041.0733.291199
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
29 նոյեմբերի 1999 թվականի թիվ 733
ՀՐԱՉՅԱ ՀՈՎՀԱՆՆԻՍՅԱՆԻ ԾՆՆԴՅԱՆ 80-ԱՄՅԱ ՀՈԲԵԼՅԱՆԸ ՆՇԵԼՈՒ ՄԱՍԻՆ
Հայ անվանի բանաստեղծ և հասարակական գործիչ Հրաչյա Հովհաննիսյանի ծննդյան 80-ամյա հոբելյանը նշելու նպատակով`
1. Ստեղծել հոբելյանական հանձնաժողով և հաստատել դրա կազմը (կցվում է):
2. Հոբելյանական հանձնաժողովին` 10-օրյա ժամկետում մշակել միջոցառումների ծրագիրը և կազմել ծախսերի նախահաշիվը:
3. Հայաստանի Հանրապետության ֆինանսների նախարարությանը` միջոցառումների ծրագրի և ծախսերի նախահաշվի հիման վրա 10-օրյա ժամկետում Հայաստանի Հանրապետության կառավարություն ներկայացնել առաջարկություն միջոցառումների ֆինանսավորման վերաբերյալ:
Հաստատված է
ՀՀ վարչապետի 1999 թ.
նոյեմբերի 29-ի N 733 որոշմամբ
ԿԱԶՄ
հոբելյանական հանձնաժողովի
Ֆ. Սարգսյան - ՀՀ ԳԱԱ պրեզիդենտ (հանձնաժողովի նախագահ)
Պ. Սաֆարյան - ՀՀ Ֆինանսների նախարարի տեղակալ
Մ. Ստակյան - ՀՀ կրթության և գիտության նախարարի տեղակալ
Տ. Հակոբյան - ՀՀ կառավարությանն առընթեր տեղեկատվության և
գրահրատարակչության վարչության պետ
Կ. Արեյան - Երևանի քաղաքապետի տեղակալ
Ս. Ստեփանյան - ՀՀ Կոտայքի մարզպետ
Լ. Հախվերդյան - ՀՀ ԳԱԱ արվեստի ինստիտուտի տնօրեն
Ս. Կապուտիկյան - բանաստեղծուհի, ՀՀ գիտությունների ազգային ակադեմիայի
ակադեմիկոս
Լ. Բարսեղյան - Հայոց ցեղասպանության թանգարան-ինստիտուտի տնօրեն
Հ. Մաթևոսյան - Հայաստանի գրողների միության նախագահ
Թ. Պետրոսյան - գրականագետ, ՀՀ կառավարության աշխատակազմի սոցիալական
հարցերի վարչության գլխավոր մասնագետ
Կ. Արիստակեսյան - ՀՀ մշակույթի, երիտասարդության հարցերի և սպորտի
նախարարի գլխավոր խորհրդական
Դ. Հովհաննես - բանաստեղծ, ՀՀ ԱԺ պատգամավոր (հանձնաժողովի
քարտուղար, համաձայնությամբ)