041.0196.170400
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
17 ապրիլի 2000 թվականի N 196
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅԱՆ ՍՏՐԱՍԲՈՒՐԳ ԳՈՐԾՈՒՂՄԱՆ ՄԱՍԻՆ
1. Եվրախորհրդի «Ժողովրդավարություն` իրավունքի միջոցով» եվրոպական հանձնաժողովի (Վենետիկի հանձնաժողով) Հայաստանի սահմանադրական բարեփոխումներին աջակցող աշխատանքային խմբի հետ համատեղ քննարկումներ կազմակերպելու նպատակով 2000 թվականի ապրիլի 24-27-ը Ստրասբուրգ գործուղել Հայաստանի Հանրապետության պատվիրակություն` հետևյալ կազմով.
Գ. Հարությունյան - Հայաստանի Հանրապետության սահմանադրական
դատարանի նախագահ, Եվրախորհրդի Վենետիկի
հանձնաժողովի անդամ (համաձայնությամբ)
Տ. Թորոսյան - Հայաստանի Հանրապետության Ազգային ժողովի
նախագահի տեղակալ (համաձայնությամբ)
Վ. Մկրտչյան - Հայաստանի Հանրապետության Ազգային ժողովի
պատգամավոր
Ֆ. Թոխյան - Հայաստանի Հանրապետության սահմանադրական
դատարանի անդամ, Հայաստանի Հանրապետության
Նախագահին առընթեր Սահմանադրության
փոփոխություններ նախապատրաստող
հանձնաժողովի անդամ
Վ. Նազարյան - Հայաստանի Հանրապետության Ազգային ժողովի
իրավաբանական վարչության պետ
Վ. Գասպարյան - Հայաստանի Հանրապետության Նախագահի
աշխատակազմի պետաիրավական վարչության պետ,
Հայաստանի Հանրապետության Նախագահին
առընթեր Սահմանադրության փոփոխություններ
նախապատրաստող հանձնաժողովի անդամ
Մ. Թոփուզյան - Հայաստանի Հանրապետության կառավարության
աշխատակազմի իրավաբանական վարչության պետ,
Հայաստանի Հանրապետության Նախագահին
առընթեր Սահմանադրության փոփոխություններ
նախապատրաստող հանձնաժողովի անդամ
Ա. Էմին - թարգմանիչ
2. Պատվիրակության Ստրասբուրգ գործուղման հետ կապված ծախսերը կատարել Հայաստանի Հանրապետության 2000 թվականի պետական բյուջեով արտասահմանյան պաշտոնեական գործուղումների համար նախատեսված միջոցների, իսկ Մ. Թոփուզյանինը` Հայաստանի Հանրապետության 2000 թվականի պետական բյուջեով Հայաստանի Հանրապետության կառավարության աշխատակազմի պահպանման ծախսերում գործուղման համար նախատեսված միջոցների հաշվին:
Ընդունել ի գիտություն, որ Գ. Հարությունյանի և Տ. Թորոսյանի գործուղման ծախսերը կկատարվեն Եվրախորհրդի Վենետիկի հանձնաժողովի կողմից:
3. Հայաստանի Հանրապետության արտաքին գործերի նախարարությանն ու Հայաստանի Հանրապետության տրանսպորտի և կապի նախարարությանը` լուծել Հայաստանի Հանրապետության պատվիրակության Ստրասբուրգ մեկնելու հետ կապված հարցերը: