Սեղմել Esc փակելու համար:
ՊԱՏԳԱՄԱՎՈՐՆԵՐԻ ԳՅՈՒՄՐԻ ՔԱՂԱՔԻ ՇՐՋԱՆԱՅ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՊԱՏԳԱՄԱՎՈՐՆԵՐԻ ԳՅՈՒՄՐԻ ՔԱՂԱՔԻ ՇՐՋԱՆԱՅԻՆ ԽՈՐՀՈՒՐԴՆԵՐԻ ԳՈՐԾԱԴԻՐ ԿՈՄԻՏԵՆԵՐԻ ԼՈՒԾԱՐՄ ...

 

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

 

9 հունվարի 1996 թվականի թիվ 7

 

ՊԱՏԳԱՄԱՎՈՐՆԵՐԻ ԳՅՈՒՄՐԻ ՔԱՂԱՔԻ ՇՐՋԱՆԱՅԻՆ ԽՈՐՀՈՒՐԴՆԵՐԻ ԳՈՐԾԱԴԻՐ ԿՈՄԻՏԵՆԵՐԻ ԼՈՒԾԱՐՄԱՆ ԳՈՐԾԸՆԹԱՑՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ՄԱՍԻՆ

 

«Տեղական ինքնակառավարման, տարածքային կառավարման և տեղական ինքնակառավարման մարմինների հարաբերությունների կարգավորման մասին անցումային դրույթներ» Հայաստանի Հանրապետության օրենքին համապատասխան պատգամավորների Գյումրի քաղաքի շրջանային խորհուրդների գործադիր կոմիտեների լուծարման աշխատանքների իրականացման նպատակով`

Պատգամավորների Գյումրիի քաղաքային խորհրդի գործադիր կոմիտեին`

ա) ստեղծել պատգամավորների Գյումրի քաղաքի Մոսկովյան և Շիրակի շրջանային խորհուրդների գործադիր կոմիտեների լուծարային հանձնաժողովներ` պատգամավորների Գյումրիի քաղաքային խորհրդի գործադիր կոմիտեի նախագահի տեղակալների գլխավորությամբ.

բ) կազմակերպել գույքագրման անցկացում` ներառելով պատգամավորների Մոսկովյան և Շիրակի շրջանային խորհուրդների գործադիր կոմիտեների տնօրինության տակ գտնվող ամբողջ գույքը (հիմնական և շրջանառու միջոցները` վարչական շենքեր, ֆինանսական միջոցներ և այլն), և մինչև վերաբաշխման մասին համապատասխան որոշումների ընդունումն ապահովել այդ գույքի պատշաճ պահպանությունը.

գ) ձեռնարկել համապատասխան միջոցներ`

լուծարման հետևանքով աշխատանքից արձակման ենթակա աշխատողների` Հայաստանի Հանրապետության օրենսդրությամբ սահմանված աշխատանքային իրավունքների ու երաշխիքների ապահովման համար.

քաղաքի կենսաապահովման օբյեկտների անխափան աշխատանքի ապահովման և բնակչության պահանջների բավարարման համար.

դ) երկամսյա ժամկետում ավարտել պատգամավորների Գյումրի քաղաքի շրջանային խորհուրդների գործադիր կոմիտեների լուծարման աշխատանքները և արդյունքների մասին զեկուցել Հայաստանի Հանրապետության կառավարությանը:

 

 

pin
ՀՀ Վարչապետ
09.01.1996
N 7
Որոշում