Սեղմել Esc փակելու համար:
ԿՆԻՔԻ ԵՎ ԴՐՈՇՄԱԿՆԻՔԻ ՆԿԱՐԱԳՐՈՒԹՅՈՒՆԸ ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԿՆԻՔԻ ԵՎ ԴՐՈՇՄԱԿՆԻՔԻ ՆԿԱՐԱԳՐՈՒԹՅՈՒՆԸ ԵՎ ՏՐԱՄԱԴՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՈՒՐԴ

 

ԲԴԽ-13-Ո-22 2018 թ.

 

ՈՐՈՇՈՒՄ

 

ԿՆԻՔԻ ԵՎ ԴՐՈՇՄԱԿՆԻՔԻ ՆԿԱՐԱԳՐՈՒԹՅՈՒՆԸ ԵՎ ՏՐԱՄԱԴՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

i

Ղեկավարվելով «Հայաստանի Հանրապետության դատական օրենսգիրք» սահմանադրական օրենքի 17-րդ հոդվածի 3-6-րդ մասերով և 89-րդ հոդվածի 1-ին մասի 45-րդ կետով` Հայաստանի Հանրապետության բարձրագույն դատական խորհուրդը

 

ՈՐՈՇՈՒՄ է

 

1. Սահմանել.

ա) ՀՀ առաջին ատյանի ընդհանուր իրավասության դատարանների, ՀՀ վարչական դատարանի, ՀՀ վերաքննիչ դատարանների դատավորների և ՀՀ վճռաբեկ դատարանի կնիքների նկարագրությունը` տեքստային և գծապատկերային տեսքով` համաձայն հավելվածի 1-ի:

բ) դատավորների դրոշմակնիքների նկարագրությունը` տեքստային և գծապատկերային տեսքով` համաձայն հավելված 2-ի:

գ) կնիքի և դրոշմակնիքի տրամադրման կարգը` համաձայն հավելված 3-ի:

2. Հանձնարարել ՀՀ դատական դեպարտամենտի ղեկավարին` իրականացնել դատավորների մոտ առկա կնիքների և դրոշմակնիքների հաշվառում 2018թ. հունիսի 8-ի դրությամբ:

3. Սույն որոշումն ուժի մեջ է մտնում հրապարակմանը հաջորդող օրվանից:

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԲԱՐՁՐԱԳՈՒՅՆ ԴԱՏԱԿԱՆ

    ԽՈՐՀՐԴԻ ՆԱԽԱԳԱՀ                        Գ. ՀԱՐՈՒԹՅՈՒՆՅԱՆ

 

2018 թ. հունիսի 4

ք. Երևան

 

Հավելված 1

Հայաստանի Հանրապետության

բարձրագույն դատական խորհրդի

2018 թ. հունիսի 4-ի

թիվ ԲԴԽ-13-Ո-22 որոշման

 

ՆԿԱՐԱԳՐՈՒԹՅՈՒՆ ՀՀ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆՆԵՐԻ, ՀՀ ՎԱՐՉԱԿԱՆ ԴԱՏԱՐԱՆԻ, ՀՀ ՎԵՐԱՔՆՆԻՉ ԴԱՏԱՐԱՆՆԵՐԻ ԴԱՏԱՎՈՐՆԵՐԻ ԵՎ ՀՀ ՎՃՌԱԲԵԿ ԴԱՏԱՐԱՆԻ ԿՆԻՔՆԵՐԻ

 

ՀՀ առաջին ատյանի ընդհանուր իրավասության դատարանների, ՀՀ վարչական դատարանի և ՀՀ վերաքննիչ դատարանների դատավորների կնիքները պետք է լինեն կլոր: Շրջանի կենտրոնում պատկերվում է ՀՀ զինանշանը, զինանշանից ներքև` դատավորի անունը և ազգանունը` մեծատառերով, այնուհետև` «ԴԱՏԱՎՈՐ» բառը, զինանշանի վերևում` եզրային շրջանագծերի ներսում, համապատասխան դատարանի անվանումը` մեծատառերով:

ՀՀ վճռաբեկ դատարանի կլոր կնիքի կենտրոնում պատկերվում է ՀՀ զինանշանը, զինանշանից ներքև` «ՎՃՌԱԲԵԿ ԴԱՏԱՐԱՆ» բառերը:

Կնիքների վրա պատկերված ՀՀ զինանշանի պատկերը պետք է համապատասխանի Հայաստանի Հանրապետության Սահմանադրության 2015 թ. դեկտեմբերի 6-ի փոփոխությունների 21-րդ հոդվածի 2-րդ մասով, «Հայաստանի Հանրապետության զինանշանի մասին» ՀՀ օրենքով և ՀՀ կառավարության 2016 թվականի սեպտեմբերի 2-ի «Հայաստանի Հանրապետության դրոշի և Հայաստանի Հանրապետության զինանշանի ընդհանուր տեխնիկական պայմանները սահմանելու մասին» N 888-Ն որոշմամբ սահմանված պահանջներին: Կնիքների տեքստերը գրվում են հայերենով:

 

       ԳԾԱՊԱՏԿԵՐ                             ԳԾԱՊԱՏԿԵՐ

    ԴԱՏԱՎՈՐԻ ԿՆԻՔԻ                    ՀՀ ՎՃՌԱԲԵԿ ԴԱՏԱՐԱՆԻ ԿՆԻՔԻ

________________________________

ԻՐՏԵԿ - գծապատկերները չեն բերվում

 

Հավելված 2

Հայաստանի Հանրապետության

բարձրագույն դատական խորհրդի

2018 թ. հունիսի 4-ի

թիվ ԲԴԽ-13-Ո-22 որոշման

 

ՆԿԱՐԱԳՐՈՒԹՅՈՒՆ ԴԱՏԱՎՈՐՆԵՐԻ ԴՐՈՇՄԱԿՆԻՔՆԵՐԻ

 

Դատավորների դրոշմակնիքները պետք է լինեն ուղղանկյունաձև: ՈՒղղանկյան վերևի հատվածում` մեջտեղում` հորիզոնական դիրքով, համապատասխան դատարանի անվանումն է` մեծատառեր ով, ուղղանկյան կենտրոնում` դրոշմակնիքի հերթական համարը` քառակուսու մեջ, ներքևում` «գ. թ.» բառերը, որից հետո` հորիզոնական տող:

Դրոշմակնիքների տեքստերը գրվում են հայերենով:

 

ԳԾԱՊԱՏԿԵՐ ԴԱՏԱՎՈՐԻ ԴՐՈՇՄԱԿՆԻՔԻ

 

._____________________.

| ԴԱՏԱՐԱՆԻ ԱՆՎԱՆՈՒՄԸ  |

|        .____.       |

|        | N  |       |

|        .____.       |

|գ.թ.________________ |

|                     |

._____________________.

 

Հավելված 3

Հայաստանի Հանրապետության

բարձրագույն դատական խորհրդի

2018 թ. հունիսի 4-ի

թիվ ԲԴԽ-13-Ո-22 որոշման

 

ԿՆԻՔԻ ԵՎ ԴՐՈՇՄԱԿՆԻՔԻ ՏՐԱՄԱԴՐՄԱՆ ԿԱՐԳԸ

 

1. Սույն որոշմամբ սահմանված կնիքներն ու դրոշմակնիքները տրամադրվում են «դատական դեպարտամենտի կողմից`» բարձրագույն դատական խորհրդի որոշման հիման վրա:

2. «առաջին ատյանի ընդհանուր իրավասության դատարանների, ՀՀ վարչական դատարանի, ՀՀ վերաքննիչ դատարանների դատավորների կնիքները և բոլոր դատավորների դրոշմակնիքները տրամադրվում են հետևյալ դեպքերում և ժամկետներում.

ա) դատավորի պաշտոնում նշանակվելու պահից, այդ թվում` առաջխաղացման, տեղափոխման կամ պաշտոնների փոխանակման կարգով, մեկշաբաթյա ժամկետում,

բ) կնիքի կամ դրոշմակնիքի` օգտագործման համար ոչ պիտանի դառնալու դեպքում համապատասխան դատավորի դիմումը ՀՀ դատական դեպարտամենտի կենտրոնական մարմին մուտքագրվելուց հետո մեկշաբաթյա ժամկետում,

գ) կնիքի կամ դրոշմակնիքի կորստի դեպքում` համապատասխան դատավորի` սույն կարգի 4-րդ կետում նշված դիմումը ՀՀ դատական դեպարտամենտի կենտրոնական մարմին մուտքագրվելուց հետո մեկշաբաթյա ժամկետում:

3. ՀՀ վճռաբեկ դատարանի կնիքը տրամադրվում է սույն որոշումն ուժի մեջ մտնելու օրվանից մեկշաբաթյա ժամկետում, իսկ նոր կնիք տրամադրվում է կնիքի` օգտագործման համար ոչ պիտանի դառնալու կամ կորստի դեպքում` ՀՀ վճռաբեկ դատարանի նախագահի դիմումը ՀՀ դատական դեպարտամենտի կենտրոնական մարմին մուտքագրվելու օրվանից մեկշաբաթյա ժամկետում:

4. Կնիքի կամ դրոշմակնիքի կորստի դեպքում համապատասխան դատավորը, իսկ ՀՀ վճռաբեկ դատարանի կնիքի դեպքում` ՀՀ վճռաբեկ դատարանի նախագահն այդ մասին անհապաղ գրավոր ձևով տեղեկացնում է ՀՀ բարձրագույն դատական խորհրդին: ՀՀ վճռաբեկ դատարանի նախագահի կամ համապատասխան դատավորի հայտարարության հիման վրա ՀՀ բարձրագույն դատական խորհուրդն իր որոշմամբ անվավեր է ճանաչում համապատասխան կնիքը կամ դրոշմակնիքը և այդ մասին հրապարակում տեղեկատվություն:

5. Սույն կարգի 2-րդ կետի «բ», «գ» ենթակետերում և 3-րդ կետում նշված դիմումները հասցեագրվում են «բարձրագույն դատական խորհրդի նախագահին:

6. Դատավորներին կնիքներն ու դրոշմակնիքները փոխանցվում են համապատասխան դատավորի և ՀՀ դատական դեպարտամենտի պատասխանատու ստորաբաժանման ղեկավարի միջև կնքվող հանձնման-ընդունման ակտի ստորագրմամբ (Ձև 1):

7. ՀՀ վճռաբեկ դատարանի կնիքը փոխանցվում է ՀՀ վճռաբեկ դատարանի նախագահի և ՀՀ դատական դեպարտամենտի ղեկավարի միջև կնքվող հանձնման-ընդունման ակտի ստորագրմամբ (Ձև 1):

8. Դատավորը, իսկ անհնարինության դեպքում համապատասխան դատարանի նախագահը դատավորի լիազորությունների դադարման պահից անհապաղ դատավորի կնիքը և դրոշմակնիքը հանձնում է ՀՀ դատական դեպարտամենտի պատասխանատու ստորաբաժանման ղեկավարին` համապատասխան հանձնման-ընդունման ակտի ստորագրմամբ (Ձև 2):

9. Դատավորն իրեն հատկացված կնիքը կամ դրոշմակնիքն օգտագործման համար ոչ պիտանի դառնալու դեպքում նոր կնիքի կամ դրոշմակնիքի տրամադրման պահից օգտագործման համար ոչ պիտանի դարձած կնիքը կամ դրոշմակնիքն անհապաղ հանձնում է ՀՀ դատական դեպարտամենտի պատասխանատու ստորաբաժանման ղեկավարին` համապատասխան հանձնման-ընդունման ակտի ստորագրմամբ (Ձև 2):

10. Սույն կարգի 8-րդ և 9-րդ կետերում նշված հանձնման-ընդունման ակտերի ստորագրումից անմիջապես հետո ՀՀ դատական դեպարտամենտի ղեկավարի կողմից ձևավորված հանձնաժողովն ակտն ստորագրողների ներկայությամբ կտրտման միջոցով ոչնչացնում է վերադարձված կնիքը կամ դրոշմակնիքը` այդ մասին կազմելով արձանագրություն (Ձև 3), որը հանձնաժողովի անդամների ստորագրությամբ կցվում է հանձնման-ընդունման ակտին:

11. Սույն կարգի 10-րդ կետով նախատեսված հանձնաժողովը բաղկացած է առնվազն երեք անդամից:

12. Սույն կարգով սահմանված գործողությունների արդյունքների մասին նշում է կատարվում կնիքների և դրոշմակնիքների հաշվառման մատյաններում (Ձև 4, Ձև 5):

13. Սույն կարգով սահմանված կնիքների և դրոշմակնիքների հանձնման-ընդունման ակտերը, ոչնչացման արձանագրությունները, ինչպես նաև հաշվառման մատյանները պահպանվում են 5 տարի ժամկետով:

14. Մինչև սույն որոշման ընդունումը ՀՀ առաջին ատյանի ընդհանուր իրավասության դատարանների, ՀՀ վարչական դատարանի, ՀՀ վերաքննիչ դատարանների դատավորներին տրամադրված կնիքները և բոլոր դատավորներին տրամադրված դրոշմակնիքները շարունակում են մնալ գործածության մեջ, եթե համապատասխանում են սույն որոշմամբ սահմանված նկարագրությանը:

 

Ձև 1

 

ԱԿՏ N__

 

ԿՆԻՔԻ (ԴՐՈՇՄԱԿՆԻՔԻ) ՀԱՆՁՆՄԱՆ-ԸՆԴՈՒՆՄԱՆ

 

Մենք` ներքոստորագրողներս,__________________________________________

(ՀՀ դատական դեպարտամենտի պատասխանատու

_______________________________________________________________________

ստորաբաժանման անվանումը, փոխանցող պաշտոնատար անձի անունը, ազգանունը, պաշտոնը)

 

և _____________________________________________________________________

(ստացող դատավորի անունը, ազգանունը, պաշտոնը)

 

կազմեցինք սույն ակտն այն մասին, որ ________________________________________________________________հանձնեց,

(փոխանցող պաշտոնատար անձի անունը, ազգանունը) իսկ ____________________________________________________________________

(ստացող դատավորի անունը, ազգանունը) ընդունեց ________________________________________________________________

(կնիքի (դրոշմակնիքի) անվանումը, քանակը)

 

Կնիքի (դրոշմակնիքի) արտատպումը

 

Սույն ակտը կազմվել է 2 օրինակից, որոնք հանձնվում են ստորագրող անձանց:

 

             ՀԱՆՁՆԵՑ                               ԸՆԴՈՒՆԵՑ

 

Ձև 2

 

ԱԿՏ N__ ԿՆԻՔԻ (ԴՐՈՇՄԱԿՆԻՔԻ) ՀԱՆՁՆՄԱՆ-ԸՆԴՈՒՆՄԱՆ

 

Մենք` ներքոստորագրողներս, ___________________________________________

(Կնիքը (դրոշմակնիքը) հանձնող

_____________________________________________________________________

               պաշտոնատար անձի անունը, ազգանունը, պաշտոնը)

և _____________________________________________________________________

(ՀՀ դատական դեպարտամենտի պատասխանատու ստորաբաժանման անվանումը,

_____________________________________________________________________

           ստացող պաշտոնատար անձի անունը, ազգանունը, պաշտոնը)

 

կազմեցինք սույն ակտն այն մասին, որ

____________________________________________________________հանձնեց,

(հանձնող պաշտոնատար անձի անունը, ազգանունը) իսկ ___________________________________________________________________

(ստացող պաշտոնատար անձի անունը, ազգանունը) ընդունեց ______________________________________________________________:

(կնիքի (դրոշմակնիքի) անվանումը, քանակը)

 

Կնիքի (դրոշմակնիքի) արտատպումը

 

Սույն ակտը կազմվել է 2 օրինակից, որոնք հանձնվում են ստորագրող անձանց:

 

             ՀԱՆՁՆԵՑ                               ԸՆԴՈՒՆԵՑ

 

Ձև 3

 

ԱՐՁԱՆԱԳՐՈՒԹՅՈՒՆ N

 

ԿՆԻՔԻ (ԴՐՈՇՄԱԿՆԻՔԻ) ՈՉՆՉԱՑՄԱՆ

 

Կնիքի (դրոշմակնիքի) անվանումը, հանձնող պաշտոնատար անձի անունը, ազգանունը, պաշտոնը _________________________________________________

____________________________________________________________________

Ոչնչացված է կապված ____________________________________________

(պատճառները)

Կնիքը (դրոշմակնիքը) ոչնչացրել է _______________________________

(անունը, ազգանունը)

Ոչնչացման եղանակը _____________________________________________

Ոչնչացման վայրը և ժամանակը ___________________________________

 

Իմ ներկայությամբ կնիքի (դրոշմակնիքի) ոչնչացման փաստը հաստատում եմ`

 

Հանձնաժողովի

անդամներ

________________ ______________________

                            (ստորագրություն)    (անուն, ազգանուն)

                            ________________ ______________________

                            (ստորագրություն)    (անուն, ազգանուն)

                            ________________ ______________________

                            (ստորագրություն)    (անուն, ազգանուն)

 

«__»__________ 20_ _թ.

 

Ոչնչացված կնիքի (դրոշմակնիքի) արտատպումը

 

Ձև 4

 

ԿՆԻՔՆԵՐԻ ՀԱՇՎԱՌՄԱՆ ՄԱՏՅԱՆ

 

._________________________________________________________________________.

|Հ|Կնիքի|ՀՀ ԴԴ   |Կնիքի |Կնիքը     |Կնիքը     |Նշումներ`|Նշումներ`|Նշում- |

| |անվա-|կնիքի   |արտա- |ստացողի   |վերադարձ- |կնիքի    |կնիքի    |ներ`   |

| |նումը|ստացման |տպումը|անունը,   |նողի      |օգտագործ-|կորստի   |կնիքի  |

| |     |ամսաթիվը|      |ազգանունը,|անունը,   |ման համար|մասին    |ոչնչաց-|

| |     |        |      |պաշտոնը,  |ազգանունը,|ոչ պիտանի|         |ման    |

| |     |        |      |ստորագրու-|պաշտոնը,  |դառնալու |         |մասին  |

| |     |        |      |թյունը,   |ստորագրու-|մասին    |         |       |

| |     |        |      |ստացման   |թյունը,   |         |         |       |

| |     |        |      |ամսաթիվը  |ամսաթիվը  |         |         |       |

|_|_____|________|______|__________|__________|_________|_________|_______|

|1|  2  |    3   |  4   |    5     |    6     |    7    |    8    |   9   |

|_|_____|________|______|__________|__________|_________|_________|_______|

| |     |        |      |          |          |         |         |       |

|_|_____|________|______|__________|__________|_________|_________|_______|

| |     |        |      |          |          |         |         |       |

._________________________________________________________________________.

 

Ձև 5

 

ԴՐՈՇՄԱԿՆԻՔՆԵՐԻ ՀԱՇՎԱՌՄԱՆ ՄԱՏՅԱՆ

 

._________________________________________________________________________.

|Հ|Դրոշմա|ՀՀ ԴԴ   |Դրոշմա|Դրոշմա-   |Դրոշմա-   |Նշումներ`|Նշումներ`|Նշում-|

| |կնիքի |դրոշմա- |կնիքի |կնիքը     |կնիքը     |դրոշմա-  |դրոշմա-  |ներ`  |

| |անվա- |կնիքի   |արտա- |ստացողի   |վերադարձ- |կնիքի    |կնիքի    |դրոշմա|

| |նումը |ստացման |տպումը|անունը,   |նողի      |օգտագործ-|կորստի   |կնիքի |

| |և     |ամսաթիվը|      |ազգանունը,|անունը,   |ման համար|մասին    |ոչնչաց|

| |համարը|        |      |պաշտոնը,  |ազգանունը,|ոչ պիտանի|         |ման   |

| |      |        |      |ստորագրու-|պաշտոնը,  |դառնալու |         |մասին |

| |      |        |      |թյունը,   |ստորագրու-|մասին    |         |      |

| |      |        |      |ստացման   |թյունը,   |         |         |      |

| |      |        |      |ամսաթիվը  |ամսաթիվը  |         |         |      |

|_|______|________|______|__________|__________|_________|_________|______|

|1|  2   |    3   |   4  |     5    |     6    |    7    |     8   |   9  |

|_|______|________|______|__________|__________|_________|_________|______|

| |      |        |      |          |          |         |         |      |

|_|______|________|______|__________|__________|_________|_________|______|

| |      |        |      |          |          |         |         |      |

._________________________________________________________________________.

 

 

pin
Բարձրագույն դատական խորհուրդ
04.06.2018
N ԲԴԽ-13-Ո-22
Որոշում