041.0643.080618
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
8 հունիսի 2018 թվականի N 643-Ա
ԱՐԱՐԱՏ ՄԻՐԶՈՅԱՆԻՆ ԵՎ ՎԱՀԱՆ ԿՈՍՏԱՆՅԱՆԻՆ ԻՏԱԼԻԱՅԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ
i
Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի`
1. Առաջին փոխվարչապետ Արարատ Միրզոյանին և առաջին փոխվարչապետի գրասենյակի ղեկավար Վահան Կոստանյանին 2018 թվականի հունիսի 11-14-ը աշխատանքային այցով գործուղել Իտալիայի Հանրապետություն (Հռոմ)` ներդրումներ ներգրավելու ուղղությամբ հանդիպումներ ունենալու նպատակով:
2. Արարատ Միրզոյանի և Վահան Կոստանյանի` Իտալիայի Հանրապետություն (Հռոմ) գործուղման հետ կապված օրապահիկը կատարել Հայաստանի Հանրապետության վարչապետի աշխատակազմի պահպանման ծախսերում գործուղումների համար նախատեսված միջոցների հաշվին:
3. Ընդունել ի գիտություն, որ Արարատ Միրզոյանի և Վահան Կոստանյանի` Իտալիայի Հանրապետություն գործուղման հետ կապված ճանապարհածախսը և գիշերավարձը կատարվելու են հրավիրող կողմի հաշվին:
4. Առաջին փոխվարչապետին` գործուղումից վերադառնալուց հետո եռօրյա ժամկետում վարչապետի աշխատակազմ ներկայացնել Իտալիայի Հանրապետություն գործուղման արդյունքների մասին հաշվետվություն:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2018 ԹՎԱԿԱՆԻ ՀՈՒՆԻՍԻ 8-ԻՆ