124.0277.220817
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«22» 08 2017 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12417348
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀ ՀՐԱՄԱՆ
15 օգոստոսի 2017 թվականի N 277-Ն
ԸՆՏԱՆԵԿԱՆ ՁԵՌՆԱՐԿԱՏԻՐՈՒԹՅԱՆ ՍՈՒԲՅԵԿՏ ՀԱՄԱՐՎԵԼՈՒ ՎԵՐԱԲԵՐՅԱԼ ՀԱՅՏԱՐԱՐՈՒԹՅԱՆ ՁԵՎԸ ԵՎ ԸՆՏԱՆԵԿԱՆ ՁԵՌՆԱՐԿԱՏԻՐՈՒԹՅՈՒՆՈՒՄ ՆԵՐԳՐԱՎՎԱԾ ԱՆՁԱՆՑ` ԸՆՏԱՆԻՔԻ ԱՆԴԱՄ ԼԻՆԵԼԸ ՀԻՄՆԱՎՈՐՈՂ ՓԱՍՏԱԹՂԹԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ
Հիմք ընդունելով Հայաստանի Հանրապետության հարկային օրենսգրքի 267-րդ հոդվածի 1-ին մասի 1-ին կետը`
ՀՐԱՄԱՅՈՒՄ ԵՄ`
1. Հաստատել`
1) ընտանեկան ձեռնարկատիրության սուբյեկտ համարվելու վերաբերյալ հայտարարության ձևը` համաձայն N 1 հավելվածի,
2) ընտանեկան ձեռնարկատիրությունում ներգրավված անձանց` ընտանիքի անդամ լինելը հիմնավորող փաստաթղթերի ցանկը` համաձայն N 2 հավելվածի:
2. Սույն հրամանն ուժի մեջ է մտնում 2018 թվականի հունվարի 1-ից:
Հավելված N 1
Հայաստանի Հանրապետության
կառավարությանն առընթեր պետական
եկամուտների կոմիտեի նախագահի
2017 թվականի օգոստոսի 15-ի
N 277-Ն հրամանի
Ձև
ՀԱՅՏԱՐԱՐՈՒԹՅՈՒՆ
._____________________________________________________________________.
| ՀԱՅՏԱՐԱՐՈՒԹՅՈՒՆ |Փաստաթղթի հերթական համարը |
|ԸՆՏԱՆԵԿԱՆ ՁԵՌՆԱՐԿԱՏԻՐՈՒԹՅԱՆ ՍՈՒԲՅԵԿՏ |______________________________ |
|ՀԱՄԱՐՎԵԼՈՒ ՎԵՐԱԲԵՐՅԱԼ |(լրացվում է հարկային մարմնի |
| | կողմից) |
|_____________________________________|_______________________________|
|1. Հարկ վճարողի հաշվառման համարը | | | | | | | | |
|_____________________________________|_______________________________|
|2. Առևտրային կազմակերպության | |
|անվանումը կամ անհատ ձեռնարկատիրոջ | |
|անունը, ազգանունը | |
|_____________________________________|_______________________________|
|3. Հարկ վճարողի գտնվելու վայրը | |
|_____________________________________|_______________________________|
|4. Հեռախոսի համարը | |
._____________________________________________________________________.
Սույն հայտարարությունը ներկայացնում եմ ______________ թվականին ընտանեկան ձեռնարկատիրության սուբյեկտ հանդիսանալու համար:
._____________________________________________________________________.
|Սույնով հայտարարում եմ` |
|1) չեմ հանդիսանում ավելացված արժեքի հարկ վճարող, |
|2) չեմ հանդիսանում շրջանառության հարկ վճարող, |
|3) չեմ զբաղվում առևտրական (առք ու վաճառքի) գործունեությամբ, |
|4) գործունեության բոլոր տեսակների մասով, ներառյալ նաև արտոնագրային |
|հարկով հարկվող գործունեության տեսակը, նախորդ տարում մատակարարված |
|ապրանքների, մատուցված ծառայությունների և կատարված աշխատանքների |
|իրացման շրջանառությունը չի գերազանցում 24,0 մլն դրամը, |
|5) չեմ հանդիսանում ակցիզային հարկ վճարող, |
|6) չեմ հանդիսանում բանկ, վարկային կազմակերպություն, ապահովագրական |
|ընկերություն, ներդրումային ընկերություն, արժեթղթերի շուկայի |
|մասնագիտացված մասնակից, գրավատուն, արտարժույթի առք ու վաճառքի, |
|արտարժույթի դիլերային-բրոկերային առք ու վաճառքի գործունեություն |
|իրականացնող, ներդրումային ֆոնդ, ֆոնդի կառավարիչ, վճարահաշվարկային |
|կազմակերպություն, խաղատների, շահումով խաղերի կամ վիճակախաղերի |
|կազմակերպման գործունեություն իրականացնող, աուդիտորական |
|կազմակերպություն, |
|7) նախորդ հարկային տարվա ընթացքում չեմ կատարել հսկիչ դրամարկղային |
|մեքենաների շահագործման կանոնների երրորդ խախտում, |
|8) Հայաստանի Հանրապետության հարկային օրենսգրքի 30-րդ հոդվածի 1-ին |
|մասի համաձայն չեմ համարվում փոխկապակցված կամ Հայաստանի Հանրապետության|
|հարկային օրենսգրքի 30-րդ հոդվածի 1-ին մասի համաձայն` ինձ փոխկապակցված|
|կազմակերպությունները և (կամ) ֆիզիկական անձինք հարկային մարմին են |
|ներկայացրել գործունեությունը դադարեցնելու մասին հայտարարություն և |
|հայտարարությունը ներկայացնելու օրվանից հետո, իսկ հայտարարությունում |
|գործունեությունը դադարեցնելու այլ օր նշելու դեպքում` այդ օրվանից հետո|
|փաստացի գործունեություն չեն իրականացրել, |
|9) Հայաստանի Հանրապետության հարկային օրենսգրքի 30-րդ հոդվածի 2-րդ |
|մասի համաձայն` հարկային մարմնի ղեկավարի որոշմամբ փոխկապակցված |
|ճանաչված առևտրային կազմակերպությունների և անհատ ձեռնարկատերերի |
|նախորդ հարկային տարվա ընթացքում գործունեության բոլոր տեսակների մասով |
|իրացման շրջանառության և այլ եկամուտների հանրագումարների |
|ամբողջությունը չի գերազանցում 24 միլիոն դրամը, |
|10) չեմ հանդիսանում համատեղ գործունեության պայմանագրի, ապրանքների |
|մատակարարման կոմիսիայի կամ ապրանքների մատակարարման` գործակալի անունից|
|հանդես գալու պայման նախատեսող գործակալության պայմանագրի կողմ: |
._____________________________________________________________________.
Ընտանեկան ձեռնարկատիրությունում ներգրավված անձանց տվյալներն են`
.___________________________________________________________________.
|Հ/հ |Անունը |Ազգանունը |Հայրանունը |Հանրային |Անձը հաստատող |
| | | | |ծառայու- |փաստաթղթի |
| | | | |թյունների |________________|
| | | | |համարանիշը|տեսակը|սերիան և |
| | | | | | |համարը |
|____|__________|___________|___________|__________|______|_________|
|____|__________|___________|___________|__________|______|_________|
.___________________________________________________________________.
Կից ներկայացնում եմ ընտանեկան ձեռնարկատիրությունում ներգրավված անձանց` ընտանիքի անդամ լինելը հիմնավորող համապատասխան փաստաթղթերի պատճենները _________ էջ:
Պաշտոնատար անձ ___________________________________________________
ստորագրությունը, անունը, ազգանունը
(1-ին հավելվածը փոփ. 08.07.2019 թիվ 457-Ն հրաման)
Հավելված N 2
Հայաստանի Հանրապետության
կառավարությանն առընթեր պետական
եկամուտների կոմիտեի նախագահի
2017 թվականի օգոստոսի 15-ի
N 277-Ն հրամանի
ՑԱՆԿ
ԸՆՏԱՆԵԿԱՆ ՁԵՌՆԱՐԿԱՏԻՐՈՒԹՅՈՒՆՈՒՄ ՆԵՐԳՐԱՎՎԱԾ ԱՆՁԱՆՑ` ԸՆՏԱՆԻՔԻ ԱՆԴԱՄ ԼԻՆԵԼԸ ՀԻՄՆԱՎՈՐՈՂ ՓԱՍՏԱԹՂԹԵՐԻ
1. Սույն ցանկով սահմանվում է ընտանեկան ձեռնարկատիրությունում ներգրավված անձանց` ընտանիքի անդամ լինելը հիմնավորող փաստաթղթերի ցանկը:
2. Հարկային մարմին են ներկայացվում ընտանեկան ձեռնարկատիրությունում ներգրավված անձանց ընտանիքի անդամ լինելը հիմնավորող հետևյալ փաստաթղթերը.
ա) ծնողի կամ զավակի դեպքում` ծնողի անձնագրի (նույնականացման քարտի) և զավակի ծննդյան վկայականի, անձնագրի (նույնականացման քարտի) պատճենները: Եթե ծնողի անունը և/կամ ազգանունը չեն համապատասխանում զավակի ծննդյան վկայականում ծնողի անվան և/կամ ազգանվան հետ, ապա ներկայացվում է քաղաքացիական կացության ակտերի գրանցման մարմնի կողմից համապատասխան տեղեկանք, որով հիմնավորվում է վերոնշյալ ազգակցական կապը,
բ) ամուսնու դեպքում` ամուսնության վկայականի և ամուսինների անձնագրերի պատճենները,
գ) եղբոր կամ քրոջ դեպքում` ծննդյան վկայականների և անձնագրերի (նույնականացման քարտերի) պատճենները: Ծննդյան վկայականներում ծնող(ներ)ի անունը և/կամ ազգանունը չհամընկնելու դեպքում քաղաքացիական կացության ակտերի գրանցման մարմնի կողմից համապատասխան տեղեկանք, որով հիմնավորվում է վերոնշյալ ազգակցական կապը:
3. Առևտրային կազմակերպությունները, բացի սույն հավելվածի 2-րդ կետում նշված փաստաթղթերից, ներկայացնում են նաև լիազոր մարմնի կողմից տրված առևտրային կազմակերպության հիմնադիրների (մասնակիցների) և նրանց բաժնեմասերի վերաբերյալ տեղեկանք:
4. Այլ պետություններում ստացված` ռուսերենից և անգլերենից տարբերվող լեզուներով անձնագրի, ծննդյան և ամուսնության վկայականների դեպքում ներկայացվում է տվյալ փաստաթղթի պատճենը և դրա նոտարական վավերացմամբ թարգմանությունը: