040.0715.261199
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«26» նոյեմբերի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
26 նոյեմբերի 1999 թվական թիվ 715
1999/2000 ՈՒՍՈՒՄՆԱԿԱՆ ՏԱՐՎԱ ԴԵԿՏԵՄԲԵՐ-ՄԱՐՏ ԱՄԻՍՆԵՐԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱԿՐԹԱԿԱՆ ԴՊՐՈՑՆԵՐԻ ՋԵՌՈՒՑՈՒՄՆ ԱՊԱՀՈՎԵԼՈՒ ՆՊԱՏԱԿՈՎ ՀԵՂՈՒԿ ՎԱՌԵԼԻՔԻ ՄԱՏԱԿԱՐԱՐՄԱՆ ՊԵՏԱԿԱՆ ՊԱՅՄԱՆԱԳԻՐ ԿՆՔԵԼՈՒ ՄԱՍԻՆ
1999/2000 ուսումնական տարվա դեկտեմբեր-մարտ ամիսներին Հայաստանի Հանրապետության հանրակրթական դպրոցների (բացառությամբ Երևանի) ջեռուցումն ապահովելու նպատակով և հաշվի առնելով այն հանգամանքը, որ հեղուկ վառելիքի պետական գնումն իրականացնելու համար հայտարարված մրցույթը հայտերի բացակայության պատճառով չի կայացել. Հայաստանի Հանրապետության կառավարությունը որոշում է.
1. Հայաստանի Հանրապետության կրթության և գիտության նախարարությանը` 10-օրյա ժամկետում առանց մրցույթի կնքել հեղուկ վառելիքի մատակարարման պետական պայմանագիր նկատի ունենալով, որ մատակարարվելիք հեղուկ վառելիքի մեկ լիտրի առավելագույն գինը չի կարող գերազանցել 162 դրամը և մատակարարվելիք վառելիքի գնի հաշվարկումն ընդգրկվում են բոլոր վճարումները (ծախսերը) ներառյալ հարկերը, տրանսպորտային, ապահովագրական և կոմիսիոն վճարները ինչպես նաև մատակարարումների դիմաց վճարումներն իրականացվելու են պետական պայմանագրին համապատասխան` 2000 թվականի հունվար-մարտ ամիսների ընթացքում, համամասնորեն:
2. Սույն որոշումն ուժի մեջ է մտնում 1999 թվականի նոյեմբերի 26-ից: