041.0189.130400
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
13 ապրիլի 2000 թվականի N 189
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅԱՆ ԲԵՌԼԻՆ ԳՈՐԾՈՒՂՄԱՆ ՄԱՍԻՆ
1. 2000 թվականի մայիսի 11-ին Բեռլինում կայանալիք Հայաստանին նվիրված տնտեսական համաժողովին մասնակցելու նպատակով Բեռլին գործուղել Հայաստանի Հանրապետության պաշտոնական պատվիրակություն հետևյալ կազմով`
Լ. Բարխուդարյան - ՀՀ ֆինանսների և էկոնոմիկայի նախարար
(պատվիրակության ղեկավար)
Ա. Մարտիրոսյան - ՀՀ արտաքին գործերի նախարարի տեղակալ
Ա. Պետրոսյան - ՀՀ արդյունաբերության և առևտրի նախարարի
տեղակալ
Վ. Մովսիսյան - «Զարգացման հայկական գործակալություն» ՓԲԸ
գործադիր տնօրեն
Բ. Ենգիբարյան - ՀՀ ֆինանսների և էկոնոմիկայի
նախարարության արտաքին ֆինանսական ծրագրերի
կառավարման կենտրոնի գործադիր տնօրեն
2. Հայաստանի Հանրապետության արտաքին գործերի նախարարությանն ու Հայաստանի Հանրապետության ֆինանսների և էկոնոմիկայի նախարարությանը` իրականացնել համաժողովի նախապատրաստման աշխատանքների ընդհանուր համակարգումը:
3. Հանձնարարել Հայաստանի Հանրապետության արդյունաբերության և առևտրի նախարարությանն ու առաջարկել «Զարգացման հայկական գործակալություն» փակ բաժնետիրական ընկերությանը, Հայաստանի Հանրապետության արդյունաբերողների և գործարարների միությանը, Հայաստանի Հանրապետության առևտրաարդյունաբերական պալատին կազմել համաժողովին մասնակցող հայ գործարարների պատվիրակության ցուցակը, ապահովել աշխատանքային քննարկումների և հայկական ձեռնարկությունների ստենդային ցուցահանդեսի պատշաճ նախապատրաստումը:
4. Ընդունել ի գիտություն, որ Հայաստանի Հանրապետության պաշտոնական պատվիրակության անդամների ուղևորության և Գերմանիայում կեցության ծախսերը հոգալու է գերմանական կողմը:
5. Հայաստանի Հանրապետության արտաքին գործերի նախարարությանն ու Հայաստանի Հանրապետության տրանսպորտի և կապի նախարարությանը` լուծել Հայաստանի Հանրապետության պատվիրակության Բեռլին մեկնելու հետ կապված հարցերը: