040.1046.011018
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
20 սեպտեմբերի 2018 թվականի N 1046-Ա
ՏԱՐԱԾՔ ՀԵՏ ՎԵՐՑՆԵԼՈՒ ԵՎ ԱՄՐԱՑՆԵԼՈՒ ՄԱՍԻՆ
Հիմք ընդունելով «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ և 7-րդ մասերը` Հայաստանի Հանրապետության կառավարությունը որոշում է.
1. «Հայաստանի Հանրապետության Արմավիրի մարզպետարանի աշխատակազմ» պետական կառավարչական հիմնարկին ամրացված` Հայաստանի Հանրապետության Արմավիրի մարզի Բաղրամյան համայնքում գտնվող նախկին շրջկոմի վարչական շենքի (անշարժ գույքի սեփականության վկայականի համար` 2800202, տրված` 22 դեկտեմբերի 2010 թվական, կադաստրային համար` 0027-0001-0001) 1-ին հարկից 988423 դրամ հաշվեկշռային արժեքով 49,88 քառ. մետր ընդհանուր մակերեսով տարածքը (այսուհետ` տարածք) հետ վերցնել և ամրացնել Հայաստանի Հանրապետության պաշտպանության նախարարությանը:
(1-ին կետը փոփ. 03.12.2020 թիվ 1928-Ն որոշում)
2. Հայաստանի Հանրապետության Արմավիրի մարզպետին և Հայաստանի Հանրապետության պաշտպանության նախարարին` սույն որոշումն ուժի մեջ մտնելուց հետո մինչև 2020 թվականի դեկտեմբերի 28-ը ապահովել սույն որոշման 1-ին կետով նախատեսված տարածքի հանձնման-ընդունման աշխատանքների կատարումը:
(2-րդ կետը փոփ. 03.12.2020 թիվ 1928-Ն որոշում)
3. Սահմանել, որ սույն որոշման 1-ին կետով նախատեսված տարածքի պետական գրանցման (հաշվառման) ծախսերն իրականացվելու են Հայաստանի Հանրապետության պաշտպանության նախարարության միջոցների հաշվին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2018 ԹՎԱԿԱՆԻ ՀՈԿՏԵՄԲԵՐԻ 1-ԻՆ