ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
10 փետրվարի 2000 թվական N 5
24. ՀԱՄԱՅՆ ՀԱՅՈՒԹՅԱՆ ՆՎԻՐԱՏՎՈՒԹՅՈՒՆՆԵՐԻՑ ԳՈՅԱՑԱԾ ՄԻՋՈՑՆԵՐԻ ՀԱՇՎԻՆ «ՀԱՅԱՍՏԱՆ» ՀԱՄԱՀԱՅԿԱԿԱՆ ՀԻՄՆԱԴՐԱՄԻ ՄԻՋՈՑՈՎ «ԱՐՑԱԽ» ԾՐԱԳՐԻ ՇՐՋԱՆԱԿՆԵՐՈՒՄ 1999 ԹՎԱԿԱՆԻՑ ԻՐԱԿԱՆԱՑՎՈՂ «ՀՅՈՒՍԻՍ-ՀԱՐԱՎ» 169 ԿՄ ԵՐԿԱՐՈՒԹՅԱՄԲ ԱՎՏՈՄԱՅՐՈՒՂՈՒ ՇԻՆԱՐԱՐՈՒԹՅԱՆ ՄԱՍԻՆ
1. Համայն հայության նվիրատվություններից գոյացած միջոցների հաշվին «Հայաստան» համահայկական հիմնադրամի միջոցով «Արցախ» ծրագրի շրջանակներում 1999 թվականից իրականացվող «Հյուսիս-հարավ» 169 կմ երկարությամբ ավտոմայրուղու շինարարությունը որակել որպես բարեգործական գործունեություն:
2. Հայաստանի Հանրապետության կառավարության մարդասիրական օգնության կենտրոնական հանձնաժողովին` նշված ծրագրի հետ կապված հետազոտական, նախագծային, վերահսկողական, ապրանքների մատակարարման և շինարարական աշխատանքների վերաբերյալ «Հայաստան» համահայկական հիմնադրամի կողմից ներկայացվող հարցերի քննարկման ժամանակ ղեկավարվել Հայաստանի Հանրապետության կառավարության 1999 թվականի սեպտեմբերի 7-ի «Հայաստանի Հանրապետության կառավարության մարդասիրական օգնության կենտրոնական հանձնաժողովի գործունեության կանոնակարգման լրացուցիչ միջոցառումների մասին» N 562 որոշմամբ: