041.0736.301199
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
30 նոյեմբերի 1999 թվականի թիվ 736
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԿՐՈՆ ՀՌՉԱԿՄԱՆ 1700-ԱՄՅԱԿԻ ՏՈՆԱԿԱՏԱՐՈՒԹՅԱՆ ՄԻՋԱԶԳԱՅՆԱՑՄԱՆ ՄԻՋՈՑԱՌՈՒՄՆԵՐԻ ՄԱՍԻՆ
Հայաստանում քրիստոնեության պետական կրոն հռչակման 1700-ամյակի տոնակատարությանը միջազգային հնչեղություն հաղորդելու և 2000-2003 թվականներին միջազգային խոշոր քաղաքական, ֆինանսական և մշակութային կենտրոններում նշված տոնակատարությանը նվիրված միջազգային նշանակություն ունեցող միջոցառումները կազմակերպելու նպատակով`
Մեծ Բրիտանիայում և Հյուսիսային Իռլանդիայում Հայաստանի Հանրապետության արտակարգ և լիազոր դեսպան Ա. Սարգսյանին` 20-օրյա ժամկետում Ամենայն Հայոց Կաթողիկոս Գարեգին Բ-ի, Հայաստանի Հանրապետության վարչապետի խորհրդական Լ. Մկրտչյանի, Հայաստանի Հանրապետության ֆինանսների նախարար Լ. Բարխուդարյանի, Հայաստանի Հանրապետության արտաքին գործերի նախարար Վ. Օսկանյանի և Հայաստանի Հանրապետության մշակույթի, երիտասարդության հարցերի և սպորտի նախարար Ռ. Շառոյանի հետ համատեղ քննարկել և Հայաստանի Հանրապետության վարչապետին ներկայացնել առաջարկություն հասարակական-քաղաքական ու մշակութային գործիչների և ազգային բարերարների ներգրավմամբ Հայաստանում քրիստոնեության պետական կրոն հռչակման 1700-ամյակի տոնակատարության միջազգային մարմին` մշակութային խորհուրդ-հիմնադրամ ստեղծելու վերաբերյալ: