ՀՀ ՏԱՐԱԾՔՈՒՄ ՄԻ ՄԱՔՍԱՅԻՆ ՄԱՐՄՆԻՑ ՄՅՈՒՍ ՄԱՔՍԱՅԻՆ ՄԱՐՄԻՆ ԻՐԱԿԱՆԱՑՎՈՂ ՏԱՐԱՆՑՄԱՆ ԱՌԱ ...

040.0194.030317

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

2 մարտի 2017 թվականի N 194-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ՄԻ ՄԱՔՍԱՅԻՆ ՄԱՐՄՆԻՑ ՄՅՈՒՍ ՄԱՔՍԱՅԻՆ ՄԱՐՄԻՆ ՏԱՐԱՆՑՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ ՍԱՀՄԱՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՆՈՅԵՄԲԵՐԻ 3-Ի N 1930-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

«Մաքսային կարգավորման մասին» օրենքի 103-րդ հոդվածի 3-րդ մասին համապատասխան` Հայաստանի Հանրապետության կառավարությունը որոշում է.

1. Սահմանել Հայաստանի Հանրապետության տարածքում մի մաքսային մարմնից մյուս մաքսային մարմին տարանցման առանձնահատկությունները` համաձայն հավելվածի:

(1-ին կետը փոփ. 23.02.2023 թիվ 236-Ն որոշում)

2. ՈՒժը կորցրած ճանաչել Հայաստանի Հանրապետության կառավարության 2005 թվականի նոյեմբերի 3-ի «Մեկ մաքսային մարմնից մյուս մաքսային մարմին` մաքսային ձևակերպման գործընթացում գտնվող ապրանքների և տրանսպորտային միջոցների փոխադրման կարգը հաստատելու մասին» N 1930-Ն որոշումը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասնհինգերորդ օրը:

(վերնագիրն ու նախաբանը փոփ. 23.02.2023 թիվ 236-Ն որոշում)

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2017 ԹՎԱԿԱՆԻ ՄԱՐՏԻ 3-ԻՆ

Հավելված

ՀՀ կառավարության

2017 թվականի մարտի 2-ի

N 194-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ՄԻ ՄԱՔՍԱՅԻՆ ՄԱՐՄՆԻՑ ՄՅՈՒՍ ՄԱՔՍԱՅԻՆ ՄԱՐՄԻՆ ՏԱՐԱՆՑՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ

(վերնագիրը փոփ. 23.02.2023 թիվ 236-Ն որոշում)

1. Սույն հավելվածով սահմանվում են Եվրասիական տնտեսական միության մաքսային օրենսգրքի 142-րդ հոդվածի 3-րդ մասի 1-ին կետով սահմանված` ժամանման վայրի մաքսային մարմնից մինչև մեկնման վայրի մաքսային մարմին, 142-րդ հոդվածի 3-րդ մասի 2-րդ կետով սահմանված` ժամանման վայրի մաքսային մարմնից մինչև ներքին մաքսային մարմին, 142-րդ հոդվածի 3-րդ մասի 3-րդ կետով սահմանված` ներքին մաքսային մարմնից մինչև մեկնման մաքսային մարմին և 142-րդ հոդվածի 3-րդ մասի 4-րդ կետով սահմանված` մի ներքին մաքսային մարմնից մինչև մյուս ներքին մաքսային մարմին օտարերկրյա ապրանքների տարանցման առանձնահատկությունները, այն դեպքերում, երբ մաքսային տարանցումն սկսվում և ավարտվում է Հայաստանի Հանրապետության տարածքում:

(1-ին կետը փոփ. 30.07.2020 թիվ 1255-Ն որոշում)

1.1. Սույն հավելվածի դրույթները չեն տարածվում`

1) այն ապրանքների նկատմամբ, որոնց համար Եվրասիական տնտեսական միության օրենսդրությամբ սահմանված են Եվրասիական տնտեսական միության մաքսային տարածք տարանցման արգելքներ.

2) Եվրասիական տնտեսական միության մաքսային օրենսգրքի 142-րդ հոդվածի 3-րդ մասի 1-ին կետով սահմանված` ժամանման վայրի մաքսային մարմնից մինչև մեկնման վայրի մաքսային մարմին և 142-րդ հոդվածի 3-րդ մասի 3-րդ կետով սահմանված` ներքին մաքսային մարմնից մինչև մեկնման մաքսային մարմին Եվրասիական տնտեսական միության մաքսային տարածքով տեղափոխման համար սահմանափակված ապրանքների տարանցման նկատմամբ, եթե մաքսային մարմիններին սույն կարգով նախատեսված փաստաթղթերի ներկայացման պահի դրությամբ այդ ապրանքներին առնչվող համապատասխան թույլատրող փաստաթղթերը կամ դրանց վերաբերյալ տեղեկությունները մաքսային մարմիններին ներկայացված չեն:

(1.1-ին կետը լրաց. 30.07.2020 թիվ 1255-Ն որոշում)

2. Հայաստանի Հանրապետության տարածքում մի մաքսային մարմնից մյուս մաքսային մարմին «Մաքսային տարանցում» մաքսային ընթացակարգով տեղափոխվող օտարերկրյա ապրանքների համար մաքսատուրքի, հարկերի վճարման ապահովում չի պահանջվում, բացառությամբ Եվրասիական տնտեսական միության մաքսային օրենսգրքի 50-րդ գլխով սահմանված դրույթներին համապատասխան` ռիսկերի կառավարման համակարգի կիրառմամբ ընտրված դեպքերի, երբ կիրառվող ռիսկի պրոֆիլի շրջանակներում ցուցում է տրվում, որպես ռիսկի նվազեցման միջոցառում մաքսատուրքի, հարկերի վճարման ապահովում կիրառելու վերաբերյալ:

(2-րդ կետը փոփ. 30.07.2020 թիվ 1255-Ն որոշում)

3. Հայաստանի Հանրապետության տարածքում մի մաքսային մարմնից մյուս մաքսային մարմին «Մաքսային տարանցում» մաքսային ընթացակարգով օտարերկրյա ապրանքները փոխադրվում են նույնականացման միջոցների կիրառմամբ, իսկ դրա անհնարինության դեպքում` պարտադիր մաքսային ուղեկցմամբ:

(3-րդ կետը փոփ. 23.02.2023 թիվ 236-Ն որոշում)

4. Մաքսային փոխադրող կամ լիազորված տնտեսական օպերատոր հանդիսացող անձանց կողմից, ինչպես նաև երկաթուղային տրանսպորտով Հայաստանի Հանրապետության տարածքում մի մաքսային մարմնից մյուս մաքսային մարմին «Մաքսային տարանցում» մաքսային ընթացակարգով օտարերկրյա ապրանքները տեղափոխվում են առանց մաքսային ուղեկցման:

(4-րդ կետը փոփ. 30.07.2020 թիվ 1255-Ն որոշում)

5. Հայաստանի Հանրապետության տարածքում մի մաքսային մարմնից մյուս մաքսային մարմին «Մաքսային տարանցում» մաքսային ընթացակարգով օտարերկրյա ապրանքների տեղափոխման դեպքում Եվրասիական տնտեսական միության միասնական մաքսային օրենսդրությամբ սահմանված` տարանցման հայտարարագրի`

1) 33-րդ և 41-րդ սյունակները ենթակա չեն պարտադիր լրացման այն դեպքում, երբ տարանցման հայտարարագրի էլեկտրոնային տարբերակին էլեկտրոնային եղանակով կցվում են ապրանքների նույնականացման համար անհրաժեշտ և բավարար տեղեկություններ պարունակող փաստաթղթերի պատճեններ` հաշիվ-ապրանքագիր, բեռնագիր կամ դրանց փոխարինող փաստաթղթեր, եթե դրանցում առկա է ապրանքի նկարագրի, քանակի (ըստ չափման լրացուցիչ և հիմնական միավորների), արժեքի և գործարքի արժույթի վերաբերյալ տեղեկատվություն: Սույն ենթակետով նախատեսված փաստաթղթերը համարվում են տարանցման հայտարարագրի բաղկացուցիչ մաս, իսկ դրանցում առկա այն տեղեկությունները, որոնք հայտարարատուի կողմից չեն նշվել մաքսային հայտարարագրում, համարվում են հայտարարագրված տեղեկություններ.

2) 31-րդ դաշտում ապրանքների նկարագրերի լրացման անհնարինության դեպքում լրացվում են «Ապրանքներ` ըստ առևտրային փաստաթղթերի» բառերը:

(5-րդ կետը փոփ. 30.07.2020 թիվ 1255-Ն, 23.02.2023 թիվ 236-Ն որոշումներ)

6. Հայաստանի Հանրապետության տարածքում մի մաքսային մարմնից մյուս մաքսային մարմին ֆիզիկական անձանց կողմից «Մաքսային տարանցում» մաքսային ընթացակարգով օտարերկրյա ապրանքների տեղափոխման դեպքում որպես տարանցման հայտարարագիր կարող է կիրառվել Եվրասիական տնտեսական հանձնաժողովի կողմից սահմանված ձևով լրացված ուղևորային մաքսային հայտարարագիրը:

(6-րդ կետը փոփ. 30.07.2020 թիվ 1255-Ն որոշում)

7. Հայաստանի Հանրապետության տարածքում մի մաքսային մարմնից մյուս մաքսային մարմին «Մաքսային տարանցում» մաքսային ընթացակարգով օտարերկրյա ապրանքների տեղափոխման դեպքում տարանցման հայտարարագրի փոխարեն կարող են ներկայացվել տրանսպորտային (փոխադրման), առևտրային կամ այլ փաստաթղթեր, որոնք պետք է պարունակեն Եվրասիական տնտեսական միության մաքսային օրենսգրքի 107-րդ հոդվածի 1-ին մասով սահմանված տեղեկությունները` հաշվի առնելով սույն հավելվածի 5-րդ կետով սահմանված առանձնահատկությունները:

(7-րդ կետը փոփ. 30.07.2020 թիվ 1255-Ն որոշում)

8. Որպես տարանցման հայտարարագիր օգտագործվող տրանսպորտային (փոխադրման), առևտրային կամ այլ փաստաթղթերի հետ մեկտեղ հայտարարատուի (վերջինիս կողմից լիազորված անձի) կողմից մաքսային մարմիններին ներկայացվում է նշված փաստաթղթերի վերաբերյալ թերթիկ` 2 օրինակից, համաձայն սույն հավելվածով նախատեսված և հայտարարատուի (վերջինիս կողմից լիազորված անձի) կողմից ընտրված լեզվով լրացված ձևերից մեկի: Հավելվածին կից ձևաթղթի աղյուսակի 5-րդ սյունակը ենթակա է պարտադիր լրացման բացառապես հավելվածի 12.1-ին կետում նախատեսված դեպքում:

(8-րդ կետը փոփ. 30.07.2020 թիվ 1255-Ն, 23.02.2023 թիվ 236-Ն որոշումներ)

9. Հայաստանի Հանրապետության տարածքում մի մաքսային մարմնից մյուս մաքսային մարմին «Մաքսային տարանցում» մաքսային ընթացակարգով օտարերկրյա ապրանքների տեղափոխման դեպքում որպես տարանցման հայտարարագիր մաքսային մարմիններ տրանսպորտային (փոխադրման), առևտրային կամ այլ փաստաթղթեր ներկայացվելու դեպքում` նշված փաստաթղթերի էլեկտրոնային օրինակը մաքսային մարմիններ ներկայացնել չի պահանջվում:

10. Տրանսպորտային (փոխադրման), առևտրային կամ այլ փաստաթղթերը, որպես տարանցման հայտարարագիր, մաքսային մարմիններ ներկայացվելու դեպքում` նշված փաստաթղթերը գրանցվում, գրանցումը մերժվում, փաստաթղթերը նույնականացվում են, ինչպես նաև նշված դեպքերում մաքսային տարանցումն ավարտվում է Եվրասիական տնտեսական միության միասնական մաքսային օրենսդրությանը համապատասխան:

(10-րդ կետը փոփ. 23.02.2023 թիվ 236-Ն որոշում)

11. Տրանսպորտային (փոխադրման), առևտրային կամ այլ փաստաթղթերը, որպես տարանցման հայտարարագիր, մաքսային մարմիններ ներկայացվելու դեպքում դրանց վրա մաքսային մարմնի պաշտոնատար անձանց կողմից կատարվում են այն բոլոր անհրաժեշտ նշումները, որոնք ենթակա կլինեին լրացվելու տարանցման հայտարարագրում` հաշվի առնելով սույն առանձնահատկությունները: Մաքսային մարմնի պաշտոնատար անձանց կողմից համապատասխան նշում է կատարվում նաև ապրանքների փաստացի քաշի վերաբերյալ, որը հաստատվում է մաքսային մարմնի պաշտոնատար անձի անձնական կնիքով:

(11-րդ կետը փոփ. 23.02.2023 թիվ 236-Ն որոշում)

12. Որպես տարանցման հայտարարագիր` մաքսային մարմիններ ներկայացված տրանսպորտային (փոխադրման), առևտրային կամ այլ փաստաթղթերի հիման վրա հաշվառման և հսկողության նպատակով մաքսային մարմինների կողմից ավտոմատ հայտարարագրման էլեկտրոնային համակարգում ձևավորվում է տարանցման հայտարարագրի տեսք ունեցող փաստաթուղթ, որին կցվում են սույն հավելվածի 7-րդ կետում նշված փաստաթղթերի էլեկտրոնային պատճենները և որտեղ, հաշվի առնելով սույն առանձնահատկությունները, լրացվում են տարանցման հայտարարագրի լրացման կարգին համապատասխան լրացման ենթակա անհրաժեշտ տեղեկությունները, այդ թվում`

1) ապրանքի մասին տվյալները (անվանումը, քաշը, քանակը, փաթեթավորումը, տեղերի քանակը, առկայության պարագայում` նաև ԱՏԳԱԱ-ի ծածկագիրը).

2) ապրանքներ տեղափոխող կամ հասցեատեր հանդիսացող անձի մասին տվյալները (կազմակերպության անվանումը, գտնվելու վայրը, ՀՎՀՀ-ն, լիազոր ներկայացուցչի անունը, ազգանունը, պաշտոնը, իսկ ֆիզիկական անձանց դեպքում` անունը, ազգանունը, հասցեն և անձնագրի տվյալները).

3) տրանսպորտային միջոցի մասին տվյալները (փոխադրամիջոցի ծածկագիրը, անվանումը, մակնիշը, մոդելը, պետհամարանիշը (համարը).

4) նշանակման մաքսային մարմինը և նշանակման վայրը.

5) փոխադրման ժամկետը.

6) ապրանքն ուղեկցող փաստաթղթերի տվյալները (անվանումը, տեսակը, համարը, էջերի թիվը).

7) փոխադրվող ապրանքների նկատմամբ մաքսային հսկողություն իրականացնելու համար անհրաժեշտ այլ տեղեկություններ:

(12-րդ կետը փոփ. 30.07.2020 թիվ 1255-Ն, 23.02.2023 թիվ 236-Ն որոշումներ)

12.1. Միևնույն տրանսպորտային միջոցով տարբեր առաքողներից տարբեր ստացողների անունով փոխադրվող ապրանքները ՀՀ սահմանային մաքսային մարմնից ՀՀ ներքին մաքսային մարմին տեղափոխելու համար` ՏՏ ԻՄ տեսակի մաքսային տարանցում ընթացակարգով ձևակերպելու նպատակով` որպես տարանցման հայտարարագիր մաքսային մարմիններ ներկայացված տրանսպորտային (փոխադրման), առևտրային կամ այլ փաստաթղթերի հիման վրա հաշվառման և հսկողության նպատակով մաքսային մարմինների կողմից ավտոմատ հայտարարագրման էլեկտրոնային համակարգում կարող է ձևավորվել տարանցման հայտարարագրի տեսք ունեցող մեկ փաստաթուղթ, որտեղ որպես հայտարարատու և ստացող նշվում է փոխադրողը, և որին առանձին փաստաթղթի տեսքով կցվում է առևտրային և (կամ) տրանսպորտային փաստաթղթերի համաձայն ապրանքներ ստացողների ցանկը` ըստ ապրանքների քաշերի և ապրանքն ուղեկցող փաստաթղթերի: Տարանցման հայտարարագրի տեսք ունեցող նշված փաստաթղթին կցվում են յուրաքանչյուր խմբաքանակ ապրանքների համար հավելվածի 7-րդ կետում նշված փաստաթղթերի էլեկտրոնային պատճենները:

(12.1-ին կետը լրաց. 23.02.2023 թիվ 236-Ն որոշում)

13. Սույն հավելվածի 12-րդ կետի համաձայն էլեկտրոնային համակարգում լրացված տվյալների հիման վրա ապրանքները հաշվառվում են մաքսային մարմնի կողմից:

Ձև

Ֆոռմա

Form

ԹԵՐԹԻԿ ՈՐՊԵՍ ՏԱՐԱՆՑՄԱՆ ՀԱՅՏԱՐԱՐԱԳԻՐ ՕԳՏԱԳՈՐԾՎՈՂ ՏՐԱՆՍՊՈՐՏԱՅԻՆ (ՓՈԽԱԴՐՄԱՆ), ԱՌԵՎՏՐԱՅԻՆ ԿԱՄ ԱՅԼ ՓԱՍՏԱԹՂԹԵՐԻ ՎԵՐԱԲԵՐՅԱԼ

ԼԻՍՏՈԿ ՕՏՆՕՍԻՏԵԼՆՕ ԻՍՊՕԼԶՈՒԵՄԻԽ Վ ԿԱՉԵՍՏՎԵ ՏՌԱՆԶԻՏՆՕՅ ԴԵԿԼԱՌԱՑԻԻ ՏՌԱՆՍՊՕՌՏՆԻԽ (ՊԵՌԵՎՕԶՕՉՆԻԽ), ԿՕՄՄԵՌՉԵՍԿԻԽ ԻԼԻ ԻՆԻԽ ԴՕԿՈՒՄԵՆՏՕՎ

RECORD SHEET ON TRANSPORTATION (CARRIER), COMMERCIAL OR OTHER DOCUMENTATION USED AS A TRANSIT DECLARATION

N _____________________________________________

(լրացվում է ուղարկող մաքսային մարմնի պաշտոնատար անձի կողմից)

(զապօլնյաետսյա դօլժնօստիմ լիցօմ տամօժեննօգօ օռգանա օտպռավլենիյա)

(to be completed by the official of the customs authority of departure)

_____________________________________________

                                                (մաքսային մարմնի անվանումը)

                                          (նաիմենօվանիե տամօժեննօգօ օռգանա)

                                            (name of the customs authority)

Տարանցման հայտարարագրի փոխարեն կից ներկայացվում են ստորև նշված փաստաթղթերը:

Հաստատում եմ, որ իմ կողմից ներկայացված տեղեկությունները հավաստի են, և ես տեղյակ եմ ոչ ճիշտ տեղեկություններ ներկայացնելու համար Հայաստանի Հանրապետության օրենսդրությամբ սահմանված պատասխանատվության մասին:

Վմեստօ տռանզիտնօյ դեկլառացիի պռիլագայուտսյա նիժեուկազաննիե դօկումենտի. Պօդտվեռժդայու, չտօ պռեդստավլեննիե մնօյ սվեդենիյա դօստօվեռնի, ի մնե իզվեստնօ օբ օտվետստվեննօստի, ուստանօվլեննօյ զակօնօդատելստվօմ Ռեսպուբլիկի Առմենիյա զա պռեդստավլենիե նեվեռնիխ սվեդենիյ.

The documents listed below shall be attached instead of a transit declaration.

I confirm that the information submitted by me is reliable and I am informed about the liability established under the legislation of the Republic of Armenia for providing false information.

Որպես տարանցման հայտարարագիր ներկայացվող փաստաթղթերի ցանկը

Պեռեչեն դօկումենտօվ, պռեդստավլյաեմիխ վ կաչեստվե տռանզիտնօյ դեկլառացիի

List of documents submitted as a transit declaration

._________________________________________________________________________.

|NN  |Նաիմենօվանիե|Նօմեռ դօկումենտա (պռի      |Կօլիչեստվօ լիստօվ|Իմպօռտյոռ|

|պ/պ,|դօկումենտա  |նալիչիի) ի դատա            |Թերթերի թիվը     |Ներմուծող|

|NN  |Փաստաթղթի   |Փաստաթղթի համարը           |Total number of  |Importer |

|ը/կ,|անվանումը   |(առկայության դեպքում) և    |pages            |         |

|NN  |Name of the |ամսաթիվը                   |                 |         |

|    |document    |Number of the document     |                 |         |

|    |            |(where applicable) and     |                 |         |

|    |            |date                       |                 |         |

|____|____________|___________________________|_________________|_________|

|____|____________|___________________________|_________________|_________|

._________________________________________________________________________.

Տեղյակ եմ Եվրասիական տնտեսական միության մաքսային օրենսգրքի 150-րդ հոդվածով սահմանված պարտավորությունների մասին:

Մնե իզվեստնօ օբ օբյազատելստվախ, ուստանօվլեննիխ ստատյոյ 150 Տամօժեննօգօ կօդեկսա Եվռազիսկօգօ էկօնօմիչեսկօգօ սօյուզա.

I am informed about the obligations established under Article 150 of the Customs Code of the Eurasian Economic Union.

_________________________  ______________________________________________ (նաիմենօվանիե պեռեվօզչիկա  (իմյա, ֆամիլիյա, պասպօռտնիե դաննիե

(փոխադրողի անվանումը)       պռեդստավիտելյա պեռեվօզչիկա)

(name of the carrier)       (փոխադրողի ներկայացուցչի անունը, ազգանունը,

                            անձնագրային տվյալները)

                            (name, surname, passport data of the

                            representative of the carrier)

__________________          ___________________________________

(ստորագրությունը)           (ամսաթիվը)

(պօդպիս)                    (դատա)

(signature)                 (date)

Տեղյակ եմ Եվրասիական տնտեսական միության մաքսային օրենսգրքի 149-րդ և 153-րդ հոդվածներով սահմանված պարտավորությունների մասին:

Մնե իզվեստնօ օբ օբյազատելստվախ, ուստանօվլեննիխ ստատյամի 149 ի 153 Տամօժեննօգօ կօդեկսա Եվռազիսկօգօ էկօնօմիչեսկօգօ սօյուզա.

I am informed about the obligations established under Articles 149 and 153 of the Customs Code of the Eurasian Economic Union.

_________________________  ______________________________________________

(հայտարարատուի անվանումը    (հայտարարատուի ներկայացուցչի անունը,

և  հասցեն)                  ազգանունը, անձնագրային տվյալները)

(նաիմենօվանիե ի ադռես       (իմյա, ֆամիլիյա, պասպօռտնիե դաննիե

դեկլառանտա)                 պռեդստավիտելյա դեկլառանտա)

(name and address of        (name, surname, passport data of the

the declarant)              representative of the declarant)

__________________          ___________________________________

(ստորագրությունը)           (ամսաթիվը)

(պօդպիս)                    (դատա)

(signature)                 (date)

_________________________  _____________________  _____________

(մաքսային մարմնի            (ստորագրությունը,       (ամսաթիվը)

պաշտոնատար անձի անունը,     կնիքը)                  (դատա)

ազգանունը)                  (պօդպիս, պեչատ)         (date)

(իմյա, ֆամիլիյա             (signature, seal)

դօլժնօստնօգօ լիցա տամօժեննօգօ օռգանա) (name, surname of the official of the customs authority)

_____________________ __________  _______________________

(տարանցման ժամկետը)                (տարանցման երթուղին)

(սռօկ տռանզիտա)                    (մառշռուտ տռանզիտա)

(transit dates)                    (transit route)

(ձևը փոփ. 30.07.2020 թիվ 1255-Ն, 23.02.2023 թիվ 236-Ն որոշումներ)