Սեղմել Esc փակելու համար:
«ՀՀ-ՈՒՄ ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ ԼԻ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Գրանցման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

«ՀՀ-ՈՒՄ ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ ԿԱՐԳԸ» ԵՎ «ԳՐԱՎԱՏՆԱՅԻՆ ԳՈՐԾՈՒՆԵ ...

 

 

050.0032.270217

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                                      «27»        02            2017 Թ.

                                        ՊԵՏԱԿԱՆ ԳՐԱՆՑՄԱՆ ԹԻՎ 05017109

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

ՈՐՈՇՈՒՄ

 

3 փետրվարի 2017 թվականի թիվ 32-Ն

 

«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ ԿԱՐԳԸ» ԵՎ «ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՁԵՎԸ» ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2006 ԹՎԱԿԱՆԻ ԴԵԿՏԵՄԲԵՐԻ 19-Ի ԹԻՎ 738-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

 

Նպատակ ունենալով հստակեցնել գրավատնային գործունեության լիցենզավորման ընթացակարգերը,

հիմք ընդունելով «Լիցենզավորման մասին» Հայաստանի Հանրապետության օրենքի 10-րդ հոդվածի 4-րդ մասը, «Գրավատների և գրավատնային գործունեության մասին» Հայաստանի Հանրապետության օրենքի 13-րդ հոդվածը,

ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով, «Իրավական ակտերի մասին» Հայաստանի Հանրապետության օրենքի 16-րդ հոդվածով և 72-րդ հոդվածի 1-ին մասով` Հայաստանի Հանրապետության կենտրոնական բանկի խորհուրդը որոշում է.

1. Հաստատել

1.1 «Հայաստանի Հանրապետությունում գրավատնային գործունեության լիցենզավորման կարգը»` համաձայն Հավելված 1-ի (կցվում է),

1.2 «Գրավատնային գործունեության լիցենզիայի ձևը»` համաձայն Հավելված 2-ի (կցվում է):

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

3. Սույն որոշումն ուժի մեջ մտնելու օրվանից ուժը կորցրած ճանաչել Հայաստանի Հանրապետության կենտրոնական բանկի խորհրդի 2006 թվականի դեկտեմբերի 19-ի ««Հայաստանի Հանրապետությունում գրավատնային գործունեության լիցենզավորման կարգը» և «Գրավատնային գործունեության իրականացման լիցենզիայի ձևը» հաստատելու մասին» թիվ 738-Ն որոշումը:

 

Հավելված 1

Հաստատված է

Հայաստանի Հանրապետության

կենտրոնական բանկի խորհրդի

2017 թվականի փետրվարի 3-ի

թիվ 32-Ն որոշմամբ

 

ԿԱՐԳ

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ

 

ԳԼՈՒԽ 1. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն Կարգով սահմանվում է Հայաստանի Հանրապետության տարածքում գրավատնային գործունեության լիցենզավորման կարգը:

 

ԳԼՈՒԽ 2. ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՈՒՄԸ

 

2. Հայտատուն գրավատնային գործունեության լիցենզիա (այսուհետ` լիցենզիա) ստանալու համար Հայաստանի Հանրապետության կենտրոնական բանկ (այսուհետ` Կենտրոնական բանկ) է ներկայացնում հետևյալ փաստաթղթերը.

1) Հայտ` համաձայն սույն Կարգի Հավելված 1-ի,

2) Հայտատուի վերաբերյալ տեղեկատվություն` համաձայն սույն Կարգի Հավելված 2-ի,

3) Գրավատան տարածքի (առկայության դեպքում նաև` մեծածավալ իրեր հանդիսացող գրավադրված (ի պահ հանձնված) գույքի պահպանման տարածքի) սեփականության, վարձակալության (ենթավարձակալության) կամ անհատույց օգտագործման իրավունքի վկայականի պատճենը: Տարածքի (առկայության դեպքում նաև մեծածավալ իրերի պահպանման տարածքի) վարձակալության (ենթավարձակալության) կամ անհատույց օգտագործման դեպքում անհրաժեշտ է ներկայացնել նաև վարձակալության (ենթավարձակալության) կամ անհատույց օգտագործման պայմանագրի պատճենը, ընդ որում, ենթավարձակալության դեպքում` նաև հիմնական վարձակալության պայմանագրի պատճենը,

4) Հայտատուի կառավարման իրավասու մարմնի կողմից հաստատված վարկավորման ընդհանուր պայմանները (2 օրինակից),

5) Փոքրածավալ իրեր հանդիսացող, գրավադրված (ի պահ հանձնված) գույքը պահպանելու համար գրավատան տարածքում գտնվող երկաթբետոնյա պատերով (ծածկով) առանձնացված սենյակում չհրկիզվող պահարան (պահարաններ) ունենալու մասին հայտարարագիրը` համաձայն սույն Կարգի Հավելված 3-ի, կամ նշված գույքը Հայաստանի Հանրապետության տարածքում գործող որևէ բանկում պահպանելու մասին նշված բանկի և հայտատուի միջև կնքված պայմանագրի պատճենը,

6) Գրավատան տարածքի (առկայության դեպքում նաև մեծածավալ իրերի պահպանման տարածքի) պաշտպանությունը պահպանիչ (անվտանգության) ահազանգման համակարգով ապահովելու մասին հայտատուի և համապատասխան կազմակերպության միջև կնքված պայմանագրի պատճենը,

7) Գրավատան տարածքը սեփական ուժերով պաշտպանելու նպատակով աշխատանքային ժամերին պահպանության ծառայություն իրականացնող և իր (իրենց) համազգեստով նկատելիորեն տարբերվող գրավատան աշխատակցի (աշխատակիցների) առկայության վերաբերյալ հայտարարագիրը` համաձայն սույն Կարգի Հավելված 4-ի, կամ գրավատան տարածքում անվտանգությունն ապահովելու մասին ոստիկանության կամ արտոնագրված պահակախմբի ծառայության հետ կնքված պայմանագրի պատճենը: Այն դեպքում, երբ հայտատուն նախատեսում է գրավատնային գործունեություն իրականացնել նաև գիշերային ժամերին (ժամը 22:00-ից մինչև 06:00-ը), ներկայացնում է գիշերային ժամերին գրավատան տարածքում անվտանգությունն ապահովելու մասին ոստիկանության կամ արտոնագրված պահակախմբի ծառայության հետ կնքված պայմանագրի պատճենը, համաձայն որի` գիշերային ժամերին գրավատան տարածքը հսկվելու է ոստիկանի կամ պահնորդի կողմից: Եթե գրավատունը նախատեսում է գիշերային ժամերին իրականացնել գրավատնային գործունեություն Կենտրոնական բանկի կողմից գրավատնային գործունեության լիցենզիա տրամադրելուց հետո, ապա գրավատան տարածքում գիշերային ժամերին անվտանգությունն ապահովելու մասին ոստիկանության կամ արտոնագրված պահակախմբի ծառայության հետ կնքված պայմանագրի պատճենը Կենտրոնական բանկ է ներկայացնում գիշերային ժամերին գրավատնային գործունեություն իրականացնելուց 10 աշխատանքային օր առաջ,

8) Հայաստանի Հանրապետության արտակարգ իրավիճակների նախարարության Ճգնաժամային կառավարման կենտրոնի «911» ծառայության հետ կնքված պայմանագրի պատճենն առ այն, որ գրավատան հրդեհի ազդարարման ինքնաշխատ համակարգը միացված է Հայաստանի Հանրապետության արտակարգ իրավիճակների նախարարության Ճգնաժամային կառավարման կենտրոնի «911» ծառայությանը (նշված ծառայությունը տվյալ տարածքում հասանելի լինելու դեպքում): Նշված ծառայությունը տվյալ տարածքում հասանելի չլինելու դեպքում, տարածքում պետք է առկա լինի հրդեհի ազդարարման ինքնաշխատ շուրջօրյա գործուն համակարգ,

9) Հայաստանի Հանրապետության տարածքում գործող ապահովագրական ընկերության հետ կնքված` գրավ և ի պահ ընդունված գույքը բնական աղետներից, հրդեհից, կողոպուտից, գողությունից և ավազակային հարձակումից ապահովագրելու վերաբերյալ պայմանագրի պատճենը, ինչպես նաև ապահովագրավճարի վճարման փաստը հավաստող փաստաթուղթը,

10) Տեղեկանք` վերջին հաշվետու ժամանակաշրջանի վերջին օրվա դրությամբ հարկային և օրենքով սահմանված այլ պարտադիր վճարների ժամկետանց պարտավորությունների բացակայության վերաբերյալ:

(2-րդ կետը փոփ. 26.12.17 թիվ 300-Ն որոշում)

3. Սույն Կարգի 2-րդ կետում նշված բոլոր փաստաթղթերը Կենտրոնական բանկ են ներկայացվում էլեկտրոնային կրիչով, պատվիրված նամակով կամ առձեռն Կենտրոնական բանկ մուտքագրելու միջոցով:

4. Սույն Կարգի 2-րդ կետում նշված բոլոր փաստաթղթերը ստանալու պահից 30-օրյա ժամկետում Կենտրոնական բանկի խորհուրդը որոշում է կայացնում լիցենզիան տրամադրելու մասին կամ մերժում է ներկայացված հայտը: Կենտրոնական բանկը լիցենզիա տրամադրելու կամ մերժելու մասին Կենտրոնական բանկի խորհրդի որոշման կայացման պահից եռօրյա ժամկետում որոշման օրինակը տրամադրում է հայտատուին առձեռն կամ ուղարկում է փոստով: Լիցենզիա ստանալու հայտը բավարարելու որոշում ընդունելու դեպքում լիցենզիան հայտատուին է տրամադրվում «Պետական տուրքի մասին» Հայաստանի Հանրապետության օրենքով սահմանված պետական տուրքի առաջին տարեկան վճարումը կատարելուց և վճարումը հավաստող փաստաթուղթը ներկայացնելուց հետո` մեկամսյա ժամկետում: Լիցենզիան համարվում է տրված պետական տուրքի առաջին վճարումը հավաստող փաստաթուղթը Կենտրոնական բանկ ներկայացնելու օրը: Կենտրոնական բանկը լիցենզավորված անձին տալիս է լիցենզիա` համաձայն Կենտրոնական բանկի խորհրդի կողմից հաստատված ձևի:

5. Եթե հայտը քննելու ընթացքում հայտում և (կամ) դրան կից փաստաթղթերում ներկայացված տեղեկություններում տեղի են ունեցել փոփոխություններ, ապա հայտատուն ներկայացնում է նաև փոփոխված տեղեկությունները` մինչև Կենտրոնական բանկի կողմից հայտը բավարարելու կամ մերժելու վերաբերյալ որոշման կայացումը: Եթե ներկայացված հայտը կամ դրան կից փաստաթղթերը թերի են, ապա հայտատուն իրավունք ունի մինչև Կենտրոնական բանկի կողմից հայտը բավարարելու կամ մերժելու վերաբերյալ որոշման կայացումը ներկայացնել պահանջվող փաստաթղթերը: Սույն կետում նշված դեպքերում հայտը Կենտրոնական բանկ ներկայացված է համարվում փոփոխված տեղեկությունները և (կամ) պահանջվող փաստաթղթերը կենտրոնական բանկ ներկայացնելու օրը:

6. Կենտրոնական բանկի խորհուրդը մերժում է ներկայացված հայտը «Գրավատների և գրավատնային գործունեության մասին» Հայաստանի Հանրապետության օրենքով (այսուհետ` Օրենք) սահմանված հիմքերով: Հայտը մերժելու դեպքում Կենտրոնական բանկի խորհրդի որոշման մեջ նշվում են հայտի մերժման հիմքերը:

7. Հայտի մերժման կամ բավարարման դեպքում Կենտրոնական բանկ ներկայացված փաստաթղթերը չեն վերադարձվում:

8. Կենտրոնական բանկի կողմից տրամադրված լիցենզիան ստանալուց հետո գրավատունը գործունեությունը փաստացի սկսելու դեպքում նախօրոք Կենտրոնական բանկ պետք է ներկայացնի հայտարարություն` գրավատան գործունեությունը սկսելու մասին` համաձայն սույն Կարգի Հավելված 5-ի:

9. Լիցենզիայի հայտը մերժելու դեպքում լիցենզավորվող անձն իրավունք ունի լիցենզիա ստանալու նոր հայտ ներկայացնել սույն գլխով սահմանված կարգով:

10. Գրավատնային գործունեության լիցենզիայում նշված վայրից այլ վայրում գրավատնային գործունեություն իրականացնելու համար անհրաժեշտ է ստանալ առանձին լիցենզիա` սույն կարգին համապատասխան:

 

ԳԼՈՒԽ 3. ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՎԵՐԱՁԵՎԱԿԵՐՊՈՒՄԸ

 

11. Գրավատան անվանման, գործունեության վայրի (այդ թվում` մեծածավալ իրերի պահպանման վայրի` առկայության դեպքում), ինչպես նաև իրավաբանական անձի գտնվելու վայրի (անհատ ձեռնարկատիրոջ դեպքում` հաշվառման վայրի) փոփոխման դեպքում, գրավատունը պարտավոր է Կենտրոնական բանկ ներկայացնել լիցենզիայի վերաձևակերպման հայտ` համաձայն սույն Կարգի Հավելված 1-ի:

12. Գրավատան անվանման կամ իրավաբանական անձի գտնվելու վայրի (անհատ ձեռնարկատիրոջ դեպքում` հաշվառման վայրի) փոփոխության դեպքում վերաձևակերպման հայտի հետ միասին Կենտրոնական բանկ են ներկայացվում հետևյալ փաստաթղթերը.

1) Սույն Կարգի 2-րդ կետի 2-րդ ենթակետով պահանջվող փաստաթղթերում ներկայացված տեղեկատվության փոփոխված տարբերակները,

2) Վարկավորման պայմանները` փոփոխության դեպքում,

3) Պետական տուրքի վճարման անդորրագիրը,

4) Լիցենզիայի բնօրինակը:

13. Գրավատան գործունեության վայրի (այդ թվում` մեծածավալ իրերի պահպանման վայրի` առկայության դեպքում) փոփոխման դեպքում վերաձևակերպման հայտի հետ միասին Կենտրոնական բանկ են ներկայացվում.

1) Սույն Կարգի 2-րդ կետի 2-րդ, 3-րդ, 5-րդ, 6-րդ, 7-րդ, 8-րդ և 9-րդ ենթակետերով պահանջվող փաստաթղթերը,

2) Վարկավորման պայմանները` փոփոխության դեպքում,

3) Պետական տուրքի վճարման անդորրագիրը,

4) Լիցենզիայի բնօրինակը:

14. Սույն գլխում նշված համապատասխան փաստաթղթերը ստանալու պահից 30-օրյա ժամկետում Կենտրոնական բանկի խորհուրդը որոշում է կայացնում լիցենզիան վերաձևակերպելու մասին կամ մերժում է ներկայացված հայտը: Կենտրոնական բանկը լիցենզիայի վերաձևակերպման հայտը բավարարելու կամ մերժելու մասին Կենտրոնական բանկի խորհրդի որոշման կայացման պահից եռօրյա ժամկետում որոշման օրինակը և լիցենզիայի նոր օրինակը տրամադրում է հայտատուին առձեռն կամ ուղարկում է փոստով:

15. Գրավատնային գործունեության լիցենզիայի վերաձևակերպման հայտը մերժելու դեպքում Կենտրոնական բանկի խորհրդի որոշման մեջ նշվում են հայտի մերժման հիմքերը:

 

ԳԼՈՒԽ 4. ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ԿՐԿՆՕՐԻՆԱԿԻ ՏՐԱՄԱԴՐՈՒՄԸ

 

16. Գրավատնային գործունեության լիցենզիան օգտագործման համար ոչ պիտանի դառնալու (վնասվելու, պատռվելու, անընթեռնելի դառնալու և այլն), ոչնչանալու կամ կորելու դեպքում գրավատունը դիմում է ներկայացնում Կենտրոնական բանկ` դրա կրկնօրինակը ստանալու և կորստի մասին Կենտրոնական բանկի կայքում հրապարակելու համար: Դիմումի մեջ նշվում է լիցենզիայի կրկնօրինակ ստանալու պատճառը: Դիմումին կցվում է լիցենզիայի բնօրինակը (օգտագործման համար ոչ պիտանի դառնալու դեպքում), ինչպես նաև լիցենզիայի կրկնօրինակը ստանալու համար պետական տուրքի վճարման անդորրագիրը:

17. Կենտրոնական բանկը կորած կամ օգտագործման համար ոչ պիտանի դարձած կամ ոչնչացած լիցենզիայի կրկնօրինակը գրավատանն է հանձնում սույն Կարգի 16-րդ կետով սահմանված բոլոր փաստաթղթերը Կենտրոնական բանկ ներկայացնելու օրվան հաջորդող 10 աշխատանքային օրվա ընթացքում:

18. Լիցենզիայի կրկնօրինակի վերին աջ անկյունում կատարվում է «Կրկնօրինակ» նշագրումը:

19. Կորած լիցենզիան գտնելու դեպքում գրավատունը գտնված լիցենզիան վերադարձնում է Կենտրոնական բանկ:

 

ԳԼՈՒԽ 5. ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ԳՈՐԾՈՂՈՒԹՅԱՆ ԿԱՍԵՑՈՒՄԸ ԵՎ ԴԱԴԱՐԵՑՈՒՄԸ

 

20. Գրավատնային գործունեության լիցենզիայի գործողությունը կասեցվում կամ դադարեցվում է Օրենքով սահմանված հիմքերով:

21. Լիցենզավորված անձի դիմումի հիման վրա գրավատնային գործունեության լիցենզիայի գործողությունը կասեցնելու կամ դադարեցնելու համար գրավատունը Կենտրոնական բանկ է ներկայացնում դիմում` համաձայն սույն Կարգի Հավելված 6-ի:

22. Սույն Կարգի 21-րդ կետով սահմանված դիմումը ստանալու պահից 30-օրյա ժամկետում Կենտրոնական բանկի խորհուրդը որոշում է կայացնում լիցենզիայի գործողությունը կասեցնելու կամ դադարեցնելու մասին կամ մերժում է ներկայացված դիմումը: Կենտրոնական բանկը դիմումը բավարարելու կամ մերժելու մասին Կենտրոնական բանկի խորհրդի որոշման կայացման պահից եռօրյա ժամկետում որոշման օրինակը տրամադրում է դիմումատուին առձեռն կամ ուղարկում է փոստով:

23. Սույն Կարգի 21-րդ կետով սահմանված դիմումը մերժելու դեպքում Կենտրոնական բանկի խորհրդի որոշման մեջ նշվում են դիմումի մերժման հիմքերը:

24. Գրավատնային գործունեության լիցենզիայի գործողությունը դադարելու դեպքում լիցենզիայի բնօրինակը վերադարձվում է Կենտրոնական բանկ:

 

Հավելված 1

Հայաստանի Հանրապետության կենտրոնական բանկի

խորհրդի 2017 թվականի փետրվարի 3-ի թիվ 32-Ն

որոշմամբ հաստատված «Հայաստանի Հանրապետությունում

գրավատնային գործունեության լիցենզավորման կարգի»

 

Հայաստանի Հանրապետության կենտրոնական բանկի նախագահ`

___________________________

 

ՀԱՅՏ

 

Հարգելի _________________________________,

 

Խնդրում եմ

[] տրամադրել գրավատնային գործունեության լիցենզիա,

[] վերաձևակերպել գրավատնային գործունեության լիցենզիան` կապված,

[] գրավատան անվանափոխության հետ (________________________),

(գրանցման ամսաթիվ)

[] գրավատան գործունեության վայրի (այդ թվում` մեծածավալ իրերի պահպանման վայրի` առկայության դեպքում) փոփոխության հետ,

[] իրավաբանական անձի գտնվելու վայրի/անհատ ձեռնարկատիրոջ հաշվառման վայրի փոփոխության հետ

 

(________________________):

(գրանցման ամսաթիվ)

 

Հավաստիացնում եմ, որ ներկայացվող փաստաթղթերում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստի սխալ ներկայացումը կամ բացթողումը կարող է հանգեցնել օրենքով սահմանված քրեական կամ վարչական պատասխանատվության:

 

Լիցենզավորվող անձի կառավարման մարմնի իրավասու անձի անունը, ազգանունը _____________________________________________________

 

Ստորագրություն _______________________ ___________________

օր/ամիս/տարի

 

Հավելված 2

Հայաստանի Հանրապետության կենտրոնական բանկի

խորհրդի 2017 թվականի փետրվարի 3-ի թիվ 32-Ն

որոշմամբ հաստատված «Հայաստանի Հանրապետությունում

գրավատնային գործունեության լիցենզավորման կարգի»

 

Հայտատուի վերաբերյալ տեղեկատվություն

._____________________________________________________________________.

|1. Հայտատուի անվանումը (անուն-ազգանունը` ԱՁ-ի դեպքում)`              |

|_____________________________________________________________________|

|2. Հարկ վճարողի հաշվառման համարը`                                    |

|_____________________________________________________________________|

|3. Պետական գրանցման/հաշվառման համարը և  ամսաթիվը`                    |

|_____________________________________________________________________|

|4. Հայտատուի գտնվելու վայրը`                                         |

|_____________________________________________________________________|

|5. Հայտատուի գտնվելու վայրի հեռախոսահամարը, էլեկտրոնային փոստի,      |

|պաշտոնական էլեկտրոնային փոստի հասցեն` առկայության դեպքում`           |

|_____________________________________________________________________|

|6. Հայտատուի գործունեության վայրը`                                   |

|_____________________________________________________________________|

|7. Հայտատուի գործունեության վայրի հեռախոսահամարը, էլեկտրոնային փոստի |

|հասցեն`                                                              |

|_____________________________________________________________________|

|8. Տնօրենի անունը, ազգանունը, հայրանունը` (լրացվում է իրավաբանական   |

|անձի համար)                                                          |

|_____________________________________________________________________|

|9. Տնօրենի անձնագրի սերիան և  համարը, իսկ անձնագրի բացակայության     |

|դեպքում անձը հաստատող այլ փաստաթղթի տվյալներ` (լրացվում է            |

|իրավաբանական անձի համար)                                             |

|_____________________________________________________________________|

|10. Տնօրենի հանրային ծառայությունների համարանիշը (սոցիալական քարտի   |

|համարը) կամ հանրային ծառայությունների համարանիշ չստանալու վերաբերյալ |

|տեղեկանքի համարը` (լրացվում է իրավաբանական անձի համար)               |

|_____________________________________________________________________|

|11. Այլ տեղեկատվություն                                              |

|Հավաստիացնում եմ, որ սույն փաստաթղթում պարունակվող տեղեկատվությունը  |

|արժանահավատ է և  ամբողջական: Գիտակցում եմ, որ որևէ  փաստաթղթի կամ    |

|տեղեկատվության կեղծ ներկայացումը հանգեցնում է օրենքով սահմանված      |

|քրեական և  վարչական պատասխանատվության:                               |

._____________________________________________________________________.

 

Համաձայն եմ իմ կողմից ներկայացված վերոնշյալ տեղեկատվության որևիցե փոփոխության դեպքում տեղեկացնել Կենտրոնական բանկին:

 

Լիցենզավորվող անձի կառավարման մարմնի իրավասու անձի անունը, ազգանունը _____________________________________________

 

Ստորագրություն _______________________  ___________________

օր/ամիս/տարի

 

Հավելված 3

Հայաստանի Հանրապետության կենտրոնական բանկի

խորհրդի 2017 թվականի փետրվարի 3-ի թիվ 32-Ն

որոշմամբ հաստատված «Հայաստանի Հանրապետությունում

գրավատնային գործունեության լիցենզավորման կարգի»

 

Հայտարարագիր

 

Փոքրածավալ իրեր հանդիսացող, գրավադրված (ի պահ հանձնված) գույքը

պահպանելու համար գրավատան տարածքում գտնվող երկաթբետոնյա պատերով

(ծածկով) առանձնացված սենյակում չհրկիզվող պահարան (պահարաններ)

ունենալու վերաբերյալ

 

Սույնով հայտարարում ենք, որ ________________________________________

(գրավատան անվանումը, կազմակերպաիրավական

ձևը)

 

գրավատունը փոքրածավալ իրեր հանդիսացող, գրավադրված (ի պահ հանձնված) գույքը պահպանելու համար ունի գրավատան տարածքում գտնվող երկաթբետոնյա պատերով (ծածկով) առանձնացված սենյակ ու չհրկիզվող պահարան (պահարաններ):

Լիցենզավորվող անձի կառավարման մարմնի իրավասու անձի անունը, ազգանունը _____________________________________________

 

Ստորագրություն _______________________  ___________________

օր/ամիս/տարի

 

Հավելված 4

Հայաստանի Հանրապետության կենտրոնական բանկի

խորհրդի 2017 թվականի փետրվարի 3-ի թիվ 32-Ն

որոշմամբ հաստատված «Հայաստանի Հանրապետությունում

գրավատնային գործունեության լիցենզավորման կարգի»

 

Հայտարարագիր

(Պահպանության ծառայություն իրականացնող գրավատան աշխատակցի

(աշխատակիցների) առկայության վերաբերյալ)

 

Սույնով հայտարարում ենք, որ _________________________________________

(գրավատան անվանումը, կազմակերպաիրավական

ձևը)

 

գրավատունը աշխատանքային ժամերին ապահովելու է գրավատան տարածքի անվտանգությունը իր (իրենց) համազգեստով նկատելիորեն տարբերվող գրավատան աշխատակցի (աշխատակիցների) միջոցով:

 

Լիցենզավորվող անձի կառավարման մարմնի իրավասու անձի անունը, ազգանունը_____________________________________________

 

Ստորագրություն _______________________  ___________________

օր/ամիս/տարի

 

Հավելված 5

Հայաստանի Հանրապետության կենտրոնական բանկի

խորհրդի 2017 թվականի փետրվարի 3-ի թիվ 32-Ն

որոշմամբ հաստատված «Հայաստանի Հանրապետությունում

գրավատնային գործունեության լիցենզավորման կարգի»

 

«______» գրավատուն

Լիցենզիա թիվ` _____________________

Հասցե` _____________________________

Փոստային հասցե __________________

Հեռախոսի համար __________________

 

ՀԱՅՏԱՐԱՐՈՒԹՅՈՒՆ

 

Տեղեկացնում ենք Ձեզ, որ գրավատունը _____/______/______/_____-ից

(օր) (ամիս) (տարի) (ժամ)

 

սկսում է իր գործունեությունը:

 

Լիցենզավորվող անձի կառավարման մարմնի իրավասու անձի անունը, ազգանունը__________________________________________

 

Ստորագրություն _______________________ ___________________

օր/ամիս/տարի

 

Հավելված 6

Հայաստանի Հանրապետության կենտրոնական բանկի

խորհրդի 2017 թվականի փետրվարի 3-ի թիվ 32-Ն

որոշմամբ հաստատված «Հայաստանի Հանրապետությունում

գրավատնային գործունեության լիցենզավորման կարգի»

 

Հայաստանի Հանրապետության կենտրոնական բանկի նախագահ`

___________________________

 

ԴԻՄՈՒՄ

 

Հարգելի ______________________________,

Խնդրում եմ

[] կասեցնել գրավատնային գործունեության լիցենզիայի գործողությունը:

______________________________________________________________________

(Նշել լիցենզիայի գործողության կասեցման պատճառը, վարկային պորտֆելի

մեծությունը դիմումի ներկայացման օրվա դրությամբ, առաջարկվող

կասեցման ժամկետը)

_________________________________________________________________________

_________________________________________________________________________

_________________________________________________________________________

_________________________________________________________________________:

 

[] դադարեցնել գրավատնային գործունեության լիցենզիայի գործողությունը:

_________________________________________________________________________

(Նշել լիցենզիայի գործողության դադարեցման պատճառը, վարկային պորտֆելի

մեծությունը դիմումի ներկայացման օրվա դրությամբ)

_________________________________________________________________________

_________________________________________________________________________

_________________________________________________________________________

_________________________________________________________________________:

 

Հավաստիացնում եմ, որ ներկայացվող փաստաթղթերում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստի սխալ ներկայացումը կամ բացթողումը կարող է հանգեցնել օրենքով սահմանված քրեական կամ վարչական պատասխանատվության:

 

Լիցենզավորվող անձի կառավարման մարմնի իրավասու անձի անունը, ազգանունը _____________________________________________

 

Ստորագրություն _______________________  ___________________

օր/ամիս/տարի

 

Հավելված 2

Հաստատված է

Հայաստանի Հանրապետության

կենտրոնական բանկի խորհրդի

2017 թվականի փետրվարի 3-ի

թիվ 32-Ն որոշմամբ

 

Տրված է Հայաստանի Հանրապետության կենտրոնական բանկի

խորհրդի _________ թիվ _____ Ա որոշմամբ

________________________________

                                     (լիցենզիայի սերիան և համարը)

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ

 

ԼԻՑԵՆԶԻԱ ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ

 

Տրված է ____________________________________

(լիցենզիա տալու ամսաթիվը, տարեթիվը)

________________________________________________________ գրանցված

(իրավաբանական անձի գտնվելու վայրը/անհատ ձեռնարկատիրոջ հաշվառման վայրը)

______________________________________________________________________

(իրավաբանական անձի անվանումը/անհատ ձեռնարկատիրոջ անունը, ազգանունը,

գրավատան գործունեության իրականացման վայրը)

 

գտնվող տարածքում գրավատան կազմակերպման համար:

 

Լիցենզիան տրվում է անժամկետ:

 

Հայաստանի Հանրապետության

Կենտրոնական բանկի նախագահ __________________________________________

(ստորագրությունը) (անունը, ազգանունը)

 

Կ.Տ.

 

 

pin
Կենտրոնական բանկի խորհուրդ
03.02.2017
N 32-Ն
Որոշում