Սեղմել Esc փակելու համար:
«ԿԱՎԿԱԶ» ՆԱՎԱՀԱՆԳՍՏԻ ԵՐԿԱԹՈՒՂԱՅԻՆ-ԼԱՍ...
Քարտային տվյալներ

Տեսակ
Գործում է
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

«ԿԱՎԿԱԶ» ՆԱՎԱՀԱՆԳՍՏԻ ԵՐԿԱԹՈՒՂԱՅԻՆ-ԼԱՍՏԱՆԱՎԱՅԻՆ ՀԱՄԱԼԻՐԻ ՎԵՐԱԿԱՆԳՆՄԱՆ ԵՎ ՇԱՀԱԳՈՐԾ ...

 

 

040.0792.291299

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«29» դեկտեմբերի 1999 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

29 դեկտեմբերի 1999 թվական թիվ 792

 

«ԿԱՎԿԱԶ» ՆԱՎԱՀԱՆԳՍՏԻ ԵՐԿԱԹՈՒՂԱՅԻՆ-ԼԱՍՏԱՆԱՎԱՅԻՆ ՀԱՄԱԼԻՐԻ ՎԵՐԱԿԱՆԳՆՄԱՆ ԵՎ ՇԱՀԱԳՈՐԾՄԱՆ ՆՊԱՏԱԿՈՎ ՖԻՆԱՆՍԱԿԱՆ ՄԻՋՈՑՆԵՐ ՀԱՏԿԱՑՆԵԼՈՒ ՄԱՍԻՆ

 

Համաձայն Ռուսաստանի Դաշնության կառավարության նախագահի և Հայաստանի Հանրապետության վարչապետի միջև 1999 թվականի հուլիսի 20-ին կայացած բանակցությունների արձանագրության 2 հոդվածի 4-րդ կետի հանձնարարականի պահանջների` 50 տոկոս հավասար բաժնեմասերով ստեղծված հայ-ռուսական համատեղ ձեռնարկության «Կավկազ» նավահանգստի երկաթուղային-լաստանավային համալիրի վերականգնման և շահագործման աշխատանքների իրականացման համար (5,0 մլն ԱՄՆ-ի դոլար) հայկական կողմից տրամադրվելիք 2,5 մլն ԱՄՆ-ի դոլարի գումարի ներդրումն ապահովելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության ֆինանսների նախարարությանը`

ա) Հայաստանի Հանրապետության 2000 թվականի պետական բյուջեի նախագծում Հայաստանի Հանրապետության տրանսպորտի նախարարությանը նախատեսել 500,0 մլն դրամ` «Կավկազ» նավահանգստի երկաթուղային-լաստանավային համալիրի վերականգնման և շահագործման աշխատանքներն իրականացնելու համար.

բ) 2000 թվականի առաջին կիսամյակում ապահովել նշված գումարի հատկացումը:

2. Հայաստանի Հանրապետության տրանսպորտի նախարարությանը` ձեռնարկել համապատասխան միջոցներ`

ա) նախարարության համակարգի բաժնետիրական ընկերությունների սեփական միջոցներից 250,0 մլն դրամ «Կավկազ» երկաթուղային-լաստանավային համալիրի վերականգնման և շահագործման աշխատանքների իրականացմանն ուղղելու նպատակով.

բ) նշված աշխատանքների իրականացման համար մնացած 500,0 մլն դրամ գումարի ներդրումը, Հայաստանի Հանրապետության և Ռուսաստանի Դաշնության օրենսդրությանը համապատասխան, մասնավոր ներդրողների հաշվին ապահովելու ուղղությամբ:

3. Սույն որոշման մեջ նշված աշխատանքների իրականացման նկատմամբ վերահսկողությունը դնել Հայաստանի Հանրապետության տրանսպորտի նախարարության վրա:

4. Սույն որոշումն ուժի մեջ է մտնում 1999 թվականի դեկտեմբերի 29-ից:

 

 

pin
ՀՀ կառավարություն
29.12.1999
N 792
Որոշում