Սեղմել Esc փակելու համար:
ՃԱՃԱՆՉՈՍԿՐԻ ԴԻՍՏԱԼ ԾԱՅՐԻ ԿՈՏՐՎԱԾՔՆԵՐԻ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Գրանցման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՃԱՃԱՆՉՈՍԿՐԻ ԴԻՍՏԱԼ ԾԱՅՐԻ ԿՈՏՐՎԱԾՔՆԵՐԻ ԱԽՏՈՐՈՇՄԱՆ ԵՎ ԲՈՒԺՄԱՆ ԳՈՐԾԵԼԱԿԱՐԳԸ ՀԱՍՏԱՏԵ ...

 

 

100.0044.301017

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                                      «30»        10            2017 Թ.

                                        ՊԵՏԱԿԱՆ ԳՐԱՆՑՄԱՆ ԹԻՎ 10017425

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ ՀՐԱՄԱՆ

 

18 հոկտեմբերի 2017 թվականի N 44-Ն

 

i

ՃԱՃԱՆՉՈՍԿՐԻ ԴԻՍՏԱԼ ԾԱՅՐԻ ԿՈՏՐՎԱԾՔՆԵՐԻ ԱԽՏՈՐՈՇՄԱՆ ԵՎ ԲՈՒԺՄԱՆ ԳՈՐԾԵԼԱԿԱՐԳԸ ՀԱՍՏԱՏԵԼՈՒ ՄԱՍԻՆ

 

Հիմք ընդունելով «Բնակչության բժշկական օգնության և սպասարկման մասին» Հայաստանի Հանրապետության օրենքի 19.3 հոդվածի 1-ին մասի 10-րդ կետը, Հայաստանի Հանրապետության կառավարության 2002 թվականի օգոստոսի 15-ի N 1300-Ն որոշման 12-րդ կետի «դ» ենթակետը,

 

ՀՐԱՄԱՅՈՒՄ ԵՄ`

 

1. Հաստատել «ճաճանչոսկրի դիստալ ծայրի կոտրվածքների ախտորոշման և բուժման գործելակարգ»-ը` համաձայն հավելվածի:

2. Առողջապահության բնագավառում բարձր տեխնոլոգիաների և Հայաստանի Հանրապետության առողջապահական միասնական տեղեկատվական համակարգի հանձնաժողովի նախագահ Վարդան Գևորգյանին` գործելակարգի հաստատումից հետո սեղմ ժամկետում ապահովել սույն գործելակարգի մուտքագրումը միասնական էլեկտրոնային առողջապահության համակարգ:

3. Հայաստանի Հանրապետության բժշկական կազմակերպությունների տնօրեններին` «Ճաճանչոսկրի դիստալ ծայրի կոտրվածքների ախտորոշման և բուժման գործելակարգ»-ը ընդունել ի գիտություն:

4. Հայաստանի Հանրապետության առողջապահության նախարարության աշխատակազմի քարտուղարության պետ Զ. Դարբինյանին`

Ապահովել սույն հրամանի տրամադրումը կատարողներին:

5. Սույն հրամանի կատարման հսկողությունը հանձնարարել Հայաստանի Հանրապետության առողջապահության նախարարի տեղակալ Ս. Խաչատրյանին:

 

Հավելված

Հաստատված է

ՀՀ առողջապահության նախարարի

18 հոկտեմբերի 2017 թ.

թիվ 44-Ն հրամանով

 

ՃԱՃԱՆՉՈՍԿՐԻ ԴԻՍՏԱԼ ԾԱՅՐԻ ԿՈՏՐՎԱԾՔՆԵՐԻ ԱԽՏՈՐՈՇՄԱՆ ԵՎ ԲՈՒԺՄԱՆ ԳՈՐԾԵԼԱԿԱՐԳ

 

Ընդհանուր դրույթներ

Տվյալ փաստաթուղթը լուսաբանում է մեծերի շրջանում (19 տ. բարձր) ճաճանչոսկրի դիստալ ծայրի սուր կոտրվածքների ախտորոշման և բուժման հիմնական դրույթները: Ճաճանչոսկրի դիստալ կոտրվածքները առաջանում են նախաբազկի այդ հատվածի վնասվածքների հետևանքով: Այս կոտրվածքները կարող են առաջանալ երիտասարդ պացիենտների մոտ բարձր էներգետիկ վնասվածքի հետևանքով (հիմնականում տղամարդկանց մոտ) կամ էլ մեծահասակ և ծերունական տարիքային խմբերի պացիենտների շրջանում` ինչպես բարձր, այնպես էլ նվազ էներգետիկ վնասվածքի հետևանքով: Վերջին դեպքում կոտրվածքն ավելի հաճախ հանդիպում է կանանց շրջանում: Ճաճանչոսկրի դիստալ ծայրի կոտրվածքները ամենահաճախ հանդիպող վնասվածքներից են: Մեկ տարվա կտրվածքով դրանք հանդիպում են 100 000 անհատներից 195,2 դեպքերում:

Նմանատիպ կոտրվածքների ախտորոշումը, բուժումը և պացիենտների վերջույթի ֆունկցիոնալ վերականգնումը կապված է մեծ ֆինանսական ծախսերի հետ: Վերականգնման շրջանը` կախված բուժման եղանակներից և անշարժացման ձևից, կարող է զգալի տատանվել: Այսպիսի պացիենտների բուժումը ենթադրում է համարժեք ցավազրկում և վերջույթի ֆունկցիոնալ վիճակի վերականգնում: Բուժման տարբեր եղանակներ կապված են որոշակի ռիսկային գործոնների հետ: Այդ եղանակների շարքին են դասվում նվազ վնասվածքային և վիրահատական տարբերակները: Այդ իսկ պատճառով բուժման եղանակների ցուցումները և հակացուցումները տարբեր են: Բուժման տարբեր եղանակների ընտրությունը պետք է լինի անհատական, հաշվի առնելով հնարավոր ռիսկերը կամ առավելությունները տվյալ պացիենտի համար:

 

Գործելակարգի մշակման աշխատանքային խմբի անդամների անվանացուցակ

1. Այվազյան Վ.Պ., բ.գ.դ., պրոֆեսոր, ՀՀ ԱՆ գլխավոր վնասվածքաբան, Վնասվածքաբանության և Օրթոպեդիայի Գիտական Կենտրոնի տնօրեն

Թղթակցական հասցե` ՀՀ, ք. Երևան, 0047, Նորք-Մարաշ 9 փ. 123 շ. (+374) 65 54 30

2. Այվազյան Ա.Վ., բ.գ.դ., պրոֆեսոր, Վնասվածքաբանության և Օրթոպեդիայի Գիտական Կենտրոնի «Մեծահասակների օրթոպեդիայի և ոսկրային պաթոլոգիայի» բաժանմունքի վարիչ

Թղթակցական հասցե` ՀՀ, ք. Երևան, 0047, Նորք-Մարաշ 9 փ. 123 շ. (+374) 65 54 30

3. Գևորգյան Ա.Ջ., բ.գ.թ., Երևանի Մ. Հերացու անվ. Պետական Բժշկական Համալսարանի Վնասվածքաբանության և Օրթոպեդիայի ամբիոնի դոցենտ

Թղթակցական հասցե` ՀՀ, ք. Երևան, 0047, Նորք-Մարաշ 9 փ. 123 շ. (+374) 65 54 30

4. Աղամալյան Հ.Հ. «Մեծահասակների օրթոպեդիայի և ոսկրային պաթոլոգիայի» բաժանմունքի բժիշկ

Թղթակցական հասցե` ՀՀ, ք. Երևան, 0047, Նորք-Մարաշ 9 փ. 123 շ. (+374) 65 54 30

 

Շահերի բախման հայտարարագիր և ֆինանսավորման աղբյուրներ

Պատասխանատու համակարգողը և աշխատանքային խմբի անդամները հայտարարում են իրենց շահերի բախման բացակայության մասին: Սույն փաստաթղթի մշակման աշխատանքները կատարվել են աշխատանքային խմբի անդամների կողմից Վնասվածքաբանության և Օրթոպեդիայի Գիտական Կենտրոնում /ՀՀ ԱՆ/. ՎՕԳԿ-ի կառույցը չի ունեցել և ոչ մի ազդեցություն սույն ուղեցույցի մշակման որևէ փուլի վրա:

 

Գործելակարգի մշակման հենքը

Սույն Գործելակարգը մշակվել է ՎՕԳԿ-ի աշխատակիցների կողմից, որոնք հանդիսանում են Հայաստանի օրթոպեդների և վնասվածքաբանների Ասոցիացիայի անդամներ: Գործելակարգը ստեղծվել է հետևյալ արդի գրական աղբյուրների և UptoDate տեղեկատվական շտեմարանի տվյալների հիման վրա`

1. OrthoGuidelines of American Academy of Orthopaedis Surgeons. http://www.orthoguidelines.org./ topic? Id.1003.

2. Chen NC, Jupiter JB. Management of distal radial fractures. J Bone Joint Surg Am 2007;89(9):2051-2062.

3. Court-Brown CM, Caesar B. Epidemiology of adult fractures: A review. Injury 2006;37(8):691-697.

4. Kakarlapudi TK, Santini A, Shahane SA, Douglas D. The cost of treatment of distal radial fractures. Injury 2000;31(4):229-232.

5. Agency for Healthcare Research and Quality. Healthcare Cost and Utilization Project Nationwide Inpatient Sample. HCUP NIS 2007.

6. Cook D.J., Mulrow CD, Haynes RB. Systematic Reviews: synthesis of best evidence for clinical decisions. Ann Intern Med 1997;126(5):376-380.

 

Գործելակարգի պացիենտի մոդել

Սույն գործելակարգի մոդել են հանդիսանում բժշկական օգնություն և սպասարկում իրականացնող հիմնարկներում գտնվող ճաճանչոսկրի դիստալ հատվածի կոտրվածք ունեցող պացիենտները:

 

Աղյուսակ 1

 

Մեծահասակների ճաճանչոսկրի դիստալ կոտրվածքով պացիենտի մոդել

 

.___________________________________________________________________.

|Մոդելի պարտադիր բաղադրիչ    |Բաղադրիչի նկարագրությունը             |

|____________________________|______________________________________|

|Նոզոլոգիական ձևը            |Ճաճանչոսկրի դիստալ կոտրվածքով վնասվածք|

|____________________________|______________________________________|

|Տարիքային կարգավիճակ        |Մեծահասակներ                          |

|____________________________|______________________________________|

|Վնասվածքի աստիճանը          |Ցանկացած                              |

|____________________________|______________________________________|

|Վնասվածքի փուլը             |Ցանկացած                              |

|____________________________|______________________________________|

|Բարդությունները             |Անկախ բարդություններից                |

|____________________________|______________________________________|

|Կոդը ըստ ՀՄԴ-10             |S52.5                                 |

|____________________________|______________________________________|

|Բուժօգնության ցուցաբերման   |Պացիենտանոցային և  արտապացիենտանոցային|

|պայմանները                  |                                      |

.___________________________________________________________________.

 

Հապավումներ

ՃԴԿ - ճաճանչոսկրի դիստալ կոտրվածք

 

1. Կլինիկական պատկեր և ախտորոշում

1.1. Պացիենտները գանգատվում են նախաբազկի դիստալ շրջանի ցավերից, այտուցվածությունից և ճաճանչդաստակային հոդում շարժումների արտահայտված սահմանափակումից:

1.2. Ախտորոշման հիմքում ընկած են վնասվածքի հանգամանքների պարզաբանումը, արտաքին զննումը և տվյալ հատվածի ռենտգենաբանական հետազոտումը:

1.3. Վնասվածքի պատմությունը հավաքելիս անհրաժեշտ է ուշադրություն դարձնել կոտրվածքի առաջացման մեխանիզմին: Այն հիմնականում առաջանում է անուղղակի մեխանիզմով, երբ պացիենտն ընկնելիս գետնին հենվում է ափային (Կոլեսի կոտրվածք) կամ թիկնային մակերեսներով (Սմիթի կոտրվածք): Հազվագյուտ դեպքերում ճաճանչի դիստալ հատվածի կոտրվածքը կարող է առաջանալ ուղղակի ուժի ազդեցության հետևանքով: Անհրաժեշտ է պարզել նաև կոտրվածքի վաղեմությունը: Մեծահասակ տարիքային խմբերի պացիենտների մոտ անհրաժեշտ է պարզաբանել նաև օստեոպորոզի առկայությունը. (հետմենապաուզալ կամ սենիլ), ինչպես նաև այդ ախտաբանությանը բնորոշ այլ կոտրվածքների առկայությունը անամնեզում:

1.4. Արտաքին զննման ժամանակ նախաբազկի դիստալ հատվածի շրջանում դիտվում է այտուցվածություն, ձեռնաթաթի դևիացիա, իսկ որոշ դեպքերում` տիպիկ (սվինաձև) տձևություն:

1.5. Ճաճանչոսկրի դիստալ հատվածի կոտրվածքների պարագայում ճիշտ անցկացված արտաքին զննումը ունի բարձր ախտորոշիչ արդյունավետություն, հատկապես տեղաշարժված կոտրվածքների դեպքում (սվինաձև դեֆորմացիա):

1.6. Ճառագայթային ախտորոշման եղանակներից պարտադիր է ռենտգենաբանական հետազոտությունը (կատարված երկու պրոյեկցիայով` առաջահետին և կողմնային): Այն 100% դեպքերում թույլ է տալիս ախտորոշել կոտրվածքը, տեղաշարժի առկայությունը, ինչպես նաև ծղիկոսկրի դիստալ ծայրի կոտրվածքը, եթե այն տեղի ունի: Ռենտգենաբանական հետազոտումը (կողմնային պրոյեկցիա) կատարվում է նաև բեկորների համադրումից հետո` նպատակ ունենալով պարզել դիստալ ռադիոուլնար հոդի կայունությունը:

 

2. Բուժում

2.1. Ճաճանչոսկրի դիստալ հատվածի կոտրվածքների ժամանակ կարելի է կիրառել ինչպես կոնսերվատիվ, այնպես էլ վիրահատական բուժում: Բուժման եղանակի ընտրությունը կախված է կոտրվածքի բնույթից, տեղաշարժի կամ բեկորների առկայությունից, կոտրվածքի կայունությունից, ոսկրային հյուսվածքի որակից, պացիենտի տարիքից և վերջինիս համաձայնությունից:

2.2. Առանց տեղաշարժի կայուն կոտրվածքների դեպքում ցուցված է բուժում գիպսակապերով` 4 շաբաթ ժամկետով:

2.3. Կոլեսի կամ Սմիթի կայուն պարզ կոտրվածքների դեպքում ցուցված է բեկորների միամոմենտ համադրում և գիպսային անշարժացում նույն ժամկետներով: Սակայն այս դեպքերում անհրաժեշտ է 3 շաբաթվա ընթացքում անցկացնել ռենտգենաբանական հսկողություն` հնարավոր երկրորդային տեղաշարժը հայտնաբերելու նպատակով: Այս միտքը հիմնված չէ հավաստի ապացույցների վրա, բայց հանդիսանում է աշխատանքային խմբի կարծիքը:

2.4. Անկայուն կոտրվածքների դեպքում խորհուրդ չի տրվում բուժել կոնսերվատիվ եղանակով` գիպսային կապերով:

2.5. Անկայուն կոտրվածքների դեպքում իրականացվել են 5 ռադոնոմիզված հետազոտություններ, կատարվել է վիրահատական և կոնսերվատիվ բուժումների արդյունքների համեմատական վերլուծություն: Այն ցույց է տվել, որ առավել նախընտրելի է վիրահատական բուժումը: Բոլոր նկատելի տարբերությունները ի օգուտ վիրահատական անշարժացման էին:

2.6. Կոնսերվատիվ և վիրահատական բուժումից հետո անցկացվում է պացիենտների վերականգնողական բուժում: Կատարվում են վերջույթի տարբեր ակտիվ վարժություններ: Կոնսերվատիվ բուժման դեպքում մատների և արմնկային հոդի վարժությունները կատարվում են վնասվածքը ստանալու սկզբնական շրջանից, իսկ վնասված ճաճանչդաստակային հոդի դեպքում` գիպսակապը հանելու օրվանից: Տվյալ վերականգնողական բուժումը կատարվում է տնային (արտահիվանդանոցային) պայմաններում: Վիրահատական բուժման պարագայում ցուցված են ավելի վաղ վերականգնողական վարժություններ: Ամեն դեպքում մատներում կոնտրակտուրաները կանխարգելելու նպատակով կատարվում են մատների ակտիվ վարժություններ` սկսած կոտրվածքը ստանալու օրվանից: Խորհուրդ չի տրվում սկսել ճաճանչդաստակային հոդի վաղ շարժումներ, նույնիսկ վիրահատական բուժման և կոտրվածքը կայունացնելու պայմաններում (չափավոր ապացույցներ):

 

3. Բժշկական ծառայությունների հիմնական և լրացուցիչ ցանկեր

3.1. Պահանջներ ախտորոշման, բուժման և խորհրդատվությունների նկատմամբ

(հիմնական ցանկ)

 

._____________________________________________________________________.

|Ծած- |Անվանում   |Տրամա|Միջին|Ստորաբաժանում |Մասնագետ    |Կատարման   |

|կագիր|           |դրման|քանակ|              |            |ժամկետներ  |

|     |           |հաճա-|     |              |            |           |

|     |           |խա-  |     |              |            |           |

|     |           |կանու|     |              |            |           |

|     |           |թյուն|     |              |            |           |

|_____|___________|_____|_____|______________|____________|___________|

|     |Օրթոպեդ-   |1    | 2   |Օրթոպեդիայի և |Օրթոպեդ-    |1-4 շաբաթ  |

|     |վնասվածքա- |     |     |վնասվածքաբա-  |վնասվածքաբան|           |

|     |բանի       |     |     |նության       |            |           |

|     |խորհրդատ-  |     |     |բաժանմունք    |            |           |

|     |վություն   |     |     |              |            |           |

|_____|___________|_____|_____|______________|____________|___________|

|     |Վերականգնո-|1    |2    |Օրթոպեդիայի և |Բժիշկ-վերա- |1-4 շաբաթ  |

|     |ղաբանի     |     |     |վնասվածքաբա-  |կանգնողաբան |           |

|     |խորհրդատ-  |     |     |նության       |            |           |

|     |վություն   |     |     |բաժանմունք    |            |           |

|_____|___________|_____|_____|______________|____________|___________|

|     |Ռենտգեն    |1    |2    |Ճառագայթաբանա-|Բժիշկ-ճառա- |1-3 շաբաթ  |

|     |քննություն |     |     |կան ախտորոշման|գայթաբան/   |           |

|     |           |     |     |ծառայություն  |տեխնիկ      |           |

._____________________________________________________________________.

 

3.2. Պահանջներ ախտորոշման, բուժման և խորհրդատվությունների նկատմամբ (լրացուցիչ ցանկ)

 

._____________________________________________________________________.

|Ծած- |Անվանում   |Տրամա|Միջին|Ստորաբաժանում |Մասնագետ    |Կատարման   |

|կագիր|           |դրման|քանակ|              |            |ժամկետներ  |

|     |           |հաճա-|     |              |            |           |

|     |           |խա-  |     |              |            |           |

|     |           |կանու|     |              |            |           |

|     |           |թյուն|     |              |            |           |

._____________________________________________________________________.

 

4. Դեղերի հիմնական և լրացուցիչ ցանկեր

4.1. Պահանջներ դեղորայքային բուժման նկատմամբ (հիմնական ցանկ)

 

._____________________________________________________________________.

|ԴԹԽ        |ԱԹՔԴ   |ՄՈԱ        |Նշա-   |ԿՈԴ |ՀԿԴ  |Մասնագետ   |Կատար-|

|           |       |           |նակման |    |     |           |ման   |

|           |       |           |հաճախա-|    |     |           |ժամ-  |

|           |       |           |կանու- |    |     |           |կետներ|

|           |       |           |թյուն  |    |     |           |      |

|___________|_______|___________|_______|____|_____|___________|______|

|Ցավազրկող  |N02BE01|Պարացետամոլ|1      |1.5 |6.0  |Օրթոպեդիայի|1-7 օր|

|ոչ թմրե-   |       |           |       |գ   |գ    |և  վնասված-|      |

|ցուցիչ     |       |           |       |    |     |քաբանության|      |

|միջոցներ   |       |           |       |    |     |բաժանմունքի|      |

|           |       |           |       |    |     |մասնագետ/  |      |

|           |       |           |       |    |     |Բուժքույր  |      |

|___________|_______|___________|_______|____|_____|___________|______|

|Ոչ սթերոիդ |M01AB05|Դիկլոֆենակ |1      |75.0|150.0|Օրթոպեդիայի|1-7 օր|

|հակաբորբո- |       |           |       |մգ  |մգ   |և  վնասված-|      |

|քային      |       |           |       |    |     |քաբանության|      |

|միջոցներ   |       |           |       |    |     |բաժանմունքի|      |

|           |       |           |       |    |     |մասնագետ/  |      |

|           |       |           |       |    |     |Բուժքույր  |      |

|___________|_______|___________|_______|____|_____|___________|______|

|Ոչ սթերոիդ |M01AB15|  Կետորոլակ|1      |30.0|60.0 |Օրթոպեդիայի|1-7 օր|

|հակաբորբո- |       |           |       |մգ  |Մգ   |և  վնասված-|      |

|քային միջոց|       |           |       |50.0|50.0 |քաբանության|      |

|           |       |           |       |մգ  |մգ   |բաժանմունքի|      |

|           |       |           |       |    |     |մասնագետ/  |      |

|           |       |           |       |    |     |Բուժքույր  |      |

._____________________________________________________________________.

 

4.2. Պահանջներ դեղորայքային բուժման նկատմամբ (լրացուցիչ ցանկ)

 

._____________________________________________________________________.

|ԴԹԽ        |ԱԹՔ    |ՄՈԱ        |Նշա-   |ԿՈԴ |ՀԿԴ  |Մասնագետ   |Կատար-|

|           |       |           |նակման |    |     |           |ման   |

|           |       |           |հաճախա-|    |     |           |ժամ-  |

|           |       |           |կանու- |    |     |           |կետներ|

|           |       |           |թյուն  |    |     |           |      |

|___________|_______|___________|_______|____|_____|___________|______|

|Պրոտոնային |A02BC01|ցանկացած   |0.25   |20.0|140.0|Ինտենսիվ   |1-7 օր|

|պոմպի ար-  |       |           |       |մգ  |Մգ   |թերապիայի  |      |

|գելակիչներ |       |           |       |    |     |մասնագետ/  |      |

|           |       |           |       |    |     |Բուժքույր  |      |

._____________________________________________________________________.

 

5. Պահանջներ աշխատանքի ռեժիմի, հանգստի, բուժման կամ վերականգնման նկատմամբ

Սույն Գործելակարգի համաձայն հարկավոր է ապահովել անշարժացում 4 շաբաթվա ընթացքում

6. Պահանջներ սննդակարգի նշանակման և սահմանափակումների վերաբերյալ

Սույն Գործելակարգի համաձայն սննդակարգի հատուկ պահանջներ չկան:

7. Պացիենտի հոժարակամ տեղեկացված համաձայնության ստացման առանձնահատկությունները Գործելակարգը կատարելիս և պացիենտի, ինչպես նաև ընտանիքի անդամների լրացուցիչ տեղեկատվության տրամադրում

Հարկավոր է պացիենտի և/կամ նրա ներկայացուցիչների հետ համատեղ քննարկել այս կոտրվածքների համալիր բուժման խնդիրները, ինչպես նաև հավանական ելքերը` հնարավորինս շուտ և ոչ ուշ քան ախտորոշմանը հաջորդող 72 ժամերի ընթացքում:

 

8. Պացիենտի տվյալ մոդելի հնարավոր ելքերը

 

Պացիենտի տվյալ մոդելի հնարավոր ելքերի ցանկ

 

._____________________________________________________________________.

|Ելքի անվանում          |Ելքի     |Ելքին   |Բժշկական օգնության        |

|                       |զարգացման|հասնելու|ցուցաբերման               |

|                       |հաճախակա-|մոտավոր |հաջորդականություն         |

|                       |նություն |ժամկետ  |                          |

|_______________________|_________|________|__________________________|

|Ապաքինում ֆիզիոլոգիական|65%      |2-3 ամիս|Անցում համապատասխան       |

|գործընթացի կամ         |         |        |վերականգնողական           |

|ներգրավված օրգանի      |         |        |ուղեցույցին/գործելակարգին |

|ֆունկցիայի լրիվ        |         |        |                          |

|վերականգնմամբ          |         |        |                          |

|_______________________|_________|________|__________________________|

|Ապաքինում ֆիզիոլոգիական|15%      |3 ամիս  |Անցում համապատասխան       |

|գործընթացի կամ         |         |        |վերականգնողական           |

|ներգրավված օրգանի      |         |        |ուղեցույցին/գործելակարգին |

|ֆունկցիայի մասնակի     |         |        |                          |

|կորստով                |         |        |                          |

|_______________________|_________|________|__________________________|

|Բարդությունների        |35%      |        |Անցում համապատասխան       |

|զարգացում              |         |        |ախտաբանության բուժման     |

|                       |         |        |ուղեցույցին/գործելակարգին |

|_______________________|_________|________|__________________________|

|Մահացու ելք            |0%       |        |                          |

._____________________________________________________________________.

 

 

pin
Առողջապահության նախարարություն
18.10.2017
N 44-Ն
Հրաման