Սեղմել Esc փակելու համար:
«ԵՐԵՎԱՆԻ ՄԵՏՐՈՊՈԼԻՏԵՆ» ՀՆՊՁ «ՄԵՏՐՈՊՈԼ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Գրանցման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

«ԵՐԵՎԱՆԻ ՄԵՏՐՈՊՈԼԻՏԵՆ» ՀՆՊՁ «ՄԵՏՐՈՊՈԼԻՏԵՆԻ ԹՈՒՆԵԼ ԵՎ ՎԵՐԳԵՏՆՅԱ ՏԵՂԱՄԱՍ ՄՏՆԵԼՈՒ Վ ...

 

(ուժը կորցրել է 26.11.12 թիվ 655-Ն հրաման)

116.0002.080698

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՏՐԱՆՍՊՈՐՏԻ ՆԱԽԱՐԱՐՈՒԹՅՈՒՆ
ՀՐԱՄԱՆ

 

2 ապրիլի 1998 թվականի թիվ 116-0002

 

«ԵՐԵՎԱՆԻ ՄԵՏՐՈՊՈԼԻՏԵՆ» ՀՆՊՁ «ՄԵՏՐՈՊՈԼԻՏԵՆԻ ԹՈՒՆԵԼ ԵՎ ՎԵՐԳԵՏՆՅԱ ՏԵՂԱՄԱՍ ՄՏՆԵԼՈՒ ՎԵՐԱԲԵՐՅԱԼ» ԿԱՆՈՆՆԵՐԸ ՀԱՍՏԱՏԵԼՈՒ ՄԱՍԻՆ

 

Հաշվի առնելով, որ «Երևանի մետրոպոլիտեն» ՀՆՊՁ «Մետրոպոլիտենի թունել և վերգետնյա տեղամաս մտնելու վերաբերյալ» կանոնները բխում են ՀՀ տրանսպորտի նախարարության և «Երևանի մետրոպոլիտեն» ՀՆՊՁ կանոնադրություններից

 

ՀՐԱՄԱՅՈՒՄ ԵՄ

 

ա) Հաստատել «Երևանի մետրոպոլիտեն» ՀՆՊՁ «Մետրոպոլիտենի թունել և վերգետնյա տեղամաս մտնելու վերաբերյալ» կանոնները:

բ) Պետական գրանցման համար ներկայացնել ՀՀ արդարադատության նախարարություն:

 

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՏՐԱՆՍՊՈՐՏԻ ՆԱԽԱՐԱՐՈՒԹՅՈՒՆ ԵՐԵՎԱՆԻ ՄԵՏՐՈՊՈԼԻՏԵՆ

 

ԿԱՆՈՆՆԵՐ ՄԵՏՐՈՊՈԼԻՏԵՆԻ ԹՈՒՆԵԼՆԵՐ ԵՎ ՎԵՐԳԵՏՆՅԱ ՏԵՂԱՄԱՍԵՐ ՄՏՆԵԼՈՒ

 

1. ԸՆԴՀԱՆՈՒՐ ԴՐՈՒՅԹՆԵՐ

 

1.1. Սույն կանոնները սահմանում են անվտանգության տեխնիկայի ապահովման և մետրոպոլիտենի թունելներ ու վերգետնյա տեղամասեր մտնելու կարգի պահպանման պահանջները էլեկտրագնացքների երթևեկության ժամանակ, հպակային ռելսում լարման առկայության և գիշերային ժամերին` դրա բացակայության դեպքերում:

1.2. Էլեկտրագնացքների երթևեկության ժամանակ և հպակային ռելսում լարման առկայության դեպքում, թունելներում և վերգետնյա տեղամասերում մարդկանց գտնվելը արգելվում է, բացառությամբ սույն կանոնների 2-րդ բաժնում շարադրված դեպքերի:

1.3. Սույն կանոնների պահանջները պարտադիր են մետրոպոլիտենի և այլ կազմակերպությունների բոլոր այն աշխատողների համար, որոնք գտնվում են գործող թունելներում և վերգետնյա տեղամասերում` աշխատանքներ և այլ հանձնարարություններ կատարելու նպատակով:

1.4. Կանոնները լրիվ ծավալով պետք է ուսումնասիրվեն սահմանված կարգով տրված, անցագրեր ունեցող աշխատողների կողմից: Սույն կանոնների իմացության ստուգումն անց է կացվում մետրոպոլիտենի տնօրենի հրամանով նշանակված հանձնաժողովների կողմից, որոնք ստուգում են մետրոպոլիտենի տեխնիկական շահագործման կանոնների, ազդանշանման հրահանգի, գնացքների երթևեկության և մանևրային աշխատանքի հրահանգի, աշխատանքի պաշտպանության հրահանգների և կանոնների իմացությունը:

1.5. Մետրոպոլիտենում թունել մտնելու ավտոմատ հսկողության սարքավորումների և հեռուստատեսության կիրառմամբ կայարանների առկայության դեպքում, սույն կանոնները լրացվում են համապատասխան հրահանգով:

1.6. Մետրոպոլիտենի հավաքակայանային և դեպոյի գծերի տարածքներ մտնելու (դուրս գալու) կարգը սահմանվում է շարժակազմի ծառայության պետի կողմից կազմված հրահանգով, որը համաձայնեցվում է շահագրգիռ ծառայությունների պետերի և արհմիության համապատասխան վերադաս կազմակերպության հետ:

1.7. Կանոնները խախտող աշխատողները օրենսդրությամբ սահմանված կարգով ենթարկվում են պատասխանատվության:

 

2. ՄԵՏՐՈՊՈԼԻՏԵՆԻ ԹՈՒՆԵԼՆԵՐ ԵՎ ՎԵՐԳԵՏՆՅԱ ՏԵՂԱՄԱՍԵՐ ՄՏՆԵԼՈՒ ԿԱՐԳԸ ԷԼԵԿՏՐԱԳՆԱՑՔՆԵՐԻ ԵՐԹԵՎԵԿՈՒԹՅԱՆ ԺԱՄԱՆԱԿ ԿԱՄ ՀՊԱԿԱՅԻՆ ՌԵԼՍՈՒՄ ԼԱՐՄԱՆ ԱՌԿԱՅՈՒԹՅԱՆ ԴԵՊՔՈՒՄ

 

2.1. Էլեկտրագնացքների երթևեկության ժամանակ և հպակային ռելսում լարման առկայության դեպքում մետրոպոլիտենի թունելներ և վերգետնյա տեղամասեր մտնել թույլատրվում է մետրոպոլիտենի, մետրոպոլիտենի պահպանության ՆԳ բաժնի, ռազմականացված հրշեջ պահպանության բաժնի աշխատողներին` հետևյալ աշխատանքները կատարելու համար.

2.1.1. Գնացքների երթևեկության անվտանգությանը սպառնացող կամ մետրոպոլիտենի կանոնավոր աշխատանքի խախտում առաջացնող անսարքությունների վերացման ուղղությամբ` երթևեկության ցանկացած չափերի դեպքում (հավելված 1):

2.1.2. Տեխնոլոգիական պրոցեսներով նախատեսված` ժամում 30 և ավելի պակաս զույգ գնացքների երթևեկության չափերի և» Թունելը լարման տակ է» դրոշմով անցագրի և կարգագրի առկայության դեպքում (հավելված 2):

Թունելներ և վերգետնյա տեղամասեր մտնելու իրավունքի կարգագիր տալու իրավասություն ունեն մետրոպոլիտենի, ծառայությունների, ուղեմասերի, էլեկտրադեպոյի ղեկավարները, ինչպես նաև այդ ղեկավարների հրամաններով նշանակված անձինք: Կարգագիրը կազմվում է մեկ օրինակից և ուժի մեջ է տրման պահից 7 օրվա ընթացքում:

Օբյեկտների ցուցակը, որտեղ թույլատրվում է մուտք գործել տեխնոլոգիական պրոցեսներով նախատեսված աշխատանքներ կատարելու համար, սահմանված ձևին (հավելված 3) համապատասխան, կազմվում է ծառայությունների պետերի կողմից և հաստատվում մետրոպոլիտենի տնօրենի կողմից:

2.2. Էլեկտրագնացքների երթևեկության ժամանակ աշխատողների գտնվելը շինությունների մոտեցման սահմանափակ գաբարիտի թունելներում և սարքավորումների ու մոտակա ընթացային ռելսի միջև ընկած ոչ գաբարիտային տեղերում, արգելվում է:

Շինությունների մոտեցման սահմանափակ գաբարիտի թունելներով կայարանամեջերի (երկու կայարանների միջև ընկած տարածքներ) ցուցակը կազմվում է համապատասխան ձևով (հավելված 4), թունելային կառույցների (գծի և թունելային կառույցների) ծառայության պետի կողմից` հաշվի առնելով տեղային առանձնահատկությունները:

2.3. Սույն կանոնների հավելված 1-ով նախատեսված դեպքերում.

2.3.1. Մետրոպոլիտենի աշխատողների մուտքը թունելներ և վերգետնյա տեղամասեր կատարվում է անցագրերով, առանց կարգագրերի և անկախ երթևեկության չափերից:

2.3.2. Տրանսպորտի նախարարության վթարային և փրկարարական ծառայությունների և քաղաքային կազմակերպությունների (հրշեջ պահպանության, լեռնափրկարար ջոկատների, ոստիկանության, գազի, ջրմուղ-կոյուղու և այլն) աշխատողների մուտքը թունելներ, էլեկտրաենթակայաններ և փորվածքներ, ինչպես նաև վերգետնյա տեղամասեր, էլեկտրագնացքների երթևեկության ժամանակ կամ հպակային ռելսում լարման առկայության դեպքում, իրականացվում է կայարանի հերթապահի կողմից, առանց անցագրերի, գնացքի կարգավարի ցուցումով: Վերոհիշյալ աշխատողների մուտքը իրականացվում է մետրոպոլիտենի համապատասխան ծառայության աշխատակցի ուղեկցությամբ, որն էլ. գնացքների երթևեկության ժամանակ կամ հպակային ռելսում լարման առկայության դեպքում, թունելներ և վերգետնյա տեղամասեր մտնելու իրավունք տվող, դրոշմով մշտական անցագիր ունի և որը պետք է վերահսկի ուղեկցվող անձանց կողմից սույն կանոնների և աշխատանքի պաշտպանության հրահանգների պահանջների կատարումը:

2.4. Մետրոպոլիտենի աշխատողների անցումը թունելներով և վերգետնյա տեղամասերով, այնտեղ գտնվելը աշխատանքներ և այլ հանձնարարություններ կատարելու համար էլեկտրագնացքների երթևեկության ժամանակ, թույլատրվում է տեխնիկական շահագործման կանոններին համապատասխան, գնացքը հատուկ զգոնությամբ և անհրաժեշտության դեպքում անհապաղ կանգնելու պատրաստականությամբ վարելու մասին յուրաքանչյուր էլեկտրագնացքի մեքենավարին, բանավոր կամ գրավոր, պարտադիր նախազգուշացնելու դեպքում:

Աշխատողների միաժամանակյա մուտքը թունելներ և վերգետնյա տեղամասեր էլ. գնացքների երթևեկության ժամանակ կամ հպակային ռելսում լարման առկայության դեպքում, թույլատրվում է 2-5 հոգուց բաղկացած խմբերով, ընդ որում խմբերի միջև միջակայքը պետք է գնացքների միջև եղած միջակայքից փոքր չլինի:

Որպես բացառություն, թույլատրվում է միայնակ մտնել թունել և վերգետնյա տեղամաս. կայարանի հերթապահին` հպակային ռելսում լարման առկայության դեպքում, գնացքների երթևեկության ընդհատումից հետո կանգառի ազդանշան տեղադրելու համար; էլ. գնացքի մեքենավարին, մեքենավար-հրահանգչին` շարժակազմը գիշերային կանգառումից ընդունելու կամ թունելից և վերգետնյա տեղամասից դուրս բերելու համար:

Այնպիսի աշխատանքների կատարումը, ինչպիսին են սլաքների ձեռքով փոխադրումը, սլաքների փակոցով փակումը, որոնց դեպքում պահանջվում է կայարանի հերթապահներից մեկի, կենտրոնացման կետի օպերատորի, ԱԿԲ-ի (ավտոմատացում, կենտրոնացում, բլոկավորում) էլեկտրամեխանիկի, գծային վարպետի գիծ դուրս գալը, թույլատրվում է միայն այդ սլաքները պաշտպանակող լուսացույցների փակումից հետո:

2.5. Թունելներ և վերգետնյա տեղամասեր ուղևորվելիս, մետրոպոլիտենի և այլ կազմակերպությունների աշխատողները կայարանի հերթապահին պետք է ներկայացնեն սահմանված կարգով տրված անցագիր, իսկ սույն կանոնների 2.1.2. կետով նախատեսված դեպքերում` նաև կարգագիր (տես հավելված 2) և հայտնեն օբյեկտ մտնելու պատճառը, որի մասին կայարանի հերթապահը զեկուցում է գնացքի կարգավարին:

2.6. Կայարանի հերթապահը, գնացքի կարգավարական կապի միջոցով տեղեկացնելով գնացքի կարգավարին տեխնոլոգիական պրոցեսի համաձայն աշխատանքներ կատարելու նպատակով աշխատողների թունել և վերգետնյա տեղամաս նախատեսվող մուտքի մասին, իսկ արտակարգ դեպքերում (տես հավելված 1), ստանալով նրանից աշխատողների թունել կամ վերգետնյա տեղամաս մուտք գործելու ցուցում.

2.6.1. Միացնում է կայարանամեջի բանվորական և վթարային լուսավորությունը, անձամբ կամ գնացքի կարգավարի միջոցով հայտնում է հարակից կայարանի հերթապահին համապատասխան լուսավորության միացման անհրաժեշտության մասին:

2.6.2. Նշումներ է կատարում թունել և վերգետնյա տեղամաս մտնելու իրավունքի կարգագրում: Կարգագիրը պահում է իր մոտ:

2.6.3. Գրանցում է կատարում աշխատողների թունել մտնելու հաշվառման գրքում (հավելված 5):

2.6.4. Բացում է ճակատային դուռը` աշխատողներին թունել կամ վերգետնյա տեղամասեր ներս թողնելու համար կամ, գնացքի կարգավարի ցուցումով, կազմակերպում նրանց նստեցումը գնացք:

2.6.5. Արտակարգ դեպքերում (տես հավելված 1), թույլատրում է աշխատողներին թունել մտնել, իր մոտ պահելով անցագրերը` հետագայում դրանք գրանցելու և թունելից դուրս գալու ժամանակ աշխատողներին վերադարձնելու համար:

2.6.6. Ներս է թողնում մետրոպոլիտենի պահպանության ՆԳ բաժնի աշխատողներին ծառայողական վկայականներով` առանց դրանք իր մոտ պահելու:

2.6.7. Հայտնում է գնացքի կարգավարին աշխատողների թունել կամ վերգետնյա տեղամաս մտնելու մասին:

2.6.8. Գնացքի կարգավարի հրամանով նախազգուշացումներ է տալիս մեքենավարին` թունելում կամ վերգետնյա տեղամասում աշխատողների առկայության մասին:

2.7. Կայարանի ճակատային դռնից մինչև 60 մ հեռավորության վրա տեղաբաշխված օբյեկտներ թույլատրվում է անցնել ոտքով:

2.8. Կայարանի ճակատային դռնից 60 մ-ից ավելի հեռավորության վրա տեղաբաշխված օբյեկտներ աշխատողները պետք է տեղափոխվեն և դուրս բերվեն էլ. գնացքներով: Ընդ որում, գնացքից թունել աշխատողների իջեցումը և գնացք նստեցումը պետք է կատարվի գլխամասային վագոնի մեքենավարի խցիկի դռնից, հոսանքազատման տեղերում կամ հպակային ռելսի հակառակ կողմում, իսկ բանկետի, որմնախորշի, կամրջակի կամ այլ հարմար և անվտանգ տեղի առկայության դեպքում` առաջին վագոնի ուղևորատար սրահի երկրորդ կամ երրորդ ապաբլոկավորված դռնից:

Աշխատողների նստեցումից կամ իջեցումից հետո խմբի ավագը, համոզվելով, որ նրանք հեռացած են անվտանգ տեղ, մեքենավարին գնացքը շարժման մեջ դնելու ազդանշան է տալիս: Թունելում աշխատողների իջեցման նախատեսված տեղի մասին ծանուցումը գնացքի մեքենավարին հաղորդվում է գնացքի կարգավարի կամ կայարանի հերթապահի կողմից: Արտակարգ դեպքերում, երբ աշխատողները էլ. գնացքով մեկնում են անսարքություններ վերացնելու, խմբի ավագը մեքենավարին ցույց է տալիս իջեցման մոտակա տեղը:

2.9. Թունելներում գտնվող տեխնիկական սպասարկման կետերի աշխատողների մուտքը և ելքը իրականացվում է միայն գնացքով (գլխամասային վագոնում), առանց կարգագրերի` յուրաքանչյուր աշխատողի մոտ սահմանված ձևի անցագրի առկայության դեպքում:

 

3. ԹՈՒՆԵԼՆԵՐԻՑ ԵՎ ՎԵՐԳԵՏՆՅԱ ՏԵՂԱՄԱՍԵՐԻՑ ԴՈՒՐՍ ԳԱԼՈՒ ԿԱՐԳԸ ԷԼԵԿՏՐԱԳՆԱՑՔՆԵՐԻ ԵՐԹԵՎԵԿՈՒԹՅԱՆ ԺԱՄԱՆԱԿ ԿԱՄ ՀՊԱԿԱՅԻՆ ՌԵԼՍՈՒՄ ԼԱՐՄԱՆ ԱՌԿԱՅՈՒԹՅԱՆ ԴԵՊՔՈՒՄ

 

3.1. Թունելից հեռանալու անհրաժեշտության դեպքում աշխատողներից մեկը, խմբի ավագի ցուցումով, պետք է թունելային կապի մոտակա հեռախոսով տեղեկացնի գնացքի կարգավարին` իրենց կայարան տեղափոխելու խնդրանքի մասին: Գնացքի կարգավարը այդ հայտի հիման վրա, կայարանի հերթապահի կամ գնացքի ռադիոկապի միջոցով, ցուցում է տալիս էլ. գնացքի մեքենավարին` աշխատողներին թունելից կամ վերգետնյա տեղամասից դուրս բերելու, իսկ կայարանի հերթապահին` թունելում բանվորական լուսավորությունը միացնելու մասին, եթե այն անջատվել է մերձթունելային կառույցներում տեղաբաշխված օբյեկտներում կատարվող աշխատանքների ժամանակ:

3.2. Թունելից կամ վերգետնյա տեղամասից ամբողջ խմբի դուրս գալուց հետո, խմբի ավագը պարտավոր է իր հետևից փակել ճակատային դուռը (կողպեքով) և ուղեկցել ամբողջ խմբին կայարանի հերթապահի մոտ` ելքի գրանցման և կարգագրի ստացման համար, հայտնելով նրան, թե որ կայարանից են ներս մտել: Ժամկետանց կարգագրերը մնում են կայարանի հերթապահի մոտ: Այդ մասին խմբի ելքի գրանցումը կատարած կայարանի հերթապահը պարտավոր է հայտնել մուտքի կայարանի հերթապահին, որի մասին երկու կայարանների աշխատողների թունել մտնելու հաշվառման գրքերում պետք է համապատասխան նշումներ կատարվեն:

3.3. Մուտքի կայարանի հերթապահը հայտնում է գնացքի կարգավարին թունելից կամ վերգետնյա տեղամասից աշխատողների դուրս գալու մասին:

3.4. Հերթապահությունը հանձնելիս, կայարանի հերթապահը պարտավոր է հաղորդել տեղեկություններ հերթափոխի ընթացքում թունելում կամ վերգետնյա տեղամասում աշխատողների առկայության մասին` թունել մտնելու հաշվառման գրքի գրանցումների հիման վրա:

3.5. Թունել և վերգետնյա տեղամաս մտնելու իրավունքի ժամկետանց կարգագրերը պահվում են կայարանի հերթապահի մոտ, կարգագրի գործողության ավարտի օրվանից մեկ ամսվա ընթացքում, որից հետո ոչնչացվում են կայարանի պետի կողմից:

3.6. Գիշերային կանգառման նպատակով շարժակազմերի տեղաբաշխման ժամանակ կայարանի հերթապահը պարտավոր է միացնել բանվորական և վթարային լուսավորությունը տեղաբաշխման ողջ տեղամասում և դեպի կայարան լոկոմոտիվային բրիգադի վերադարձի ճանապարհին:

 

4. ԹՈՒՆԵԼՆԵՐ ԵՎ ՎԵՐԳԵՏՆՅԱ ՏԵՂԱՄԱՍԵՐ ՄՏՆԵԼՈՒ ԿԱՐԳԸ ԳԻՇԵՐԱՅԻՆ ԺԱՄԵՐԻՆ` ՀՊԱԿԱՅԻՆ ՌԵԼՍՈՒՄ ԼԱՐՄԱՆ ԲԱՑԱԿԱՅՈՒԹՅԱՆ ԴԵՊՔՈՒՄ

 

4.1. Կայարանից դուրս գալու ելքը փակելուց հետո, այդ կայարանում հերթապահող, մետրոպոլիտենի պահպանության ՆԳ բաժնի աշխատողը ստուգում է կայարանում գտնվող բոլոր անձանց անցագրերն ու ծառայողական վկայականները: Այն անձինք, ովքեր չունեն վերոհիշյալ փաստաթղթերը, հեռացվում են կայարանից:

4.2. Հպակային ռելսից լարումը հանելուց հետո թունել և վերգետնյա տեղամաս մտնելու իրավունք ունեն միայն» Թունել» դրոշմով անցագրեր ունեցող աշխատողները` աշխատողների թունել մտնելու հաշվառման գրքում գրանցվելուց հետո:

 

5. ԹՈՒՆԵԼՆԵՐԻՑ ԵՎ ՎԵՐԳԵՏՆՅԱ ՏԵՂԱՄԱՍԵՐԻՑ ԱՇԽԱՏՈՂՆԵՐԻ ԴՈՒՐՍ ԳԱԼՈՒ ԿԱՐԳԸ ԷԼԵԿՏՐԱԳՆԱՑՔՆԵՐԻ ԵՐԹԵՎԵԿՈՒԹՅՈՒՆԸ ՍԿՍՎԵԼՈՒՑ ԱՌԱՋ

 

5.1. Թունելներում և վերգետնյա տեղամասերում գիշերային ժամերին աշխատանքներ կատարող աշխատողները պետք է դուրս գան կայարան, մինչև հպակային ռելսին լարում տալու մասին երկրորդ նախազգուշական ազդանշան տալը: Թունելից աշխատողների ժամանակին դուրս գալու պատասխանատուներ են հանդիսանում աշխատանքի ղեկավարները:

5.2. Եթե աշխատողները չեն հասցրել դուրս գալ կայարան մինչև երկրորդ նախազգուշական ազդանշանը, ապա նրանցից ի պաշտոնե ավագը պետք է այդ մասին հայտնի գնացքի կարգավարին:

Գնացքի կարգավարը կայարանամեջը (որտեղ գտնվում են աշխատողները) սահմանափակող հարակից կայարանների հերթապահներին ցուցում է տալիս բանվորական և վթարային լուսավորությունը միացված թողնելու մասին` մինչև աշխատողների կայարան դուրս գալը:

5.3. Թունելից և վերգետնյա տեղամասից դուրս գալուց հետո, խմբի ղեկավարը կամ այլ կազմակերպության աշխատանքի նկատմամբ տեխնիկական հսկողություն իրականացնող մետրոպոլիտենի աշխատողը, պետք է ներկայանա կայարանի հերթապահի մոտ, աշխատողների թունել մտնելու հաշվառման գրքում թունելից դուրս եկած աշխատողների ազգանունները գրանցելու համար:

5.4. Եթե խումբը կամ առանձին աշխատողը դուրս է եկել ուրիշ կայարանում, ապա պետք է զեկուցի այդ մասին տվյալ կայարանի հերթապահին և տեղյակ պահի այն կայարանի հերթապահին, որտեղից իրականացվել է մուտքը թունել կամ վերգետնյա տեղամաս: Այս դեպքում, կայարանամեջից ուրիշ կայարան կամ թեքահարթակով աշխատողների դուրս գալու մասին տեղեկություն ստանալիս, այդ կայարանների հերթապահները գրանցում են անում ելքի մասին, աշխատողների թունել մտնելու հաշվառման գրքում, նշելով դուրս եկողների ազգանունները:

5.5. Երկրորդ նախազգուշական ազդանշանը տալուց հետո, կայարանի հերթապահը, աշխատողների թունել մտնելու հաշվառման գրքում ստուգելով թունելից և վերգետնյա տեղամասից ելքի գրանցումը, հայտնում է ստուգման արդյունքը գնացքի կարգավարին:

5.6. Թունելից կամ վերգետնյա տեղամասից բոլոր մարդկանց դուրս գալը հաստատող փաստերի բացակայության դեպքում, կայարանի հերթապահը, գնացքի կարգավարի ցուցումով, աշխատանքի և տնտեսական ստորաբաժանումների ղեկավարների հետ համատեղ, միջոցներ է ձեռնարկում դուրս չեկած աշխատողներին որոնելու համար` անհրաժեշտության դեպքում ներգրավելով մետրոպոլիտենի պահպանության ՆԳ բաժնի և մյուս ծառայությունների աշխատողներին: Այս դեպքում թունել և վերգետնյա տեղամաս մտնելը ձևակերպվում է սույն կանոնների 2-րդ բաժնում սահմանված կարգով:

Գնացքի կարգավարը, տեղեկություն ստանալով թունելից կամ վերգետնյա տեղամասից աշխատողի դուրս չգալու մասին, անհապաղ տեղյակ է պահում այն ստորաբաժանման պատասխանատու հերթապահին, որտեղ աշխատում է տվյալ աշխատողը, ցուցում է տալիս կայարանի հերթապահներին բանվորական և վթարային լուսավորությունը միացված թողնելու և, մինչև դուրս չեկած աշխատողների որոնման ավարտը, երկու գծերով ընթացող գնացքներին գրավոր նախազգուշացումներ տալու մասին:

 

6. ԱՇԽԱՏՈՂՆԵՐԻ ԱՆՎՏԱՆԳՈՒԹՅԱՆ ՏԵԽՆԻԿԱՅԻ ԱՊԱՀՈՎՄԱՆ ՄԻՋՈՑԱՌՈՒՄՆԵՐԸ ԹՈՒՆԵԼՆԵՐ ԵՎ ՎԵՐԳԵՏՆՅԱ ՏԵՂԱՄԱՍԵՐ ՄՏՆԵԼԻՍ

 

6.1. Մետրոպոլիտենի աշխատողների թունելներ և վերգետնյա տեղամասեր մտնելը և այնտեղ գտնվելը թույլատրվում է միայն ազդանշանային բաճկոններով և ազդանշանային լապտերների կամ դրոշակների առկայության դեպքում:

6.2. ՀՀ տրանսպորտի նախարարության, մետրոպոլիտենի, ծառայությունների և ուղեմասերի ղեկավարների համար յուրաքանչյուր կայարանում պետք է լինի չորս ազդանշանային բաճկոն և չորս ազդանշանային լապտեր (վերգետնյա կայարաններում` լրացուցիչ 4-ական ազդանշանային կարմիր և դեղին դրոշակներ):

6.3. Աշխատանքներ կատարելու համար թունելներով, ինչպես նաև վերգետնյա տեղամասերով (վատ տեսանելիության դեպքում) աշխատողների անցնելու ժամանակ, հարակից կայարանների հերթապահները պետք է միացնեն թունելների բանվորական և վթարային լուսավորությունը, որը վկայում է թունելում մարդկանց գտնվելու մասին:

6.4. Աշխատողների թունելներ կամ վերգետնյա տեղամասեր մտնելու և այնտեղ աշխատանքներ կատարելու ընթացքում միացված լուսավորության անջատումը իրականացվում է կայարանի հերթապահների կողմից, գնացքի կարգավարի ցուցումով` աշխատանքների ավարտի և բոլոր աշխատողների կայարան դուրս գալու մասին տեղեկության հիման վրա:

6.5. Անվտանգության տեխնիկայի պահանջները, ըստ տեխնոլոգիական պրոցեսի թունելներում և վերգետնյա տեղամասերում կոնկրետ աշխատանքներ կատարելիս կամ սույն կանոնների հ.1 հավելվածով նախատեսված դեպքերում, պետք է շարադրված լինեն մետրոպոլիտենի համակարգի ձեռնարկություններում գործող տեղական հրահանգներում:

 

ՀԱՎԵԼՎԱԾ 1

 

Ց ՈՒ Ց Ա Կ

դեպքերի, որոնց ժամանակ աշխատողներին թույլատրվում է թունելներ

և վերգետնյա տեղամասեր մտնել էլեկտրագնացքների երթևեկության ժամանակ

կամ հպակային ռելսում լարման առկայության դեպքում,

անկախ երթևեկության չափերից

 

1. Կողմնակի անձանց գտնվելը թունելում:

2. Գնացքների երթևեկության անվտանգությանը սպառնացող կողմնակի առարկաների առկայություն գծի վրա:

3. Թունելում կրակի բռնկում, ծխոտվածություն և ջրով հեղեղում:

4. Գծերի, շարժակազմի, կառույցների, ԱԿԲ-ի, կապի, էլեկտրամատակարարման, սանտեխնիկայի և այլ սարքավորումների, տեխնիկական միջոցների անսարքություն, որոնք սպառնում են գնացքների անվտանգ և անխափան երթևեկությանը:

5. Ցուցակով չնախատեսված դեպքերում` գնացքի կարգավարի ցուցումով:

 

ՀԱՎԵԼՎԱԾ 2

Թերթ 1

ԿԱՐԳԱԳԻՐ N

Մետրոպոլիտենի թունելներ և վերգետնյա տեղամասեր մտնելու

իրավունքի` ժամում 30 և ավելի պակաս զույգ գնացքների

երթևեկության չափերի դեպքում

 

ՈՒժի մեջ է» Լարման տակ է» դրոշմով անցագրի առկայության

դեպքում, երկուսից մինչև հինգ հոգու համար

 

Գործողության ժամկետը մինչև 7 օր

Ծառայություն __________________

______________________________

                                          (ուղեմաս)

                                 ______________________________

                                   (կարգագիր տալու ամսաթիվը)

                                 ____________-ից մինչև__________

                                 (աշխատանքի կատարման ժամկետը)

Թույլատրվում է կայարանամեջ մտնել _________________________________

(տեղամասի անվ., ուղեհատվածի N-ը)

____________________________________________________________ համար

(աշխատանքի տեղը, աշխատանքի (զննումների) անվանումը և այլն)

 

__________________________________________________________

N   |Ազգանուն,|Պաշտոնը|Հրահանգա-|Հրահանգա-|Հրահանգա-

ը/կ |անուն,   |       |վորումը  |վորման   |վորումը

|հայրանուն|       |անցկացրեց|ամսաթիվը |ստացա

|         |       |(պաշտոնը,|         |(ստորագր.)

|         |       |ստորագր.)|         |

___________________________________________________________

1.

2.

3.

4.

5.

 

Հատուկ պայմաններ_____________________________________________________

(դիտորդի առանձնացում, աշխատատեղի պաշտպանակում ազդանշաններով

_________________________________________________________________________

            կամ արագության փոքրացում, գնացքների մեքենավարների

_________________________________________________________________________

               բանավոր կամ գրավոր նախազգուշացում և այլն)

 

Աշխատանքի անվտանգության համար պատասխանատու անձինք ___________________

(Ա.Ա.Հ., պաշտոնը)

 

Խմբի ավագը ___________________________________

(Ա.Ա.Հ., պաշտոնը)

Կարգագիրը տվեց _______________________________

(Ա.Ա.Հ., պաշտոնը)

 

Թերթ 2

 

Կայարանի հերթապահի նշումները

______________________________________________________________________

Թունել, վերգետնյա տեղամաս         | Թունելից, վերգետնյա տեղամասից

մտնելը (անհրաժեշտը ընդգծել)       | դուրս գալը (անհրաժեշտը ընդգծել)

____________________________________|_________________________________

N  |Ամսա-|Ժամա-|Քանակը,|Ստորագր.  | Ամսա-|Ժամա-|Քանակը,|Ստորագր.

ը/կ|թիվը |նակը |մարդ   |          | թիվը |նակը |մարդ   |

______________________________________________________________________

1.

2.

3.

4.

5.

 

ՀԱՎԵԼՎԱԾ 3

 

«ՀԱՍՏԱՏՈՒՄ ԵՄ»

ՄԵՏՐՈՊՈԼԻՏԵՆԻ ԳԼԽԱՎՈՐ ՏՆՕՐԵՆ

__________________

                                      «____» ______________ 199 թ.

 

ՑՈՒՑԱԿ

օբյեկտների, որտեղ էլ. գնացքների երթևեկության ժամանակ

և հպակային ռելսում լարման առկայության դեպքում,

թույլատրվում է մտնել սարքավորումների և սարքերի զննման,

վերանորոգման և պահպանման աշխատանքներ կատարելու համար,

բացի սահմանափակ գաբարիտի տեղամասերից

 

(նմուշ)

 

1. Շարժակազմի ծառայության գծով (առանց կարգագրի).

1.1. Տեխնիկական զննման գործող գծային կետեր ________________________ կայարաններում (անցումը միայն գնացքով):

1.2. Շարժակազմ` գլխավոր և կայարանային գծերում գիշերային կանգառման նպատակով տեղաբաշխում կատարելիս, համաձայն գնացքների երթևեկության գրաֆիկի:

2. Էլեկտրամատակարարման ծառայության գծով (կարգագրի առկայության դեպքում)

2.1. Լարումը իջեցնող ենթակայարաններ N _____________:

2.2. Տեխնիկական զննման գծային կետեր (թույլատրվում է միայն կաբելային ցանցի էլեկտրամեխանիկներին, լուսավորության ցանցի էլեկտրամեխանիկներին և էլեկտրամատակարարման ուղեմասի ղեկավարներին) ______________________________ կայարաններում (կարգագրի առկայության դեպքում անցումը միայն գնացքով)

3. Էլեկտրամատակարարման, գծի, կապի և ազդանշանների ծառայությունների գծով (կարգագրի առկայության դեպքում).

3.1. Վերգետնյա տեղամասերի կայարանամեջեր ____________________________

3.2. Սլաքային փոխադրիչներ` գծային վարպետների և գծերի տեսուչների կողմից զննումներ կատարելու դեպքում (առանց կարգագրի):

4. Կապի և ազդանշանման ծառայության գծով.

4.1. Էլեկտրամեխանիկների սենյակները _________________________________ կայարաններում (առանց կարգագրի):

4.2. ԱԿԲ-ի սարքավորումներ` եռամսյակը մեկ անգամ, ավագ էլ. մեխանիկի գլխավորությամբ (կարգագրի առկայությամբ):

5. Էլեկտրամեխանիկական ծառայության գծով (կարգագրի առկայությամբ).

Սանիտարա-տնտեսական սարքավորումներ__________________________________ կայարաններում և այլն:

 

    Երթևեկության  ծառայության պետ`               ստորագր.

    Շարժակազմի ծառայության պետ`                  ստորագր.

    Կապի և  ազդանշանման ծառ. պետ`                ստորագր.

    Էլեկտրամատակարարման ծառ. պետ`                ստորագր.

    Գծի և  թունելային կառույցների ծառ. պետ`      ստորագր.

 

ՀԱՎԵԼՎԱԾ 4

«ՀԱՍՏԱՏՈՒՄ ԵՄ»

ՄԵՏՐՈՊՈԼԻՏԵՆԻ ԳԼԽԱՎՈՐ ՏՆՕՐԵՆ

__________________

                                      «____» ______________ 199 թ.

 

ՑՈՒՑԱԿ

մետրոպոլիտենում I և II գծերով կառույցների և սարքավորումների

մոտեցման սահմանափակ գաբարիտի թունելներով կայարանամեջերի

 

(նմուշ)

 

.................................................

           .................................................

           .................................................

           .................................................

           .................................................

           .................................................

           .................................................

           .................................................

 

Գծի և թունելային

    կառույցների ծառայության պետ`          ստորագրություն

 

ՀԱՎԵԼՎԱԾ 5

 

Ձև ԴՈՒ-5 ՄԵՏՐՈ

__________________________________________________________________________

|      |     |     | Թունելում   |                 |

|      |     |     | աշխատելու   |   Մուտք         |   Ելք

|      |     |     | կարգագիր    |                 |

_______|______|_____|_____|_____________|_________________|_______________

Ամսա-|Թունել|Ան-  |Մտնե-|Կար- |ՈՒմ    |Կայարանի|Ժամերը, |Հերթա-|Ժամերը,

թիվ, |մտնող |ցագրի|լու  |գագրի|կողմից |հերթապահ|րոպեները|պահ   |րոպեները

ամիս,|աշխա- |N-ը  |նպա- |N-ը  |է տրվել|կետի N-ը|        |կետի  |

տարի |տողի  |     |տակը |     |       |(ազգա-  |        |N-ը   |

|Ա.Ա.Հ.|     |և    |     |       |նունը,  |        |      |

|      |     |ուր է|     |       |պաշ-    |        |      |

|      |     |գնում|     |       |տոնը)   |        |      |

_______|______|_____|_____|_____|_______|________|________|______|________

1   |  2   |  3  |  4  |  5  |   6   |   7    |   8    |  9   |   10

__________________________________________________________________________

                               

                                Ց Ա Ն Կ

 

1. Ընդհանուր դրույթներ .................................. 2

2. Մետրոպոլիտենի թունելներ և վերգետնյա տեղամասեր մտնելու կարգը

էլեկտրագնացքների երթևեկության ժամանակ կամ հպակային ռելսում լարման

առկայության դեպքում ................................... 2

3. Թունելներից և վերգետնյա տեղամասերից դուրս գալու կարգը,

էլեկտրագնացքների երթևեկության ժամանակ կամ հպակային ռելսում լարման

առկայության դեպքում ................................... 4

4. Թունելներ և վերգետնյա տեղամասեր մտնելու կարգը գիշերային ժամերին`

հպակային ռելսում լարման առկայության դեպքում ................... 5

5. Թունելներից և վերգետնյա տեղամասերից աշխատողների դուրս գալու կարգը

էլեկտրագնացքների երթևեկությունը սկսվելուց առաջ ................. 5

6. Աշխատողների անվտանգության տեխնիկայի ապահովման միջոցառումները

թունելներ և վերգետնյա տեղամասեր մտնելիս ..................... 6

 

    ՀԱՎԵԼՎԱԾ 1              ......................................... 7

    ՀԱՎԵԼՎԱԾ 2              ......................................... 7

    ՀԱՎԵԼՎԱԾ 3              ......................................... 9

    ՀԱՎԵԼՎԱԾ 4             ......................................... 10

    ՀԱՎԵԼՎԱԾ 5             ......................................... 10

 

ԳՐԱՆՑՎԱԾ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                        «08»  06     1998 Թ.

                    ՊԵՏԱԿԱՆ ԳՐԱՆՑՄԱՆ ԹԻՎ 189800135

 

 

pin
Բարձր տեխնոլոգիաների արդ. /Տրանսպոր
02.04.1998
N 2
Հրաման