Սեղմել Esc փակելու համար:
ՀԱՆՐԱՅԻՆ ԽՈՐՀՐԴԻ 15 ՄՇՏԱԿԱՆ ՀԱՆՁՆԱԺՈՂ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀԱՆՐԱՅԻՆ ԽՈՐՀՐԴԻ 15 ՄՇՏԱԿԱՆ ՀԱՆՁՆԱԺՈՂՈՎՆԵՐԻ ԻՐԱՎԱՍՈՒԹՅԱՆԸ ՎԵՐԱՊԱՀՎԱԾ ՈԼՈՐՏՆԵՐԻ Ց ...

 

 

041.1280.011018

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

 

1 հոկտեմբերի 2018 թվականի N 1280-Ն

 

ՀԱՆՐԱՅԻՆ ԽՈՐՀՐԴԻ 15 ՄՇՏԱԿԱՆ ՀԱՆՁՆԱԺՈՂՈՎՆԵՐԻ ԻՐԱՎԱՍՈՒԹՅԱՆԸ ՎԵՐԱՊԱՀՎԱԾ ՈԼՈՐՏՆԵՐԻ ՑԱՆԿԸ ՍԱՀՄԱՆԵԼՈՒ ՄԱՍԻՆ

 

Հիմք ընդունելով «Հանրային խորհրդի մասին» Հայաստանի Հանրապետության օրենքի 12-րդ հոդվածի 4-րդ մասը`

1. Սահմանել Հանրային խորհրդի 15 մշտական հանձնաժողովների իրավասությանը վերապահված ոլորտների ցանկը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2018 ԹՎԱԿԱՆԻ ՀՈԿՏԵՄԲԵՐԻ 1-ԻՆ

 

Հավելված

ՀՀ վարչապետի

2018 թ. հոկտեմբերի 1-ի

N 1280-Ն որոշման

 

ՑԱՆԿ

ՀԱՆՐԱՅԻՆ ԽՈՐՀՐԴԻ 15 ՄՇՏԱԿԱՆ ՀԱՆՁՆԱԺՈՂՈՎՆԵՐԻ ԻՐԱՎԱՍՈՒԹՅԱՆԸ ՎԵՐԱՊԱՀՎԱԾ ՈԼՈՐՏՆԵՐԻ

 

1. Հանրային խորհրդին կից ձևավորվող և գործող և մշտական հանձնաժողովների գործունեության ոլորտներն են`

1) գիտության, կրթության հարցերի հանձնաժողով` գիտություն, կրթություն, հրատարակչական գործ.

2) պետաիրավական հարցերի հանձնաժողով` սահմանադրական փոփոխություններ, ընտրական համակարգ, հանրային ծառայություն, դատարանակազմություն, արդարադատություն, դատախազություն, քաղաքացիական, քրեական, վարչական օրենսդրություն.

3) քաղաքացիական հասարակության զարգացման հարցերի հանձնաժողով` մարդու և քաղաքացու իրավունքներ ու ազատություններ, կուսակցություններ և այլ հասարակական միավորումներ, մամուլ, ռադիո, հեռուստատեսություն, այլ զանգվածային լրատվության միջոցներ.

4) ֆինանսատնտեսական-բյուջետային հարցերի հանձնաժողով` հարկեր, տուրքեր, վճարներ, արդյունաբերություն, քաղաքաշինություն, էներգետիկա, պետական գույքի կառավարում, բյուջետային օրենսդրություն, փոփոխություններ, վարկեր, դրամ, դրամաշրջանառություն, բանկային համակարգ, ֆինանսավարկային կազմակերպություններ.

5) գյուղատնտեսական հարցերի հանձնաժողով` գյուղատնտեսություն, անասնաբուծություն, սննդամթերքի անվտանգություն.

6) բնապահպանական հարցերի հանձնաժողով` բնական պաշարներ, բնապահպանություն.

7) առողջապահության հանձնաժողով` առողջապահություն, մայրություն, մանկություն, ծնելիություն, սննդի անվտանգություն.

8) տարածքային կառավարման և տեղական ինքնակառավարման հարցերի հանձնաժողով` տարածքային կառավարում, տեղական ինքնակառավարում, տարածքային զարգացում, համայնքային ծառայություն, տեղական հարկեր, տուրքեր և վճարներ.

9) պաշտպանության, ազգային անվտանգության և ներքին գործերի հարցերի հանձնաժողով` պաշտպանություն, անվտանգություն, արտակարգ իրավիճակներ, ոստիկանություն, ռազմարդյունաբերական համալիր, ռազմական ուսումնական հաստատություններ, զինվորական և ոստիկանական ծառայություններ.

10) ձեռնարկատիրական գործունեության և սպառողների հարցերի հանձնաժողով` ձեռնարկատիրական գործունեություն, առևտուր և ծառայություններ, սպառողների իրավունքներ.

11) մշակույթի, երիտասարդության և սպորտի հարցերի հանձնաժողով` մշակույթ, երիտասարդություն, սպորտ.

12) ժողովրդագրական և գենդերային հարցերի հանձնաժողով.

13) կրոնի, սփյուռքի և միջազգային ինտեգրման հանձնաժողով` կրոնական կազմակերպություններ, սփյուռքի կազմակերպություններ և խնդիրներ, միջազգային կազմակերպությունների հետ աշխատանքների ներդաշնակեցում.

14) սոցիալական հարցերի հանձնաժողով` զոհված ազատամարտիկների ընտանիքներ, սոցիալական ապահովություն, հաշմանդամության հիմնահարցեր, աշխատանք, զբաղվածություն, բնակարանային պայմաններ, վետերանների խնդիրներ.

15) տրանսպորտի, կապի և տեղեկատվական տեխնոլոգիաների հանձնաժողով` տրանսպորտ, հաղորդակցություն, տեղեկատվական տեխնոլոգիաներ:

(1-ին կետը փոփ. 21.01.2019 թիվ 54-Ն որոշում)

 

 

pin
ՀՀ Վարչապետ
01.10.2018
N 1280-Ն
Որոշում