Սեղմել Esc փակելու համար:
ԼՍՈՂԱԿԱՆ ՍԱՐՔ ԵՎ ՀԱՇՄԱՆԴԱՄԻ ՍԱՅԼԱԿ ՁԵ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԼՍՈՂԱԿԱՆ ՍԱՐՔ ԵՎ ՀԱՇՄԱՆԴԱՄԻ ՍԱՅԼԱԿ ՁԵՌՔ ԲԵՐԵԼՈՒ ՀԱՄԱՐ ՊԵՏԱԿԱՆ ՀԱՎԱՍՏԱԳՐԵՐ ՏՐԱՄԱԴ ...

 

 

040.1151.260917

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

7 սեպտեմբերի 2017 թվականի N 1151-Ն

 

i

ՊՐՈԹԵԶԱՕՐԹՈՊԵԴԻԿ ԵՎ ՎԵՐԱԿԱՆԳՆՈՂԱԿԱՆ ՊԱՐԱԳԱՆԵՐ, ՎԵՐԱԿԱՆԳՆՄԱՆՆ ԱՋԱԿՑՈՂ ԱՅԼ ՏԵԽՆԻԿԱԿԱՆ ՄԻՋՈՑՆԵՐ ՁԵՌՔ ԲԵՐԵԼՈՒ ՀԱՄԱՐ ՊԵՏԱԿԱՆ ՀԱՎԱՍՏԱԳՐԵՐ ՏՐԱՄԱԴՐԵԼՈՒ, ԴՐԱՆՑ ԳՆԱՅԻՆ ԱՐԺԵՔԸ ՈՐՈՇԵԼՈՒ ԿԱՐԳԸ ԵՎ ՊԵՏԱԿԱՆ ՀԱՎԱՍՏԱԳՐԵՐԻ ՁԵՎԵՐԸ ՀԱՍՏԱՏԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ՍԵՊՏԵՄԲԵՐԻ 10-Ի N 1035-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ, 2013 ԹՎԱԿԱՆԻ ՀՈՒՆՎԱՐԻ 10-Ի N 20-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ԵՎ ԳՆՄԱՆ ԸՆԹԱՑԱԿԱՐԳԸ ՉԿԱՅԱՑԱԾ ՀԱՅՏԱՐԱՐԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

 

Ի կատարումն Հայաստանի Հանրապետության կառավարության 2017 թվականի հունվարի 12-ի N 122-Ն որոշման N 1 հավելվածի 125-րդ կետի` Հայաստանի Հանրապետության կառավարությունը որոշում է.

1. Հաստատել`

i

1) Պրոթեզաօրթոպեդիկ և վերականգնողական պարագաներ, վերականգնմանն աջակցող այլ տեխնիկական միջոցներ (այսուհետ` աջակցող միջոցներ) ձեռք բերելու համար պետական հավաստագրեր տրամադրելու և դրանց գնային արժեքը որոշելու կարգը` համաձայն N 1 հավելվածի.

2) աջակցող միջոցների ձեռքբերման պետական հավաստագրերի ձևերը` համաձայն N 2 հավելվածի.

3) քաղաքացիների կողմից վերադարձված աջակցող միջոցները ժամանակավոր տրամադրելու կարգը` համաձայն N 3 հավելվածի.

4) պետական հավաստագրերի հաշվառման գրանցամատյանը վարելու կարգը և ձևը` համաձայն N 4 հավելվածի:

(1-ին կետը փոփ. 20.12.2018 թիվ 1516-Ն որոշում)

2. (2-րդ կետն ուժը կորցրել է 20.12.2018 թիվ 1516-Ն որոշում)

i

3. Հայաստանի Հանրապետության կառավարության 2015 թվականի սեպտեմբերի 10-ի «Վերականգնողական օգնության տրամադրման կարգը և պայմանները սահմանելու և Հայաստանի Հանրապետության կառավարության 2006 թվականի սեպտեմբերի 22-ի N 1369-Ն և 2007 թվականի ապրիլի 12-ի N 453-Ն որոշումներն ուժը կորցրած ճանաչելու մասին» N 1035-Ն որոշման մեջ կատարել հետևյալ փոփոխությունները և լրացումները`

1) որոշման N 1 հավելվածի 22-րդ կետը շարադրել հետևյալ խմբագրությամբ.

i

«22. Լսողական սարքերը տրամադրվում են լսողության խնդիրներ ունեցող` 12-18 տարեկան երեխաներին, հաշմանդամություն ունեցող անձանց, տարիքային կենսաթոշակի իրավունք տվող տարիքը լրացած անձանց:».

2) որոշման N 1 հավելվածի 23-րդ կետը շարադրել հետևյալ խմբագրությամբ.

i

«23. Լսողական սարքերը և հաշմանդամի սայլակները տրամադրվում են պետական հավաստագրերի հիման վրա: Պետական հավաստագրերի տրամադրման, դրանց գնային արժեքի որոշման կարգը և պետական հավաստագրի ձևը սահմանում է Հայաստանի Հանրապետության կառավարությունը:».

3) որոշման N 1 հավելվածի 24-րդ կետը շարադրել հետևյալ խմբագրությամբ.

i

«24. Պետական հավաստագրի հիման վրա լսողական սարքեր և հաշմանդամի սայլակներ տրամադրվում են որակավորման ընթացակարգի արդյունքում ընտրված այն կազմակերպությունների կողմից, որոնք լիազորված մարմնի հետ կնքել են պետական հավաստագրի հիման վրա լսողական սարք կամ հաշմանդամի սայլակ տրամադրելու մասին համապատասխան պայմանագրեր:».

i

4) որոշման N 1 հավելվածի 36-րդ կետի 6-րդ և 7-րդ ենթակետերը շարադրել հետևյալ խմբագրությամբ.

«6) լսողական սարքերի տրամադրման համար` սույն կետի 5-րդ ենթակետով սահմանված բժշկական կազմակերպության (հաստատության) կողմից տրված մասնագիտական եզրակացությունը լսողության կորստի աստիճանի և լսողական սարքի անհրաժեշտության վերաբերյալ, աուդիոգրամման (աուդիոմետրիայի տվյալները), ինչպես նաև սույն կարգի 23-րդ կետում նշված պետական հավաստագիրը.

7) հաշմանդամի սայլակը տրամադրելու համար` սույն կարգի 23-րդ կետում նշված պետական հավաստագիրը:».

5) որոշման N 2 հավելվածի`

i

ա. 7-րդ կետի 5-րդ ենթակետը շարադրել հետևյալ խմբագրությամբ.

 

._____________________________________________________________________.

«|5) |Լսողական սարք                        |12-18 տարեկան երեխաներին և |

|   |                                     |18-ից մինչև  29 տարեկան`   |

|   |                                     |հաշմանդամություն ունեցող   |

|   |                                     |անձանց` 5 տարի             |

|   |                                     |___________________________|

|   |                                     |30 տարեկան և  ավելի բարձր  |

|   |                                     |տարիքի` հաշմանդամություն   |

|   |                                     |ունեցող, տարիքային         |

|   |                                     |կենսաթոշակի իրավունք տվող  |

|   |                                     |տարիքը լրացած անձանց` 3    |

|   |                                     |տարի                       |

._____________________________________________________________________.

«,

բ. 7-րդ կետի 6-րդ ենթակետը հանել.

գ. 7-րդ կետի 7-րդ ենթակետում «7)» թիվը փոխարինել «6)» թվով, իսկ նույն ենթակետը «սայլակ» բառից հետո լրացնել «(հավաստագիր)» բառով: Նույն կետում «8)» թիվը փոխարինել «7)» թվով, «9)» թիվը` «8)» թվով:

i

4. ՈՒժը կորցրած ճանաչել Հայաստանի Հանրապետության կառավարության 2013 թվականի հունվարի 10-ի «Եվրոպական արտադրության լսողական սարքերի ձեռքբերման համար պետական հավաստագրերի տրամադրման, դրանց գնային արժեքի որոշման կարգը և պետական հավաստագրի ձևը հաստատելու մասին» N 20-Ն որոշումը:

5. Թույլատրել Հայաստանի Հանրապետության աշխատանքի և սոցիալական հարցերի նախարարությանը հաշմանդամների սայլակի և լսողական սարքի ձեռքբերման նպատակով 2016 թվականի դեկտեմբերի 5-ին հայտարարված «ԱՍՀՆ-ՇՀԱՊՁԲ-17/1» ծածկագրով գնման ընթացակարգն ամբողջությամբ հայտարարել չկայացած` գնման պահանջը դադարելու հիմքով:

6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, բացառությամբ սույն որոշման 3-րդ կետի 3-րդ ենթակետի, որը 12-18 տարեկան երեխաներին և 18-ից մինչև 29 տարեկան` հաշմանդամության ունեցող անձանց լսողական սարքերի տրամադրման դեպքերի համար ուժի մեջ է մտնում 2018 թվականի հունվարի 1-ից:

(վերնագիրը փոփ. 20.12.2018 թիվ 1516-Ն որոշում)

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2017 ԹՎԱԿԱՆԻ ՍԵՊՏԵՄԲԵՐԻ 26-ԻՆ

 

Հավելված N 1

ՀՀ կառավարության

2017 թվականի սեպտեմբերի 7-ի

N 1151-Ն որոշման

 

ԿԱՐԳ

i

ՊՐՈԹԵԶԱՕՐԹՈՊԵԴԻԿ ԵՎ ՎԵՐԱԿԱՆԳՆՈՂԱԿԱՆ ՊԱՐԱԳԱՆԵՐ, ՎԵՐԱԿԱՆԳՆՄԱՆՆ ԱՋԱԿՑՈՂ ԱՅԼ ՏԵԽՆԻԿԱԿԱԿԱՆ ՄԻՋՈՑՆԵՐ ՁԵՌՔ ԲԵՐԵԼՈՒ ՀԱՄԱՐ ՊԵՏԱԿԱՆ ՀԱՎԱՍՏԱԳՐԵՐ ՏՐԱՄԱԴՐԵԼՈՒ ԵՎ ԴՐԱՆՑ ԳՆԱՅԻՆ ԱՐԺԵՔԸ ՈՐՈՇԵԼՈՒ

(վերնագիրը փոփ. 20.12.2018 թիվ 1516-Ն որոշում)

 

I. ԸՆԴՀԱՆՈՒՐ ԴՐՈՒՅԹՆԵՐ

 

i

1. Սույն կարգով կարգավորվում են Հայաստանի Հանրապետության պետական բյուջեի միջոցներով պրոթեզաօրթոպեդիկ և վերականգնողական պարագաներ, վերականգնմանն աջակցող այլ տեխնիկակական միջոցներ (այսուհետ` աջակցող միջոցներ) ձեռք բերելու համար պետական հավաստագրեր (այսուհետ` հավաստագիր) տրամադրելու, դրանց գնային արժեքը որոշելու և հավաստագիրը կիրառելու հետ կապված հարաբերությունները:

(1-ին կետը փոփ. 20.12.2018 թիվ 1516-Ն որոշում)

i

2. Հավաստագրի հիման վրա աջակցող միջոցները տրամադրվում են Հայաստանի Հանրապետության կառավարության 2015 թվականի սեպտեմբերի 10-ի N 1035-Ն որոշմամբ սահմանված կարգով:

(2-րդ կետը փոփ. 20.12.2018 թիվ 1516-Ն որոշում)

3. Հավաստագիրը տրամադրվում է Հայաստանի Հանրապետության աշխատանքի և սոցիալական հարցերի նախարարության (այսուհետ` նախարարություն) կողմից` Հայաստանի Հանրապետության պետական բյուջեով նախատեսված միջոցների շրջանակներում:

i

4. Հավաստագրի տրամադրման գործընթացն իրականացվում է պետական լիազոր մարմնի ղեկավարի հրամանով սահմանված` սոցիալական ծառայություններ տրամադրող կազմակերպությունների (այսուհետ` հավաստագիր տրամադրող մարմին) կողմից: Ընդ որում, հավաստագիրը տրամադրվում է անձի դիմումի հիման վրա` լրացվելով և լրացված հավաստագրի էլեկտրոնային լուսապատճենը կամ դրա էլեկտրոնային տարբերակը «Պրոթեզաօրթոպեդիկ և վերականգնողական պարագաների տրամադրման տեղեկատվական համակարգ» (այսուհետ` տեղեկատվական համակարգ) վերբեռնելու (կցելու) միջոցով:

(4-րդ կետը փոփ. 20.12.2018 թիվ 1516-Ն որոշում)

5. Յուրաքանչյուր աջակցող միջոցի համար տրամադրվում է մեկ հավաստագիր: Եթե անձն իրավունք ունի ստանալու միևնույն պարագայից 2 հատ (հենակներ, աջ և ձախ վերջույթների օրթեզներ, աջ և ձախ վերջույթների, ակնագնդերի, կրծքագեղձերի պրոթեզներ, աջ և ձախ ականջի լսողական սարքեր կամ դրանց ներդիրներ և այլն), ապա տրամադրվում է 2 հավաստագիր` հավաստագրում կատարելով աջ և ձախ նշումը:

(5-րդ կետը փոփ. 20.12.2018 թիվ 1516-Ն որոշում)

i

6. Հավաստագրի հիման վրա աջակցող միջոցներ տրամադրվում են որակավորման ընթացակարգի արդյունքում ընտրված և նախարարության հետ պայմանագիր կնքած իրավաբանական անձանց կամ անհատ ձեռնարկատերերի (այսուհետ` կազմակերպություն) կողմից: Կազմակերպությունների ընտրության համար սահմանվում են հետևյալ որակավորման չափանիշները`

1) որակավորման ընթացակարգին մասնակցելու համար դիմում ներկայացնելու օրվան նախորդող մեկ տարվա մասնագիտական փորձառություն: Սույն կարգի իմաստով մասնագիտական փորձառություն է համարվում բժշկական սարքերի, սարքավորումների կամ պրոթեզաօրթոպեդիկ կամ վերականգնողական պարագաների կամ վերականգնման տեխնիկական միջոցների ձեռքբերման և տրամադրման կամ դեղատնային գործունեությամբ զբաղվելու փորձառություն.

2) պայմանագրով ստանձնած պարտավորություններն առանց կանխավճարի կատարելու հնարավորություն.

3) աշխատանքային ռեսուրսներ (շահառուներին սպասարկելու և ծառայություն ստացած անձանց վերաբերյալ տվյալները Պրոթեզաօրթոպեդիկ և վերականգնողական պարագաների տրամադրման տեղեկատվական համակարգ մուտքագրելու համար համապատասխան մասնագետներ, լսողական սարք տրամադրող կազմակերպություններ` նաև համապատասխան մասնագետ` շահառուի կարիքին համարժեք լսողական սարք տրամադրելու և հարմարեցնելու համար, իսկ պրոթեզների և օրթեզների պատրաստման և վերին և ստորին վերջույթների պրոթեզների ու օրթոպրոթեզների վերանորոգման համար առնվազն մեկ տարվա մասնագիտական փորձառություն ունեցող կամ մասնագիտական վերապատրաստում անցած մասնագետներ.

4) պայմանագրով ստանձնած պարտավորությունները կատարելու համար անհրաժեշտ տեխնիկական միջոցներ (համակարգչային տեխնիկա), ինչպես նաև մատչելի շենքային պայմաններ` տեղաշարժման դժվարություն ունեցող անձանց սպասարկումն իրականացնելու համար, ներառյալ անարգել մուտք կազմակերպության շենք և սպասարկման սրահ` մուտքի զրոյական մակարդակ կամ Հայաստանի Հանրապետության քաղաքաշինական նորմերին համապատասխան կառուցված թեքահարթակ, իսկ դրանց անհնարինության դեպքում համապատասխան անվտանգ տեխնիկական սարքավորումներ` վերելակ, բարձրացնող մեխանիզմներ և սպասարկման սրահում տեղաշարժվելու համար խոչընդոտների բացակայություն:

(6-րդ կետը փոփ. 20.12.2018 թիվ 1516-Ն որոշում)

i

7. Կազմակերպությունը սույն կարգի 6-րդ կետով սահմանված որակավորման չափանիշներին համապատասխանությունը հավաստիացնում է իր կողմից տրված` միակողմանի հաստատված հայտարարությամբ, իսկ պրոթեզների և օրթեզների պատրաստման դեպքում նաև համապատասխան մասնագետներ ունենալու վերաբերյալ փաստը հավաստող փաստաթղթերով:

(7-րդ կետը փոփ. 20.12.2018 թիվ 1516-Ն որոշում)

8. Նախարարությունում ստեղծվում է մշտապես գործող որակավորման հանձնաժողով` կազմակերպությունների ընտրության և պայմանագրերի կնքման գործընթացը կազմակերպելու նպատակով: Որակավորման հանձնաժողովը հաստատում է որակավորման ընթացակարգի հայտարարության և հրավերի տեքստերը, ուսումնասիրում կազմակերպությունների կողմից ներկայացված փաստաթղթերի համապատասխանությունը հրավերի պահանջներին և տալիս է գրավոր եզրակացություն պայմանագիր կնքելու մասին:

9. Կազմակերպությունները սույն կարգի 6-րդ կետով սահմանված որակավորման չափանիշները հավաստող փաստաթղթերը ներկայացնում են նախարարություն: Ներկայացված փաստաթղթերում անհամապատասխանություններ չլինելու դեպքում նախարարությունը հինգ աշխատանքային օրվա ընթացքում կազմակերպության հետ կնքում է պայմանագիր, որը պետք է պարունակի սույն կարգի 12-րդ և 13-րդ կետերով նախատեսված դրույթները: Ներկայացված փաստաթղթերում անհամապատասխանություններ արձանագրվելու դեպքում նախարարությունը երկու աշխատանքային օրվա ընթացքում դրա մասին տեղեկացնում է կազմակերպությանը: Վերջինս երեք աշխատանքային օրվա ընթացքում ներկայացնում է շտկված փաստաթղթերը: Նախարարության և կազմակերպության միջև պայմանագիր կնքվում է շտկված փաստաթղթերը ներկայացվելուց հետո` հինգ աշխատանքային օրվա ընթացքում: Երեք աշխատանքային օրվա ընթացքում շտկված փաստաթղթերը նախարարություն չներկայացվելու դեպքում կազմակերպությունը պայմանագիր կնքելու համար կրկին կարող է դիմել երկու ամիս հետո:

10. Կազմակերպության հետ պայմանագիր կնքելուց հետո տվյալ կազմակերպությունը գրանցվում է որակավորված կազմակերպությունների ցանկում: Կազմակերպությունների ցանկը հրապարակվում է նախարարության պաշտոնական էլեկտրոնային կայքէջի գլխավոր էջում: Կազմակերպությունների ցանկը կարող է փոփոխվել կնքված պայմանագրերը խզելու կամ նոր կազմակերպություններ ցանկում ընդգրկելու դեպքում: Կազմակերպությունը կարող է ցանկացած ժամանակ դիմել և որակավորվելու դեպքում ներառվել կազմակերպությունների ցանկում` բացառությամբ սույն կարգի 9-րդ կետով նախատեսված դեպքի: Ցանկում ներառված կազմակերպությունը ցանկացած ժամանակ կարող է դուրս գալ ցանկից` իր դիմումի համաձայն կամ պայմանագիրը լուծվելու դեպքում:

11. Հավաստագիրը որոշակի վավերապայմաններով և ձևով փաստաթուղթ է, որը կազմակերպության կողմից մատուցված ծառայության դիմաց պետության կողմից ֆինանսական փոխհատուցման հիմք է:

i

12. Յուրաքանչյուր ամսվա ավարտից հետո մինչև հաջորդող ամսվա 10-ը, տրամադրված աջակցող միջոցների և (կամ) իրականացված վերանորոգման ծառայության դիմաց վճարում կատարելու նպատակով, կազմակերպությունը Հայաստանի Հանրապետության աշխատանքի և սոցիալական հարցերի նախարարություն է ներկայացնում հաշվետվություն, որում ներառված են տրամադրված աջակցող միջոցի և (կամ) վերանորոգման ծառայության անվանումը, քանակը, գինը, դրանք ստացողի անձանց անձնական տվյալները, հաշիվ-ապրանքագիրը և տրամադրման ժամկետները:

(12-րդ կետը փոփ. 20.12.2018 թիվ 1516-Ն որոշում)

i

13. Հավաստագրի հիման վրա տրամադրված աջակցող միջոցների և իրականացված վերանորոգման ծառայության դիմաց վճարումն իրականացվում է սույն կարգի 12-րդ կետով սահմանված փաստաթղթերն ստանալուց հետո հնգօրյա ժամկետում` յուրաքանչյուր տարվա Հայաստանի Հանրապետության պետական բյուջեով և տարեկան հատկացումների կատարման եռամսյակային համամասնություններով նախատեսված միջոցների շրջանակներում:

(13-րդ կետը փոփ. 20.12.2018 թիվ 1516-Ն որոշում)

 

II. ՀԱՎԱՍՏԱԳԻՐ ՍՏԱՆԱԼՈՒ ՀԱՄԱՐ ԴԻՄԵԼՈՒ ԿԱՐԳԸ

 

i

14. Շահառուն կամ նրա ներկայացուցիչը հավաստագիր ձեռք բերելու նպատակով առձեռն կամ փոստային կապի միջոցով կամ առցանց (էլեկտրոնային) եղանակով գրավոր դիմում է ներկայացնում նախարարություն կամ հավաստագիր տրամադրող մարմին` ներկայացնելով նաև հետևյալ փաստաթղթերը (այսուհետ` փաստաթղթեր)`

1) հավաստագրի տրամադրում հայցող անձի` Հայաստանի Հանրապետության քաղաքացի հանդիսանալու դեպքում`

ա. անձնագիրը կամ նույնականացման քարտը կամ ծննդյան վկայականը` մինչև 16 տարեկան երեխաների համար,

բ. նույնականացման քարտ չունենալու դեպքում` բնակչության պետական ռեգիստր վարող մարմնի կողմից տեղեկանքի տեսքով հատկացված հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքը, իսկ դրանց բացակայության դեպքում` սոցիալական քարտը կամ Հայաստանի Հանրապետության օրենսդրությամբ սահմանված կարգով տրամադրված` սոցիալական քարտ չունենալու մասին տեղեկանքը.

2) հավաստագրի տրամադրում հայցող անձի` Հայաստանի Հանրապետությունում բնակության իրավունք (կացության կարգավիճակ) ունեցող օտարերկրյա քաղաքացի կամ քաղաքացիություն չունեցող անձ հանդիսանալու դեպքում` Հայաստանի Հանրապետությունում բնակվելու իրավունքը հաստատող փաստաթուղթը (կացության քարտը), իսկ փախստականի կարգավիճակ ունենալու դեպքում` կոնվենցիոն ճամփորդական փաստաթուղթը.

3) հավաստագրի տրամադրում հայցողի` հաշմանդամություն ունեցող անձ հանդիսանալու դեպքում`

ա. բժշկասոցիալական փորձաքննական որոշումը,

բ. ՎԱԾ-ը կամ տեղեկանք աջակցող միջոցների երաշխավորության վերաբերյալ` համաձայն N 5 հավելվածի` Հայաստանի Հանրապետության կառավարության 2015 թվականի սեպտեմբերի 10-ի N 1035-Ն որոշման N 1 հավելվածի 15-րդ կետով սահմանված դեպքերում, կամ Հայաստանի Հանրապետության օրենսդրությամբ սահմանված այլ փաստաթուղթ.

4) որոշման N 1 հավելվածի 12-րդ կետի 2-5-րդ և 7-րդ ենթակետերում նշված այլ անձինք` իրավասու մարմնի կողմից տրված համապատասխան կարգավիճակը հավաստող փաստաթուղթը.

5) որոշման N 1 հավելվածի 15-րդ կետով չսահմանված աջակցող միջոցներ ձեռք բերելու հավաստագիր տրամադրելու համար` համապատասխան պարագայի տրամադրման անհրաժեշտության վերաբերյալ բժշկական կազմակերպության (հաստատության) կողմից տրված մասնագիտական եզրակացությունը.

6) լսողական սարքերի հավաստագրի տրամադրման համար` անձի բնակության վայրի առաջնային բժշկական օգնությունը և սպասարկումն իրականացնող կամ մասնագիտացված բժշկական կազմակերպության (հաստատության) կողմից տրված տեղեկանք լսողական սարքի անհրաժեշտության վերաբերյալ` համաձայն N 6 հավելվածի, աուդիոգրամման (աուդիոմետրիայի տվյալները).

7) լսողական սարքերի ներդիրների համար` լսողական սարք կրելու մասին բժշկական կազմակերպության կողմից տրամադրված փաստաթղթի հիման վրա` տրամադրող կազմակերպության ներկայացուցչի ստորագրությամբ և կնիքով հաստատված.

8) հավաստագրերի ձեռքբերման վերաբերյալ դիմումն անձի ներկայացուցչի կողմից ներկայացնելիս` նաև ներկայացուցչի նույնականացման համար անհրաժեշտ փաստաթղթերը` սույն կարգի 14-րդ կետի 1-ին կամ 2-րդ ենթակետերին համապատասխան և շահառուի գրավոր լիազորությունը.

9) առձեռն դիմելու դեպքում` շահառուն կամ նրա ներկայացուցիչը հավաստագիր տրամադրող մարմնին է ներկայացնում փաստաթղթերի բնօրինակները, փոստային առաքման դեպքում` բոլոր փաստաթղթերի բնօրինակները, բացառությամբ սույն կարգի 14-րդ կետի 1-ին կամ 2-րդ ենթակետերով սահմանված փաստաթղթերի, իսկ առցանց (էլեկտրոնային) եղանակով փաստաթղթերը ներկայացնելու դեպքում` դրանց գունավոր լուսապատճենները:

(14-րդ կետը փոփ. 20.12.2018 թիվ 1516-Ն որոշում)

i

14.1. Առողջական վիճակով պայմանավորված շահառուն կարող է հեռախոսազանգի կամ փոստային առաքման միջոցով դիմում ներկայացնել ՍԾՏՄ` հավաստագիր ստանալու համար դիմումն իր բնակության վայրում լրացնելու նպատակով տունայց կազմակերպելու վերաբերյալ: Դիմումը կամ հեռախոսազանգն ստանալուց հետո եռօրյա ժամկետում կազմակերպվում է տնային այցելություն և համապատասխան դիմումի լրացման գործընթացը:

(14.1-ին կետը լրաց. 20.12.2018 թիվ 1516-Ն որոշում)

i

15. Փաստաթղթերն ստանալուց հետո ՍԾՏՄ-ն ստուգում է դրանց լիարժեքությունը և երկու աշխատանքային օրվա ընթացքում ուղարկում նախարարություն` դրա մասին միաժամանակ գրավոր տեղեկացնելով դիմողին: Նախարարությունն ստուգում է դրանց լիարժեքությունը և երկու աշխատանքային օրվա ընթացքում ուղարկում հավաստագիր տրամադրող մարմին: Հավաստագիր տրամադրող մարմինը հավաստագիրը տրամադրում է դիմողին` երեք աշխատանքային օրվա ընթացքում` փոստային առաքումով, իսկ քաղաքացու ներկայանալու դեպքում` առձեռն: Հավաստագիր տրամադրող մարմինը, դիմումի և փաստաթղթերի հիման վրա, հավաստագիրը վերբեռնում (կցում) է տեղեկատվական համակարգին և փոստային առաքմամբ դրա մասին տեղեկացնում դիմողին երեք աշխատանքային օրվա ընթացքում, իսկ քաղաքացու ներկայանալու դեպքում` նույն օրը:

(15-րդ կետը փոփ. 20.12.2018 թիվ 1516-Ն որոշում)

16. Ներկայացված փաստաթղթերում անճշտություններ կամ անհամապատասխանություններ հայտնաբերելու դեպքում նախարարությունը կամ հավաստագիր տրամադրող մարմինը երկու աշխատանքային օրվա ընթացքում տեղեկացնում է դիմողին:

(16-րդ կետը փոփ. 20.12.2018 թիվ 1516-Ն որոշում)

17. Ճշտված և (կամ) լրացված փաստաթղթերն ստանալուց հետո հավաստագիրը տրամադրվում է երեք աշխատանքային օրվա ընթացքում:

18. (18-րդ կետն ուժը կորցրել է 20.12.2018 թիվ 1516-Ն որոշում)

i

19. Հավաստագրի հետ միասին դիմողին տրամադրվում է նաև կազմակերպությունների ցանկը, հասցեները, կոնտակտային տվյալները, ինչպես նաև տեղեկատվություն յուրաքանչյուր հավաստագրի գնային արժեքի վերաբերյալ: Քաղաքացին կարող է դիմել ցանկացած կազմակերպություն` ծառայություն ստանալու համար:

(19-րդ կետը փոփ. 20.12.2018 թիվ 1516-Ն որոշում)

 

III. ՀԱՎԱՍՏԱԳԻՐԸ ԼՐԱՑՆԵԼՈՒ ԿԱՐԳԸ

 

i

20. Հավաստագիրը վերբեռնվում է (կցվում է) տեղեկատվական համակարգին հավաստագիր տրամադրող մարմնի կողմից:

(20-րդ կետը փոփ. 20.12.2018 թիվ 1516-Ն որոշում)

21. (21-րդ կետն ուժը կորցրել է 20.12.2018 թիվ 1516-Ն որոշում)

i

22. Հավաստագիրը համարակալվում և հաշվառվում է:

23. Հավաստագիրը տրամադրելիս` համապատասխան գրանցում է կատարվում հավաստագրի հաշվառման գրանցամատյանում, որի դիմաց դիմողն ստորագրում է, իսկ փոստային առաքման դեպքում` հավաստագիր տրամադրողը նշում է կատարում փոստային առաքումը հավաստող տվյալների մասին:

24. (24-րդ կետն ուժը կորցրել է 20.12.2018 թիվ 1516-Ն որոշում)

 

i

IV. ՀԱՎԱՍՏԱԳՐԻ ԳՆԱՅԻՆ ԱՐԺԵՔԸ ՈՐՈՇԵԼՈՒ ԿԱՐԳԸ

 

i

25. Հավաստագրի գնային արժեքը սահմանվում է յուրաքանչյուր տարի` Հայաստանի Հանրապետության պետական բյուջեով աջակցող միջոցների ձեռքբերման համար նախատեսված միջոցների շրջանակներում:

(25-րդ կետը փոփ. 20.12.2018 թիվ 1516-Ն որոշում)

26. Կազմակերպությունից շահառուն ստանում է իրեն տրամադրված հավաստագրի գնին համարժեք աջակցող միջոցներ:

(26-րդ կետը փոփ. 20.12.2018 թիվ 1516-Ն որոշում)

27. Եթե շահառուի նախընտրած աջակցող միջոցների գինը բարձր է հավաստագրի համար սահմանված գնային արժեքից, ապա շահառուն իր ցանկությամբ կարող է ձեռք բերել նշված հաշմանդամի սայլակը կամ լսողական սարքը` վճարելով արժեքի տարբերությունը:

(27-րդ կետը փոփ. 20.12.2018 թիվ 1516-Ն որոշում)

i

28. Եթե անձն արդեն ունի սայլակ, լսողական սարք, վերին կամ ստորին պրոթեզ, կարող է հավաստագրի գնային արժեքի սահմաններում ձեռք բերել այլ պահեստամասեր կամ հարակից այլ պարագաներ (մարտկոցներ, անիվներ, կառավարման վահանակներ և այլն), որոնք օգտագործվում են սայլակի ֆունկցիոնալությունը, երկարակեցությունը կամ հարմարավետությունն ապահովելու համար:

(28-րդ կետը փոփ. 20.12.2018 թիվ 1516-Ն որոշում)

i

29. Եթե անձը նախընտրում է ձեռք բերել ավելի էժան աջակցող միջոցներ, քան հավաստագրի գնային արժեքն է, ապա կարող է հավաստագրի ավելացած գնային արժեքի սահմաններում նույն կազմակերպությունից ձեռք բերել այլ պահեստամասեր կամ հարակից պարագաներ (լրացուցիչ անիվներ, ոտնակներ, հակախոցային բարձիկներ, մարտկոցներ և այլն), որոնք օգտագործվում են պարագայի ֆունկցիոնալությունը, երկարակեցությունը կամ հարմարավետությունն ապահովելու համար, իսկ սեղմիրանների և աղեկապերի դեպքում նաև երկրորդ սեղմիրանը կամ աղեկապը` որպես փոխնորդ:

(29-րդ կետը փոփ. 20.12.2018 թիվ 1516-Ն որոշում)

30. Եթե հավաստագրի շրջանակներում ձեռք բերված աջակցող միջոցների գինը ավելի ցածր է հավաստագրով սահմանված գնային արժեքից, ապա տրամադրված աջակցող միջոցների համար կազմակերպությունը ֆինանսավորվում է փաստացի գնային արժեքի չափով:

(30-րդ կետը փոփ. 20.12.2018 թիվ 1516-Ն որոշում)

31. (31-րդ կետն ուժը կորցրել է 20.12.2018 թիվ 1516-Ն որոշում)

i

32. Սույն կարգի համաձայն հերթական նոր աջակցող միջոցն ստանալու դեպքում շահառուն կամ նրա օրինական ներկայացուցիչը, իսկ անձի մահվան դեպքում` ընտանիքի անդամները նախորդ ստացած աջակցող միջոցը կարող են վերադարձնելհավաստագիր տրամադրող մարմին: Վերադարձված հաշմանդամի աջակցող միջոցներն օգտագործվում են դրա կարիքն ունեցող այլ անձանց ժամանակավոր տրամադրելու նպատակով` Հայաստանի Հանրապետության կառավարության 2017 թվականի սեպտեմբերի 7-ի N 1151-Ն որոշման N 3 հավելվածով սահմանված` քաղաքացիների կողմից վերադարձված հաշմանդամի աջակցող միջոցի ժամանակավոր տրամադրելու կարգի համաձայն:

(32-րդ կետը փոփ. 20.12.2018 թիվ 1516-Ն որոշում)

i

33. Վերադարձված վերին և ստորին վերջույթի պրոթեզները կարող են ենթարկվել վերամշակման պետական լիազոր մարմնի կողմից սահմանված դեպքերում և կարգով և տրամադրվել աշխատանքային հարաբերությունների մեջ գտնվող և պրոթեզն ակտիվ շահագործող հաշմանդամություն ունեցող անձանց` որպես փոխնորդ` բուժատեխնիկական հանձնաժողովի եզրակացության հիման վրա:

(33-րդ կետը լրաց. 20.12.2018 թիվ 1516-Ն որոշում)

 

Հավելված N 2

i

ՀՀ կառավարության

2017 թվականի սեպտեմբերի 7-ի

N 1151-Ն որոշման

 

ՊԵՏԱԿԱՆ ՀԱՎԱՍՏԱԳԻՐ ԱՋԱԿՑՈՂ ՄԻՋՈՑՆԵՐԻ ՁԵՌՔԲԵՐՄԱՆ

 

._____________________________________________________________________.

|     ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ        |

|                        ՆԱԽԱՐԱՐՈՒԹՅՈՒՆ                               |

|                                                                     |

|                        (ՀՀ զինանշան)                                |

|                                                                     |

|              ԱՋԱԿՑՈՂ ՄԻՋՈՑՆԵՐԻ ՁԵՌՔԲԵՐՄԱՆ ՊԵՏԱԿԱՆ                   |

|                   ՀԱՎԱՍՏԱԳԻՐ N _____________                        |

|                                                                     |

|1. Շահառուի անունը, ազգանունը, հայրանունը______________________      |

|2. Ծննդյան տարեթիվը, ամիսը, ամսաթիվը ______________________          |

|3. Անձնագրի (նույնականացման քարտի, ծննդյան վկայականի) տվյալները      |

|_______________________________________________________________      |

|  (անվանումը, սերիան, համարը, ե՞րբ և  ում կողմից է տրվել)            |

|4. Աջակցող միջոցի անվանումը (աջ և  ձախ նշումով, եթե կա տարբերակում)  |

|_______________________________________________________________      |

|5. Հավաստագրի արժեքը ______________                                  |

|6. Տրամադրման ամսաթիվը _______________20 ____թ.                      |

|7. Շահառուի կարգավիճակը _________________________                    |

|8. Հավաստագիրը տրամադրողի անունը, ազգանունը,                         |

|_______________________________________________________________      |

|        Ուժի մեջ է մինչև  _________ __________ 20____                |

._____________________________________________________________________.

 

(2-րդ հավելվածը փոփ. 20.12.2018 թիվ 1516-Ն որոշում)

 

Հավելված N 3

i

ՀՀ կառավարության

2017 թվականի սեպտեմբերի 7-ի

N 1151-Ն որոշման

 

ԿԱՐԳ

ՔԱՂԱՔԱՑԻՆԵՐԻ ԿՈՂՄԻՑ ՎԵՐԱԴԱՐՁՎԱԾ ԱՋԱԿՑՈՂ ՄԻՋՈՑԸ ԺԱՄԱՆԱԿԱՎՈՐ ՏՐԱՄԱԴՐԵԼՈՒ

(վերնագիրը փոփ. 20.12.2018 թիվ 1516-Ն որոշում)

 

1. Սույն կարգով սահմանվում է քաղաքացիների կողմից վերադարձված աջակցող միջոցը ժամանակավոր օգտագործման համար տրամադրելու ընթացակարգը:

2. Հայաստանի Հանրապետության կառավարության 2017 թվականի սեպտեմբերի 7-ի N 1151-Ն որոշման N 1 հավելվածի 32-րդ կետով նախատեսված դեպքերում քաղաքացին, իր ցանկությամբ, կարող է նախորդ ստացած աջակցող միջոցը վերադարձնել հավաստագիր տրամադրող մարմին:

3. Վերադարձված աջակցող միջոցի վերաբերյալ տվյալները հավաստագիր տրամադրող մարմինը գրանցում է քաղաքացիների կողմից վերադարձված աջակցող միջոցի հաշվառման գրանցամատյանում` համաձայն սույն կարգի N 3 ձևի:

4. Ժամանակավոր օգտագործման համար աջակցող միջոց տրամադրվում է անձի բնակության վայրի առաջնային բժշկական օգնությունը և սպասարկումն իրականացնող կամ մասնագիտացված բժշկական կազմակերպության (հաստատության) կողմից տրված մասնագիտական եզրակացության (այսուհետ` մասնագիտական եզրակացություն) հիման վրա:

5. Ժամանակավոր օգտագործման համար աջակցող միջոցները տրամադրվում են առավելագույնը 6 ամիս ժամկետով, ընդ որում, ժամկետը նշվում է սույն կարգի 4-րդ կետով սահմանված կազմակերպությունների կողմից տրված մասնագիտական եզրակացության մեջ: Եթե քաղաքացուն աջակցող միջոցն անհրաժեշտ է ավելի երկար ժամկետով, ապա նա հավաստագիր տրամադրող մարմին է ներկայացնում նոր մասնագիտական եզրակացություն:

6. Ժամանակավոր օգտագործման համար տրամադրված աջակցող միջոցի վերաբերյալ տվյալները հավաստագիր տրամադրող մարմինը գրանցում է ժամանակավոր օգտագործման համար տրամադրված աջակցող միջոցների հաշվառման գրանցամատյանում` համաձայն սույն կարգի N 4 ձևի:

7. Գրանցամատյաններում անճշտությունների, սխալ գրառումների ուղղումը կատարվում է հավաստագիր տրամադրող մարմնի կողմից` սխալ կամ ոչ ճիշտ լրացված գրառումները վերցնելով փակագծերի մեջ` հաջորդ ազատ նոր տողում ավելացնելով ճիշտ գրառումները: Կատարված ոչ ճիշտ գրառման կողքին դրվում է ուղղումը կատարողի ստորագրությունը, ամսաթիվը, ամիսը, տարեթիվը և պաշտոնը:

(3-րդ հավելվածը փոփ. 20.12.2018 թիվ 1516-Ն որոշում)

 

Ձև N 3

i

ՀԱՇՎԱՌՄԱՆ ԳՐԱՆՑԱՄԱՏՅԱՆ

 

ՔԱՂԱՔԱՑԻՆԵՐԻ ԿՈՂՄԻՑ ՎԵՐԱԴԱՐՁՎԱԾ ԱՋԱԿՑՈՂ ՄԻՋՈՑԻ

 

._________________________________________________________________________.

|NN |Աջակցող միջոցը|Աջակցող |Վերա-  |Աջակցող |Աջակցող   |Աջակցող |Նշումներ|

|ը/կ|վերադարձնողի  |միջոցը  |դարձված|միջոցը  |միջոցն    |միջոցն  |        |

|   |անունը,       |վերադարձ|աջակցող|վերադարձ|ստացողի   |ստացողի |        |

|   |ազգանունը,    |նելու   |միջոցի |նողի    |անունը,   |ստորա-  |        |

|   |հայրանունը    |օրը,    |քանակը |ստորա-  |ազգանունը,|գրու-   |        |

|   |              |ամիսը,  |       |գրու-   |հայրանունը|թյունը  |        |

|   |              |տարեթիվը|       |թյունը  |          |        |        |

|___|______________|________|_______|________|__________|________|________|

|   |      1       |   2    |   3   |   4    |    5     |   6    |   7    |

|___|______________|________|_______|________|__________|________|________|

|1. |              |        |       |        |          |        |        |

|___|______________|________|_______|________|__________|________|________|

|2. |              |        |       |        |          |        |        |

|___|______________|________|_______|________|__________|________|________|

|3. |              |        |       |        |          |        |        |

|___|______________|________|_______|________|__________|________|________|

|4. |              |        |       |        |          |        |        |

|___|______________|________|_______|________|__________|________|________|

|...|              |        |       |        |          |        |        |

._________________________________________________________________________.

(3-րդ ձևը փոփ. 20.12.2018 թիվ 1516-Ն որոշում)

 

Ձև N 4

 

ՀԱՇՎԱՌՄԱՆ ԳՐԱՆՑԱՄԱՏՅԱՆ

 

ԺԱՄԱՆԱԿԱՎՈՐ ՕԳՏԱԳՈՐԾՄԱՆ ՀԱՄԱՐ ՏՐԱՄԱԴՐՎԱԾ ԱՋԱԿՑՈՂ ՄԻՋՈՑՆԵՐԻ

 

._________________________________________________________________________.

|NN|Աջակցող|Աջակցող|Աջակցող|Մասնա- |Որքան |Աջակցող|Աջակցող|Աջակցող|Աջակցող|

|ը/|միջոցի |միջոցի |միջոցը |գիտական|ժամկե-|միջոցն |միջոցն |միջոցը |միջոցը |

|կ |կարիք  |կարիք  |տրամա- |եզրա-  |տով է |ստացողի|ստացողի|տրամա- |տրամա- |

|  |ունեցող|ունեցող|դրելու |կացու- |տրամա-|անունը,|ստորա- |դրողի  |դրողի  |

|  |անձի   |անձի   |օրը,   |թյուն  |դրվում|ազգա-  |գրու-  |անունը,|ստորա- |

|  |անունը,|սոցիա- |ամիսը, |տրամա- |աջակ- |նունը, |թյունը |ազգա-  |գրու-  |

|  |ազգա-  |լական  |տարե-  |դրողի  |ցող   |հայրա- |       |նունը, |թյունը |

|  |նունը, |կարգա- |թիվը   |անունը,|միջոցը|նունը  |       |հայրա- |       |

|  |հայրա- |վիճակը |       |ազգա-  |      |       |       |նունը  |       |

|  |նունը  |       |       |նունը, |      |       |       |       |       |

|  |       |       |       |հայրա- |      |       |       |       |       |

|  |       |       |       |նունը  |      |       |       |       |       |

|__|_______|_______|_______|_______|______|_______|_______|_______|_______|

|  |   1   |   2   |   3   |   4   |  5   |   6   |   7   |   8   |   9   |

|__|_______|_______|_______|_______|______|_______|_______|_______|_______|

|1.|       |       |       |       |      |       |       |       |       |

|__|_______|_______|_______|_______|______|_______|_______|_______|_______|

|2.|       |       |       |       |      |       |       |       |       |

|__|_______|_______|_______|_______|______|_______|_______|_______|_______|

|3.|       |       |       |       |      |       |       |       |       |

|__|_______|_______|_______|_______|______|_______|_______|_______|_______|

|4.|       |       |       |       |      |       |       |       |       |

|__|_______|_______|_______|_______|______|_______|_______|_______|_______|

|..|       |       |       |       |      |       |       |       |       |

._________________________________________________________________________.

(4-րդ ձևը փոփ. 20.12.2018 թիվ 1516-Ն որոշում)

 

Հավելված N 4

ՀՀ կառավարության

2017 թվականի սեպտեմբերի 7-ի

N 1151-Ն որոշման

 

ԿԱՐԳ

ՊԵՏԱԿԱՆ ՀԱՎԱՍՏԱԳՐԵՐԻ ՀԱՇՎԱՌՄԱՆ ԳՐԱՆՑԱՄԱՏՅԱՆԸ ՎԱՐԵԼՈՒ

 

i

1. Սույն կարգով սահմանվում է աջակցող միջոցներ ձեռք բերելու համար պետական հավաստագրերի հաշվառման գրանցամատյանի (այսուհետ` գրանցամատյան) վարման ընթացակարգը:

(1-ին կետը փոփ. 20.12.2018 թիվ 1516-Ն որոշում)

2. Գրանցամատյանի վարումը և պահպանումն իրականացնում է հավաստագիր տրամադրող մարմինը:

3. Հավաստագիր տրամադրող մարմինը, հավաստագիրը տրամադրելիս, շահառուի և տրամադրված պարագայի մասին տվյալները գրանցում է գրանցամատյանում` համաձայն սույն կարգի N 5 ձևի:

4. Գրանցամատյանի էջերը համարակալվում և թելակարվում են:

5. Գրանցամատյանը կնքվում է հավաստագիր տրամադրող մարմնի ղեկավարի կնիքով:

6. Գրանցամատյանում անճշտության, սխալ գրառումների ուղղումը կատարվում է հավաստագիր տրամադրող մարմնի կողմից` սխալ կամ ոչ ճիշտ լրացված գրառումները վերցնելով փակագծերի մեջ և հաջորդ ազատ նոր տողում ավելացնելով ճիշտ գրառումները: Կատարված ոչ ճիշտ գրառման կողքին դրվում է ուղղումը կատարողի ստորագրությունը, ամսաթիվը, ամիսը, տարեթիվը և պաշտոնը:

(4-րդ հավելվածը փոփ. 20.12.2018 թիվ 1516-Ն որոշում)

 

Ձև N 5

 

ՊԵՏԱԿԱՆ ՀԱՎԱՍՏԱԳՐԵՐԻ ՀԱՇՎԱՌՄԱՆ ԳՐԱՆՑԱՄԱՏՅԱՆ

 

._________________________________________________________________________.

|NN |Շահա-  |Հավաս- |Շահա- |Հավաս- |Ավելա- |Շահա-  |Հավաս- |Հավաս- |Հավաս-|

|ը/կ|ռուի   |տագիրը |ռուի  |տագրի  |ցած    |ռուի   |տագիրն |տագրի  |տագիրը|

|   |անունը,|տրամա- |անձ-  |հերթա- |արժեքով|փոխարեն|ստացողի|տրամա- |տրամա-|

|   |ազգա-  |դրողի  |նագրի |կան    |հավաս- |հավաս- |ստորա- |դրման  |դրողի |

|   |նունը, |անունը,|(ծնըն-|համարը |տագրի  |տագիրն |գրու-  |ամսա-  |ստորա-|

|   |հայրա- |ազգա-  |դյան  |       |գինը   |ստացողի|թյունը |թիվը   |գրու- |

|   |նունը  |նունը, |վկայա-|       |       |անունը,|կամ    |       |թյունը|

|   |       |հայրա- |կանի) |       |       |ազգա-  |փոս-   |       |      |

|   |       |նունը  |սերիան|       |       |նունը, |տային  |       |      |

|   |       |       |և     |       |       |հայրա- |կապի   |       |      |

|   |       |       |համարը|       |       |նունը  |միջոցով|       |      |

|   |       |       |      |       |       |       |կամ    |       |      |

|   |       |       |      |       |       |       |առցանց |       |      |

|   |       |       |      |       |       |       |(էլեկտ-|       |      |

|   |       |       |      |       |       |       |րոնա-  |       |      |

|   |       |       |      |       |       |       |յին)   |       |      |

|   |       |       |      |       |       |       |եղանա- |       |      |

|   |       |       |      |       |       |       |կով    |       |      |

|   |       |       |      |       |       |       |դիմումի|       |      |

|   |       |       |      |       |       |       |(գրու- |       |      |

|   |       |       |      |       |       |       |թյան)  |       |      |

|   |       |       |      |       |       |       |ամսա-  |       |      |

|   |       |       |      |       |       |       |թիվը և |       |      |

|   |       |       |      |       |       |       |համարը |       |      |

|___|_______|_______|______|_______|_______|_______|_______|_______|______|

|   |   1   |   2   |   3  |   4   |   5   |   6   |   7   |   8   |   9  |

|___|_______|_______|______|_______|_______|_______|_______|_______|______|

|1. |       |       |      |       |       |       |       |       |      |

|___|_______|_______|______|_______|_______|_______|_______|_______|______|

|2. |       |       |      |       |       |       |       |       |      |

|___|_______|_______|______|_______|_______|_______|_______|_______|______|

|3. |       |       |      |       |       |       |       |       |      |

|___|_______|_______|______|_______|_______|_______|_______|_______|______|

|4. |       |       |      |       |       |       |       |       |      |

|___|_______|_______|______|_______|_______|_______|_______|_______|______|

|...|       |       |      |       |       |       |       |       |      |

._________________________________________________________________________.

 

Հավելված N 5

i

ՀՀ կառավարության

2017 թվականի սեպտեմբերի 7-ի

N 1151-Ն որոշման

 

ՏԵՂԵԿԱՆՔ N ԱՋԱԿՑՈՂ ՄԻՋՈՑՆԵՐԻ ԵՐԱՇԽԱՎՈՐՈՒԹՅԱՆ ՄԱՍԻՆ

 

    ՀՀ                           ԲՍՓ                   գործակալության

______________________________________________________________________

                             (մարմնի անվանումը)

Տեղեկանքը տալու ամսաթիվը ________________  ժամկետը

Ազգանունը ___________________ Անունը___________ Հայրանունը____________

___ Սեռը _____

Հանրային ծառայությունների համարանիշը (սոցիալական քարտի N  -ը)________

Ծննդյան ամսաթիվը, ամիսը, տարեթիվը _________________

Հաշվառման կամ փաստացի բնակության վայրն ընդգծել / հեռախոսահամարը

______________________________________________________________________

______________________________________________________________________

Կարգավիճակը /»հաշմանդամության խումբը» «հաշմանդամ երեխա» կարգավիճակ և

այլն/ և ժամկետը,

______________________________________________________________________

պատճառական կապը,

______________________________________________________________________

 

ԵՐԱՇԽԱՎՈՐՎԱԾ ԱՋԱԿՑՈՂ ՄԻՋՈՑԸ`

 

._____________________________________________________________________.

|NN |ՊԱՐԱԳԱՅԻ ԱՆՎԱՆՈՒՄԸ ԿԱՄ  |ԱՋ/ՁԱԽ ՆՇՈՒՄԸ|ԲԺԻՇԿ-ՓՈՐՁԱԳԵՏԻ|ԲՍՓՀ ԿՆԻՔԸ|

|ը/կ|ՎԵՐԻՆ ԵՎ ՍՏՈՐԻՆ         |             |ՍՏՈՐԱԳՐՈՒԹՅՈՒՆԸ|          |

|   |ՎԵՐՋՈՒՅԹՆԵՐԻ            |             |               |          |

|   |ԱՄՊՈՒՏԱՑԻԱՅԻ ՄԱԿԱՐԴԱԿԸ  |             |               |          |

|   |ՁԵՌԱԳՐՈՎ                |             |               |          |

|___|________________________|_____________|_______________|__________|

| 1 |                        |             |               |          |

|___|________________________|_____________|_______________|__________|

| 2 |                        |             |               |          |

|___|________________________|_____________|_______________|__________|

| 3 |                        |             |               |          |

|___|________________________|_____________|_______________|__________|

| 4 |                        |             |               |          |

|___|________________________|_____________|_______________|__________|

| 5 |                        |             |               |          |

._____________________________________________________________________.

ԲՍՓՀ-ի նախագահ (բաժնի պետ) ________________________________

(ստորագրությունը) Ա. Ա. Հ.

 

(5-րդ հավելվածը լրաց. 20.12.2018 թիվ 1516-Ն որոշում)

 

Հավելված N 6

ՀՀ կառավարության

2017 թվականի սեպտեմբերի 7-ի

N 1151-Ն որոշման

 

ՏԵՂԵԿԱՆՔ ԼՍՈՂԱԿԱՆ ՍԱՐՔԻ ԱՆՀՐԱԺԵՇՏՈՒԹՅԱՆ ՄԱՍԻՆ

 

Անունը, ազգանունը, հայրանունը

______________________________________________________________________

Ծննդյան օրը, ամիսը, տարեթիվը

______________________________________________________________________

Հասցեն. ______________________________________________________________

Ախտորոշում (նշվում է նաև լսողության կորստի աստիճանը)

______________________________________________________________________

______________________________________________________________________

Ցուցված սարքերի թիվը (նշել նաև, թե որ ականջի համար է)

______________________________________________________________________

Բժիշկ ________________________________________________________________

/անունը, ազգանունը, հայրանունը/ /ստորագրությունը/

Կ. Տ.

    «  »                                              «   » 20 թ.

 

(6-րդ հավելվածը լրաց. 20.12.2018 թիվ 1516-Ն որոշում)

 

 

pin
ՀՀ կառավարություն
07.09.2017
N 1151-Ն
Որոշում