Պ. ՍԱՖԱՐՅԱՆԻ, Ռ. ԴՈՒՐՅԱՆԻ ԵՎ Ա. ԿԻՐԱԿՈՍՅԱՆԻ ՎԱՇԻՆԳՏՈՆ ԳՈՐԾՈՒՂՄԱՆ ՄԱՍԻՆ

041.0150.300300

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

30 մարտի 2000 թվականի N 150

Պ. ՍԱՖԱՐՅԱՆԻ, Ռ. ԴՈՒՐՅԱՆԻ ԵՎ Ա. ԿԻՐԱԿՈՍՅԱՆԻ ՎԱՇԻՆԳՏՈՆ ԳՈՐԾՈՒՂՄԱՆ ՄԱՍԻՆ

1. Հայաստանի Հանրապետության ֆինանսների նախարարի տեղակալ Պ. Սաֆարյանին, Հայաստանի Հանրապետության կառավարության աշխատակազմի վարկային ծրագրերի իրականացման գրասենյակների աշխատանքների համակարգման և վերահսկման վարչության պետ Ռ. Դուրյանին ու Հայաստանի սոցիալական ներդրումների հիմնադրամի գործադիր տնօրեն Ա. Կիրակոսյանին 2000 թվականի ապրիլի 2-9-ը գործուղել Վաշինգտոն` Հայաստանի սոցիալական ներդրումների հիմնադրամի 2-րդ վարկի տրամադրման վերաբերյալ Համաշխարհային բանկի հետ բանակցություններ վարելու համար:

2. Պ. Սաֆարյանի, Ռ. Դուրյանի և Ա. Կիրակոսյանի գործուղման հետ կապված ծախսերը կատարել համապատասխանաբար` Հայաստանի Հանրապետության 2000 թվականի պետական բյուջեով արտասահմանյան պաշտոնեական գործուղումների համար նախատեսված միջոցների, Հայաստանի Հանրապետության կառավարության աշխատակազմի պահպանման ծախսերում գործուղման համար նախատեսված միջոցների և Հայաստանի սոցիալական ներդրումների հիմնադրամի միջոցների հաշվին:

3. Հայաստանի Հանրապետության արտաքին գործերի նախարարությանը, Հայաստանի Հանրապետության տրանսպորտի և կապի նախարարությանը` լուծել Պ. Սաֆարյանի, Ռ. Դուրյանի և Ա. Կիրակոսյանի Վաշինգտոն մեկնելու հետ կապված հարցերը: