040.0046.030200
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«3» փետրվարի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
3 փետրվարի 2000 թվականի N 46
ԵՐԵՎԱՆԻ ՔԱՆԱՔԵՌ-ԶԵՅԹՈՒՆ ԹԱՂԱՅԻՆ ՀԱՄԱՅՆՔԻՆ ՇԵՆՔ ՀԱՆՁՆԵԼՈՒ ՄԱՍԻՆ
Անուշավան Տեր-Ղևոնդյանի անվան N 6 երաժշտական դպրոցի պահպանման և ուսումնական պայմանների բարելավման նպատակով Հայաստանի Հանրապետության կառավարությունը որոշում է.
1. Հայաստանի Հանրապետության գյուղատնտեսության նախարարության` Երևանի Զաքարիա Քանաքեռցու փողոցի N 48 վարչական շենքը սեփականության իրավունքով անհատույց հանձնել Երևանի Քանաքեռ-Զեյթուն թաղային համայնքին:
2. Հայաստանի Հանրապետության գյուղատնտեսության նախարարությանը` Երևանի Քանաքեռ-Զեյթուն թաղային համայնքի ղեկավարի հետ համատեղ մեկամսյա ժամկետում ապահովել նշված շենքի սահմանված կարգով հանձնման-ընդունման աշխատանքների կատարումը և գույքային իրավունքների պետական գրանցումը:
3. Երևանի քաղաքապետին` մեկամսյա ժամկետում ապահովել նշված շենքի համապատասխան հողատարածքի սահմանների ճշտման և սահմանված կարգով ձևակերպման աշխատանքների կատարումը:
4. Սույն որոշումն ուժի մեջ է մտնում 2000 թվականի փետրվարի 3-ից: