ՊԱՅՄԱՆԱԳՐԵՐԻ ԿՆՔԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

6 ապրիլի 2000 թվական N 13

31. ՊԱՅՄԱՆԱԳՐԵՐԻ ԿՆՔԵԼՈՒ ՄԱՍԻՆ

1. Հավանություն տալ «Կապանի ԼՀԿ» պետական փակ բաժնետիրական ընկերության և ռումինական «Մետալ Պրինց» փակ բաժնետիրական ընկերության (Metal Prince LTD) միջև խտանյութի առք ու վաճառքի վերաբերյալ 2000 թվականի մարտի 1-ին կնքված պայմանագրերին:

2. Հայաստանի Հանրապետության արդյունաբերության և առևտրի նախարարությանը` շարունակել և 30-օրյա ժամկետում ավարտել ռումինական «Մետալ Պրինց» փակ բաժնետիրական ընկերության (Metal Prince LTD), ամերիկյան «Մերկուրի Ալյանս» սահմանափակ պատասխանատվությամբ ընկերության (Mercury Aliance LLC), բրիտանական «Մարկ Ռիչ Ինվեստմենտ» փակ բաժնետիրական ընկերության (Marc Rich Investment LTD) և «Ագարակի ՊՄԿ» պետական փակ բաժնետիրական ընկերության միջև պայմանագրեր ստորագրելու շուրջ վարվող բանակցությունները և յուրաքանչյուր շաբաթը մեկ անգամ Հայաստանի Հանրապետության կառավարություն ներկայացնել հաշվետվություն բանակցությունների ընթացքի վերաբերյալ: