ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
ԿՈՄԻՏԱՍԻ ԵՎ ՀՈՎՀ. ԹՈՒՄԱՆՅԱՆԻ ԾՆՆԴՅԱՆ 125-ԱՄՅԱ ՀՈԲԵԼՅԱՆՆԵՐԸ ՆՇԵԼՈՒ ՄԱՍԻՆ
Ի նշանավորումն հայ մշակույթի մեծագույն երախտավորներ Կոմիտասի և Հովհ. Թումանյանի ծննդյան 125-ամյակների, որոշում եմ.
1. 1994 թվականի սեպտեմբերի երկրորդ կեսին կազմակերպել Կոմիտասի և Հովհ. Թումանյանի ծննդյան 125-ամյակներին նվիրված հոբելյանական տոնակատարություններ:
2. Ստեղծել հոբելյանական տոնակատարությունների կազմակերպման պետական հանձնաժողով (կազմը կցվում է):
3. Հանձնարարել հանձնաժողովին` մեկամսյա ժամկետում հաստատել Կոմիտասի և Հովհ. Թումանյանի ծննդյան 125-ամյակների հոբելյանական տոնակատարությունների շրջանակներում նախատեսված միջոցառումների ծրագիր:
4. Հայաստանի Հանրապետության կառավարությանը` նախատեսել համապատասխան միջոցներ հանձնաժողովի կողմից հաստատված ծրագրի իրականացումն ապահովելու համար:
ԿՈՄԻՏԱՍԻ ԵՎ ՀՈՎՀԱՆՆԵՍ ԹՈՒՄԱՆՅԱՆԻ ԾՆՆԴՅԱՆ 125-ԱՄՅԱ ՀՈԲԵԼՅԱՆՆԵՐԻ ՏՈՆԱԿԱՏԱՐՈՒԹՅՈՒՆՆԵՐԻ ԿԱԶՄԱԿԵՐՊՄԱՆ ՊԵՏԱԿԱՆ ՀԱՆՁՆԱԺՈՂՈՎԻ ԿԱԶՄԸ
Լևոն ՏԵՐ-ՊԵՏՐՈՍՅԱՆ - Հայաստանի Հանրապետության նախագահ (նախագահ)
Ռոբերտ ԱՄԻՐԽԱՆՅԱՆ - Հայաստանի Հանրապետության կոմպոզիտորների
միության նախագահ
Սամվել ԳԵՎՈՐԳՅԱՆ - Հայաստանի Հանրապետության նախագահի
խորհրդական
Վահագն ԴԱՎԹՅԱՆ - Հայաստանի գրողների միության նախագահ
Արտաշես ԹՈՒՄԱՆՅԱՆ - Հայաստանի Հանրապետության Գերագույն խորհրդի
նախագահի տեղակալ
Վախթանգ ԼԱԼԱՅԱՆ - Պատգամավորների Ալավերդու քաղխորհրդի
նախագահ
Ստեփան Լուսիկյան - Հայաստանի Հանրապետության մշակույթի
նախարարի տեղակալ
Վահագն ԽԱՉԱՏՐՅԱՆ - Պատգամավորների Երևանի քաղխորհրդի նախագահ
Լևոն ՀԱԽՎԵՐԴՅԱՆ - Հայաստանի Հանրապետության գիտությունների
ազգային ակադեմիայի արվեստի ինստիտուտի
տնօրեն
Ռաֆայել ՂԱԶԱՐՅԱՆ - Հայաստանի Հանրապետության Գերագույն խորհրդի
կրթության և գիտության, լեզվի և մշակույթի
հարցերի մշտական հանձնաժողովի նախագահ
Հրանտ ՄԱԹԵՎՈՍՅԱՆ - գրող
Տիգրան ՄԱՆՍՈՒՐՅԱՆ - Կոմիտասի անվան պետական կոնսերվատորիայի
ռեկտոր
Հակոբ ՄՈՎՍԵՍ - Հայաստանի Հանրապետության մշակույթի նախարար
Էդուարդ ՋՐԲԱՇՅԱՆ - Հայաստանի Հանրապետության գիտությունների
ազգային ակադեմիայի Աբեղյանի անվան
գրականության ինստիտուտի տնօրեն
Սոս ՍԱՐԳՍՅԱՆ - դերասան
Վանո ՍԻՐԱԴԵՂՅԱՆ - Հայաստանի Հանրապետության ներքին գործերի
նախարար
20 հունիսի 1994 թ.
ՆՀ-341