041.0781.281299
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
28 դեկտեմբերի 1999 թվականի թիվ 781
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷԿՈՆՈՄԻԿԱՅԻ ՆԱԽԱՐԱՐՈՒԹՅԱՆԸ ՏԱՐԱԾՔ ԵՎ ԳՈՒՅՔ ՀԱՏԿԱՑՆԵԼՈՒ ՄԱՍԻՆ
Հայաստանի Հանրապետության Նախագահի 1999 թվականի հունիսի 15-ի «Հայաստանի Հանրապետության կառավարության կառուցվածքում փոփոխություններ կատարելու մասին» N ՆՀ-287 հրամանագրի կատարումն ապահովելու նպատակով`
1. Նախկին Հայաստանի Հանրապետության ֆինանսների և էկոնոմիկայի նախարարության զբաղեցրած տարածքից 1757 քառ. մ տրամադրել Հայաստանի Հանրապետության էկոնոմիկայի նախարարությանը (նախկին Հայաստանի Հանրապետության էկոնոմիկայի նախարարության զբաղեցրած շենքի աջ թևի երեք հարկերը), իսկ երկրորդ հարկի դահլիճը` 114 քառ. մ տարածքով, թողնել Հայաստանի Հանրապետության ֆինանսների նախարարության և Հայաստանի Հանրապետության էկոնոմիկայի նախարարության համատեղ օգտագործմանը:
2. Նախկին Հայաստանի Հանրապետության ֆինանսների և էկոնոմիկայի նախարարության ԳԱԶ - 31029 մակնիշի` 213ԼԼ01, 214ԼԼ01, 219ԼԼ01 պետհամարանիշների, ԳԱԶ - 2410 մակնիշի` 874ՏԼ64 պետհամարանիշի, ԳԱԶ - 24 մակնիշի 034ՏՍ64 պետհամարանիշի, ՎԱԶ - 21213 մակնիշի 673ԼԼ01 պետհամարանիշի վեց ավտոմեքենաները հանձնել Հայաստանի Հանրապետության էկոնոմիկայի նախարարության տնօրինությանը:
3. Հայաստանի Հանրապետության կառավարության աշխատակազմին, Հայաստանի Հանրապետության ֆինանսների նախարարությանը և Հայաստանի Հանրապետության էկոնոմիկայի նախարարությանը` տասնօրյա ժամկետում` սահմանված կարգով ավարտել սույն որոշման 2-րդ կետում նշված ավտոմեքենաների հանձնման-ընդունման աշխատանքները: