Սեղմել Esc փակելու համար:
ՀԱՅԱՍՏԱՆՅԱՅՑ ԱՌԱՔԵԼԱԿԱՆ ՍՈՒՐԲ ԵԿԵՂԵՑՈ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀԱՅԱՍՏԱՆՅԱՅՑ ԱՌԱՔԵԼԱԿԱՆ ՍՈՒՐԲ ԵԿԵՂԵՑՈՒՆ ԳՈՒՅՔ ՆՎԻՐԵԼՈՒ ՄԱՍԻՆ

 

 

040.0336.030418

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

29 մարտի 2018 թվականի N 336-Ա

 

ՀԱՅԱՍՏԱՆՅԱՅՑ ԱՌԱՔԵԼԱԿԱՆ ՍՈՒՐԲ ԵԿԵՂԵՑՈՒՆ ԳՈՒՅՔ ՆՎԻՐԵԼՈՒ ՄԱՍԻՆ

 

i

Հիմք ընդունելով Հայաստանի Հանրապետության քաղաքացիական օրենսգրքի 594-րդ հոդվածը և Հայաստանի Հանրապետության հողային օրենսգրքի 64-րդ հոդվածի 1.2-րդ մասը, ինչպես նաև «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածը` Հայաստանի Հանրապետության կառավարությունը որոշում է.

1. Հայաստանի Հանրապետության պաշտպանության նախարարությանն ամրացված` Հայաստանի Հանրապետության Տավուշի մարզի Գետահովիտ գյուղի վարչական տարածքում գտնվող` պետական սեփականություն հանդիսացող` 10518.2 քառ. մետր մակերեսով, 518221 դրամ հաշվեկշռային արժեքով շենք-շինությունները (այսուհետ` գույք) (անշարժ գույքի սեփականության (անհատույց օգտագործման) իրավունքի գրանցման վկայական N 1660543) հետ վերցնել և նվիրել Հայաստանյայց Առաքելական Սուրբ Եկեղեցուն:

2. Հայաստանի Հանրապետության Տավուշի մարզպետին` սույն որոշման 1-ին կետի կատարումն ապահովելու նպատակով երկամսյա ժամկետում Հայաստանի Հանրապետության Տավուշի մարզի Գետահովտի համայնքի ղեկավարի միջոցով իրականացնել սույն որոշման 1-ին կետում նշված գույքով զբաղեցված և սպասարկման ու օգտագործման համար անհրաժեշտ` պետական սեփականություն հանդիսացող հատուկ նշանակության 8.9 հեկտար հողամասի նպատակային նշանակության փոփոխության գործընթաց:

3. Առաջարկել Հայաստանի Հանրապետության Տավուշի մարզի Գետահովտի համայնքի ղեկավարին` սույն որոշման 2-րդ կետում նշված հողամասի նպատակային նշանակության փոփոխությունից հետո մեկամսյա ժամկետում Հայաստանյայց Առաքելական Սուրբ Եկեղեցու հետ կնքել հողամասի` սեփականության իրավունքով անհատույց տրամադրման պայմանագիր և իրականացնել հանձնման-ընդունման աշխատանքներ` կնքվող պայմանագրում սահմանելով, որ պայմանագրի նոտարական վավերացման և պայմանագրից ծագող գույքային իրավունքների պետական գրանցման ծախսերն իրականացվելու են Հայաստանյայց Առաքելական Սուրբ Եկեղեցու միջոցների հաշվին:

4. Հայաստանի Հանրապետության պաշտպանության նախարարին` սույն որոշման 2-րդ կետի կատարման ապահովումից հետո մեկամսյա ժամկետում ապահովել սույն որոշման 1-ին կետում նշված գույքի հանձնման-ընդունման աշխատանքների կատարումն ու նվիրատվության պայմանագրի կնքումը` դրանում սահմանելով, որ պայմանագրի նոտարական վավերացման և պայմանագրից ծագող գույքային իրավունքների պետական գրանցման ծախսերն իրականացվելու են Հայաստանյայց Առաքելական Սուրբ Եկեղեցու միջոցների հաշվին:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2018 ԹՎԱԿԱՆԻ ԱՊՐԻԼԻ 3-ԻՆ

 

 

pin
ՀՀ կառավարություն
29.03.2018
N 336-Ա
Որոշում