040.0109.130300
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«13» մարտի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
13 մարտի 2000 թվականի N 109
ԵՐԵՎԱՆԻ ՄԱՐԶԱՀԱՄԵՐԳԱՅԻՆ ՀԱՄԱԼԻՐԻ ՔԱՐԵ ԵՎ ՇԱՐԺԱԿԱՆ ԱՍՏԻՃԱՆԱՎԱՆԴԱԿՆԵՐԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ, ԵՐԻՏԱՍԱՐԴՈՒԹՅԱՆ ՀԱՐՑԵՐԻ ԵՎ ՍՊՈՐՏԻ ՆԱԽԱՐԱՐՈՒԹՅԱՆ ԵՐԵՎԱՆԻ Կ. ԴԵՄԻՐՃՅԱՆԻ ԱՆՎԱՆ ՄԱՐԶԱՀԱՄԵՐԳԱՅԻՆ ՀԱՄԱԼԻՐԻ ՏՆՕՐԻՆՈՒԹՅԱՆԸ ՀԱՆՁՆԵԼՈՒ ՄԱՍԻՆ
Երևանի մարզահամերգային համալիրի քարե և շարժական աստիճանավանդակների շահագործումն ու պահպանումն ապահովելու նպատակով Հայաստանի Հանրապետության կառավարությունը որոշում է.
1. Երևանի մարզահամերգային համալիրի Երևանի քաղաքապետարանի տնօրինության տակ գտնվող քարե և շարժական աստիճանավանդակները հանձնել Հայաստանի Հանրապետության մշակույթի, երիտասարդության հարցերի և սպորտի նախարարության Երևանի Կ. Դեմիրճյանի անվան մարզահամերգային համալիրի տնօրինությանը:
2. Երևանի քաղաքապետին Հայաստանի Հանրապետության մշակույթի, երիտասարդության հարցերի և սպորտի նախարարության Երևանի Կ. Դեմիրճյանի անվան մարզահամերգային համալիրի հետ համատեղ մեկամսյա ժամկետում ավարտել նշված աստիճանավանդակների սահմանված կարգով հանձնման-ընդունման աշխատանքները և գույքային իրավունքների պետական գրանցումը:
3. Սույն որոշումն ուժի մեջ է մտնում 2000 թվականի մարտի 13-ից: