Սեղմել Esc փակելու համար:
ՓՈԽՊԱՏՎԱՍՏՄԱՆ ՕՐԳԱՆՆԵՐ ԵՎ (ԿԱՄ) ՀՅՈՒՍ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՓՈԽՊԱՏՎԱՍՏՄԱՆ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ, ՄՇԱԿԵԼՈՒ ԿԱՆՈՆՆԵՐԸ ԵՎ ՓՈ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ

 

1 փետրվարի 2019 թվականի N 04-Ն

 

ՓՈԽՊԱՏՎԱՍՏՄԱՆ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ, ՄՇԱԿԵԼՈՒ ԿԱՆՈՆՆԵՐԸ ԵՎ ՓՈԽՊԱՏՎԱՍՏՈՒՄՆ ԻՐԱԿԱՆԱՑՆԵԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

i

Հիմք ընդունելով «Մարդուն օրգաններ և (կամ) հյուսվածքներ փոխպատվաստելու մասին» Հայաստանի Հանրապետության օրենքի 4-րդ հոդվածի 2-րդ մասը`

 

ՀՐԱՄԱՅՈՒՄ ԵՄ

 

Հաստատել` փոխպատվաստման օրգաններ և (կամ) հյուսվածքներ վերցնելու, մշակելու կանոնները և փոխպատվաստումն իրականացնելու կարգը` համաձայն հավելվածի:

 

Հավելված

Առողջապահության նախարարի

1 փետրվարի 2019 թ.

N 04-Ն հրամանի

 

ՓՈԽՊԱՏՎԱՍՏՄԱՆ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ, ՄՇԱԿԵԼՈՒ ԿԱՆՈՆՆԵՐԸ ԵՎ ՓՈԽՊԱՏՎԱՍՏՈՒՄՆ ԻՐԱԿԱՆԱՑՆԵԼՈՒ ԿԱՐԳԸ

 

I. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կարգով սահմանվում է կենդանի կամ դիակային դոնորից օրգաններ և (կամ) հյուսվածքներ վերցնելու, մշակելու կանոնները և փոխպատվաստման կարգի վերաբերյալ ընդհանուր դրույթները:

2. Կենդանի դոնորից կամ դիակային դոնորից փոխպատվաստման նպատակով վերցվում են միայն այն օրգանները և (կամ) հյուսվածքները, որոնք ընդգրկված են առողջապահության բնագավառի պետական լիազոր մարմնի կողմից (այսուհետ` լիազոր մարմին) սահմանված փոխպատվաստման ենթակա օրգանների և (կամ) հյուսվածքների ցանկում:

3. Կենդանի դոնորից կամ դիակային դոնորից օրգաններ և (կամ) հյուսվածքներ վերցնելը, մշակելը և փոխպատվաստելը կարող է իրականացվել միայն համապատասխան տեսակի բժշկական օգնություն և սպասարկում իրականացնելու համար լիցենզավորված բժշկական հաստատությունների կողմից (այսուհետ` բժշկական հաստատություն):

 

II. ՓՈԽՊԱՏՎԱՍՏՄԱՆ ՀԱՄԱՐ ԿԵՆԴԱՆԻ ԴՈՆՈՐԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ԵՎ ՄՇԱԿԵԼՈՒ ԿԱՐԳԸ

 

4. Բժշկական հաստատությունում փոխպատվաստման նպատակով կենդանի դոնորից օրգաններ և (կամ) հյուսվածքներ վերցվում են միայն այն դեպքում, եթե`

1) առկա է կենդանի դոնորից օրգաններ և (կամ) հյուսվածքներ վերցնելու հնարավորության մասին եզրակացություն` տրված լիազոր մարմնի կողմից սահմանված կարգով.

2) առկա է կենդանի դոնորի գրավոր համաձայնությունը.

3) վիրահատությանը նախորդող 15-օրյա ժամկետում դոնորը գրավոր նախազգուշացվել է սպասվելիք վիրահատական միջամտության բոլոր հնարավոր բարդությունների հավանականության մասին:

5. Կենդանի դոնորից փոխպատվաստման նպատակով օրգաններ և (կամ) հյուսվածքներ կարող է վերցնել միայն համապատասխան մասնագիտացում ունեցող բժիշկների, միջին և կրտսեր բուժանձնակազմի խումբը:

6. Կենդանի դոնորից օրգաններ և (կամ) հյուսվածքներ վերցնելուց հետո կազմվում է արձանագրություն օրգանի և (կամ) հյուսվածքի որակի վերաբերյալ, որը կցվում է կենդանի դոնորի, իսկ պատճենը` ռեցիպիենտի հիվանդության պատմությանը:

7. Կենդանի դոնորից օրգաններ և (կամ) հյուսվածքներ վերցվում, մշակվում և փոխպատվաստումն իրականացվում են յուրաքանչյուր օրգանի և (կամ) հյուսվածքի համար լիազոր մարմնի կողմից սահմանված բժշկական ուղեցույցների համաձայն:

 

III. ՓՈԽՊԱՏՎԱՍՏՄԱՆ ՀԱՄԱՐ ԴԻԱԿԱՅԻՆ ԴՈՆՈՐԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ԵՎ ՄՇԱԿԵԼՈՒ ԿԱՐԳԸ

 

8. Դիակային դոնորից փոխպատվաստման նպատակով օրգաններ և (կամ) հյուսվածքներ վերցնում է միայն համապատասխան մասնագիտացում ունեցող բժիշկների, միջին ու կրտսեր բուժանձնակազմի խումբը: Նշված խմբում ընդգրկվում են բժիշկ-անեսթեզիոլոգ, վիրաբույժ, բուժքույրեր և անհրաժեշտության դեպքում` դատական բժիշկ կամ պաթանատոմ: Անհրաժեշտության դեպքում բժշկական հաստատության տնօրենի հրամանով բուժանձնակազմի խմբում կարող են ընդգրկվել նաև այլ բժիշկ-մասնագետներ: Բուժանձնակազմի խմբի մեջ չեն ընդգրկվում այն բժիշկները, ովքեր մասնակցել են դոնորի ուղեղային մահվան հաստատմանը:

9. Դիակային դոնորից օրգաններ և (կամ) հյուսվածքներ վերցնելուց հետո լրացվում է ակտ` դիակային դոնորից փոխպատվաստման նպատակով օրգաններ և (կամ) հյուսվածքներ վերցնելու մասին, համաձայն Ձև 1-ի: Ակտը վավերացվում է բժշկական հաստատության կնիքով: Ակտը կցվում է դիակային դոնորի հիվանդության պատմությանը, իսկ պատճենն ուղարկվում է օրգանների և հյուսվածքների դոնորների և ռեցիպիենտների ռեեստր:

10. Դիակային դոնորից օրգաններ և (կամ) հյուսվածքներ վերցնելուց հետո կազմվում է արձանագրություն յուրաքանչյուր վերցված օրգանի և (կամ) հյուսվածքի որակի վերաբերյալ, որը կցվում է դիակային դոնորի հիվանդության պատմությանը, իսկ պատճենը` ռեցիպիենտի հիվանդության պատմությանը:

11. Դիակային դոնորից վերցված օրգանները և (կամ) հյուսվածքները ենթարկվում են համապատասխան մշակման` լիազոր մարմնի կողմից սահմանված բժշկական ուղեցույցների համաձայն:

 

IV. ՕՐԳԱՆՆԵՐԻ ԵՎ (ԿԱՄ) ՀՅՈՒՍՎԱԾՔՆԵՐԻ ՓՈԽՊԱՏՎԱՍՏՄԱՆ ԿԱՐԳԸ

 

12. Համապատասխան մշակման ենթարկված օրգանները և (կամ) հյուսվածքները փաթեթավորվում են համապատասխան ջերմային ռեժիմ ապահովող տեղափոխման արկղի կամ պայուսակի մեջ:

Սույն կարգի Ձև 2-ով սահմանված օրգանների և (կամ) հյուսվածքների տեղափոխման հայտարարագրի լրացումից հետո օրգանները և (կամ) հյուսվածքները տեղափոխվում են այն բժշկական հաստատություն, որտեղ իրականացվելու է օրգանների և (կամ) հյուսվածքների փոխպատվաստումը:

13. Օրգանի և (կամ) հյուսվածքի տեղափոխման դեպքում, տեղափոխման հայտարարագրի հետ միասին, փոխպատվաստումն իրականացնող բժշկական հաստատություն են ուղարկվում սույն կարգի Ձև 1-ով հաստատված դիակային դոնորի մասին և վերցված օրգանի և (կամ) հյուսվածքի որակի վերաբերյալ տեղեկանքների պատճենները:

14. Յուրաքանչյուր վերցրված օրգանի և (կամ) հյուսվածքի որակի վերաբերյալ տեղեկանքը մշակվում և հաստատվում է լիազոր մարմնի կողմից:

15. Փոխպատվաստումն իրականացնող բժշկական հաստատությունում տեղափոխման արկղը կամ պայուսակը բացելուց հետո փոխպատվաստումն իրականացնող բժշկական հաստատության տնօրենի կողմից լիազորած անձի կողմից լրացվում է ընդունման ակտ` համաձայն Ձև 3-ի: Ընդունման ակտը լրացվում է 2 օրինակով, որոնցից մեկը պահվում է փոխպատվաստումն իրականացնող բժշկական հաստատությունում, իսկ մյուսն ուղարկվում է օրգանների և հյուսվածքների դոնորների և ռեցիպիենտների ռեեստր:

16. Վերցված օրգանների և (կամ) հյուսվածքների փոխպատվաստումն իրականացվում է միայն համապատասխան մասնագիտացում ունեցող բժիշկների, միջին և կրտսեր բուժանձնակազմի խմբի կողմից: Դիակային դոնորի դեպքում նշված բժշկական խմբի մեջ չեն կարող ընդգրկված լինել այն բժիշկները, ովքեր մասնակցել են դոնորի ուղեղային մահվան հաստատմանը:

17. Փոխպատվաստումն իրականացնող բժշկական հաստատությունում կենդանի կամ դիակային դոնորից վերցված օրգանները և (կամ) հյուսվածքները փոխպատվաստվում են, եթե`

1) առկա է փոխպատվաստման անհրաժեշտության մասին բժշկական եզրակացություն.

2) առկա է ռեցիպիենտի գրավոր համաձայնությունը.

3) ռեցիպիենտը գրավոր նախազգուշացվել է սպասվելիք վիրահատական միջամտության հետ կապված հնարավոր բարդությունների մասին. դիակային դոնորի դեպքում մինչև նախատեսվող վիրահատական միջամտությունը, իսկ կենդանի դոնորի դեպքում` վիրահատությանը նախորդող 15-օրյա ժամկետում:

18. Փոխպատվաստումն իրականացնելուց հետո բժշկական հաստատության տնօրենն օրգանների և հյուսվածքների դոնորների և ռեցիպիենտների ռեեստրին համապատասխան գրավոր տեղեկատվություն է հաղորդում ռեցիպիենտի և կատարված օրգանի և (կամ) հյուսվածքի փոխպատվաստման վերաբերյալ:

 

Ձև 1

______________________________________________________________________

                    (բժշկական հաստատության անվանումը)

 

ԱԿՏ

 

դիակային դոնորից փոխպատվաստման նպատակով օրգաններ և (կամ)

հյուսվածքներ վերցնելու մասին

_____________________________________________________________________

Դոնորի անունը, ազգանունը, հայրանունը ________________________________

_______ տարիքը

Դիակային դոնորից օրգան (օրգաններ) և (կամ) հյուսվածք (հյուսվածքներ)`

_____________________________________________________________________

_____________________________________________________________________

(նշվում է (են) օրգանի (օրգաններ) և (կամ) հյուսվածքի (հյուսվածքներ)

անվանումները)

վերցնելն իրականացվել է դոնորի ուղեղային մահվան հաստատումն արձանագրելուց

հետո`

_____________________________________________________________________

Օրգանը (օրգաններ) և (կամ) հյուսվածքը (հյուսվածքներ) վերցվել են _____

_____________________________________________________________________

_____________________________________________________________________

(նշվում է բժշկական հաստատությունը, բժշկի (բժիշկներ) պաշտոնը, անունը,

ազգանունը, հայրանունը)

____________կողմից:

 

Օրգանի (օրգաններ) և (կամ) հյուսվածքի (հյուսվածքներ) վերցման

վիրահատության կարճ նկարագիրը`

_____________________________________________________________________

_____________________________________________________________________

_____________________________________________________________________

_____________________________________________________________________

_____________________________________________________________________

Վիրահատության սկիզբը`_______________ ավարտը`________________________:

 

Օրգանի (օրգաններ) և (կամ) հյուսվածքի (հյուսվածքներ) վերցման

վիրահատությանը մասնակցել են նաև`

վիրաբույժներ ________________________________________________________

(նշվում է բժշկական հաստատությունը, անունը, ազգանունը,

ստորագրությունը)

_____________________________________________________________________

անեսթեզիոլոգ ________________________________________________________

(նշվում է բժշկական հաստատությունը, անունը, ազգանունը,

ստորագրությունը)

վիրաբուժական բուժքույր ______________________________________________

(նշվում է բժշկական հաստատությունը, անունը,

ազգանունը, ստորագրությունը)

 

վերակենդանացման բաժանմունքի պատասխանատու բժիշկ ______________________

_____________________________________________________________________

(նշվում է բժշկական հաստատությունը, անունը, ազգանունը, ստորագրությունը)

 

Օրգանի (օրգաններ) և (կամ) հյուսվածքի (հյուսվածքներ) վերցմանը ներկա է

գտնվել դատական բժիշկ կամ պաթանատոմ` ըստ անհրաժեշտության:

_____________________________________________________________________

_____________________________________________________________________

(նշվում է բժշկական հաստատությունը, անունը, ազգանունը, ստորագրությունը)

 

Բժշկական հաստատության տնօրեն ________________________________________

_____________________________________________________________________

(նշվում է բժշկական հաստատությունը, անունը, ազգանունը, ստորագրությունը)

 

Կ.Տ.

 

Ձև 2

 

ՀԱՅՏԱՐԱՐԱԳԻՐ

 

օրգանների և (կամ) հյուսվածքների տեղափոխման

_____________________________________________________________________

(բժշկական հաստատության անվանումը, որտեղ վերցվել է օրգանը և (կամ)

հյուսվածքը)

 

Գտնվելու վայրը _______________________________________________________

Հեռախոսահամարը և ֆաքսի համարը _______________________________________

օրը/ամիսը/տարին __________________________________ ժամը ______________

Սույն հայտարարագրով հավաստում եմ, որ _________________________________

 

(օրգանի (կամ) հյուսվածքի անվանումը)

_____________________________________________________________________

                       (արկղում փաթեթների քանակը)

 

փաթեթավորվել է պահանջվող արկղում (պայուսակում): Արկղը (պայուսակը)

փակման պահից գտնվել է խիստ հսկողության ներքո: Չի խախտվել արկղի

(պայուսակի) ամբողջականությունը և պահանջվող ջերմային ռեժիմը:

Տեղափոխման պահից որևէ անձի կամ բնույթի կողմնակի միջամտություն չի

կատարվել:

 

________________________________________տեղափոխվելու է ____________

(օրգանի և (կամ) հյուսվածքի անվանումը)

_____________________________________________________________________

_____________________________________________________________________

(բժշկական հաստատության անվանումը, գտնվելու վայրը, հեռախոսահամարը և

ֆաքսի համարը)

 

Տեղափոխումն իրականացրել է

    ______________________________       ___________________   

         (անունը, ազգանունը)               (ստորագրությունը)

 

Կ.Տ.

 

Ձև 3

 

ԸՆԴՈՒՆՄԱՆ ԱԿՏ

 

փոխպատվաստման նպատակով դոնորական օրգանների և (կամ) հյուսվածքների

 

Օրը, ամիսը,

    տարին ____________        Ժամը ________________

_________20____թ.

 

Տեղափոխման

    արկղը                                 այո   ոչ

    (պայուսակը)                           []    []

ամբողջական է`

_____________________________________________________________________

 

Դոնորական օրգանների և (կամ) հյուսվածքների անվանումները

_____________________________________________________________________

_____________________________________________________________________

_____________________________________________________________________

(բժշկական հաստատության անվանումը, որտեղից տեղափոխվել է օրգանը և

(կամ) հյուսվածքը)

 

Գտնվելու վայրը _______________________________________________________

 

Հեռախոսահամարը, ֆաքսի համարը _________________________________________

_____________________________________________________________________

_____________________________________________________________________

_____________________________________________________________________

(տեղափոխված օրգանը և (կամ) հյուսվածքն ընդունող բժշկական հաստատության

անվանումը)

 

Գտնվելու վայրը _______________________________________________________

Հեռախոսահամարը, ֆաքսի համարը _________________________________________

Հատուկ նշումներ ______________________________________________________

_____________________________________________________________________

_____________________________________________________________________

 

    ________________________________       _______________________________

     (տեղափոխումն իրականացնող               (ընդունումն իրականացնող

     բժշկական հաստատության                  բժշկական հաստատության

     լիազորած անձի ստորագրությունը,         լիազորած անձի ստորագրությունը,

     անունը, ազգանունը)                     անունը, ազգանունը)

 

Կ.Տ.

 

Ձև 4

 

Տեղեկություն փոխպատվաստվող օրգանի որակի վերաբերյալ

 

Ամսաթիվը _________________________ Ժամը______________________________

Դոնորի

Ա.Ա.Հ.____________________________ Տարիքը ___________________________

Անատոմիական առանձնահատկություններ ___________________________________

_____________________________________________________________________

_____________________________________________________________________

Անոթային առանձնահատկություններ ______________________________________

_____________________________________________________________________

_____________________________________________________________________

Պերֆուզիայի աստիճանը և որակը _______________________________________

_____________________________________________________________________

_____________________________________________________________________

Այլ նշումներ ________________________________________________________

_____________________________________________________________________

_____________________________________________________________________

Վիրաբույժ_____________________________Ստորագրություն_________________

 

______________________________________________________________________

Ռեցիպիենտի

Ա.Ա.Հ.____________________________ Տարիքը ___________________________

    Իշեմիայի տևողությունը`     Սառը _______ ժամ________ րոպե

                               Տաք  _______ ժամ________ րոպե

 

Լրացուցիչ ակնարկ/ չօգտագործվելու դեպքում նշել պատճառը _______________

_____________________________________________________________________

Այլ նշումներ ________________________________________________________

_____________________________________________________________________

Վիրաբույժի Ա.Ա.Հ. __________________________ Ստորագրություն _________

Փոխպատվաստմանը մասնակցող այլ բժիշկ-մասնագետներ`

Ա.Ա.Հ._____________________________ Ստորագրություն __________________

Ամսաթիվը __________________ Ժամը_______________________

 

 

pin
Առողջապահության նախարարություն
01.02.2019
N 04-Ն
Հրաման