040.0739.021299
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«2» դեկտեմբերի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
2 դեկտեմբերի 1999 թվականի թիվ 739
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 1999 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՎ ՆԱԽԱՏԵՍՎԱԾ ԾԱԽՍԵՐԻ ՎԵՐԱԲԱՇԽՈՒՄ ԿԱՏԱՐԵԼՈՒ ՄԱՍԻՆ
«Հայաստանի Հանրապետության 1999 թվականի պետական բյուջեի մասին» Հայաստանի Հանրապետության օրենքի 14 հոդվածի «ա» կետին համապատասխան` Հայաստանի Հանրապետության կառավարությունը որոշում է.
1. «Հայաստանի Հանրապետության 1999 թվականի պետական բյուջեի մասին» Հայաստանի Հանրապետության օրենքի N 1 հավելվածի 04 խմբի 12 ենթախմբի «14. Թեմատիկ ֆինանսավորման և դրա հետ կապված այլ ծախսեր» տողով նախատեսված գումարից պակասեցնել 10000,0 հազ. դրամ` նույն չափով ավելացնելով 04 խմբի 15 ենթախմբի «01. Գիտությունների ազգային ակադեմիայի նախագահության պահպանում» տողով նախատեսված գումարը, և նշված գումարից 10000,0 հազ. դրամ հատկացնել Հայաստանի Հանրապետության գիտությունների ազգային ակադեմիայի Գառնիի տիեզերական աստղագիտության ինստիտուտին (ԳՏԱԻ)` գիտական մասնաշենքին պտտահողմի պատճառած հետևանքները վերացնելու համար: