ՀԱՅԱՍՏԱՆԻ ԱԶԳԱՅԻՆ ՀԵՐՈՍ ՎԱԶԳԵՆ ՍԱՐԳՍՅԱՆԻ ՀԻՇԱՏԱԿԸ ՀԱՎԵՐԺԱՑՆԵԼՈՒ ՄԱՍԻՆ

030.0458.271299

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

ՀՐԱՄԱՆԱԳԻՐԸ

ՀԱՅԱՍՏԱՆԻ ԱԶԳԱՅԻՆ ՀԵՐՈՍ ՎԱԶԳԵՆ ՍԱՐԳՍՅԱՆԻ ՀԻՇԱՏԱԿԸ ՀԱՎԵՐԺԱՑՆԵԼՈՒ ՄԱՍԻՆ

Նկատի ունենալով Հայաստանի Ազգային հերոս Վազգեն ՍԱՐԳՍՅԱՆԻ մեծագույն ավանդը հայոց պետականության կայացման և ամրապնդման գործում և նրա հիշատակը հավերժացնելու նպատակով որոշում եմ.

1. Հայաստանի Հանրապետության պաշտպանության նախարարության ռազմական ինստիտուտն անվանակոչել Վազգեն Սարգսյանի անունով:

2. Հանձնարարել Երևանի քաղաքապետին` Երևան քաղաքի փողոցներից մեկն անվանակոչել Վազգեն Սարգսյանի անունով և նույն փողոցում տեղադրել Վազգեն Սարգսյանի արձանը:

3. Առաջարկել Հայաստանի Հանրապետության ֆուտբոլի ֆեդերացիային` Երևանյան մարզային համալիրը (Հանրապետական մարզադաշտ) անվանակոչել Վազգեն Սարգսյանի անունով:

4. Հայաստանի Հանրապետության կառավարությանը` ապահովել սույն հրամանագրի կատարման համար անհրաժեշտ ֆինանսավորումը:

5. Սույն հրամանագիրն ուժի մեջ է մտնում ստորագրման պահից:

27 դեկտեմբերի 1999 թ.

ՆՀ-458