ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

041.0028.310100

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

31 հունվարի 2000 թվականի N 28

ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

Զորավար Անդրանիկի (Անդրանիկ Օզանյանի) աճյունը Ֆրանսիայի Հանրապետությունից Հայաստանի Հանրապետություն տեղափոխելու և հայրենիքում հողին հանձնելու նպատակով`

1. Ստեղծել հանձնաժողով և հաստատել դրա հետևյալ կազմը.

    Վ. Հարությունյան    - ՀՀ պաշտպանության նախարար (հանձնաժողովի նախագահ)

    Ա. Բազեյան          - Երևանի  քաղաքապետ

    Տ. Հակոբյան         - ՀՀ կառավարությանն առընթեր տեղեկատվության և  

                          գրահրատարակչության վարչության պետ

    Ա. Ասլիկյան         - ՀՀ ֆինանսների նախարարի առաջին տեղակալ

    Ա. Պետրոսյան        - ՀՀ պաշտպանության նախարարի տեղակալ

    Ա. Աթաբեկյան        - ՀՀ առողջապահության նախարարի տեղակալ

    Ա. Մարտիրոսյան      - ՀՀ արտաքին գործերի նախարարի տեղակալ

    Ա. Ավանյան          - ՀՀ տրանսպորտի նախարարի տեղակալ

    Հ. Վարյան           - ՀՀ ներքին գործերի նախարարի տեղակալ

    Է. Նալբանդյան       - Ֆրանսիայի Հանրապետությունում Հայաստանի

                          Հանրապետության արտակարգ և լիազոր դեսպան

2. Հայաստանի Հանրապետության ֆինանսների նախարարությանը` հանձնաժողովի ներկայացրած հաշվետվության հիման վրա 5-օրյա ժամկետում Հայաստանի Հանրապետության կառավարություն ներկայացնել առաջարկություն Զորավար Անդրանիկի աճյունը տեղափոխելու և հողին հանձնելու հետ կապված ծախսերը Հայաստանի Հանրապետության 1999 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին կատարելու վերաբերյալ: