Սեղմել Esc փակելու համար:
ԳՈՒՅՔԸ ՎԱՐՁԱԿԱԼՈՒԹՅԱՆ ՀԱՆՁՆԵԼՈՒ ԹՈՒՅԼ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԳՈՒՅՔԸ ՎԱՐՁԱԿԱԼՈՒԹՅԱՆ ՀԱՆՁՆԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

 

 

040.0962.040918

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

30 օգոստոսի 2018 թվականի N 962-Ա

 

ԳՈՒՅՔԸ ՎԱՐՁԱԿԱԼՈՒԹՅԱՆ ՀԱՆՁՆԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

 

i

Հիմք ընդունելով «Հիմնադրամների մասին» Հայաստանի Հանրապետության օրենքի 8-րդ հոդվածը և Հայաստանի Հանրապետության կառավարության 2014 թվականի նոյեմբերի 13-ի N 1290-Ն որոշման N 1 հավելվածի 18-րդ կետի 7-րդ ենթակետը` Հայաստանի Հանրապետության կառավարությունը որոշում է.

1. Թույլատրել «Հայաստանի ազգային պոլիտեխնիկական համալսարան» հիմնադրամին (այսուհետ` հիմնադրամ)` վերջինիս անհատույց օգտագործման իրավունքով տրամադրված, սակայն չօգտագործվող` Երևան քաղաքի Տերյան 105 հասցեում գտնվող պետական սեփականություն հանդիսացող տարածքները (այսուհետ` Տարածքներ) Հայաստանի Հանրապետության կառավարության 2014 թվականի նոյեմբերի 13-ի N 1290-Ն որոշմամբ հաստատված հիմնադրամի կանոնադրության 17-րդ կետի 10-րդ ենթակետով սահմանված նպատակի շրջանակներում մինչև 10 տարի ժամկետով հանձնել վարձակալության:

2. Հայաստանի Հանրապետության տնտեսական զարգացման և ներդրումների նախարարության պետական գույքի կառավարման կոմիտեի նախագահին` սույն որոշումն ուժի մեջ մտնելուց հետո մեկամսյա ժամկետում, հիմնադրամի հետ կնքել պետական սեփականություն հանդիսացող` Երևան քաղաքի Տերյան 105 հասցեում գտնվող անշարժ գույքի անհատույց օգտագործման պայմանագրում սույն որոշման 1-ին կետի պահանջների կատարման համար անհրաժեշտ փոփոխություն կատարելու մասին համաձայնագիր (այսուհետ` Համաձայնագիր)` դրանում նախատեսելով, որ`

1) հիմնադրամի կողմից սույն որոշման 1-ին կետում նշված նպատակի շրջանակներում Տարածքները վարձակալության հանձնելիս, որպես Տարածքների վարձակալական պայմանագրի (այսուհետ` Պայմանագիր) հավելված, հաստատվում է նաև վարձակալի ներդրումային ծրագիրը (այսուհետ` Ծրագիր).

2) Պայմանագրով ամրագրվում է, որ`

ա) Ծրագրի իրականացման վերաբերյալ վարձակալը եռամսյակային հաշվետվություններ է ներկայացնում հիմնադրամ, իսկ հիմնադրամը դրանք ստանալուց հետո 5-օրյա ժամկետում ներկայացնում է Հայաստանի Հանրապետության տնտեսական զարգացման և ներդրումների նախարարության պետական գույքի կառավարման կոմիտե` Տարածքների նպատակային օգտագործման հսկողություն իրականացնելու համար,

բ) վարձակալի կողմից Հայաստանի Հանրապետության կառավարության 2014 թվականի նոյեմբերի 13-ի N 1290-Ն որոշմամբ հաստատված հիմնադրամի կանոնադրության 17-րդ կետի 10-րդ ենթակետով սահմանված նպատակներից շեղումը հիմք է հանդիսանում Պայմանագիրը լուծելու համար:

3. Սահմանել, որ`

1) Համաձայնագրի նոտարական վավերացման և Համաձայնագրից ծագող գույքային իրավունքների պետական գրանցման ծախսերը ենթակա են իրականացման հիմնադրամի միջոցների հաշվին (համաձայնությամբ).

2) Պայմանագրի նոտարական վավերացման և Պայմանագրից ծագող գույքային իրավունքների պետական գրանցման ծախսերը ենթակա են իրականացման վարձակալի միջոցների հաշվին (համաձայնությամբ):

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2018 ԹՎԱԿԱՆԻ ՍԵՊՏԵՄԲԵՐԻ 4-ԻՆ

 

 

pin
ՀՀ կառավարություն
30.08.2018
N 962-Ա
Որոշում