Սեղմել Esc փակելու համար:
ԿԵՆՍԱԹՈՇԱԿՆԵՐԻ ՎՃԱՐՄԱՆ ՈՒՇԱՑՈՒՄՆԵՐԸ Վ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ԿԵՆՍԱԹՈՇԱԿՆԵՐԻ ՎՃԱՐՄԱՆ ՈՒՇԱՑՈՒՄՆԵՐԸ ՎԵՐԱՑՆԵԼՈՒ ԵՎ ՍՈՑԻԱԼԱԿԱՆ ԱՊԱՀՈՎԱԳՐՈՒԹՅԱՆ ԾՐԱ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

 

3 փետրվարի 2000 թվականի N 4

 

15. ԿԵՆՍԱԹՈՇԱԿՆԵՐԻ ՎՃԱՐՄԱՆ ՈՒՇԱՑՈՒՄՆԵՐԸ ՎԵՐԱՑՆԵԼՈՒ ԵՎ ՍՈՑԻԱԼԱԿԱՆ ԱՊԱՀՈՎԱԳՐՈՒԹՅԱՆ ԾՐԱԳՐԵՐԻ ՖԻՆԱՆՍԱՎՈՐՈՒՄԸ ԺԱՄԱՆԱԿԻՆ ԻՐԱԿԱՆԱՑՆԵԼՈՒ ԱՆՀՐԱԺԵՇՏՈՒԹՅՈՒՆԻՑ ԵԼՆԵԼՈՎ.

 

1. ՀՀ նախարարներին, Երևանի քաղաքապետին, ՀՀ մարզպետներին`

ա) անհապաղ քննության առնել պետական և պետական մասնակցությամբ բաժնետիրական ընկերությունների սոցապ վճարների գծով ապառքների առաջացման պատճառները, ընթացիկ պարտավորությունների կատարմանը զուգահեռ դրանք մարելու հնարավորությունները, յուրաքանչյուր ընկերության համար սահմանել ամսական վճարումների չափ և անձնական պատասխանատվությամբ ապահովել դրանց անվերապահ կատարումը.

բ) խիստ պատասխանատվության ենթարկել պետական և պետական մասնակցությամբ բաժնետիրական ընկերությունների գործադիր տնօրեններին և խորհրդի նախագահներին` աշխատավարձերը ժամանակին չվճարելու և սոցիալական ապահովագրության պետական հիմնադրամի նկատմամբ պարտավորությունները չկատարելու համար.

գ) յուրաքանչյուր տասնօրյակի ընթացքում ձեռնարկված միջոցառումների արդյունքներն ամփոփել և գրավոր տեղեկանքով զեկուցել ՀՀ վարչապետին:

 

2. ՀՀ արդարադատության նախարար Դ. Հարությունյանին`

ա) անհրաժեշտ միջոցներ ձեռնարկել սնանկ ճանաչված և բռնագանձումը գույքի վրա տարածված ապահովադիրներից սոցապ վճարների բռնագանձման արդյունավետությունը բարձրացնելու համար, յուրաքանչյուր պարտապան ապահովադրից ամսական բռնագանձվող գումարի չափ նախատեսել և ապահովել անվերապահ կատարումը.

բ) յուրաքանչյուր տասնօրյակի ընթացքում ձեռնարկված միջոցառումների արդյունքներն ամփոփել և գրավոր տեղեկանքով զեկուցել ՀՀ վարչապետին:

 

3. ՀՀ ֆինանսների նախարար Լ. Բարխուդարյանին`

ա) սպայական և շարքային զինծառայողների կենսաթոշակների պարտքերի մարման համար անհրաժեշտ միջոցները հատկացնել առաջնահերթ.

բ) մինչև ս. թ. փետրվարի 15-ը անհրաժեշտ միջոցներ հատկացնել բյուջետային կազմակերպություններին` սոցապ վճարների գծով պարտավորությունները, հունվար ամիսը ներառյալ, կատարելու համար.

գ) բավարարել պետական պատվեր կատարած ձեռնարկությունների սոցապ վճարների գծով ապառքները մարելու համար գումար տրամադրելու խնդրանքը` նրանց վճարման ենթակա միջոցների հաշվին:

 

 

pin
ՀՀ կառավարություն
03.02.2000
N 4
Արձանագրային որոշում