040.0171.120400
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«12» ապրիլի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
12 ապրիլի 2000 թվականի N 171
ԵՐԵՎԱՆԻ ՔԱՂԱՔԱՊԵՏԱՐԱՆԻՆ ՇԵՆՔ ՀԱՆՁՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. «Գիտաարտադրական համալիր» պետական փակ բաժնետիրական ընկերության կողմից զբաղեցված` Երևանի Կոմիտասի պողոտայի N 49/2 հասցեում գտնվող շենքն ամբողջությամբ անհատույց օգտագործման հանձնել Երևանի քաղաքապետարանին` համայնքային զարգացման ծրագրի ղեկավարման գրասենյակին, «Ջրմուղ-կոյուղի» փակ բաժնետիրական ընկերությանը և իտալական «Էյ-ՍԻ Ի Էյ ՍպԱ» կազմակերպությանը (մասնավոր օպերատոր) տրամադրելու համար:
2. Հայաստանի Հանրապետության արդյունաբերության և առևտրի նախարարությանը, Երևանի քաղաքապետին` 15-օրյա ժամկետում սահմանված կարգով կնքել անհատույց օգտագործման պայմանագիր և կատարել գույքային իրավունքների պետական գրանցում:
3. Սույն որոշումն ուժի մեջ է մտնում 2000 թվականի ապրիլի 12-ից: