Սեղմել Esc փակելու համար:
ՀՀ ՈՍՏԻԿԱՆՈՒԹՅՈՒՆՈՒՄ ԱՐՁԱԿՈՒՐԴՆԵՐԻ ՁԵ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀՀ ՈՍՏԻԿԱՆՈՒԹՅՈՒՆՈՒՄ ԱՐՁԱԿՈՒՐԴՆԵՐԻ ՁԵՎԱԿԵՐՊՄԱՆ ԵՎ ՏՐԱՄԱԴՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ
ՀՐԱՄԱՆ

 

24 հուլիսի 2018 թվականի թիվ 5-Լ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆՈՒՄ ԱՐՁԱԿՈՒՐԴՆԵՐԻ ՁԵՎԱԿԵՐՊՄԱՆ ԵՎ ՏՐԱՄԱԴՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

Համաձայն Հայաստանի Հանրապետության վարչապետի 2018 թվականի հունիսի 11-ի թիվ 751-Լ որոշման հավելվածի 20-րդ կետի 8-րդ ենթակետի.

 

ՀՐԱՄԱՅՈՒՄ ԵՄ`

 

1. Հաստատել Հայաստանի Հանրապետության ոստիկանությունում արձակուրդների ձևակերպման և տրամադրման կարգը` համաձայն հավելվածի:

2. Հայաստանի Հանրապետության ոստիկանության տնտեսական վարչության պետին` Հայաստանի Հանրապետության ոստիկանության կադրային քաղաքականության վարչության կողմից ներկայացված հայտին համապատասխան ապահովել արձակուրդների հաշվառման մատյանի տպագրությունը:

3. Հրամանը ծանոթացնել Հայաստանի Հանրապետության ոստիկանության անձնակազմին:

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԳՆԴԱՊԵՏ

2018 ԹՎԱԿԱՆԻ ՀՈՒԼԻՍԻ 24-ԻՆ

 

Հավելված

ՀՀ ոստիկանության պետի

2018 թ. հուլիսի 24-ի

թիվ 5-Լ հրամանի

 

ԿԱՐԳ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆՈՒՄ ԱՐՁԱԿՈՒՐԴՆԵՐԻ ՁԵՎԱԿԵՐՊՄԱՆ ԵՎ ՏՐԱՄԱԴՐՄԱՆ

 

1. Սույն կարգով սահմանվում է Հայաստանի Հանրապետության ոստիկանությունում (այսուհետ Ոստիկանություն) արձակուրդների ձևակերպման և տրամադրման ընթացակարգը:

2. Ոստիկանության ծառայողների համար սահմանվում են հետևյալ արձակուրդները.

1) ամենամյա,

2) լրացուցիչ,

3) կարճատև,

4) ուսումնական,

5) հղիության և ծննդաբերության,

6) երեխայի խնամքի:

3. Ամենամյա արձակուրդ տրամադրվում է.

1) Ոստիկանության պետի թույլտվությամբ` ոստիկանության պետի տեղակալներին, տվյալ ծառայության գործունեության ընդհանուր համակարգումն իրականացնող Ոստիկանության պետի տեղակալի միջոցով` Ոստիկանության կառուցվածքային ստորաբաժանումների ղեկավարներին, Ոստիկանության պետի խորհրդականներին, Ոստիկանության պետի օգնականներին, Ոստիկանության պետի տեղակալների օգնականներին, որը ձևակերպվում է Ոստիկանության կադրային քաղաքականության վարչությունում,

2) Ոստիկանության պետի թույլտվությամբ` Ոստիկանության Երևան քաղաքի և մարզային վարչությունների պետերի միջոցով` համապատասխանաբար Ոստիկանության Երևան քաղաքի և մարզային վարչություններին ենթակա տարածքային բաժինների պետերին, որը ձևակերպվում է վերը նշված վարչությունների կադրային ծառայությունում,

3) Ոստիկանության կառուցվածքային ստորաբաժանման ղեկավարի թույլտվությամբ` գլխավոր, ավագ, միջին և կրտսեր խմբերի (բացառությամբ սույն կարգի 3-րդ կետի 1-ին ենթակետով նախատեսված պաշտոնների) պաշտոններ զբաղեցնող ծառայողներին, որը ձևակերպվում է Ոստիկանության համապատասխան կառուցվածքային ստորաբաժանման կադրային ծառայությունում, իսկ կադրային ծառայության բացակայության դեպքում` Ոստիկանության կադրային քաղաքականության վարչությունում,

4) Ոստիկանության կադրային քաղաքականության վարչության պետի թույլտվությամբ` Ոստիկանության կադրերի ռեզերվում գտնվող ծառայողներին, որը ձևակերպվում է Ոստիկանության կադրային քաղաքականության վարչությունում,

5) գործուղման վայրի ստորաբաժանման ղեկավարի թույլտվությամբ` Ոստիկանության կադրերի գործող ռեզերվում գտնվող ծառայողներին, որը ձևակերպվում է Ոստիկանության համապատասխան կառուցվածքային ստորաբաժանման կադրային ծառայությունում, իսկ կադրային ծառայության բացակայության դեպքում` Ոստիկանության կադրային քաղաքականության վարչությունում,

(3-րդ կետը փոփ. 15.02.2020 թիվ 9-Լ հրաման)

4. Ամենամյա արձակուրդը տրամադրվում է արձակուրդի թույլտվության իրավասություն ունեցող ղեկավարի կողմից հաստատված ժամանակացույցի համաձայն, որը կազմվում է հաշվի առնելով ծառայության շահերը, ստորաբաժանման առանձնահատկությունները, ծառայողների ցանկությունը:

5. Ոստիկանության կառուցվածքային ստորաբաժանումների ղեկավարների, Ոստիկանության պետի խորհրդականների, Ոստիկանության պետի օգնականի, Ոստիկանության պետի տեղակալների օգնականների ամենամյա արձակուրդի ժամանակացույցը կազմվում է ՀՀ ոստիկանության գործավարության և գաղտնիության ռեժիմի ապահովման վարչությունում, որը հաստատում է Ոստիկանության պետը:

(5-րդ կետը փոփ. 15.02.2020 թիվ 9-Լ հրաման)

6. Կադրային ծառայություն ունեցող Ոստիկանության կառուցվածքային ստորաբաժանումների գլխավոր, ավագ, միջին և կրտսեր խմբերի (բացառությամբ սույն կարգի 3-րդ կետի 1-ին ենթակետով նախատեսված պաշտոնների) պաշտոններ զբաղեցնող ծառայողների ամենամյա արձակուրդի ժամանակացույցը կազմվում է Ոստիկանության համապատասխան կառուցվածքային ստորաբաժանման կադրային ծառայությունում, որը հաստատում է համապատասխան կառուցվածքային ստորաբաժանման ղեկավարը:

7. Կադրային ծառայություն չունեցող Ոստիկանության կառուցվածքային ստորաբաժանումների գլխավոր, ավագ, միջին և կրտսեր խմբերի (բացառությամբ սույն կարգի 3-րդ կետի 1-ին ենթակետով նախատեսված պաշտոնների) պաշտոններ զբաղեցնող ծառայողների ամենամյա արձակուրդի ժամանակացույցը կազմվում է Ոստիկանության համապատասխան կառուցվածքային ստորաբաժանման կադրային աշխատանքների իրականացման համար պատասխանատու անձի կողմից, որը հաստատում է համապատասխան կառուցվածքային ստորաբաժանման ղեկավարը:

8. Ամենամյա արձակուրդի ժամանակացույցը հաստատվում է մինչև նախորդ տարվա դեկտեմբերի 25-ը:

9. Կառուցվածքային ստորաբաժանման ղեկավարը պատասխանատու է հաստատված ժամանակացույցին համապատասխան ոստիկանության ծառայողին տվյալ տարվա հասանելիք արձակուրդը տրամադրելու համար:

10. Ամենամյա արձակուրդ տրամադրելու համար Ոստիկանության ծառայողը ժամանակացույցով նախատեսված ժամկետում վերադասության կարգով զեկուցագրով դիմում է արձակուրդ տրամադրելու իրավասություն ունեցող ղեկավարին: Զեկուցագրում ծառայողը նշում է երբ և որտեղ է անցկացնելու ամենամյա արձակուրդը:

11. Ամենամյա արձակուրդի ձևակերպման համար Ոստիկանության ծառայողը զեկուցագրի հետ ներկայացնում է հաշվեցուցակային զենքը հանձնելու մասին տեղեկանք:

11.1 Ամենամյա արձակուրդի տրամադրումը, այն թույլատրելու իրավասություն ունեցող ղեկավարի կողմից, հաշվի առնելով ծառայողական անհրաժեշտությունը, կարող է հետաձգվել, եթե ոստիկանության ծառայողը մեղադրվում է կարգապահական խախտում կատարելու մեջ և նրա նկատմամբ կատարվում է ծառայողական քննություն:

Ծառայողական քննությունը ավարտվելու կամ դրա ընթացքը կասեցվելու դեպքում` նշված սահմանափակումը վերանում է:

(11.1-ին կետը լրաց. 06.12.2019 թիվ 27-Լ հրաման)

12. Արձակուրդի ձևակերպման համար կադրային ծառայողի կողմից լրացվում է արձակուրդային վկայականի ձևաթուղթը (համաձայն ձև 1-ի):

13. Ձևաթղթի առաջին մասը մնում է կադրային ծառայությունում, երկրորդ մասը կադրային ծառայության կողմից ուղարկվում է համապատասխան ֆինանսական ծառայություն, իսկ երրորդ մասը («Արձակուրդային վկայական») տրվում է ծառայողին:

14. Անհրաժեշտության դեպքում զեկուցագրում և արձակուրդի վկայականում նշվում է նաև ծառայողին ուղեկցող ընտանիքի անդամների թիվը, անունը, ազգանունը և նրանց ծննդյան տարեթվերը` Հայաստանի Հանրապետության կառավարության 2018 թվականի օգոստոսի 9-ի թիվ 898-Ն որոշմամբ սահմանված կարգով արձակուրդի վայր մեկնելու և վերադառնալու հետ կապված տրանսպորտային ծախսերի փոխհատուցում ստանալու համար: Արձակուրդային վկայականի հակառակ կողմում ծառայողի արձակուրդ անցկացնելու վայրի Ոստիկանության տարածքային ստորաբաժանման ղեկավարի կողմից կատարվում են նշումներ` ուղեկցող ընտանիքի անդամների թվի, արձակուրդի անցկացման վայր ժամանելու ու մեկնելու մասին, և կնիքվում ստորաբաժանման կնիքով:

(14-րդ կետը փոփ. 15.02.2020 թիվ 9-Լ հրաման)

15. Ամենամյա արձակուրդից հետ կանչելը թույլատրվում է միայն բացառիկ դեպքերում` ծառայողական անհրաժեշտությունից ելնելով, Ոստիկանության պետի գրավոր համաձայնության հիման վրա, արձակուրդի թույլտվություն տված ստորաբաժանման ղեկավարի հրամանով, որում նշվում է հետ կանչի օրը, ամիսը և չօգտագործված արձակուրդի օրերի թիվը:

16. Ծառայողի ցանկությամբ, տվյալ տարվա չօգտագործված արձակուրդի օրերը կարող են գումարվել հաջորդ տարվա ամենամյա արձակուրդին:

17. Ծառայության առաջին տարվա համար ամենամյա արձակուրդը տրամադրվում է ծառայության վեց ամիսը լրանալուց հետո:

18. Ամենամյա արձակուրդի տևողությունը կազմում է 30 օր: Ծառայողի ցանկությամբ ամենամյա արձակուրդը կարող է տրամադրվել մասերով, յուրաքանչյուրը` 15 օր տևողությամբ:

19. Ոստիկանության ծառայողին ամենամյա արձակուրդի հետ միասին տրվում է լրացուցիչ արձակուրդ`

1) 15-ից մինչև 25 տարի օրացուցային հաշվարկով ծառայողներին` 10 օր,

2) 25 և ավելի տարի օրացուցային հաշվարկով ծառայողներին` 15 օր:

20. Ամենամյա արձակուրդը մասերով տրամադրելու դեպքում լրացուցիչ արձակուրդի օրերն ավելացվում են մասերից որևէ մեկին:

21. Ամենամյա արձակուրդի ընթացքում հիվանդացած ծառայողի արձակուրդը երկարաձգվում է հիվանդության պատճառով չօգտագործված օրերի թվով` հիմք ընդունելով առողջապահական հաստատության կողմից տրված համապատասխան տեղեկանքը:

22. Հիվանդության մասին ծառայողը տեղեկացնում է իր անմիջական ղեկավարին:

23. Ընտանեկան հանգամանքներով և այլ հարգելի պատճառներով Ոստիկանության ծառայողին կարող է տրվել կարճատև արձակուրդ` մինչև 10 օր տևողությամբ, որը չի հաշվարկվում ամենամյա արձակուրդում:

24. Կարճատև արձակուրդ տրամադրվում է ամենամյա արձակուրդ տրամադրելու իրավասություն ունեցող ղեկավարի կողմից: Զեկուցագրում նշվում է արձակուրդ մեկնելու հիմնավոր փաստարկը, երբ և որտեղ է անցկացնելու այն:

25. Կարճատև արձակուրդի ձևակերպման համար Ոստիկանության ծառայողը զեկուցագրի հետ ներկայացնում է հաշվեցուցակային զենքը հանձնելու մասին տեղեկանք:

26. Ամենամյա և կարճատև արձակուրդները հաշվառվում են արձակուրդ ձևակերպող կադրային ծառայությունում` «Կադրեր» ինֆորմացիոն համակարգում և «Արձակուրդների հաշվառման մատյան»-ում (ձև 2-ի):

27. Միջին մասնագիտական և բարձրագույն ուսումնական հաստատությունների ընդունելության քննություններին (ստուգումներին) նախապատրաստվելու համար Ոստիկանության ծառայողներին տրամադրվում է ուսումնական արձակուրդ` յուրաքանչյուր քննության համար երեք աշխատանքային օր:

28. Ընդունելության քննություններից (ստուգումներից) անբավարար գնահատված և ընդունելության հետագա մրցույթից դուրս մնացած ծառայողի ուսումնական արձակուրդի ժամկետը համարվում է ավարտված և ծառայողը հաջորդ աշխատանքային օրը ներկայանում է ծառայության:

29. Ուսումնական հաստատություններում հեռակա ուսուցման ձևով սովորող Ոստիկանության ծառայողներին տրամադրվում է ուսումնական արձակուրդ` ուսումնաքննական ժամկետներին համապատասխան:

30. Ոստիկանության ծառայողին ուսումնական արձակուրդը տրամադրվում է.

1) Ոստիկանության պետի հրամանով` Ոստիկանության կառուցվածքային ստորաբաժանումների ղեկավարներին և օտարերկրյա պետությունների ուսումնական հաստատություններում Ոստիկանության միջոցների հաշվին սովորող Ոստիկանության ծառայողներին, որը ձևակերպվում է Ոստիկանության կադրային քաղաքականության վարչությունում,

2) կադրային ծառայություն ունեցող Ոստիկանության կառուցվածքային ստորաբաժանումների ղեկավարների հրամանով` գլխավոր, ավագ, միջին և կրտսեր խմբերի (բացառությամբ սույն կարգի 3-րդ կետի 1-ին ենթակետով նախատեսված պաշտոնների) պաշտոններ զբաղեցնող ծառայողներին, որը ձևակերպվում է Ոստիկանության համապատասխան կառուցվածքային ստորաբաժանման կադրային ծառայությունում,

3) Ոստիկանության կադրային քաղաքականության վարչության պետի հրամանով` կադրային ծառայություն չունեցող Ոստիկանության կառուցվածքային ստորաբաժանումների գլխավոր, ավագ, միջին և կրտսեր խմբերի (բացառությամբ սույն կարգի 3-րդ կետի 1-ին ենթակետով նախատեսված պաշտոնների) պաշտոններ զբաղեցնող ծառայողներին և օտարերկրյա պետությունների ուսումնական հաստատություններում իրենց ֆինանսական միջոցների հաշվին սովորող Ոստիկանության ծառայողներին, որը ձևակերպվում է Ոստիկանության կադրային քաղաքականության վարչությունում:

31. Ուսումնական արձակուրդ տրամադրելու համար ուսումնաքննական հավաքը սկսելուց 10 օր առաջ սովորողի վերաբերյալ տեղեկանք-կանչը ուսումնական հաստատության կողմից ուղարկվում է նրա ծառայության ստորաբաժանում, որի ղեկավարը 3-օրյա ժամկետում տեղեկանք-կանչը համապատասխան միջնորդությամբ ուղարկում է ուսումնական արձակուրդ տրամադրելու իրավասություն ունեցող ստորաբաժանման ղեկավարին, իսկ 30-րդ կետի 1-ին ենթակետով նախատեսված դեպքում` Ոստիկանության կադրային քաղաքականության վարչություն:

32. Ոստիկանության կամ օտարերկրյա պետությունների ուսումնական հաստատություններն ավարտած շրջանավարտներին տրամադրվում է արձակուրդ ամփոփիչ պետական ատեստավորումից հետո` 30 օր տևողությամբ, որը հաշվարկվում է ընթացիկ տարվա ամենամյա արձակուրդի մեջ:

33. Ոստիկանության կին ծառայողի կողմից վերադասության կարգով ներկայացված զեկուցագրի հիման վրա նրան տրամադրվում է նաև հղիության և ծննդաբերության արձակուրդ` ամենամյա արձակուրդ տրամադրելու իրավասություն ունեցող պաշտոնատար անձի կողմից և ձևակերպվում է սույն կարգի 3-րդ կետի համապատասխան ենթակետով սահմանված ստորաբաժանումում: Զեկուցագրի հետ ներկայացվում է առողջապահական հաստատության կողմից տրված փաստաթուղթ` հաստատված Ոստիկանության բժշկական վարչության կողմից (անաշխատունակության թերթիկ):

34. Ոստիկանության ծառայողի կողմից վերադասության կարգով ներկայացված զեկուցագրի հիման վրա նրան տրամադրվում է նաև երեխայի խնամքի արձակուրդ` սույն կարգի 33-րդ կետով սահմանված ընթացակարգով: Զեկուցագրի հետ ներկայացվում է երեխայի ծննդյան վկայականի պատճենը:

35. Հղիության և ծննդաբերության, երեխայի խնամքի արձակուրդի ավարտից 20 օր առաջ ծառայողի կողմից վերադասության կարգով ներկայացված զեկուցագրի հիման վրա հղիության և ծննդաբերության, երեխայի խնամքի արձակուրդ տրամադրելու իրավունք ունեցող ղեկավարի կողմից արձակվում է հրաման` ծառայողի ծառայողական պարտականություններին անցնելու մասին:

36. Ռազմական դրություն հայտարարվելու կամ արտակարգ իրավիճակների դեպքում Ոստիկանության ծառայողի արձակուրդն ընդհատվում է, բացառությամբ կին ծառայողի հղիության և ծննդաբերության և ծառայողի` մինչև երեք տարեկան երեխայի խնամքի արձակուրդի:

37. Արձակուրդը, հանգստյան և ոչ աշխատանքային հանդիսացող տոն ու հիշատակի օրերը Հայաստանի Հանրապետության սահմաններից դուրս անցկացնելու դեպքում մեկնող անձի կողմից անմիջական ղեկավարին տրամադրվում են հասանելիության տվյալներ (հեռախոսահամար, էլ. հասցե և այլն), իսկ կադրերի ռեզերվում գտնվող ծառայողները նշված տվյալները տրամադրում են Ոստիկանության կադրային քաղաքականության վարչության իրավասու ծառայողին:

(37-րդ կետը փոփ. 15.02.2020 թիվ 9-Լ հրաման)

38. Կառուցվածքային ստորաբաժանումների ղեկավարները պարտավոր են վերահսկել ենթակաների արձակուրդից ժամանակին վերադառնալու գործընթացը: Ժամանակին ծառայության չներկայանալու փաստը հիմք է ծառայողական քննություն նշանակելու համար:

39. Արձակուրդների ընթացքում միջադեպ տեղի ունենալու դեպքում Ոստիկանության ծառայողն անմիջապես, անմիջական պետի միջոցով, արձակուրդ տրամադրած ղեկավարին ներկայացնում է զեկուցագիր միջադեպի մասին, իսկ արձակուրդը Հայաստանի Հանրապետության տարածքից դուրս անցկացնելու դեպքում` զեկուցագիրը ներկայացվում է Հայաստանի Հանրապետություն վերադառնալուց հետո:

40. Սույն կարգի դրույթները արձակուրդ ձևակերպելու և տրամադրելու մասով տարածվում են նաև Ոստիկանության զինծառայողների, քաղաքացիական ծառայողների, քաղաքացիական աշխատանք կատարողների և տեխնիկական սպասարկում իրականացնող անձանց վրա:

41. Ոստիկանության զինծառայողների, քաղաքացիական ծառայողների, հայեցողական պաշտոններ զբաղեցնողների, քաղաքացիական աշխատանք կատարողների և տեխնիկական սպասարկում իրականացնող անձանց արձակուրդի տեսակների և տևողության հետ կապված առանձնահատկությունները սահմանվում են այլ օրենքներով:

(41-րդ կետը փոփ. 15.02.2020 թիվ 9-Լ հրաման)

 

Ձև 1

 

|                       |

ԱՐՁԱԿՈՒՐԴԱՅԻՆ   |ՖԻՆԱՆՍԱԿԱՆ ԾԱՌԱՅՈՒԹՅՈՒՆ|ԱՐՁԱԿՈՒՐԴԱՅԻՆ

ՎԿԱՅԱԿԱՆԻ ԿՏՐՈՆ   |ՆԵՐԿԱՅԱՑՆԵԼՈՒ ՀԱՄԱՐ    |ՎԿԱՅԱԿԱՆ

|                       |

Թիվ _________          | Թիվ___________        |____________________

__________________________|_______________________|       կոչումը

կոչումը          |         կոչումը       |

__________________________|_______________________|____________________

ազգանուն, անուն, հայրանուն|  ազգանուն, անուն,     |       ազգանուն

|      հայրանուն        |____________________

__________________________|_______________________|____________________

պաշտոնը           |                       |  անուն, հայրանուն

|                       |

|                       |որ նրան տրամադրվել է

տրամադրվում է արձակուրդ   |տրամադրվում է արձակուրդ|արձակուրդ

________________________  |_______________________|_____________________

ամենամյա, ուսումնական,    |ամենամյա, ուսումնական, |ամենամյա, ուսումնական,

կարճատև,  չօգտագործված    |կարճատև,  չօգտագործված |կարճատև,  չօգտագործված

(նշել)                    |(նշել)                 |(նշել)

|                       |

«_____ 20  թ-ից           |«_____ 20  թ-ից        |» «20  թ-ից

«_____ 20  թ-ը ներառյալ   |«_____ 20  թ-ը ներառյալ|» «20  թ-ը ներառյալ

|                       |

_________________________ |Ստորաբաժանման պետ,     |______________________

անցկացման վայրը      |կոչում                 |     անցկացման վայրը

|                       |______________________

Կադրային ծառայող ________ |______________ Անուն,  |

_________________________ |ստորագրություն Ազգանուն|_____________________

|                       |ուղեկցող ընտանիքի

«_____ 20 թ.            |«_____ 20 թ.           |      անգամները

|                       |

|                       |Ուժի մեջ է վկայականի

|                       |կամ անձնագրի

|                       |ներկայացման դեպքում

|                       |

|                       |Ստորաբաժանման պետ,

|                       |կոչում

|                       |

|                       |______________ Անուն,

|                       |ստորագրություն Ազգանուն

|                       |

|                       |«_____ 20 թ.

|                       |

 

Ձև 2

 

ՄԱՏՅԱՆ ԱՐՁԱԿՈՒՐԴՆԵՐԻ ՀԱՇՎԱՌՄԱՆ

 

Սկսված է «___»_____________ 20 ___թ.

Ավարտված է «___»_____________ 20 ___թ.

էջերի քանակը ________________________

Պահպանման ժամկետը 5 տարի

Հիմք` հրաման 55-ԱԳ, 2007թ. հոդված 327

 

._____________________________________________________________________.

|N |Կոչում |Ազգանուն, անուն,|Ստորաբաժանում|Երբվանից|Ելք |Ձևակերպված   |

|  |       |հայրանուն       |             |        |    |ամսաթիվը     |

|__|_______|________________|_____________|________|____|_____________|

|__|_______|________________|_____________|________|____|_____________|

|__|_______|________________|_____________|________|____|_____________|

|__|_______|________________|_____________|________|____|_____________|

|__|_______|________________|_____________|________|____|_____________|

|__|_______|________________|_____________|________|____|_____________|

|__|_______|________________|_____________|________|____|_____________|

._____________________________________________________________________.

 

@x

 

 

pin
Ոստիկանություն (Ներքին գործերի նախարարություն)
24.07.2018
N 5-Լ
Հրաման