ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱՐԱՆՆԵՐԻ ՆԱԽԱԳԱՀՆԵՐԻ ԽՈՐՀՈՒՐԴ
ՈՐՈՇՈՒՄ
23 հուլիսի 1999 թվականի թիվ 12
ՀՀ ՏՆՏԵՍԱԿԱՆ ԳՈՐԾԵՐՈՎ ՎԵՐԱՔՆՆԻՉ ԴԱՏԱՐԱՆԻ ԴԱՏԱՎՈՐՆԵՐԻ` ՌԴ ԲԱՐՁՐԱԳՈՒՅՆ ԱՐԲԻՏՐԱԺԱՅԻՆ ԴԱՏԱՐԱՆՈՒՄ ՊՐԱԿՏԻԿԱՅԻ ԱՆՑԿԱՑՄԱՆ ԾՐԱԳՐԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ
Հայաստանի Հանրապետության դատարանների նախագահների խորհուրդը
ՈՐՈՇՈՒՄ Է
1. Հավանություն տալ ՀՀ տնտեսական գործերով վերաքննիչ դատարանի դատավորների` ՌԴ բարձրագույն արբիտրաժային դատարանում պրակտիկայի անցկացման ծրագրին:
2. Առաջարկել ՀՀ տնտեսական գործերով վերաքննիչ դատարանի նախագահին մեկշաբաթյա ժամկետում մշակել և Դատարանների նախագահների խորհրդի հավանությանը ներկայացնել պրակտիկայի մանրամասն ծրագիրը` ուսումնասիրման կոնկրետ թեմաներով և ժամկետներով:
3. Լիազորել հՀ տնտեսական գործերով վերաքննիչ դատարանի նախագահին բանակցություններ վարել դատաիրավական բարեփոխումներին աջակցություն ցուցաբերող օտարերկրյա կամ միջազգային դոնոր կազմակերպությունների հետ` ծրագրի կենսագործման համար անհրաժեշտ ֆինանսական միջոցներ հայթհայթելու նպատակով: