040.0085.230200
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«23» փետրվարի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
23 փետրվարի 2000 թվականի N 85
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՄԻԳՐԱՑԻԱՅԻ ԵՎ ՓԱԽՍՏԱԿԱՆՆԵՐԻ ՎԱՐՉՈՒԹՅԱՆԸ ՏԱՐԱԾՔ ՀԱՆՁՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Փախստականներին ժամանակավոր կացարանով ապահովելու նպատակով Հայաստանի Հանրապետության առողջապահության նախարարության «Ա. Ավդալբեկյանի անվան առողջապահության ազգային ինստիտուտ» պետական փակ բաժնետիրական ընկերության զբաղեցրած` Երևանի Կոմիտասի N 49/4 հասցեում գտնվող հանրակացարանի մասնաշենքի` փախստականներով զբաղեցված 2-6-րդ հարկաբաժինների տարածքներն անհատույց օգտագործման հանձնել Հայաստանի Հանրապետության կառավարությանն առընթեր միգրացիայի և փախստականների վարչությանը:
2. Հայաստանի Հանրապետության առողջապահության նախարարությանն ու Հայաստանի Հանրապետության կառավարությանն առընթեր միգրացիայի և փախստականների վարչությանը` մեկամսյա ժամկետում` սահմանված կարգով կնքել անհատույց օգտագործման պայմանագիր և կատարել գույքային իրավունքների պետական գրանցում:
3. Սույն որոշումն ուժի մեջ է մտնում 2000 թվականի փետրվարի 23-ից: