ՀՀ ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ ԳԱՆՁԱՊԵՏՈՒԹՅԱՆ ՀԱՄԱԿԱՐԳԻ ՁԵՎԱՎՈՐՄԱՆՆ ՈՒՂՂՎԱԾ ՄԻՋՈՑԱՌ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

23 նոյեմբերի 1995 թվականի թիվ 305

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ ԳԱՆՁԱՊԵՏՈՒԹՅԱՆ ՀԱՄԱԿԱՐԳԻ ՁԵՎԱՎՈՐՄԱՆՆ ՈՒՂՂՎԱԾ ՄԻՋՈՑԱՌՈՒՄՆԵՐԻ ՄԱՍԻՆ

Ընդունել Հայաստանի Հանրապետության ֆինանսների նախարարության առաջարկությունը և Հայաստանի Հանրապետության պետական բյուջեի կատարման համակարգը բարելավելու բյուջեի ծախսերի, պարտքերի, ակտիվների կառավարումը կարգավորելու և դրանք միջազգային ստանդարտներին համապատասխանեցնելու նպատակով`

1. Ստեղծել Հայաստանի Հանրապետության ֆինանսների նախարարության կենտրոնական ապարատում գանձապետության վարչություն:

2. Գանձապետության համակարգի կազմակերպական հարցերը լուծելու համար ստեղծել օպերատիվ խումբ, հետևյալ կազմով`

    Լ. Բարխուդարյան            - ՀՀ ֆինանսների նախարար (նախագահ)

    Ռ. Բարսեղյան               - ՀՀ տարածքային կառավարման գծով

                                 նախարար

    Պ. Սաֆարյան                - ՀՀ հարկային տեսչության պետ

    Ա. Դարբինյան               - ՀՀ կենտրոնական բանկի նախագահի

                                 առաջին տեղակալ

    Ե. Աբգարյան                - ՀՀ մաքսային վարչության պետ

    Վ. Մովսեսյան               - ՀՀ էկոնոմիկայի նախարարի առաջին տեղակալ

    Վ. Բադալյան                - Հայէկոնոմբանկի վարչության նախագահ

    Ա. Խաչատրյան               - ՀՀ ֆինանսների նախարարության բյուջետային

                                 վարչության պետ

    Զ. Բարսեղյան               - ՀՀ կառավարության քարտուղարության

                                 տնտեսագիտական վարչության ֆինանսական

                                 քաղաքականության բաժնի վարիչ

    Օ. Նիգամ                   - գանձապետության հարցերով ՀՀ ֆինանսների

                                 նախարարության խորհրդական (Միջազգային

                                 վալյուտային հիմնադրամից)

3. Օպերատիվ խմբին`

ա) ստեղծել աշխատանքային խումբ և սկսել գանձապետության համակարգի կազմակերպման աշխատանքները: Աշխատանքային խմբի վարձակալության ծախսերը կատարել Հայաստանի Հանրապետության ֆինանսների նախարարության միջոցների հաշվին` ըստ սահմանված կարգով կնքված աշխատանքային պայմանագրերի.

բ) նախապատրաստել գանձապետության կանոնադրության նախագիծ և մինչև 1995 թվականի դեկտեմբերի 31-ը ներկայացնել Հայաստանի Հանրապետության կառավարության քննարկմանը: