Սեղմել Esc փակելու համար:
ՀՀ ՊԵՏԱԿԱՆ ԳՈՒՅՔԻ ՄԱՍՆԱՎՈՐԵՑՄԱՆ, ՀՀ Կ...
Քարտային տվյալներ

Տեսակ
Գործում է
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ՊԵՏԱԿԱՆ ԳՈՒՅՔԻ ՄԱՍՆԱՎՈՐԵՑՄԱՆ, ՀՀ ԿԱՌԱՎԱՐՈՒԹՅԱՆ 1996 ԹՎԱԿԱՆԻ ՄԱՐՏԻ 29-Ի N 94 Ո ...

 

 

040.0045.030200

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«3» փետրվարի 2000 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

3 փետրվարի 2000 թվականի N 45

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԳՈՒՅՔԻ ՄԱՍՆԱՎՈՐԵՑՄԱՆ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1996 ԹՎԱԿԱՆԻ ՄԱՐՏԻ 29-Ի N 94 ՈՐՈՇՈՒՄԸ ՄԱՍՆԱԿԻՈՐԵՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1.1. «Հոկտեմբերյան» հյուրանոցային տնտեսություն» պետական փակ բաժնետիրական ընկերության կազմից առանձնացնել քաղաքացիական պաշտպանության կողմից օգտագործվող տարածքը և այն երկամսյա ժամկետում հանձնել Հայաստանի Հանրապետության կառավարությանն առընթեր արտակարգ իրավիճակների վարչության տնօրինությանը:

1.2. «Փոքր» օբյեկտների համար սահմանված գնահատման կարգով 176085 հազ. դրամ գնահատված ակտիվներ ունեցող «Հոկտեմբերյան» հյուրանոցային տնտեսություն» պետական փակ բաժնետիրական ընկերության բաժնետոմսերը մասնավորեցնել մրցույթով` վերակազմակերպելով «Հոկտեմբերյան» հյուրանոց» բաց բաժնետիրական ընկերության:

1.3. Սահմանել ընկերության կանոնադրական կապիտալը` 175030 հազ. դրամ, որը համապատասխանում է 175030 բաժնետոմսի` յուրաքանչյուրը 1000 դրամ անվանական արժեքով:

1.4. Մրցույթով մասնավորեցման ենթակա բաժնետոմսերի արժեքը կազմում է 175030 հազ. դրամ, որը համապատասխանում է 175030 բաժնետոմսի` յուրաքանչյուրը 1000 դրամ անվանական արժեքով:

1.5. Սահմանել մրցույթով մասնավորեցման ենթակա բաժնետոմսերի փաթեթի նվազագույն գինը` 43758 հազ. դրամ, որը համապատասխանում է մրցույթով մասնավորեցման ենթակա բաժնետոմսերի արժեքի 25 տոկոսին:

1.6. «Հոկտեմբերյան» հյուրանոցային տնտեսություն» պետական փակ բաժնետիրական ընկերության պարտավորությունները 1999 թվականի հոկտեմբերի 1-ի դրությամբ կազմում են 2356 հազ. դրամ, այդ թվում`

Հայաստանի Հանրապետության պետական բյուջեի նկատմամբ` 243 հազ. դրամ,

անձնակազմի հետ աշխատանքի վարձատրության գծով` 489 հազ. դրամ,

մատակարարների և կապալառուների նկատմամբ` 1364 հազ. դրամ,

սոցիալական ապահովագրության գծով` 260 հազ. դրամ:

1.7. Հայաստանի Հանրապետության սեփականաշնորհման նախարարությանը`

ա) մրցույթի անցկացման օրվանից մեկ ամիս առաջ մամուլում և զանգվածային լրատվության մյուս միջոցներով հրապարակել ընդհանուր տեղեկություններ ընկերության, մրցույթի անցկացման պայմանների, ժամկետների, մրցույթի մասնակիցներին ներկայացվող պահանջների մասին.

բ) եռամսյա ժամկետում կազմակերպել մրցույթի անցկացումը:

1.8. Սահմանել մրցույթի հաղթողին որոշելու հետևյալ պայմանները`

մասնավորեցվող բաժնետոմսերի համար առաջարկվող գինը,

ներդրումների չափը` տարիների կտրվածքով,

սոցիալական երաշխիքներ, այդ թվում` աշխատողների և նվազագույն աշխատավարձի վերաբերյալ:

1.9. Մրցույթին մասնակցելու կանխավճարի չափը սահմանվում է ընկերության կանոնադրական կապիտալի 5 տոկոսի չափով: Մրցույթի հաղթողի մուծած կանխավճարը ներառվում է առաջարկվող գնի մեջ:

1.10. Մրցույթի հաղթողը բաժնետոմսերի վաճառքի գումարը պետք է վճարի մրցույթի արձանագրությունն ստանալու պահից երկու ամսվա ընթացքում:

1.11. Հայաստանի Հանրապետության ֆինանսների նախարարությանը, Հայաստանի Հանրապետության կառավարությանն առընթեր միգրացիայի և փախստականների վարչությանը` մրցույթի կայացումից հետո 10-օրյա ժամկետում ապահովել հատուկ հաշվի բացումը փախստականների վերաբնակեցման հիմնախնդրի լուծման համար:

1.12. Սահմանել, որ մրցույթում հաղթող ճանաչված մասնակիցը մրցույթի արձանագրությունն ստանալու օրվանից երկու ամսվա ընթացքում հյուրանոցում ապաստանած փախստականների 16 ընտանիքից յուրաքանչյուրի հաշվով պետք է բացված հատուկ հաշվին փոխանցի 1200 հազ. դրամ` ընդամենը 19200 հազ. դրամ:

1.13. Հայաստանի Հանրապետության կառավարությանն առընթեր միգրացիայի և փախստականների վարչությանը` մրցույթի հաղթողի կողմից ամբողջ գումարը փոխանցվելուց հետո երեք ամսվա ընթացքում ապահովել փախստականների ընտանիքների զբաղեցրած տարածքների ազատումը:

1.14. Վճարումները կատարել Հայաստանի Հանրապետության արժույթով:

2.1. Հաշվեկշռային մեթոդով 113250 հազ. դրամ գնահատված ակտիվներ ունեցող «Արտաշատի բեռնաուղևորատար ավտոտրանսպորտային» պետական փակ բաժնետիրական ընկերության բաժնետոմսերը մասնավորեցնել մրցույթով` վերակազմակերպելով Արտաշատի բեռնաուղևորատար ավտոտրանսպորտային բաց բաժնետիրական ընկերության:

2.2. Սահմանել ընկերության կանոնադրական կապիտալը` 106252 հազ. դրամ, որը համապատասխանում է 106252 բաժնետոմսի` յուրաքանչյուրը 1000 դրամ անվանական արժեքով:

2.3. Մրցույթով մասնավորեցման ենթակա բաժնետոմսերի արժեքը կազմում է 106252 հազ. դրամ, որը համապատասխանում է 106252 բաժնետոմսի` յուրաքանչյուրը 1000 դրամ անվանական արժեքով:

2.4. Սահմանել մրցույթով մասնավորեցման ենթակա բաժնետոմսերի փաթեթի նվազագույն գինը` 26563 հազ. դրամ, որը համապատասխանում է մրցույթով մասնավորեցման ենթակա բաժնետոմսերի արժեքի 25 տոկոսին:

2.5. «Արտաշատի բեռնաուղևորատար ավտոտրանսպորտային» պետական փակ բաժնետիրական ընկերության պարտավորությունները 1999 թվականի հոկտեմբերի 1-ի դրությամբ կազմում են 6998 հազ. դրամ, այդ թվում`

Հայաստանի Հանրապետության պետական բյուջեի նկատմամբ` 1167 հազ. դրամ,

անձնակազմի հետ եկամուտների վճարման գծով` 660 հազ. դրամ,

հաշվարկներ հաշվետու անձանց հետ` 936 հազ. դրամ,

մատակարարների և կապալառուների նկատմամբ` 2351 հազ. դրամ,

տարբեր կրեդիտորների նկատմամբ` 94 հազ. դրամ,

գալիք ժամանակաշրջանի ծախսերի և վճարումների պահուստների գծով` 1296 հազ. դրամ,

սոցիալական ապահովագրության գծով` 494 հազ. դրամ, որից`

Հայաստանի Հանրապետության սոցիալական ապահովագրության պետական հիմնադրամի նկատմամբ` 494 հազ. դրամ:

2.6. Հայաստանի Հանրապետության սեփականաշնորհման նախարարությանը`

ա) մրցույթի անցկացման օրվանից առնվազն մեկ ամիս առաջ մամուլում և զանգվածային լրատվության մյուս միջոցներով հրապարակել ընդհանուր տեղեկություններ ընկերության, մրցույթի անցկացման պայմանների, ժամկետների, մրցույթի մասնակիցներին ներկայացվող պահանջների մասին.

բ) երկամսյա ժամկետում կազմակերպել մրցույթի անցկացումը:

2.7. Սահմանել մրցույթի հաղթողին որոշելու հետևյալ պայմանները`

մասնավորեցվող բաժնետոմսերի համար առաջարկվող գինը,

ներդրումների չափը` տարիների կտրվածքով,

սոցիալական երաշխիքներ, այդ թվում` աշխատատեղերի և նվազագույն աշխատավարձի վերաբերյալ:

2.8. Մրցույթին մասնակցելու կանխավճարի չափը սահմանվում է ընկերության կանոնադրական կապիտալի 5 տոկոսի չափով: Մրցույթի հաղթողի մուծած կանխավճարը ներառվում է առաջարկվող գնի մեջ:

2.9. Մրցույթի հաղթողը բաժնետոմսերի վաճառքի գումարը պետք է վճարի մրցույթի արձանագրությունն ստանալու պահից մեկ ամսվա ընթացքում:

2.10. Վճարումները կատարել Հայաստանի Հանրապետության արժույթով:

3.1. Հաշվեկշռային մեթոդով 143994 հազ. դրամ գնահատված ակտիվներ ունեցող «Արթիկի բեռնաուղևորատար ավտոտրանսպորտային» պետական փակ բաժնետիրական ընկերության բաժնետոմսերը մասնավորեցնել ազատ բաժանորդագրության միջոցով` վերակազմակերպելով Արթիկի բեռնաուղևորատար ավտոտրանսպորտային բաց բաժնետիրական ընկերության:

3.2. Սահմանել ընկերության մեկնարկային գինը` 140534 հազ. դրամ, որը համապատասխանում է բաժնետոմսերի 140534 հատ մեկնարկային քանակի` յուրաքանչյուրը 1000 դրամ անվանական արժեքով:

3.3. Բաժնետոմսերի ազատ բաժանորդագրությամբ մասնավորեցման ենթակա բաժնետոմսերի մեկնարկային գինը կազմում է` 140534 հազ. դրամ, որը համապատասխանում է բաժնետոմսերի 140534 հատ մեկնարկային քանակի` յուրաքանչյուրը 1000 դրամ անվանական արժեքով:

3.4. «Արթիկի բեռնաուղևորատար ավտոտրանսպորտային» պետական փակ բաժնետիրական ընկերության պարտավորությունները 1999 թվականի հոկտեմբերի 1-ի դրությամբ կազմում են 2879 հազ. դրամ, այդ թվում`

Հայաստանի Հանրապետության պետական բյուջեի նկատմամբ` 58 հազ. դրամ,

անձնակազմի հետ եկամուտների վճարման գծով` 120 հազ. դրամ,

ստացված կանխավճարների գծով` 23 հազ. դրամ,

հաշվարկներ հաշվետու անձանց հետ` 2163 հազ. դրամ,

տարբեր կրեդիտորների նկատմամբ` 38 հազ. դրամ,

դուստր (կախյալ) ձեռնարկությունների նկատմամբ` 60 հազ. դրամ,

սոցիալական ապահովագրության գծով` 417 հազ. դրամ:

3.5. Հայաստանի Հանրապետության տրանսպորտի նախարարությանը` երկշաբաթյա ժամկետում Հայաստանի Հանրապետության սեփականաշնորհման նախարարություն ներկայացնել Արթիկի բեռնաուղևորատար ավտոտրանսպորտային բաց բաժնետիրական ընկերության բաժնետոմսերի թողարկման ազդագրի համար անհրաժեշտ տվյալները:

3.6. Հայաստանի Հանրապետության սեփականաշնորհման նախարարությանը` Արթիկի բեռնաուղևորատար ավտոտրանսպորտային բաց բաժնետիրական ընկերության բաժնետոմսերի թողարկման ազդագրի համար անհրաժեշտ տվյալներն ստանալուց հետո երկշաբաթյա ժամկետում` Հայաստանի Հանրապետության օրենսդրությամբ սահմանված կարգով ընկերության արժեթղթերի թողարկման ազդագիրը ներկայացնել գրանցման և գրանցումից հետո այն հրապարակել մամուլում:

3.7. Վճարումները կատարել Հայաստանի Հանրապետության արժույթով:

4.1. Հաշվեկշռային մեթոդով 117464 հազ. դրամ գնահատված ակտիվներ ունեցող «Երևանի թիվ 7 բեռնատար ավտոտրանսպորտային» պետական փակ բաժնետիրական ընկերության բաժնետոմսերը մասնավորեցնել ազատ բաժանորդագրության միջոցով` վերակազմակերպելով Երևանի N 7 բեռնատար ավտոտրանսպորտային բաց բաժնետիրական ընկերության:

4.2. Սահմանել ընկերության մեկնարկային գինը` 108425 հազ. դրամ, որը համապատասխանում է բաժնետոմսերի 108425 հատ մեկնարկային քանակի` յուրաքանչյուրը 1000 դրամ անվանական արժեքով:

4.3. Բաժնետոմսերի ազատ բաժանորդագրությամբ մասնավորեցման ենթակա բաժնետոմսերի մեկնարկային գինը կազմում է 108425 հազ. դրամ, որը համապատասխանում է բաժնետոմսերի 108425 հատ մեկնարկային քանակի` յուրաքանչյուրը 100 դրամ անվանական արժեքով:

4.4. «Երևանի թիվ 7 բեռնատար ավտոտրանսպորտային» պետական փակ բաժնետիրական ընկերության պարտավորությունները 1999 թվականի հուլիսի 1-ի դրությամբ կազմում են 9038,3 հազ. դրամ, այդ թվում`

Հայաստանի Հանրապետության պետական բյուջեի նկատմամբ` 3896 հազ. դրամ,

հաշվարկներ հաշվետու անձանց հետ` 580 հազ. դրամ,

անձնակազմի հետ եկամուտների վճարման գծով` 2399 հազ. դրամ,

մատակարարների և կապալառուների նկատմամբ` 583,3 հազ. դրամ,

տարբեր կրեդիտորների նկատմամբ` 32 հազ. դրամ,

սոցիալական ապահովագրության գծով` 1546 հազ. դրամ, որից`

Հայաստանի Հանրապետության սոցիալական ապահովագրության պետական հիմնադրամի նկատմամբ` 1546 հազ. դրամ:

4.5. Հայաստանի Հանրապետության տրանսպորտի նախարարությանը` երկշաբաթյա ժամկետում Հայաստանի Հանրապետության սեփականաշնորհման նախարարություն ներկայացնել Երևանի N 7 բեռնատար ավտոտրանսպորտային բաց բաժնետիրական ընկերության բաժնետոմսերի թողարկման ազդագրի համար անհրաժեշտ տվյալները:

4.6. Հայաստանի Հանրապետության սեփականաշնորհման նախարարությանը` Երևանի N 7 բեռնատար ավտոտրանսպորտային բաց բաժնետիրական ընկերության բաժնետոմսերի թողարկման ազդագրի համար անհրաժեշտ տվյալներն ստանալուց հետո երկշաբաթյա ժամկետում` Հայաստանի Հանրապետության օրենսդրությամբ սահմանված կարգով ընկերության արժեթղթերի թողարկման ազդագիրը ներկայացնել գրանցման և գրանցումից հետո այն հրապարակել մամուլում:

4.7. Վճարումները կատարել Հայաստանի Հանրապետության արժույթով:

5.1. Հաշվեկշռային մեթոդով 54698 հազ. դրամ գնահատված ակտիվներ ունեցող «Սևանի բեռնաուղևորատար ավտոտրանսպորտային» պետական փակ բաժնետիրական ընկերության բաժնետոմսերը մասնավորեցնել ազատ բաժանորդագրության միջոցով` վերակազմակերպելով Սևանի բեռնաուղևորատար ավտոտրանսպորտային բաց բաժնետիրական ընկերության:

5.2. Սահմանել ընկերության մեկնարկային գինը` 50644 հազ. դրամ, որը համապատասխանում է բաժնետոմսերի 50644 հատ մեկնարկային քանակի` յուրաքանչյուրը 1000 դրամ անվանական արժեքով:

5.3. Բաժնետոմսերի ազատ բաժանորդագրությամբ մասնավորեցման ենթակա բաժնետոմսերի մեկնարկային գինը կազմում է 50644 հազ. դրամ, որը համապատասխանում է բաժնետոմսերի 50644 հատ մեկնարկային քանակի` յուրաքանչյուրը 1000 դրամ անվանական արժեքով:

5.4. «Սևանի բեռնաուղևորատար ավտոտրանսպորտային» պետական փակ բաժնետիրական ընկերության պարտավորությունները 1999 թվականի հուլիսի 1-ի դրությամբ կազմում են 4054 հազ. դրամ, այդ թվում`

այլ կարճաժամկետ կրեդիտորական պարտքեր` 2,0 հազ. դրամ,

Հայաստանի Հանրապետության պետական բյուջեի նկատմամբ` 366 հազ. դրամ,

անձնակազմի հետ եկամուտների վճարման գծով` 2331 հազ. դրամ,

կանխավճարների գծով` 35 հազ. դրամ,

տարբեր կրեդիտորների նկատմամբ` 320 հազ. դրամ,

գալիք ժամանակաշրջանի ծախսերի և վճարումների պահուստների գծով` 703 հազ. դրամ,

սոցիալական ապահովագրության գծով` 297 հազ. դրամ, որից`

Հայաստանի Հանրապետության սոցիալական ապահովագրության պետական հիմնադրամի նկատմամբ` 297 հազ. դրամ:

5.5. Հայաստանի Հանրապետության տրանսպորտի նախարարությանը` երկշաբաթյա ժամկետում Հայաստանի Հանրապետության սեփականաշնորհման նախարարություն ներկայացնել Սևանի բեռնաուղևորատար ավտոտրանսպորտային բաց բաժնետիրական ընկերության բաժնետոմսերի թողարկման ազդագրի համար անհրաժեշտ տվյալները:

5.6. Հայաստանի Հանրապետության սեփականաշնորհման նախարարությանը` Սևանի բեռնաուղևորատար ավտոտրանսպորտային բաց բաժնետիրական ընկերության բաժնետոմսերի թողարկման ազդագրի համար անհրաժեշտ տվյալներն ստանալուց հետո երկշաբաթյա ժամկետում Հայաստանի Հանրապետության օրենսդրությամբ սահմանված կարգով ընկերության արժեթղթերի թողարկման ազդագիրը ներկայացնել գրանցման և գրանցումից հետո այն հրապարակել մամուլում:

5.7. Վճարումները կատարել Հայաստանի Հանրապետության արժույթով:

6.1. «Մետրոմատ» պետական փակ բաժնետիրական ընկերության կազմից առանձնացնել ջերմոցային տնտեսության գույքը և ավտոտնակները (5 հատ):

6.2. Հաշվեկշռային մեթոդով 6086 հազ. դրամ գնահատված ակտիվներ ունեցող ջերմոցային տնտեսության և «փոքր» օբյեկտների համար սահմանված գնահատման կարգով 2105 հազ. դրամ գնահատված ակտիվներ ունեցող ավտոտնակները (5 հատ) մասնավորեցնել մրցույթով:

6.3. Մրցույթով մասնավորեցման ենթակա ակտիվների արժեքը կազմում է 8191 հազ. դրամ:

6.4. Սահմանել մրցույթով մասնավորեցման ենթակա ակտիվների նվազագույն արժեքը` 4096 հազ. դրամ, որը համապատասխանում է մրցույթով մասնավորեցման ենթակա ակտիվների արժեքի 50 տոկոսին:

6.5. Հայաստանի Հանրապետության սեփականաշնորհման նախարարությանը`

ա) մրցույթի անցկացման օրվանից առնվազն մեկ ամիս առաջ մամուլում և զանգվածային լրատվության մյուս միջոցներով հրապարակել ընդհանուր տեղեկություններ մասնավորեցվող գույքի, մրցույթի անցկացման պայմանների, ժամկետների, մրցույթի մասնակիցներին ներկայացվող պահանջների մասին.

բ) երկարամյա ժամկետում կազմակերպել մրցույթի անցկացումը:

6.6. Սահմանել մրցույթի հաղթողին որոշելու հետևյալ պայմանները`

մասնավորեցվող գույքի համար առաջարկվող գինը,

ներդրումների չափը` տարիների կտրվածքով:

6.7. Մրցույթին մասնակցելու կանխավճարի չափը սահմանվում է մասնավորեցվող գույքի արժեքի 5 տոկոսի չափով: Մրցույթի հաղթողի մուծած կանխավճարը ներառվում է առաջարկվող գնի մեջ:

6.8. Մրցույթի հաղթողը մասնավորեցվող գույքի վաճառքի գումարը պետք է վճարի մրցույթի արձանագրությունն ստանալու պահից մեկ ամսվա ընթացքում:

6.9. Վճարումները կատարել Հայաստանի Հանրապետության արժույթով:

7.1. «Ամարաս» տպարան» փակ բաժնետիրական ընկերության պետական սեփականություն հանդիսացող բաժնետոմսերն ուղղակի վաճառքի ձևով մասնավորեցնել տվյալ ընկերության ոչ պետական բաժնեմասի սեփականատերերին (ներդրումային մասնավորեցման արդյունքում ընկերության պետական սեփականություն հանդիսացող բաժնետոմսերը կազմում են 26 տոկոս):

7.2. Սահմանել փակ բաժնետիրական ընկերության` հաշվեկշռային մեթոդով գնահատված պետական սեփականություն հանդիսացող բաժնետոմսերի վաճառքի գինը` 3652 հազ. դրամ:

7.3. «Ամարաս» տպարան» փակ բաժնետիրական ընկերության պարտավորությունները 1999 թվականի հուլիսի 1-ի դրությամբ կազմում են 11790 հազ. դրամ, այդ թվում`

Հայաստանի Հանրապետության պետական բյուջեի նկատմամբ` 709 հազ. դրամ,

անձնակազմի հետ եկամուտների վճարման գծով` 3047 հազ. դրամ,

հաշվարկներ հաշվետու անձանց հետ` 1864 հազ. դրամ,

ստացված կանխավճարների գծով` 5113 հազ. դրամ,

տարբեր կրեդիտորների նկատմամբ` 245 հազ. դրամ,

սոցիալական ապահովագրության գծով` 812 հազ. դրամ, որից`

Հայաստանի Հանրապետության սոցիալական ապահովագրության պետական հիմնադրամի գծով` 812 հազ. դրամ:

7.4. Վճարումները կատարել երկու ամսվա ընթացքում` Հայաստանի Հանրապետության օրենսդրությամբ սահմանված կարգով:

7.5. Վճարումները կատարել Հայաստանի Հանրապետության արժույթով:

8.1. Հաշվեկշռային մեթոդով 5830 հազ. դրամ գնահատված ակտիվներ ունեցող Հայաստանի Հանրապետության արդյունաբերության և առևտրի նախարարության «Տոնավաճառ-շուկա» անավարտ շինարարության օբյեկտը (Հայաստանի Հանրապետության Շիրակի մարզ, քաղ. Գյումրի, Շահումյան փող.) մասնավորեցնել մրցույթով:

8.2. Սահմանել մրցույթով մասնավորեցման ենթակա անավարտ շինարարության օբյեկտի նվազագույն գինը` 1458 հազ. դրամ, որը համապատասխանում է գնահատված արժեքի 25 տոկոսին:

8.3. Հայաստանի Հանրապետության սեփականաշնորհման նախարարությանը`

ա) մրցույթի անցկացման օրվանից մեկ ամիս առաջ մամուլում և զանգվածային լրատվության մյուս միջոցներով հրապարակել ընդհանուր տեղեկություններ մրցույթի անցկացման պայմանների, ժամկետների, մրցույթի մասնակիցներին ներկայացվող պահանջների մասին:

բ) երկամսյա ժամկետում կազմակերպել մրցույթի անցկացումը:

8.4. Մրցույթին մասնակցելու կանխավճարի չափը սահմանվում է օբյեկտի գնահատված արժեքի 5 տոկոսի չափով: Մրցույթի հաղթողի մուծած կանխավճարը ներառվում է առաջարկվող գնի մեջ:

8.5. Սահմանել մրցույթի հաղթողին որոշելու հետևյալ պայմանները`

մասնավորեցվող անավարտ շինարարության օբյեկտի համար առաջարկվող գինը.

շինարարությունն սկսելու և ավարտելու ժամկետները:

8.6. Մրցույթի հաղթողն օբյեկտի նկատմամբ ձեռք է բերում «Քաղաքաշինության մասին» Հայաստանի Հանրապետության օրենքով սահմանված` կառուցապատողի իրավունքներ ու պարտականություններ և նախագիծը կարող է փոփոխել Հայաստանի Հանրապետության օրենսդրությամբ սահմանված կարգով:

8.7. Մրցույթի հաղթողը պարտավոր է`

մեկամսյա ժամկետում` Հայաստանի Հանրապետության օրենսդրությամբ սահմանված կարգով հողի սեփականատիրոջ հետ կնքել հողի օգտագործման պայմանագիր.

շինարարությունն ավարտելուց հետո բարեկարգել իրեն հատկացված հողատարածքը:

8.8. Մրցույթի հաղթողն անավարտ շինարարության օբյեկտի վաճառքի գումարը պետք է վճարի մրցույթի արձանագրությունն ստանալու պահից մեկ ամսվա ընթացքում:

8.9. Վճարումները կատարել Հայաստանի Հանրապետության արժույթով:

9. Ուժը կորցրած ճանաչել Հայաստանի Հանրապետության կառավարության 1996 թվականի մարտի 29-ի «Հայաստանի Հանրապետության անավարտ շինարարության օբյեկտների սեփականաշնորհման մասին» N 94 որոշման ցանկի «ՀՀ առևտրի, սպասարկումների և զբոսաշրջիկության նախարարություն» բաժնի 24-րդ կետը:

10. Սույն որոշումն ուժի մեջ է մտնում 2000 թվականի փետրվարի 3-ից:

 

 

pin
ՀՀ կառավարություն
03.02.2000
N 45
Որոշում