ԵՐԵՎԱՆԻ ԱՋԱՓՆՅԱԿ ԹԱՂԱՅԻՆ ՀԱՄԱՅՆՔԻՆ ՇԵՆՔ ՀԱՆՁՆԵԼՈՒ ՄԱՍԻՆ

040.0177.180400

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«18» ապրիլի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

18 ապրիլի 2000 թվականի N 177

ԵՐԵՎԱՆԻ ԱՋԱՓՆՅԱԿ ԹԱՂԱՅԻՆ ՀԱՄԱՅՆՔԻՆ ՇԵՆՔ ՀԱՆՁՆԵԼՈՒ ՄԱՍԻՆ

Հաշվի առնելով Երևանի քաղաքապետի և Աջափնյակ թաղային համայնքի ղեկավարի միջնորդությունները` Հայաստանի Հանրապետության կառավարությունը որոշում է.

1. Երևանի քաղաքապետարանի Լուկաշինի փողոցի 43/2 հասցեում գտնվող N 18 պրոֆտեխուսումնարանի շենքն անհատույց սեփականության իրավունքով հանձնել Երևանի Աջափնյակ թաղային համայնքին` վերջինիս համաձայնությամբ այն որպես բնակարանային ֆոնդ վերափոխելու և Հայաստանի Հանրապետության բնակարանային օրենսդրությամբ սահմանված կարգով բաշխելու համար:

2. Երևանի քաղաքապետին` 10-օրյա ժամկետում Երևանի Աջափնյակ թաղային համայնքի ղեկավարի հետ համատեղ ավարտել նշված շենքի սահմանված կարգով հանձնման-ընդունման աշխատանքները և գույքային իրավունքների պետական գրանցումը:

3. Ընդունել ի գիտություն, որ նշված շենքի վերակառուցման նախագծանախահաշվային և շինմոնտաժային աշխատանքները պետք է իրականացվեն Երևանի Աջափնյակ թաղային համայնքի բյուջեի հաշվին:

4. Սույն որոշումն ուժի մեջ է մտնում 2000 թվականի ապրիլի 18-ից: