժողովի շրջանակներում ամփոփվել են նախաձեռնության ամենամյա միջազգային մրցանակաբաշխության արդյունքները, որին առաջին անգամ մասնակցելու հայտ ներկայացրած Հայաստանն արժանացել է բարձր մրցանակի` զբաղեցնելով տարածաշրջանում (Ասիա-Խաղաղօվկիանոսյան) առաջին տեղը, և ստանալով այսպես կոչված` «Տարածաշրջանային չեմպիոն» կոչումը: Մրցանակաբաշխությանը Հայաստանը ներկայացրել է «Համայնքային կառավարման տեղեկատվական համակարգի ստեղծում և ներդրում ՀՀ համայնքապետարաններում» նախաձեռնությունը: Մրցույթում այն ներկայացվել է «Խելացի համայնք» (Smart Municipality) անվանմամբ: Ծրագրի նպատակն է Հայաստանի ՏԻՄ-երի գործունեության արդյունավետության բարձրացումը և բաց կառավարման միջոցով համայնքների բնակիչներին ՏԻՄ-երի կողմից մատուցվող հանրային ծառայությունների բարելավումը:
ԾՐԱԳՐԻ ՄՇԱԿՄԱՆ ԳՈՐԾԸՆԹԱՑԸ
Նախորդ երկու Գործողությունների ծրագրերի մշակման և իրականացման արդյունքում կուտակված աննախադեպ փորձը, ԲԿԳ միջազգային ցանցը և անկախ հաշվետվական մեխանիզմի (այսուհետ` ԱՀՄ) առաջարկությունները հանդիսացան այն անկյունաքարը, որի հիման վրա ՀՀ կառավարությունը` քաղաքացիական հասարակության, միջազգային գործընկեր կազմակերպությունների և այս անգամ նաև անհատ քաղաքացիների ու մասնավոր հատվածի ներկայացուցիչների հետ համատեղ, նախաձեռնեց երրորդ Գործողությունների ծրագրի մշակման գործընթացը: Այժմ, առաջնորդվելով այն համոզմունքով, որ բազմակողմ համագործակցության և շահագրգիռ քննարկումների արդյունքում մշակված ծրագիրը հանգեցնում է որակապես բարձր և առավել շոշափելի արդյունքների, ԲԿԳ-Հայաստան երրորդ Գործողությունների ծրագիրը (այսուհետ` ծրագիր) մշակվեց հենց այդ տրամաբանությամբ: Այսինքն, առաջնահերթ կարևորություն էր տրված ծրագրի` ԲԿԳ հիմնարար սկզբունքներին համապատասխան մշակման փուլ անցկացնելու խնդրին, որն իր շղթայական ազդեցությունը պետք է ունենա հաջորդող 2 տարիների իրականացման ողջ գործընթացի վրա:
Գաղափարների հրավեր և բաց մրցույթ
Ծրագրի մշակման փուլը սկսվեց դեռևս 2016 թվականի հունվարից, երբ նախապես կազմվեց ծրագրի նախագծման քայլերի հաջորդականությունն ու ժամանակացույցը (2): Այն ներկայացվեց և քննարկվեց նաև փետրվարի 15-ին նախաձեռնության հայաստանյան աշխատանքները համակարգող աշխատանքային խմբի (այսուհետ` աշխատանքային խումբ) ընդլայնված նիստի ժամանակ, որտեղ ՀՀ կառավարությունը հայտարարեց ծրագրի մշակման գործընթացի մեկնարկի մասին: Արդյունքում համաձայնեցված ժամանակացույցը հանդիպման հաջորդ օրն ուղարկվեց սույն գործընթացում ներգրավված կողմերին և միաժամանակ հրապարակվեց նաև www.ogp.am կայքում (3): Այնուհետև հրապարակվեցին հանձնառությունների ներկայացման համար սահմանված ձևաչափը և հայերեն ուղեցույցն այն հիմնական չափորոշիչների մասին, որոնցով պետք էր առաջնորդվել Գործողությունների ծրագրի հանձնառությունները մշակելիս (4): ՈՒղեցույցում տեղեկություն էր տրված ԲԿԳ 4 հիմնարար սկզբունքների և SMART չափանիշների մասին (5): Հայտարարվել էր նաև, որ ԲԿԳ սկզբունքներին համապատասխանելուց բացի Բաց կառավարման գործընկերություն-Հայաստան երրորդ գործողությունների ծրագիրը մշակելիս նախապատվությունը կտրվի այն առաջարկներին, որոնք, բացի նշված Բաց կառավարման գործընկերության չափանիշերի համապատասխանությունից, միաժամանակ միտված կլինեն Միացյալ ազգերի կազմակերպության կողմից հաստատված կայուն զարգացման նպատակների իրականացմանը և համահունչ կլինեն Հայաստանի Հանրապետության հակակոռուպցիոն ռազմավարությանը: Նախապես ուղեցույցում նշվել էր, որ առաջարկությունները, որոնք ենթադրում են նոր օրենքների նախագծերի մշակման և ընդունման, ինչպես նաև գործող օրենքներում փոփոխությունների կատարման պահանջ (նշված պահանջի ապահովումը դուրս է ՀՀ կառավարության լիազորությունների շրջանակից), գործողությունների ծրագրում չեն ընդգրկվի: Բացի այդ, Ծրագիրը կազմելու նպատակով առաջարկություններ ներկայացնելու հրավերը էլեկտրոնային եղանակով ուղարկվել է աշխատանքային խմբի անդամ քաղաքացիական հասարակության ներկայացուցիչներին, իսկ պետական գերատեսչություններին տրվել է համապատասխան հանձնարարական: Նախագիծը, ինչպես նաև առաջարկություններ ներկայացնելու վերաբերյալ հայտարարությունը գործընթացում ակտիվ ներգրավված ՀԿ-ների կողմից շրջանառվել են նաև այլ գործընկեր ՀԿ-ների և քաղաքացիների միջև:
------------------------------
2) http://ogp.am/u_files/file/2016_2018APDev_Timeline.pdf
3) http://ogp.am/hy/news/item/2016/02/16/AP3/
4) http://ogp.am/hy/news/item/2016/03/15/manual_commitments/
5) http://ogp.am/u_files/file/Manual%20for%20AP%20commitments_Final.pdf
Քաղաքացիական նախաձեռնություններ
Հնարավորինս լայն շրջանակներին, այդ թվում անհատ քաղաքացիներին, գործարարներին, ընկերություններին` անկախ կազմակերպաիրավական ձևից, ԲԿԳ ծրագրի համար առաջարկներ ներկայացնելու հնարավորություն ընձեռելու նպատակով ՀՀ Կառավարությունը ՄԱԿ-ի Զարգացման ծրագրի «Կոլբա» նորարարական լաբորատորիայի աջակցությամբ մշակեց crowdsourcing նոր առցանց գործիք: Արդյունքում հայտարարվեց գաղափարների մրցույթ, և այս գործիքի միջոցով ներկայացվեց 18 առաջարկ (6):
---------------------
6) http://ogp.am/hy/news/item/2016/04/13/3AP_contest/
2016 թ. ապրիլին Կառավարությունը ԲԿԳ հայաստանյան գործընթացի պատմության մեջ առաջին անգամ ձեռնարկեց նաև մարզային հանդիպումներ` նպատակ ունենալով ներգրավել մարզային և մասնագիտացված հասարակական կազմակերպություններին, ինչպես նաև բարձրացնել ԲԿԳ նախաձեռնության և Գործողությունների 3-րդ ծրագրի մշակման մասին իրազեկվածության մակարդակը նաև մայրաքաղաքի շրջանակներից դուրս: Իրազեկման արշավը մեկնարկեց Երևանում ՄԱԿ-ի գրասենյակում կայացած հանդիպումով, իսկ մնացած հանդիպումներն անցկացվեցին ըստ նախօրոք հրապարակված ժամանակացույցի` Գյումրիում, Վանաձորում, Դիլիջանում, Արմավիրում և Գորիսում (7): Բացի աշխատանքային խմբի անդամներից, հանդիպումներին մասնակցում էին նաև քաղաքացիական հասարակության և միջազգային գործընկեր կազմակերպությունների ներկայացուցիչները:
------------------------
7) http://ogp.am/hy/news/item/2016/04/22/regions/
Կազմակերպվել են նաև հանդիպում-քննարկումներ տարբեր ոլորտի փորձագետների հետ, որոնց ընթացքում գեներացվել են նոր մտքեր հավակնոտ հանձնառությունների տեսքով:
Արդյունքում ստացվել և մշակվել է 70-ից ավելի առաջարկություն: ՀՀ կառավարության աշխատակազմի կողմից առաջարկների ամփոփ փաթեթը ներկայացվել է աշխատանքային խմբի անդամների քննարկմանը: Ստացված առաջարկություններն անցել են քննարկումների մի քանի փուլ: Նախ դրանց գերակշռող մեծամասնությունը շրջանառվել է պետական գերատեսչությունների միջև` մասնագիտական կարծիք ստանալու նպատակով: Այնուհետև ՀՀ կառավարության աշխատակազմի կողմից կազմակերպվել են մի շարք հանդիպում-քննարկումներ առաջարկների հեղինակների և համապատասխան պետական գերատեսչությունների ներկայացուցիչների հետ: Առանձին քննարկվել են նաև գերատեսչություններից ստացված առաջարկները:
Բազմաշահառու քննարկում
2016 թ. հունիսի 11-12-ը Աղվերանում, ՄԱԿ-ի ԶԾ-ի աջակցությամբ, կայացավ աշխատանքային խմբի ընդլայնված արտագնա նիստը` «ԲԿԳ 2016-2018 թթ. Գործողությունների ծրագրի աշխատաժողով» խորագրով: Առաջարկները քննարկելու նպատակով մասնակիցները բաժանվել էին քաղաքացիական հասարակության և պետական մարմինների ներկայացուցիչներից կազմված երկու ենթախմբերի: Յուրաքանչյուր խումբ առանձին քննարկեց առաջարկությունների փաթեթը: Ենթախմբերը պետք է գնահատեին առաջարկությունները և որոշեին դրանք ընդգրկել (եթե համապատասխանում է ԲԿԳ չափանիշներին և սկզբունքներին) կամ չընդգրկել (եթե չի համապատասխանում ԲԿԳ չափանիշներին և սկզբունքներին) ԲԿԳ ԱԾ-ում: Դրա հիման վրա ենթախմբերը կազմեցին իրենց համար ընդունելի կարճ ցուցակ: Այդ երկու կարճ ցուցակների համադրմամբ կազմվեց ընդհանուր միասնական կարճ ցուցակ: Այն առաջարկությունները, որոնք ընդգրկված էին միայն մեկ ենթախմբի կարճ ցուցակում, ևս քննարկվեցին և դրանցից որոշները նույնպես համալրեցին միասնական կարճ ցուցակը: Հարկ է նշել, որ բացի աշխատանքային խմբի անդամներից ենթախմբերի աշխատանքներին, ինչպես նաև ընդհանուր հանդիպմանը մասնակցում էին նաև այլ հասարակական կազմակերպությունների, միջազգային կազմակերպությունների ներկայացուցիչներ, աշխատանքային խմբի անդամ չհանդիսացող պետական գերատեսչությունների ներկայացուցիչներ, ինչպես նաև մի շարք ոլորտներում բարձր համբավ ունեցող փորձագետներ:
Ծրագրի նախագծի վերջնական տարբերակը քննարկվել և հավանության է արժանացել հունիսի 20-ին կայացած աշխատանքային խմբի ընդլայնված նիստում:
Ընդհանուր առմամբ ներկայացվել էր շուրջ 70 առաջարկություն, որոնցից ընտրվեցին 8-ը, որոնք համապատասխանում էին ԲԿԳ սկզբունքներին և ձևաչափին: Ծրագրում ներառված յուրաքանչյուր պարտավորություն թիրախային է և ընտրված է համակողմանի քննարկումների արդյունքում:
ՀՀ կառավարությունը, իր ԲԿԳ երրորդ գործողությունների ծրագիրը մշակելիս, առաջնորդվել է ԲԿԳ մարտահրավերների հաղթահարմանն ուղղված համապատասխան պարտավորությունների ներգրավման սկզբունքով, ԲԿԳ սկզբունքներով և www.opengovpartnership.org կայքում առկա գործողությունների ծրագրի մշակման ձևաչափով, ինչպես նաև Միացյալ ազգերի կազմակերպության կողմից հաստատված կայուն զարգացման նպատակներով ու ազգային հակակոռուպցիոն ռազմավարությամբ:
Ստացված և Ծրագրում չներառված առաջարկությունների վերաբերյալ կազմվել է ամփոփաթերթ, որտեղ նշվել է դրանք ծրագրում չընդգրկելու հիմնավորումը և պարզաբանումը: Այդ ամփոփաթերթը ներկայացվել է աշխատանքային խմբի անդամներին և տեղադրվել www.ogp.am կայքում` ապահովելով դրա հասանելիությունը հանրության համար:
ՀՀ կառավարությունը բարձր է գնահատում ԲԿԳ երրորդ գործողությունների ծրագիրը մշակելու գործընթացում ներգրավված բոլոր կողմերի, մասնավորապես` պետական գերատեսչությունների, քաղաքացիական հասարակության, միջազգային կազմակերպությունների, մասնավոր հատվածի ներկայացուցիչների, փորձագետների և անհատ քաղաքացիների ջանքերը: Նշված գործընթացում ներգրավված են եղել կազմակերպություններ և անձինք ըստ Ցանկ N 1-ի:
ԲԿԳ-Հայաստան երկրորդ գործողությունների ծրագրի վերաբերյալ անկախ հաշվետվական մեխանիզմի (այսուհետ` ԱՀՄ) հետազոտողի զեկույցի առաջարկությունների հիման վրա ՀՀ կառավարությունը զգալի շտկումներ իրականացրեց ծրագրի մշակման գործընթացում: Այսպես, օրինակ մշակվեց և հրապարակվեց ծրագրի մշակման ժամանակացույցը և ծրագրում հանձնառությունների չափանիշների վերաբերյալ ուղեցույցը, ներգրավվեցին թվով ավելի շատ ՀԿ-ներ ու առաջին անգամ, անհատ քաղաքացիներ, իրականացվեցին մի շարք իրազեկման մարզային արշավներ և հանդիպումներ, կազմակերպվեցին բազմաթիվ շահագրգիռ քննարկումներ, ներգրավվեցին նաև տարբեր ոլորտների փորձագետներ և մասնավոր հատվածի ներկայացուցիչներ: Ծրագրի մշակման գործընթացի վերաբերյալ հանրային իրազեկման մակարդակի բարձրացման նպատակով նկարահանվեց և հեռարձակվեց հեռուստահաղորդում: Թվարկված նյութերը տեղադրվել են և հասանելի են ogp.am կայքում:
ԲԿԳ ՀԱՆՁՆԱՌՈՒԹՅՈՒՆՆԵՐ
I. ԹԱՓԱՆՑԻԿՈՒԹՅԱՆ ԵՎ ՀԱՇՎԵՏՎՈՂԱԿԱՆՈՒԹՅԱՆ ԱՊԱՀՈՎՈՒՄ
._____________________________________________________________________.
|1. Պատասխանատու գործուղում. Հանրապետական գործադիր մարմինների և |
|տարածքային կառավարման մարմինների պաշտոնատար անձանց արտասահման |
|գործուղումների թափանցիկության և հաշվետվողականության ապահովում |
|_____________________________________________________________________|
|Պարտավորության մեկնարկի |Նոր հանձնառություն |
|և ավարտի ժամկետները | |
|2016 թ. հոկտեմբեր - | |
|2017 թ. հունիս | |
|_____________________________|_______________________________________|
|Լիազոր մարմինը |ՀՀ արդարադատության նախարարություն |
|_____________________________|_______________________________________|
|Լիազոր մարմնի պատասխանատու |Դիանա Ղազարյան |
|անձը | |
|_____________________________|_______________________________________|
|Պաշտոնը, վարչությունը |ՀՀ արդարադատության նախարարության |
| |աշխատակազմի հակակոռուպցիոն և |
| |քրեակատարողական քաղաքականության մշակման|
| |վարչության պետի տեղակալ |
|_____________________________|_______________________________________|
|էլ. հասցեն |[email protected] |
|_____________________________|_______________________________________|
|Հեռախոսահամարը |(+37410)594157 |
|_____________________________|_______________________________________|
|Այլ շահագրգիռ|Այլ շահագրգիռ |ՀՀ կառավարության աշխատակազմ, |
|մարմիններ |պետական |ՀՀ ֆինանսների նախարարություն, |
| |մարմիններ |ՀՀ արտաքին գործերի նախարարություն |
| |_______________|_______________________________________|
| |Քաղաքացիական |«Հելիքս» ՍՊԸ (համաձայնությամբ), |
| |հասարակություն,|«Իրավաբանների հայկական ասոցիացիա» ՀԿ |
| |մասնավոր հատված|(համաձայնությամբ) |
|_____________________________|_______________________________________|
|Կարգավորման ենթակա խնդիրը |«Հանրապետական գործադիր մարմինների և |
| |տարածքային կառավարման մարմինների |
| |ներկայացուցիչների` արտասահման |
| |գործուղումների մասին» ՀՀ վարչապետի 2013|
| |թվականի նոյեմբերի 26-ի N 1087-Ն |
| |որոշմամբ սահմանվում են հանրապետական |
| |գործադիր մարմինների կամ տարածքային |
| |կառավարման մարմինների ղեկավարների, |
| |նրանց տեղակալների կամ պաշտոնատար այլ |
| |անձանց` արտասահման գործուղման մեկնելու |
| |համար ՀՀ վարչապետի թույլտվությունը |
| |ստանալու և գործուղումից վերադառնալուց |
| |հետո ՀՀ կառավարության աշխատակազմ |
| |գործուղման արդյունքների մասին |
| |հաշվետվություն ներկայացնելու |
| |ընթացակարգերը: Հաշվետվություններում |
| |ներկայացվում է տեղեկատվություն |
| |գործուղման նպատակի, հրավիրողի, |
| |քննարկված թեմաների, ելույթների, |
| |հանդիպումների, ընդունված որոշումների, |
| |ստորագրված փաստաթղթերի, ակնկալվող |
| |արդյունքների և այլնի վերաբերյալ: |
| |Վերոնշյալ անձանց գործուղելու մասին ՀՀ |
| |վարչապետի անհատական որոշումները |
| |հրապարակվում են ՀՀ կառավարության |
| |www.e-gov.am կայքում: Սակայն արտասահման|
| |գործուղման արդյունքների մասին |
| |հաշվետվությունները չեն հրապարակվում: |
|_____________________________|_______________________________________|
|Հիմնական նպատակը |Հանրապետական գործադիր մարմինների կամ |
| |տարածքային կառավարման մարմինների |
| |ղեկավարների, նրանց տեղակալների կամ |
| |պաշտոնատար այլ անձանց գործուղելու |
| |նպատակով Հայաստանի Հանրապետության |
| |պետական բյուջեից հատկացվող |
| |ֆինանսավորման արդյունավետության և |
| |հաշվետվողականության բարձրացում, ՀՀ |
| |կառավարության գործունեության |
| |թափանցիկության բարելավում: |
|_____________________________|_______________________________________|
|Պարտավորության հակիրճ |Կստեղծվի «բաց տվյալների» սկզբունքի |
|նկարագրությունը |հիման վրա` պաշտոնատար անձանց արտասահման|
| |գործուղումների որոշումների և դրանց |
| |հաշվետվությունների հրապարակման |
| |միասնական հարթակ` որոնման |
| |հնարավորությամբ: |
|_____________________________|_______________________________________|
|ԲԿԳ ո՞ր մարտահրավերից է բխում|Հանրային ռեսուրսների առավել արդյունավետ|
|պարտավորությունը |կառավարում, հանրային օրինավորության |
| |խթանում |
|_____________________________|_______________________________________|
|Համապատասխանությունը ԲԿԳ |Գործուղումների արդյունքների վերաբերյալ |
|արժեքներին |հաշվետվությունների հանրայնացումը |
| |կհանգեցնի նախկինում քաղաքացիների համար |
| |չհրապարակվող տեղեկատվության |
| |հասանելիությանը և հանրային |
| |հաշվետվողականության բարձրացմանը |
|_____________________________|_______________________________________|
|Հավակնություն |Գործուղումների հաշվետվությունների |
| |հասանելիությունը կապահովի պետական |
| |միջոցների առավել նպատակային |
| |օգտագործմանը, հաշվետվողականության և |
| |վստահության բարձրացմանը: |
|_____________________________________________________________________|
|Պարտավորության կատարման ստուգելի և չափելի |Մեկնարկի օր|Ավարտի օր|
|չափանիշներ | | |
|_______________________________________________|___________|_________|
|1. Պաշտոնատար անձանց արտասահման գործուղումների |2016 թ. |2017 թ. |
|թույլտվությունների կարգը սահմանող իրավական |սեպտեմբեր |հունվար |
|ակտերում փոփոխությունների և լրացումների | | |
|մշակում և քննարկում շահագրգիռ քաղաքացիական | | |
|հասարակության ներկայացուցիչների հետ: | | |
|_______________________________________________|___________|_________|
|2. Իրավական ակտերի նախագծերի համաձայնեցում |2017 թ. |2017 թ. |
|շահագրգիռ գերատեսչությունների հետ և ընդունում:|հունվար |ապրիլ |
|_______________________________________________|___________|_________|
|3. Հանրապետական գործադիր մարմինների կամ |2017 թ. |2017 թ. |
|տարածքային կառավարման մարմինների ղեկավարների, |մայիս |հոկտեմբեր|
|նրանց տեղակալների կամ պաշտոնատար այլ անձանց | | |
|արտասահման գործուղումների որոշումների և | | |
|հաշվետվությունների հրապարակման` օգտագործողի | | |
|համար մատչելի միասնական տեղեկատվական հարթակի | | |
|ստեղծում: | | |
._____________________________________________________________________.
._____________________________________________________________________.
|2. Կառավարության դրամաշնորհների հաշվետվողականություն. ՀՀ պետական |
|բյուջեից դրամաշնորհների հատկացման թափանցիկության և |
|հաշվետվողականության ապահովում |
|_____________________________________________________________________|
|Պարտավորության մեկնարկի |Նոր հանձնառություն |
|և ավարտի ժամկետները | |
|2016 թ. սեպտեմբեր - | |
|2017 թ. հունիս | |
|_____________________________|_______________________________________|
|Լիազոր մարմինը |ՀՀ արդարադատության նախարարություն |
|_____________________________|_______________________________________|
|Լիազոր մարմնի պատասխանատու |Դիանա Ղազարյան |
|անձը | |
|_____________________________|_______________________________________|
|Պաշտոնը, վարչությունը |ՀՀ արդարադատության նախարարության |
| |աշխատակազմի հակակոռուպցիոն և |
| |քրեակատարողական քաղաքականության մշակման|
| |վարչության պետի տեղակալ |
|_____________________________|_______________________________________|
|էլ. հասցեն |[email protected] |
|_____________________________|_______________________________________|
|Հեռախոսահամարը |(+37410)594157 |
|_____________________________|_______________________________________|
|Այլ շահագրգիռ|Այլ շահագրգիռ |ՀՀ կառավարության աշխատակազմ, |
|մարմիններ |պետական |ՀՀ ֆինանսների նախարարություն |
| |մարմիններ | |
| |_______________|_______________________________________|
| |Քաղաքացիական |«Արմավիրի զարգացման կենտրոն» ՀԿ |
| |հասարակություն,|(համաձայնությամբ) |
| |մասնավոր հատված| |
|_____________________________|_______________________________________|
|Կարգավորման ենթակա խնդիրը |ՀՀ պետական բյուջեից դրամաշնորհների |
| |հատկացման գործընթացները կանոնակարգվում |
| |են «Պետական բյուջեի մասին» ՀՀ օրենքով, |
| |«Գնումների մասին» ՀՀ օրենքով, «ՀՀ |
| |պետական բյուջեից իրավաբանական անձանց |
| |սուբսիդիաների և դրամաշնորհների |
| |հատկացման կարգը հաստատելու մասին» ՀՀ |
| |կառավարության 2003 թ. դեկտեմբերի 24 |
| |N 1937-Ն որոշմամբ և «ՀՀ պետական |
| |բյուջեից ՀՀ Նախագահի աշխատակազմին |
| |հատկացված միջոցները հասարակական |
| |կազմակերպություններին որպես |
| |դրամաշնորհներ հատկացնելու կարգը |
| |հաստատելու մասին» ՀՀ Նախագահի 2008 թ. |
| |մայիսի 19-ի ՆՀ-118-Ն հրամանագրով: |
| |Սահմանված չեն լիազոր մարմնի կողմից |
| |դրամաշնորհի տրամադրման համար |
| |կազմակերպված մրցույթների մասնակցած և |
| |հաղթող ճանաչված կազմակերպությունների |
| |վերաբերյալ տեղեկատվության հրապարակման, |
| |դրամաշնորհային ծրագրերը իրականացնող |
| |կազմակերպությունների կողմից |
| |հաշվետվությունների ներկայացման և |
| |լիազոր մարմնի կողմից այդ |
| |հաշվետվությունների հրապարակման |
| |ընթացակարգերը: |
|_____________________________|_______________________________________|
|Հիմնական նպատակը |Հայաստանի Հանրապետության պետական |
| |բյուջեից հատկացվող դրամաշնորհների |
| |օգտագործման արդյունավետության |
| |բարձրացում, դրամաշնորհների տրամադրման |
| |ընթացակարգերի և դրամաշնորհներով |
| |իրականացված ծրագրերի վերաբերյալ |
| |տեղեկատվության մատչելիության, |
| |դրամաշնորհների հասցեականության, ոլորտի |
| |հաշվետվողականության և թափանցիկության |
| |բարելավում: |
|_____________________________|_______________________________________|
|Պարտավորության հակիրճ |Պետական բյուջեից դրամաշնորհ ստանալու |
|նկարագրությունը |մրցույթին մասնակցած և հաղթող ճանաչված |
| |կազմակերպությունների ցանկի, ինչպես նաև |
| |դրամաշնորհներով իրականացված ծրագրերի |
| |հաշվետվությունների հրապարակում |
| |համապատասխան պետական մարմնի պաշտոնական |
| |կայքում: |
|_____________________________|_______________________________________|
|ԲԿԳ ո՞ր մարտահրավերից է բխում|Հանրային ռեսուրսների առավել արդյունավետ|
|պարտավորությունը |կառավարում, հանրային վստահության |
| |բարելավում, հանրային օրինավորության |
| |խթանում |
|_____________________________|_______________________________________|
|Համապատասխանությունը ԲԿԳ |Պետական բյուջեից տրամադրվող |
|արժեքներին |դրամաշնորհներով իրականացված ծրագրերի |
| |հաշվետվությունների հրապարակումը կխթանի |
| |հանրային հաշվետվողականությունը, ինչը |
| |կնպաստի պետական միջոցների ծախսման |
| |արդյունավետության բարձրացմանը և |
| |հասցեական օգտագործմանը: |
| |Պետական բյուջեից դրամաշնորհ ստանալու |
| |մրցույթին մասնակցած և հաղթող ճանաչված |
| |կազմակերպությունների ցանկի հրապարակումն|
| |հանգեցնելու է տեղեկատվության |
| |հասանելիության մակարդակի ընդլայնմանը: |
|_____________________________|_______________________________________|
|Հավակնություն |Պետական բյուջեի միջոցների արդյունավետ |
| |կառավարում, իրականացվող դրամաշնորհային |
| |ծրագրերի որակական փոփոխություն, |
| |հաշվետվողականության, թափանցիկության և |
| |վստահության բարձրացում: |
|_____________________________________________________________________|
|Պարտավորության կատարման ստուգելի և չափելի |Մեկնարկի օր|Ավարտի օր|
|չափանիշներ | | |
|_______________________________________________|___________|_________|
|1. Դրամաշնորհների տրամադրման կարգերը սահմանող |2016 թ. |2016 թ. |
|իրավական ակտերում փոփոխությունների և |սեպտեմբեր |դեկտեմբեր|
|լրացումների մշակում և քննարկում շահագրգիռ | | |
|քաղաքացիական հասարակության ներկայացուցիչների | | |
|հետ: | | |
|_______________________________________________|___________|_________|
|2. Իրավական ակտերի նախագծերի համաձայնեցում |2017 թ. |2017 թ. |
|շահագրգիռ գերատեսչությունների հետ և ընդունում:|հունվար |մայիս |
|_______________________________________________|___________|_________|
|3. Դրամաշնորհ ստացած կազմակերպությունների |2017 թ. |Շարունա- |
|հաշվետվությունների հրապարակում դրամաշնորհներ |հունիս |կական |
|տրամադրող լիազոր մարմինների պաշտոնական | | |
|կայքերում: | | |
|_______________________________________________|___________|_________|
|4. ՀՀ պետական բյուջեից դրամաշնորհների |2017 թ. |Շարունա- |
|տրամադրման մրցույթներին մասնակցած և հաղթող |հունիս |կական |
|ճանաչված կազմակերպությունների ցանկի տեղադրում | | |
|դրամաշնորհներ տրամադրող լիազոր մարմինների | | |
|պաշտոնական կայքերում: | | |
._____________________________________________________________________.
._____________________________________________________________________.
|3. «Ավելի ինտերակտիվ բյուջե». Պետական բյուջեի թափանցիկության |
|ապահովում` «բաց տվյալների» սկզբունքի կիրառմամբ |
|_____________________________________________________________________|
|Պարտավորության մեկնարկի և |Նոր հանձնառություն |
|ավարտի ժամկետները | |
|2016 թ. դեկտեմբեր - | |
|2018 թ. հունիս | |
|_____________________________|_______________________________________|
|Լիազոր մարմինը |ՀՀ ֆինանսների նախարարություն |
|_____________________________|_______________________________________|
|Լիազոր մարմնի պատասխանատու |Ժիրայր Տիտիզյան |
|անձը | |
|_____________________________|_______________________________________|
|Պաշտոնը, վարչությունը |ՀՀ ֆինանսների նախարարության աշխատակազմի|
| |գործառնական վարչության պետ |
|_____________________________|_______________________________________|
|էլ. հասցեն |[email protected] |
|_____________________________|_______________________________________|
|Հեռախոսահամարը |(+37411)910406 |
|_____________________________|_______________________________________|
|Այլ շահագրգիռ|Այլ շահագրգիռ |ՀՀ կառավարության աշխատակազմ |
|մարմիններ |պետական | |
| |մարմիններ | |
| |_______________|_______________________________________|
| |Քաղաքացիական |«Հելիքս» ՍՊԸ (համաձայնությամբ), |
| |հասարակություն,|«Կոմպասս» կրթական, հետազոտական և |
| |մասնավոր հատված|խորհրդատվական կենտրոն» ՀԿ |
| | |(համաձայնությամբ) |
|_____________________________|_______________________________________|
|Կարգավորման ենթակա խնդիրը |Ներկայումս ՀՀ քաղաքացիները |
| |հնարավորություն ունեն ՀՀ կառավարության |
| |և ՀՀ ֆինանսների նախարարության |
| |վեբ-կայքերում տեղադրված առցանց |
| |էլեկտրոնային ինտերակտիվ բյուջեի միջոցով|
| |տեղեկանալ ՀՀ պետական բյուջեի |
| |կառուցվածքին, ըստ գործառական |
| |դասակարգման` ծախսերի պլանավորված և |
| |փաստացի մեծություններին: |
| |Համակարգի թերությունը կայանում է |
| |նրանում, որ չնայած այն օգտագործողին |
| |տրամադրում է վերոնշյալ տեղեկատվությունը|
| |ՀՀ պետական բյուջեի վերաբերյալ, սակայն |
| |այն կառուցված չէ «բաց տվյալների» |
| |սկզբունքների հիման վրա: Համակարգը |
| |օգտագործողին չի ընձեռում |
| |տեղեկատվությունը ներբեռնելու և այն` իր|
| |նպատակների համար մշակելու |
| |հնարավորություն: |
|_____________________________|_______________________________________|
|Հիմնական նպատակը |Էլեկտրոնային «ինտերակտիվ բյուջե» |
| |համակարգի կատարելագործումը |
| |հնարավորություն կտա բացի ծախսային մասից|
| |ինտերակտիվ եղանակով ցույց տալ բյուջեի |
| |ոչ միայն պլանավորված, այլ նաև ըստ |
| |ձևավորման աղբյուրների փաստացի |
| |եկամուտները, համապատասխան |
| |կատարելագործված գործիքների կիրառմամբ |
| |հնարավոր դարձնել կոնկրետ տվյալների |
| |որոնումը (օրինակ բյուջեի ծախսերի |
| |բաշխումը ՀՀ պետական մարմինների ներսում |
| |և այլն), ինչպես նաև տեղեկատվությունը |
| |դարձնել մատչելի այն օգտագործողի կողմից |
| |հետագա մշակման համար (Machine |
| |readable): Այն կապահովի ՀՀ պետական |
| |բյուջեի մասին տեղեկատվության |
| |օգտագործման մատչելիությունը, կբարելավի |
| |ՀՀ պետական բյուջեի փաստացի ծախսերի և |
| |հավաքագրված եկամուտների վերաբերյալ |
| |տեղեկատվության թափանցիկությունը: |
|_____________________________|_______________________________________|
|Պարտավորության հակիրճ |Պետական բյուջեի թափանցիկության |
|նկարագրությունը |մակարդակի բարելավում` «բաց տվյալների» |
| |սկզբունքի հիման վրա: |
|_____________________________|_______________________________________|
|ԲԿԳ ո՞ր մարտահրավերից է բխում|Հանրային ծառայությունների բարելավում, |
|պարտավորությունը |հանրային օրինավորության խթանում |
|_____________________________|_______________________________________|
|Համապատասխանությունը ԲԿԳ |«Բաց տվյալների» սկզբունքի կիրառմամբ` |
|արժեքներին |ինտերակտիվ ձևաչափով պետական բյուջեի |
| |ծախսային և եկամտային հոդվածների առցանց|
| |ներկայացումը նպաստում է նորարարության |
| |և տեխնոլոգիաների գործածմամբ |
| |հասանելիության և հաշվետվողականության |
| |բարձրացմանը: |
|_____________________________|_______________________________________|
|Հավակնություն |«Բաց տվյալների» սկզբունքի կիրառումը |
| |թույլ կտա Հայաստանի պետական բյուջեն |
| |առավել հասանելի ու ընկալելի դարձնել |
| |վերլուծաբանների, լրագրողների ու |
| |քաղաքացիների համար: Համակարգը թույլ |
| |կտա իրականացնել բյուջեի ծախսերի |
| |համեմատական վերլուծություն, գտնել |
| |օրինաչափություններ և բացահայտել |
| |խնդիրները: Երկարաժամկետ հատվածում |
| |գործիքը թույլ կտա ավելի արդյունավետ |
| |պլանավորում իրականացնել` հիմնված |
| |փաստահեն վերլուծությունների վրա: |
|_____________________________________________________________________|
|Պարտավորության կատարման ստուգելի և չափելի |Մեկնարկի օր|Ավարտի օր|
|չափանիշներ | | |
|_______________________________________________|___________|_________|
|1. Մասնավոր ընկերությունների և քաղաքացիական |2016 թ. |2017 թ. |
|հասարակության հետ քննարկումներ` աշխատանքների |հոկտեմբեր |հունվար |
|շրջանակը հստակեցնելու նպատակով: | | |
|_______________________________________________|___________|_________|
|2. Տեխնիկական առաջադրանքի մշակում և գնումների |2017 թ. |2017 թ. |
|գործընթացի անցկացում: |փետրվար |հունիս |
|_______________________________________________|___________|_________|
|3. «Բաց տվյալների» սկզբունքի վրա հիմնված |2017 թ. |2018 թ. |
|«ինտերակտիվ բյուջե» համակարգի կատարելագործում` |հուլիս |հունիս |
|նաև ըստ ձևավորման աղբյուրների փաստացի | | |
|եկամուտների ներկայացման հնարավորությամբ: | | |
._____________________________________________________________________.
._____________________________________________________________________.
|4. «Բաց տվյալներ» պաշտոնական հայտարարագրերում. բարձրաստիճան |
|պաշտոնատար անձանց գույքի, եկամուտների և փոխկապակցված անձանց |
|հայտարարագրերի էլեկտրոնային համակարգի կատարելագործում |
|_____________________________________________________________________|
|Պարտավորության մեկնարկի և |Նոր հանձնառություն |
|ավարտի ժամկետները | |
|2016 թ. սեպտեմբեր - | |
|2018 թ. հունիս | |
|_____________________________|_______________________________________|
|Լիազոր մարմինը |Բարձրաստիճան պաշտոնատար անձանց էթիկայի |
| |հանձնաժողով (համաձայնությամբ) |
|_____________________________|_______________________________________|
|Լիազոր մարմնի պատասխանատու |Արմեն Խուդավերդյան |
|անձը | |
|_____________________________|_______________________________________|
|Պաշտոնը, վարչությունը |ՀՀ բարձրաստիճան պաշտոնատար անձանց |
| |էթիկայի հանձնաժողովի նախագահի տեղակալ |
|_____________________________|_______________________________________|
|էլ. հասցեն |[email protected] |
|_____________________________|_______________________________________|
|Հեռախոսահամարը |(+37410)5880795 |
|_____________________________|_______________________________________|
|Այլ շահագրգիռ|Այլ շահագրգիռ |ՀՀ կառավարության աշխատակազմ |
|մարմիններ |պետական | |
| |մարմիններ | |
| |_______________|_______________________________________|
| |Քաղաքացիական |«Հետք» (համաձայնությամբ), |
| |հասարակություն,|«Թրանսփարենսի ինթերնեշնլ» ՀԿ |
| |մասնավոր հատված|(համաձայնությամբ) |
|_____________________________|_______________________________________|
|Կարգավորման ենթակա խնդիրը |2012 թ-ից բարձրաստիճան պաշտոնատար |
| |անձանց գույքի, եկամուտների և |
| |փոխկապակցված անձանց հայտարարագրերը |
| |հրապարակվում են ՀՀ կառավարության |
| |2011 թ. դեկտեմբերի 15-ի թիվ 1835-Ն |
| |որոշման պահանջներին համապատասխան` PDF |
| |ձևաչափով: 2015 թ. Հանձնաժողովը |
| |հայտարարագրերի էլեկտրոնային համակարգում|
| |ստեղծել է հաշվետվությունների համակարգ, |
| |որը հնարավորություն է տալիս ստանալու |
| |ինչպես հայտարարագիրը սահմանված |
| |ժամկետում չներկայացրած, այնպես էլ |
| |ժամկետից ուշ ներկայացրած անձանց մասին |
| |տեղեկատվությունը: Այն դեռևս կապակցած |
| |չէ Հանձնաժողովի www.ethics.am կայքէջի |
| |հետ և օգտվողի համար անհասանելի է: |
| |Արդյունքում գործող համակարգը |
| |օգտվողներին հնարավորություն է տալիս |
| |դուրս բերել «Հանրային ծառայության |
| |մասին» ՀՀ օրենքով սահմանված |
| |ժամկետներում հայտարարագիր չներկայացրած |
| |կամ ժամկետից ուշ ներկայացրած |
| |հայտարարատուների մասին տվյալներ, սակայն|
| |ոչ ամփոփ տեսքով (ցուցակների դուրսբերման|
| |հնարավորություն գործող համակարգը չի |
| |ընձեռում): |
| |Դրա հետ մեկտեղ, Հանձնաժողովի |
| |www.ethics.am կայքէջի «Հայտարարագրերի |
| |ռեեստր» բաժնում հայտարարագրերի որոնումն|
| |իրականացվում է պաշտոնատար անձի «Անուն, |
| |Ազգանուն», «Պաշտոն» և «Տարի» |
| |հայտանիշներով: Առկա են խնդիրներ` կապված|
| |ոչ միայն հայտարարագրերի տվյալներին |
| |հասանելիության և մատչելիության |
| |ապահովման, այլ նաև այդ տվյալների |
| |հետագա վերամշակման հետ: «Հայտարարագրերի|
| |ռեեստր» բաժինն օգտվողների, |
| |մասնավորապես` հետաքննող լրագրողների, |
| |հայտարարագրերի տվյալների |
| |ուսումնասիրություններ իրականացնողների |
| |համար դեռևս մատչելի չէ հետևյալ |
| |տեսանկյունից. հայտարարագրերից |
| |պահանջվելիք տվյալների ընտրության` ըստ |
| |կոնկրետ հայտանիշի, առանձին տարիների |
| |տվյալների շարքերի (դինամիկայի) ստացման |
| |ու վերլուծությունների: |
|_____________________________|_______________________________________|
|Հիմնական նպատակը |Քաղաքացիական հասարակության համար |
| |մատչելի ու հասանելի դարձնել օրենքով |
| |սահմանված ժամկետներում հայտարարագիր |
| |չներկայացրած հայտարարատուների |
| |տվյալները, ինչպես նաև հնարավորություն |
| |ընձեռել ինտերակտիվ եղանակով համակարգից |
| |ստանալու հրապարակման ենթակա տվյալները |
| |էլեկտրոնային բաց ձևաչափով: |
|_____________________________|_______________________________________|
|Պարտավորության հակիրճ |Բարձրաստիճան պաշտոնատար անձանց |
|նկարագրությունը |հայտարարագրերի ֆորմատի |
| |համապատասխանեցում «բաց տվյալների» |
| |սկզբունքին, դրանց վերամշակման, |
| |վերլուծության, որոնման համակարգի |
| |կատարելագործում: |
|_____________________________|_______________________________________|
|ԲԿԳ ո՞ր մարտահրավերից է բխում|Հանրային օրինավորության խթանում |
|պարտավորությունը | |
|_____________________________|_______________________________________|
|Համապատասխանությունը ԲԿԳ |Բարձրաստիճան պաշտոնատար անձանց |
|արժեքներին |հայտարարագրերի հրապարակումը «բաց |
| |տվյալների» սկզբունքով կխթանի |
| |տեղեկատվության հասանելիությունը և |
| |մատչելիությունը, ինչպես նաև կապահովի |
| |առավել բարձր հանրային |
| |հաշվետվողականություն: |
|_____________________________|_______________________________________|
|Հավակնություն |Ակնկալվում է ՔՀ օժանդակությամբ |
| |ազդեցություն ունենալ հայտարարատուների |
| |կողմից հայտարարագրերի ներկայացման |
| |պարտականության կատարման գործընթացի վրա`|
| |բարելավելով ինչպես օրենքով սահմանված |
| |ժամկետում չներկայացված, այնպես էլ ուշ |
| |ներկայացված հայտարարագրերի |
| |վիճակագրությունը: Դրա հետ մեկտեղ, |
| |հայտարարագրերի ռեեստրի ինտերակտիվ |
| |գործիքի ներդրման արդյունքում |
| |Հանձնաժողովն ակնկալում է ՔՀ շահագրգիռ |
| |միավորումների կողմից ստանալ առավել |
| |փաստարկված առաջարկություններ ու |
| |դիմումներ այս կամ այն բարձրաստիճան |
| |պաշտոնատար անձի կողմից «Հանրային |
| |ծառայության մասին» ՀՀ օրենքով սահմանված|
| |գործունեության սահմանափակումների կամ |
| |շահերի բախման իրավիճակների, կամ էլ |
| |էթիկայի կանոնների առերևույթ |
| |խախտումների կամ այդ կապակցությամբ |
| |արձանագրված ռիսկերի վերաբերյալ: |
|_____________________________________________________________________|
|Պարտավորության կատարման |Մեկնարկի օր|Ավարտի օր|
|ստուգելի և չափելի չափանիշներ | | |
|_______________________________________________|___________|_________|
|1. Շահագրգիռ քաղաքացիական միավորումներին |2016 թ. |2016 թ. |
|հանձնառության առաջարկության ներկայացում, նրանց |սեպտեմբեր |դեկտեմբեր|
|կարծիքների ստացում, քննարկումների կազմակերպում,| | |
|արդյունքների ամփոփում` օրենքով սահմանված | | |
|ժամկետում հայտարարագիր չներկայացրած անձանց | | |
|ցուցակների հրապարակման, Հանձնաժողովի կայքէջի | | |
|«Հայտարարագրերի ռեեստր» բաժինը օգտվողների համար| | |
|ինտերակտիվ դարձնելու ճանապարհով ծրագրային | | |
|ապահովման մշակման վերաբերյալ: | | |
|_______________________________________________|___________|_________|
|2. 2016 թ. հայտարարագիր չներկայացրած և |2016 թ. |2017 թ. |
|սահմանված ժամկետից ուշ ներկայացրած անձանց |դեկտեմբեր |մարտ |
|ցուցակների հրապարակում Հանձնաժողովի կայքում: | | |
|_______________________________________________|___________|_________|
|3. Հանձնաժողովի www.ethics.am կայքի |2017 թ. |2018 թ. |
|«Հայտարարագրերի ռեեստր» բաժնի որոնողական |մարտ |հունիս |
|համակարգի զարգացում, դրա` օգտվողի համար | | |
|ինտերակտիվ հասանելիության ապահովում, ծրագրային | | |
|ապահովման մշակում և ներդնում: | | |
._____________________________________________________________________.
II. ՏԵՂԵԿԱՏՎՈՒԹՅԱՆ ՄԱՏՉԵԼԻՈՒԹՅԱՆ ԽԹԱՆՈՒՄ
._____________________________________________________________________.
|5. Համայնքային որոշումների պորտալ. Համայնքի ավագանու և համայնքի |
|ղեկավարի որոշումների միասնական իրավական տեղեկատվական համակարգի |
|ստեղծում |
|_____________________________________________________________________|
|Պարտավորության մեկնարկի և |Նոր հանձնառություն |
|ավարտի ժամկետները | |
|2016 թ. սեպտեմբեր - | |
|շարունակական | |
|_____________________________|_______________________________________|
|Լիազոր մարմինը |ՀՀ տարածքային կառավարման և զարգացման |
| |նախարարություն |
|_____________________________|_______________________________________|
|Լիազոր մարմնի պատասխանատու |Աշոտ Գիլոյան |
|անձը | |
|_____________________________|_______________________________________|
|Պաշտոնը, վարչությունը |ՀՀ տարածքային կառավարման նախարարության |
| |աշխատակազմի տեղական ինքնակառավարման |
| |վարչության պետ |
|_____________________________|_______________________________________|
|էլ. հասցեն |[email protected] |
|_____________________________|_______________________________________|
|Հեռախոսահամարը |(+37410)511342 |
|_____________________________|_______________________________________|
|Այլ շահագրգիռ|Այլ շահագրգիռ |ՀՀ մարզպետարաններ |
|մարմիններ |պետական | |
| |մարմիններ | |
| |_______________|_______________________________________|
| |Քաղաքացիական |«Տեղեկատվական համակարգերի զարգացման և |
| |հասարակություն,|վերապատրաստման կենտրոն» ՀԿ |
| |մասնավոր հատված|(համաձայնությամբ), «Արմավիրի զարգացման |
| | |կենտրոն» ՀԿ (համաձայնությամբ) |
|_____________________________|_______________________________________|
|Կարգավորման ենթակա խնդիրը |Ներկայումս Հայաստանի Հանրապետության |
| |համայնքների ավագանու և ղեկավարի |
| |որոշումներն էլեկտրոնային կերպով |
| |հրապարակվում են տարբեր պաշտոնական |
| |վեբ-կայքերում, մասնավորապես` ՀՀ |
| |համապատասխան մարզպետարանների |
| |վեբ-կայքերում` PDF ֆորմատով: Իրավական |
| |ակտին հղման անվանման մեջ հիմնականում |
| |նշվում են իրավական ակտի համարը և |
| |ընդունման ամսաթիվը, որը անհնար է |
| |դարձնում այլ պարամետրերով օգտագործել |
| |«որոնել» գործիքը: Գոյություն չունի |
| |Հայաստանի Հանրապետության համայնքների |
| |ավագանու և ղեկավարի որոշումները |
| |էլեկտրոնային եղանակով հրապարակման մեկ |
| |միասնական հարթակ, ինչպես այլ իրավական |
| |ակտերի դեպքում է (www.arlis.am |
| |վեբ-կայքը): Սա օգտագործողի համար |
| |ստեղծում է դժվարություններ իրեն |
| |անհրաժեշտ իրավական ակտը գտնելու |
| |գործում: |
|_____________________________|_______________________________________|
|Հիմնական նպատակը |Ավագանու և համայնքի ղեկավարի |
| |որոշումների հասանելիության ապահովում, |
| |փնտրելու հնարավորության ստեղծում (պարզ |
| |և ընդլայնված որոնում), օգտագործման |
| |մատչելիության ապահովում, համայնքների |
| |գործունեության թափանցիկության |
| |բարելավում: |
|_____________________________|_______________________________________|
|Պարտավորության հակիրճ |«Բաց տվյալների» սկզբունքի հիման վրա |
|նկարագրությունը |համայնքի ավագանու և համայնքի ղեկավարի |
| |որոշումների հրապարակման միասնական |
| |իրավական տեղեկատվական համակարգի |
| |ստեղծում: |
|_____________________________|_______________________________________|
|ԲԿԳ ո՞ր մարտահրավերից է բխում|Հանրային ծառայությունների բարելավում, |
|պարտավորությունը |հանրային օրինավորության խթանում |
|_____________________________|_______________________________________|
|Համապատասխանությունը ԲԿԳ |Ավագանու և համայնքի ղեկավարի |
|արժեքներին |որոշումների` «բաց տվյալների» սկզբունքի |
| |հիման վրա հրապարակումը տեղեկատվության |
| |հասանելիության առումով նոր որակ է |
| |հաղորդում հանրային հաշվետվողականության |
| |արժեքի ներդրման և հետևողական |
| |զարգացման հարցում: |
|_____________________________|_______________________________________|
|Հավակնություն |Ավագանու և համայնքի ղեկավարի |
| |որոշումների հասանելիության ապահովում, |
| |համայնքների գործունեության |
| |թափանցիկության բարելավում, |
| |հաշվետվողականության և վստահության |
| |բարձրացում: |
|_____________________________________________________________________|
|Պարտավորության կատարման |Մեկնարկի օր|Ավարտի օր|
|ստուգելի և չափելի չափանիշներ | | |
|_______________________________________________|___________|_________|
|1. Համայնքի ավագանու և համայնքի ղեկավարի |2016 թ. |2016 թ. |
|որոշումների հրապարակման մեկ միասնական |սեպտեմբեր |նոյեմբեր |
|էլեկտրոնային հարթակի ստեղծում վերաբերյալ | | |
|հնարավոր տեխնիկական լուծումների քննարկում | | |
|քաղհասարակության և մասնավոր | | |
|կազմակերպությունների ներկայացուցիչների հետ: | | |
|_______________________________________________|___________|_________|
|2. Համայնքի ավագանու և համայնքի ղեկավարի |2016 թ. |2018 թ. |
|որոշումների հրապարակման մեկ միասնական |դեկտեմբեր |հունիս |
|էլեկտրոնային հարթակի ստեղծում` որոնման | | |
|հնարավորությամբ: | | |
|_______________________________________________|___________|_________|
|3. Համայնքային ծառայողների ուսուցման |2017 թ. |2017 թ. |
|կազմակերպում և անցկացում: |հուլիս |դեկտեմբեր|
|_______________________________________________|___________|_________|
|4. Համայնքի ավագանու և համայնքի ղեկավարի |2018 թ. |Շարունա- |
|նախկինում ընդունված որոշումների արխիվային |հունվար |կական |
|բազայի ստեղծում: | | |
._____________________________________________________________________.
._____________________________________________________________________.
|6. Հաշվետու լիցենզավորում. Պետական մարմինների կողմից տրամադրվող |
|լիցենզիաների և ծանուցման ենթակա գործունեություն իրականացնող անձանց |
|պետական միասնական էլեկտրոնային գրանցամատյանի ստեղծում |
|_____________________________________________________________________|
|Պարտավորության մեկնարկի և |Նոր հանձնառություն |
|ավարտի ժամկետները | |
|2016 թ. օգոստոս - | |
|2017 թ. ապրիլ | |
|_____________________________|_______________________________________|
|Լիազոր մարմինը |ՀՀ արդարադատության նախարարություն |
|_____________________________|_______________________________________|
|Լիազոր մարմնի պատասխանատու |Դիանա Ղազարյան |
|անձը | |
|_____________________________|_______________________________________|
|Պաշտոնը, վարչությունը |ՀՀ արդարադատության նախարարության |
| |աշխատակազմի հակակոռուպցիոն և |
| |քրեակատարողական քաղաքականության մշակման|
| |վարչության պետի տեղակալ |
|_____________________________|_______________________________________|
|էլ. հասցեն |[email protected] |
|_____________________________|_______________________________________|
|Հեռախոսահամարը |(+37410)594157 |
|_____________________________|_______________________________________|
|Այլ շահագրգիռ|Այլ շահագրգիռ |ՀՀ կառավարության աշխատակազմ, |
|մարմիններ |պետական |ՀՀ ֆինանսների նախարարություն |
| |մարմիններ | |
| |_______________|_______________________________________|
| |Քաղաքացիական |«Ներդաշնակ զարգացում» ՀԿ |
| |հասարակություն,|(համաձայնությամբ) |
| |մասնավոր հատված| |
|_____________________________|_______________________________________|
|Կարգավորման ենթակա խնդիրը |Ներկայումս Հայաստանի Հանրապետությունում|
| |պետական մարմինների կողմից տրամադրված |
| |լիցենզիաների և ծանուցման ենթակա |
| |գործունեություն իրականացնող անձանց |
| |վերաբերյալ միասնական գրանցամատյան չկա |
| |և լիցենզիայի առկայության, |
| |բացակայության կամ բնօրինակի հետ |
| |իսկության վերաբերյալ տեղեկատվությունը |
| |հնարավոր է ստուգել միայն թղթային |
| |եղանակով: Լիցենզիաները հրապարակվում են |
| |ընտրանքային սկզբունքով` դրանք տրամադրող|
| |լիազոր մարմինների համապատասխան |
| |պաշտոնական կայքերում: Միաժամանակ, |
| |պետական մարմինների կողմից անցկացվող |
| |մրցույթների կամ այլ միջոցառումների |
| |ժամանակ լիցենզիայի պարտադիր առկայության|
| |կամ դրա վավերականության ստուգման |
| |գործընթացն առավել դյուրին և |
| |արդյունավետ հնարավոր կլինի իրականացնել |
| |միասնական էլեկտրոնային համակարգի |
| |առկայության պարագայում, քանզի ստուգող |
| |կողմը, օգտվելով լիցենզիաների պետական |
| |միասնական էլեկտրոնային գրանցամատյանից, |
| |կարող է միայն լիցենզիայի համարը և |
| |ամսաթիվը մուտքագրելով, ստուգել |
| |լիցենզիայի առկայության և դրա |
| |վավերականության մասին տեղեկատվությունը:|
|_____________________________|_______________________________________|
|Հիմնական նպատակը |Պետական մարմինների կողմից տրամադրվող |
| |լիցենզիաների և ծանուցման ենթակա |
| |գործունեություն իրականացնող անձանց |
| |պետական միասնական էլեկտրոնային |
| |գրանցամատյանի ստեղծումը կնպաստի |
| |լիցենզիաների տրամադրման գործընթացի, |
| |ծանուցման ենթակա գործունեության |
| |տեսակների վարչարարության առավել |
| |պարզեցմանը և հնարավոր կոռուպցիոն |
| |ռիսկերի նվազեցմանը: |
|_____________________________|_______________________________________|
|Պարտավորության հակիրճ |Պետական մարմինների կողմից տրամադրվող |
|նկարագրությունը |լիցենզիաների և ծանուցման ենթակա |
| |գործունեություն իրականացնող անձանց |
| |միասնական էլեկտրոնային գրանցամատյանի |
| |ստեղծում և տրամադրված լիցենզիաների |
| |թվայնացում: |
|_____________________________|_______________________________________|
|ԲԿԳ ո՞ր մարտահրավերից է բխում|Հանրային ծառայությունների բարելավում, |
|պարտավորությունը |հանրային օրինավորության խթանում |
|_____________________________|_______________________________________|
|Համապատասխանությունը ԲԿԳ |Լիցենզիաների և ծանուցման ենթակա |
|արժեքներին |գործունեություն իրականացնող անձանց |
| |միասնական էլեկտրոնային գրանցամատյանի |
| |առկայությունը տեղեկատվության |
| |հասանելիության տեսանկյունից կարևոր |
| |խթան կհանդիսանա ոլորտի թափանցիկության, |
| |հանրային հաշվետվողականության և |
| |հանրային ծառայությունների մատուցման |
| |բարելավման տեսանկյունից |
|_____________________________|_______________________________________|
|Հավակնություն |Պետական մարմինների կողմից տրամադրվող |
| |լիցենզիաների և ծանուցման ենթակա |
| |գործունեություն իրականացնող անձանց |
| |միասնական էլեկտրոնային գրանցամատյան |
| |առկայություն, որը կնպաստի հանրությանը` |
| |լիցենզավորվող գործունեությամբ |
| |զբաղվողների, լիցենզիաներում առկա |
| |տեղեկատվության հասանելիությանը և |
| |լիցենզիաների կեղծման ռիսկերի բացառմանը:|
|_____________________________________________________________________|
|Պարտավորության կատարման ստուգելի և չափելի |Մեկնարկի օր|Ավարտի օր|
|չափանիշներ | | |
|_______________________________________________|___________|_________|
|1. Իրականացնել միջազգային փորձի |2016 թ. |2016 թ. |
|ուսումնասիրություն: |օգոստոս |հոկտեմբեր|
|_______________________________________________|___________|_________|
|2. Իրականացնել համապատասխան ենթաօրենսդրական |2016 թ. |2016 թ. |
|նորմատիվ իրավական ակտերում փոփոխությունների |սեպտեմբեր |նոյեմբեր |
|մշակում: | | |
|_______________________________________________|___________|_________|
|3. Մշակել պետական մարմինների կողմից |2016 թ. |2017 թ. |
|լիցենզիաների տրամադրման և ծանուցման ենթակա |սեպտեմբեր |մարտ |
|գործունեություն իրականացնող անձանց պետական | | |
|միասնական էլեկտրոնային գրանցամատյան, | | |
|համակարգչային ծրագիր (software) և ստեղծել | | |
|էլեկտրոնային կայք: | | |
|_______________________________________________|___________|_________|
|4. Թվայնացնել պետական մարմինների կողմից |2016 թ. |2017 թ. |
|նախկինում տրամադրված բոլոր լիցենզիաները և |դեկտեմբեր |մարտ |
|դրանք ներառել միասնական էլեկտրոնային | | |
|գրանցամատյանում: | | |
|_______________________________________________|___________|_________|
|5. Համակցել Էլեկտրոնային գրանցամատյանն այլ |2017 թ. |2017 թ. |
|պետական էլեկտրոնային գրանցամատյանների, օրինակ` |մարտ |ապրիլ |
|իրավաբանական անձանց պետական ռեգիստրի բազայի հետ| | |
|(e-register): | | |
|_______________________________________________|___________|_________|
|6. Կազմակերպել լիցենզիա տրամադրող պետական |2016 թ. |2017 թ. |
|մարմինների ներկայացուցիչների համար էլեկտրոնային|դեկտեմբեր |մարտ |
|միասնական գրանցամատյանի վարման | | |
|առանձնահատկությունների վերաբերյալ համապատասխան | | |
|դասընթացներ: | | |
._____________________________________________________________________.
._____________________________________________________________________.
|7. Open &Social. ինտեգրված սոցիալական ծառայությունների մատչելիություն|
|և իրազեկվածության բարձրացում |
|_____________________________________________________________________|
|Պարտավորության մեկնարկի և |Նոր հանձնառություն |
|ավարտի ժամկետները | |
|2016 թ. նոյեմբեր - | |
|2018 թ. հունիս | |
|_____________________________|_______________________________________|
|Լիազոր մարմինը |ՀՀ աշխատանքի և սոցիալական հարցերի |
| |նախարարություն |
|_____________________________|_______________________________________|
|Լիազոր մարմնի պատասխանատու |Արման Սարգսյան |
|անձը | |
|_____________________________|_______________________________________|
|Պաշտոնը, վարչությունը |Աշխատանքի և սոցիալական |
| |հետազոտությունների ազգային ինստիտուտի |
| |տնօրեն |
|_____________________________|_______________________________________|
|էլ. հասցեն |[email protected] |
|_____________________________|_______________________________________|
|Հեռախոսահամարը |(+374 10)208344 |
|_____________________________|_______________________________________|
|Այլ շահագրգիռ|Այլ շահագրգիռ |ՀՀ առողջապահության նախարարություն, |
|մարմիններ |պետական |ՀՀ գյուղատնտեսության նախարարություն, |
| |մարմիններ |ՀՀ կրթության և գիտության |
| | |նախարարություն, ՀՀ պաշտպանության |
| | |նախարարություն, ՀՀ սպորտի և |
| | |երիտասարդության հարցերի նախարարություն,|
| | |ՀՀ տարածքային կառավարման և զարգացման |
| | |նախարարություն, ՀՀ ֆինանսների |
| | |նախարարություն, ՀՀ արդարադատության |
| | |նախարարություն, ՀՀ սփյուռքի |
| | |նախարարություն |
| |_______________|_______________________________________|
| |Քաղաքացիական |«Վորլդ Վիժն Հայաստան» ՀԿ |
| |հասարակություն,|(համաձայնությամբ), «Ներդաշնակ |
| |մասնավոր հատված|հասարակություն» սոցիալական աշխատողների |
| | |հայկական ասոցիացիա (համաձայնությամբ), |
| | |«Ապավեն» ՀԿ (համաձայնությամբ), |
| | |«Առաքելություն Հայաստան» ՀԿ |
| | |(համաձայնությամբ), «Լիարժեք կյանք» ՀԿ |
| | |(համաձայնությամբ), «Հայաստանի խուլերի |
| | |միավորում» ՀԿ (համաձայնությամբ), |
| | |«Հայաստանի կույրերի միավորում» ՀԿ |
| | |(համաձայնությամբ), «Հույսի Կամուրջ» ՀԿ |
| | |(համաձայնությամբ), «Փյունիկ» ՀԿ |
| | |(համաձայնությամբ), «Հայկական կարիտաս» |
| | |ՀԿ (համաձայնությամբ), «Հաշմանդամների |
| | |հայկական ասոցիացիա» ՀԿ |
| | |(համաձայնությամբ), ««ՍՕՍ» մանկական |
| | |գյուղեր» ՀԲՀ (համաձայնությամբ), |
| | |«Երեխաների աջակցության կենտրոն» |
| | |հիմնադրամ (համաձայնությամբ), «ՀՕՖ» |
| | |(համաձայնությամբ), «Արմավիրի զարգացման |
| | |կենտրոն» ՀԿ (համաձայնությամբ) |
|_____________________________|_______________________________________|
|Կարգավորման ենթակա խնդիրը |ՀՀ սոցիալական պաշտպանության ոլորտում |
| |իրականացվում են ավելի քան 80 պետական |
| |ծրագրեր, որոնց ապահովման ընթացակարգերը |
| |բազմազան են: Այս առումով կա սոցիալական |
| |ծառայությունների բիզնես գործընթացներն |
| |առավել մատչելի ձևով ու գործիքներով |
| |հանրությանն իրազեկելու և սոցիալական |
| |ծառայություններն առավել հասանելի |
| |դարձնելու անհրաժեշտություն, ինչը |
| |կապահովի նաև պետություն-քաղաքացի |
| |հարաբերությունների թափանցիկության և |
| |փոխվստահության բարձրացման միջոցով: |
|_____________________________|_______________________________________|
|Հիմնական նպատակը |Open&Social» հանձնառության |
| |շրջանակներում մշակված ինովացիոն |
| |գործիքների` միջոցով կապահովվի |
| |հանրության առցանց մասնակցությամբ |
| |սոցիալական ծառայությունների |
| |մանրամասնորեն դասակարգված և ինքնաշխատ |
| |ներկայացվող տեղեկատվության |
| |հասանելիությունը, սոցիալական |
| |ծառայությունների գնահատման գործընթացում|
| |հանրության մասնակցությունը, |
| |ծառայություններ մատուցող |
| |կազմակերպությունների ռեյտինգավորումը` |
| |ապահովելով սոցիալական ծառայությունների |
| |մատչելիության և իրազեկվածության |
| |բարձրացումը հանրության համար: |
|_____________________________|_______________________________________|
|Պարտավորության հակիրճ |«Open&Social» տվյալների հավաքագրման, |
|նկարագրությունը |համակարգման, վերլուծության և |
| |հասանելիության ապահովման վրա հիմնված |
| |գործիքի ներդրում, ինչպես նաև «114 թեժ |
| |գիծ» ծառայության «զանգի կենտրոն» |
| |ծառայության վերափոխում: |
|_____________________________|_______________________________________|
|ԲԿԳ ո՞ր մարտահրավերից է բխում|Հանրային ծառայությունների բարելավում, |
|պարտավորությունը |հանրային օրինավորության խթանում |
|_____________________________|_______________________________________|
|Համապատասխանությունը ԲԿԳ |Սույն հանձնառությամբ հանրային |
|արժեքներին |մասնակցությունն ապահովող գործընթացների |
| |շնորհիվ կբարձրանա պետության կողմից |
| |տրամադրվող ծառայությունների որակը, |
| |ինչպես նաև կմեծանա տեղեկատվության |
| |հասանելիությունը և կբարելավվի հանրային|
| |հաշվետվողականության մակարդակը |
|_____________________________|_______________________________________|
|Հավակնություն |Սոցիալական ծառայությունների որակի |
| |վերաբերյալ հետադարձ կապի շնորհիվ դրանց |
| |արդյունավետության բարձրացում, |
| |տեղեկատվության մատչելիության և |
| |հանրային մասնակցության ապահովում: |
|_____________________________________________________________________|
|Պարտավորության կատարման ստուգելի և չափելի |Մեկնարկի օր|Ավարտի օր|
|չափանիշներ | | |
|_______________________________________________|___________|_________|
|1. Շահառուին` սոցիալական ծառայությունների |2016 թ. |2018 թ. |
|վերաբերյալ թիրախավորված տեղեկատվության |նոյեմբեր |հունիս |
|հասանելիության ապահովման նպատակով | | |
|http://www.esocial.am ինտեգրված սոցիալական | | |
|ծառայությունների առցանց տեղեկատվական | | |
|համակարգում «Open&Social» գործիքի ներդրում` | | |
|ապահովելով շահառուի կողմից իրեն վերաբերող | | |
|գործոնների ընտրությամբ` սոցիալական | | |
|ծառայությունների տեղեկատվության ինքնաշխատ | | |
|տրամադրում: | | |
|_______________________________________________|___________|_________|
|2. ՀՀ աշխատանքի և սոցիալական հարցերի |2017 թ. |2018 թ. |
|նախարարության կողմից պարբերաբար իրականացվող |հունվար |հունիս |
|սոցիալական պաշտպանության ոլորտում մատուցվող | | |
|ծառայությունների մոնիթորինգի և գնահատման | | |
|հրապարակման ենթակա արդյունքների վերաբերյալ | | |
|հաշվետվությունների հրապարակում սոցիալական | | |
|պաշտպանության ոլորտի «Գիտելիքների կառավարման | | |
|համակարգ»` www.elibsocial.am ռեսուրսում: | | |
|_______________________________________________|___________|_________|
|3. Հարթակի ստեղծում, որտեղ հանրությանը |2017 թ. |2018 թ. |
|հնարավորություն կտրվի կոնկրետ ծառայությանը և |դեկտեմբեր |հունիս |
|այդ ծառայությունը մատուցող կազմակերպությանը տալ| | |
|բալային գնահատականներ, որոնց վերլուծության | | |
|արդյունքում այդ ծառայությունները և սոցիալական | | |
|պաշտպանության ոլորտում գործող | | |
|կազմակերպությունները կունենան որոշակի ռեյտինգ: | | |
|Շահառուների կարծիքների հիման վրա մատուցվող | | |
|ծառայությունների վերանայում, աշխատանքային | | |
|գործընթացների պարզեցում, ժամանակի կրճատում: | | |
|_______________________________________________|___________|_________|
|4. ««Նորք» սոցիալական ծառայությունների |2017 թ. |2018 թ. |
|տեխնոլոգիական և իրազեկման կենտրոն» հիմնադրամի |հուլիս |հունիս |
|կողմից մատուցվող ծառայությունների շրջանակի | | |
|ընդլայնում` թեժ գծի ծառայությունը զանգի կենտրոն| | |
|դարձնելու միջոցով, քաղաքացիներից ստացվող | | |
|բողոքների և ահազանգերի գծով ներքին | | |
|ուսումնասիրությունների իրականացում | | |
._____________________________________________________________________.
III. ՀԱՆՐԱՅԻՆ ՕՐԻՆԱՎՈՐՈՒԹՅԱՆ ԱՄՐԱՊՆԴՈՒՄ
._____________________________________________________________________.
|8. Մեկ պատուհան բանակում. ՀՀ զինկոմիսարիատներում «Մեկ պատուհանի» |
|պիլոտային ծրագրի ներդրում |
|_____________________________________________________________________|
|Պարտավորության մեկնարկի և |Նոր հանձնառություն |
|ավարտի ժամկետները | |
|2016 թ. սեպտեմբեր - | |
|2018 թ. հունիս | |
|_____________________________|_______________________________________|
|Լիազոր մարմինը |ՀՀ պաշտպանության նախարարություն |
|_____________________________|_______________________________________|
|Լիազոր մարմնի պատասխանատու |Ալիկ Ավետիսյան |
|անձը | |
|_____________________________|_______________________________________|
|Պաշտոնը, վարչությունը |ՀՀ պաշտպանության նախարարի ավագ օգնական |
| |- ՀՀ պաշտպանության նախարարության մարդու|
| |իրավունքների և բարեվարքության աջակցման|
| |կենտրոնի պետ |
|_____________________________|_______________________________________|
|էլ. հասցեն |[email protected] |
|_____________________________|_______________________________________|
|Հեռախոսահամարը |(+37410)294519 |
|_____________________________|_______________________________________|
|Այլ շահագրգիռ|Այլ շահագրգիռ | |
|մարմիններ |պետական | |
| |մարմիններ | |
| |_______________|_______________________________________|
| |Քաղաքացիական |«Իրավունքների պաշտպանություն առանց |
| |հասարակություն,|սահմանների» ՀԿ, |
| |մասնավոր հատված|«Օգնություն և իրավունք» ՀԿ |
|_____________________________|_______________________________________|
|Կարգավորման ենթակա խնդիրը |Զինկոմիսարիատների գործունեության |
| |շրջանակը բավականին բազմաբնույթ է, և |
| |որոշ հարցերում կա օրենսդրության |
| |կարգավորման հստակեցման |
| |անհրաժեշտություն: Այս փաստն |
| |անդրադառնում է զինկոմիսարիատների |
| |գործառույթների հստակության, մատուցվող |
| |հանրային ծառայությունների որակի, դրանց |
| |ժամկետների վրա` ազդելով հասարակության |
| |վստահության մակարդակի վրա: Դրա |
| |հետևանքն է ավելորդ վարչարարությունը, |
| |ինչպես նաև կոռուպցիոն ռիսկերի |
| |առկայությունը: |
| |«Մեկ պատուհան» պիլոտային ծրագրի |
| |ներդրումը 2-3 զինկոմիսարիատներում |
| |հնարավորություն կտա փորձարկել դրա |
| |արդյունավետությունը վերոնշյալ խնդիրների|
| |և արհեստական խոչընդոտների վերացման |
| |տեսանկյունից: |
|_____________________________|_______________________________________|
|Հիմնական նպատակը |«Մեկ պատուհան» պիլոտային ծրագրի |
| |փորձարկման և հետագա ներդրման միջոցով` |
| |զինկոմիսարիատների աշխատանքում |
| |վարչարարության բարելավում և կոռուպցիոն|
| |ռիսկերի նվազեցում, զինկոմիսարիատի |
| |անձնակազմի հետ քաղաքացիների շփումների |
| |շրջանակի սահմանափակում, հայցվող |
| |տեղեկատվության/փաստաթղթերի տրամադրման |
| |ժամկետների կրճատում: |
|_____________________________|_______________________________________|
|Պարտավորության հակիրճ |«Մեկ պատուհան» պիլոտային ծրագրի |
|նկարագրությունը |իրականացում 2-3 զինկոմիսարիատներում: |
|_____________________________|_______________________________________|
|ԲԿԳ ո՞ր մարտահրավերից է բխում|Հանրային ծառայությունների բարելավում, |
|պարտավորությունը |հանրային օրինավորության խթանում |
|_____________________________|_______________________________________|
|Համապատասխանությունը ԲԿԳ |Զինկոմիսարիատներում «մեկ պատուհանի» |
|արժեքներին |ներդրմամբ` կբարձրանա տեղեկատվության |
| |հասանելիությունը և |
| |արժանահավատությունը, կնվազեն |
| |ծառայությունների տրամադրման հետ կապված |
| |ծախսերը և միաժամանակ կբարելավվի |
| |հանրային ծառայությունների որակը |
|_____________________________|_______________________________________|
|Հավակնություն |Վարչարարության և կոռուպցիոն ռիսկերի |
| |նվազեցում, գործընթացների պարզեցում և |
| |հստակեցում, հանրային վստահության |
| |բարձրացում: |
|_____________________________________________________________________|
|Պարտավորության կատարման ստուգելի և չափելի |Մեկնարկի օր|Ավարտի օր|
|չափանիշներ | | |
|_______________________________________________|___________|_________|
|1. «Մեկ պատուհանին» վերաբերող գործառույթների |2016 թ. |2017 թ. |
|շրջանակի հստակեցում: |սեպտեմբեր |նոյեմբեր |
|_______________________________________________|___________|_________|
|2. Զինկոմիսարիատների կարողությունների գնահատում|2016 թ. |2017 թ. |
|և ընտրություն: |դեկտեմբեր |փետրվար |
|_______________________________________________|___________|_________|
|3. «Մեկ պատուհանի» ներդրում: |2017 թ. |2018 թ. |
| |մարտ |հունիս |
|_______________________________________________|___________|_________|
|4. Հասարակական վստահության փոփոխության |2018 թ. |2018 թ. |
|վերաբերյալ հետազոտություն |հունվար |հունիս |
|(ըստ անհրաժեշտության): | | |
|_______________________________________________|___________|_________|
|5. Ենթաօրենսդրական նորմատիվ իրավական ակտերում |2018 թ. |2018 թ. |
|փոփոխությունների վերաբերյալ առաջարկությունների |մարտ |հունիս |
|ներկայացում (ըստ անհրաժեշտության): | | |
._____________________________________________________________________.
Ցանկ N 1
ԲԱՑ ԿԱՌԱՎԱՐՄԱՆ ԳՈՐԾԸՆԿԵՐՈՒԹՅՈՒՆ ՆԱԽԱՁԵՌՆՈՒԹՅՈՒՆ/ՀԱՅԱՍՏԱՆ ԵՐՐՈՐԴ ԳՈՐԾՈՂՈՒԹՅՈՒՆՆԵՐԻ ԾՐԱԳՐԻ ՆԱԽԱԳԾՄԱՆ ԱՇԽԱՏԱՆՔՆԵՐՈՒՄ ՆԵՐԳՐԱՎԱԾ ՄԱՍՆԱԿԻՑՆԵՐ
Մասնակից Կազմակերպություն
1. Արմեն Խուդավերդյան ՀՀ բարձրաստիճան պաշտոնատար անձանց էթիկայի
հանձնաժողով
2. Նարե Դանիելյան ՀՀ կառավարության աշխատակազմ
3. Հայկ Մալխասյան ՀՀ կառավարության աշխատակազմ
4. Լիլյա Աֆրիկյան ՀՀ կառավարության աշխատակազմ
5. Լիլյա Շուշանյան ՀՀ կառավարության աշխատակազմ
6. Արամ Ասատրյան ՀՀ կառավարության աշխատակազմ
(«Հանքարդյունաբերության ոլորտի
թափանցիկության բարելավում» ծրագիր)
7. Լուսինե Թովմասյան ՀՀ կառավարության աշխատակազմ
(«Հանքարդյունաբերության ոլորտի
թափանցիկության բարելավում» ծրագիր)
8. Արման Սարգսյան ՀՀ աշխատանքի և սոցիալական հարցերի
նախարարություն
(«Աշխատանքի և սոցիալական
հետազոտությունների ազգային ինստիտուտ»
ՊՈԱԿ)
9. Պետրոսյան Ռիմա ՀՀ աշխատանքի և սոցիալական հարցերի
նախարարության
10. Սարո Ծատության ՀՀ Առողջապահության նախարարություն (ՊԱԳ)
11. Դիանա Ղազարյան ՀՀ արդարադատության նախարարություն
12. Անի Գալստյան ՀՀ արդարադատության նախարարություն
13. Կարեն Հովհաննիսյան ՀՀ արտակարգ իրավիճակների նախարարություն
14. Միքայել Սերեդա ՀՀ արտակարգ իրավիճակների նախարարություն
15. Էդգար Մուղնեցյան ՀՀ արտակարգ իրավիճակների նախարարություն
(ՍՊՀՍԾ ՊՈԱԿ)
16. Կարեն Խզմալյան ՀՀ բնապահպանության նախարարություն
17. Հովհաննես ՈՒրֆալյան ՀՀ բնապահպանության նախարարություն
18. Հայկ Այվազյան ՀՀ էկոնոմիկայի նախարարություն
19. Ռուբեն Գևորգյան ՀՀ էկոնոմիկայի նախարարություն
20. Անահիտ Խեչոյան ՀՀ էկոնոմիկայի նախարարություն
21. Տարոն Հակոբյան ՀՀ էկոնոմիկայի նախարարություն
22. Լուսինե Վահրամյան ՀՀ էկոնոմիկայի նախարարություն
23. Մարիա Սապոնջյան ՀՀ էկոնոմիկայի նախարարություն
24. Լիլիթ Վարդանյան ՀՀ էկոնոմիկայի նախարարություն
25. Վարդան Վարդանյան ՀՀ էներգետիկայի և բնական պաշարների
նախարարություն
26. Սյուզան Մակյան ՀՀ կրթության և գիտության նախարարություն
27. Ալիկ Ավետիսյան ՀՀ պաշտպանության նախարարություն
(Մարդու իրավունքների և բարեվարքության
աջակցման կենտրոն)
28. Աշոտ Գիլոյան ՀՀ տարածքային կառավարման նախարարություն
29. Գարեգին Մանուկյան ՀՀ տարածքային կառավարման նախարարություն
30. Արտաշես Ավագյան ՀՀ ֆինանսների նախարարություն
31. Վահե Մահտեսյան ՀՀ ֆինանսների նախարարություն
32. Գոռ Վարդանյան ՀՀ ֆինանսների նախարարություն
33. Արթուր Ալեքսանյան ՀՀ ֆինանսների նախարարություն
34. Մակիչ Խչեյան ՀՀ ֆինանսների նախարարություն
35. Ալբերտ Ալեքսանյան ՀՀ ֆինանսների նախարարություն
(«Գնումների աջակցման կենտրոն» ՊՈԱԿ)
36. Անյուտա Օհանյան ՀՀ ԿԱ պետական գույքի կառավարման
վարչություն
37. Լյուդվիգ Գրիգորյան ՀՀ ԿԱ պետական գույքի կառավարման
վարչություն
38. Հովհաննես Մինասյան «ԷԿԵՆԳ» ՓԲԸ
39. Թամարա Գևորգյան ՀՀ հանրային հեռուստառադիոյի խորհրդի
«Հասարակական կարծիքի ուսումնասիրման
կենտրոն» ՓԲԸ
40. Լիանա Դոյդոյան «Ինֆորմացիայի ազատության կենտրոն»
41. Վարուժան Հոկտանյան «Թրանսփարենսի ինթերնեշնլ հակակոռուպցիոն
կենտրոն» ՀԿ
42. Հերիքնազ Տիգրանյան «Թրանսփարենսի ինթերնեշնլ հակակոռուպցիոն
կենտրոն» ՀԿ
43. Սոնա Այվազյան «Թրանսփարենսի ինթերնեշնլ հակակոռուպցիոն
կենտրոն» ՀԿ
44. Թամարա Աբրահամյան «Արազա» ՀԿ
45. Նարինե Մալյան «Արազա» ՀԿ
46. Վարազդատ Սարգսյան «Վորլդ Վիժն Հայաստան» միջազգային
բարեգործական կազմակերպություն
47. Հայկ Թադևոսյան «Իրավունքների պաշտպանություն առանց
սահմանների» ՀԿ
48. Հասմիկ Հարությունյան «Իրավունքների պաշտպանություն առանց
սահմանների» ՀԿ
49. Կարեն Զադոյան «Հայաստանի երիտասարդ իրավաբանների
ասոցիացիա» ՀԿ
50. Արամ Մխիթարյան «Հելիքս» ՍՊԸ
51. Արսեն Ստեփանյան «Փրկեցեք երեխաներին» հիմնադրամ
52. Մարինա Մխիթարյան ՄԱԿ-ի ԶԾ-ի «Կոլբա» նորարարական
լաբորատորիա
53. Ալլա Բակունց ՄԱԿ-ի ԶԾ
54. Հասմիկ Սողոմոնյան Կոլբա նորարարական լաբորատորիա
55. Հեղինե Մանասյան Հետազոտական ռեսուրսների կովկասյան կենտրոն
56. Նաիրա Առաքելյան Արմավիրի զարգացման կենտրոն
57. Նինա Ավետիսյան Ասիական Զարգացման Բանկ
58. Նաիրա Սուլթանյան Մեծ Բրիտանիայի դեսպանատուն
59. Փառանձեմ Խանգելդյան Նոյեմբերյանի թիվ 2 մանկապարտեզ
60. Աշոտ Միրզոյան «Սպառողների աջակցման կենտրոն» ՀԿ
61. Մարինե Մովսեսյան Գործարար և ներդրումային ծրագրերի
խորհրդական
62. Էմմա Բաղդասարյան «Գյումրու քաղաքացիական երիտասարդական
կենտրոն» ՀԿ
63. Լուսինե Կարապետյան Վայքի համայնքային կենտրոն
64. Տաթև Ավագյան «Բարերար կանայք» ՀԿ
65. Արեգ Կարապետյան «Փոխվիր, աճիր, դարձիր» ՀԿ
66. Հասմիկ Մխիթարյան ««Գյումրու առաջընթաց» քաղաքացիական
հասարակության զարգացման կենտրոն» ՀԿ
67. Կարեն Երզնկանյան «Համայնքային զարգացման նորարարական
կենտրոն» ՀԿ
68. Գրիշա Հովսեփյան ««Կոմպասս» գիտահետազոտական, կրթական և
խորհրդատվական կենտրոն» ՀԿ
69. Լիանա Մանուսաջյան «Պարգևենք ժպիտ» երիտասարդական ՀԿ
70. Հովհաննես Կուրօղլյան «Կաթիլ» ՀԿ
71. Մարինե Խառատյան «Tert.am» լրատվական կայք
72. Սամվել Մարտիրոսյան Տեղեկատվական անվտանգության փորձագետ
73. Տիգրան Մաթևոսյան Անհատ նախաձեռնող
74. Կառլ ՈՒլրբրիխտ Փորձագետ