Սեղմել Esc փակելու համար:
ԳՅՈՒՂԱՏՆՏԵՍԱԿԱՆ ՆՇԱՆԱԿՈՒԹՅԱՆ ՀՈՂԵՐՈՒՄ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԳՅՈՒՂԱՏՆՏԵՍԱԿԱՆ ՆՇԱՆԱԿՈՒԹՅԱՆ ՀՈՂԵՐՈՒՄ ՀՐԴԵՀԱՅԻՆ ԱՆՎՏԱՆԳՈՒԹՅԱՆ ԿԱՆՈՆՆԵՐԸ ՀԱՍՏԱՏԵԼ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐ
ՀՐԱՄԱՆ

 

3 հունիսի 2016 թվականի N 149-Ա

 

i

ԳՅՈՒՂԱՏՆՏԵՍԱԿԱՆ ՆՇԱՆԱԿՈՒԹՅԱՆ ՀՈՂԵՐՈՒՄ ՀՐԴԵՀԱՅԻՆ ԱՆՎՏԱՆԳՈՒԹՅԱՆ ԿԱՆՈՆՆԵՐԸ ՀԱՍՏԱՏԵԼՈՒ ՄԱՍԻՆ

 

Հիմք ընդունելով «Հրդեհային անվտանգության մասին» Հայաստանի Հանրապետության օրենքի 25-րդ հոդվածը, ինչպես նաև Հայաստանի Հանրապետության կառավարության 2015 թվականի հունվարի 22-ի N 45-Ա որոշմամբ հաստատված N 2 հավելվածի 2-րդ կետի 5-րդ ենթակետը.

 

ՀՐԱՄԱՅՈՒՄ ԵՄ`

 

1. Հաստատել գյուղատնտեսական նշանակության հողերում հրդեհային անվտանգության կանոնները` համաձայն հավելվածի:

2. Սույն հրամանի կատարման նկատմամբ հսկողությունը վերապահել Հայաստանի Հանրապետության գյուղատնտեսության նախարարի առաջին տեղակալ Գ. Բաղիյանին և նախարարի տեղակալ Ս. Գալստյանին:

 

Հայաստանի Հանրապետության

    գյուղատնտեսության նախարար    Ս. Կարապետյան

 

Հավելված

ՀՀ գյուղատնտեսության նախարարի

2016 թ. հունիսի 3-ի

N 149-Ա հրամանի

 

ԿԱՆՈՆՆԵՐ ԳՅՈՒՂԱՏՆՏԵՍԱԿԱՆ ՆՇԱՆԱԿՈՒԹՅԱՆ ՀՈՂԵՐՈՒՄ ՀՐԴԵՀԱՅԻՆ ԱՆՎՏԱՆԳՈՒԹՅԱՆ

 

I. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կանոններով սահմանվում են Հայաստանի Հանրապետության գյուղատնտեսական նշանակության հողերում հրդեհային անվտանգության պահանջները:

2. Գյուղատնտեսական նշանակության հողերում հրդեհային անվտանգությունն ապահովելու համար պետական կառավարման և տեղական ինքնակառավարման մարմինները, կազմակերպությունները և քաղաքացիները ղեկավարվում են «Հրդեհային անվտանգության մասին» Հայաստանի Հանրապետության օրենքով, սույն կանոններով և հրդեհային անվտանգության այլ նորմատիվ փաստաթղթերով:

3. Սույն կանոններում օգտագործվում են հետևյալ հիմնական հասկացությունները`

1) դյուրավառ հեղուկ` բաց անոթում 61o-ից ցածր բռնկման ջերմաստիճան ունեցող հեղուկ,

2) հակահրդեհային միջտարածություն` կրակի տարածումը կանխարգելելու նպատակով նախատեսված տարածություն,

3) բարձր հրդեհավտանգություն` իրավիճակ, երբ առկա նյութերը ունակ են առանց նախօրոք տաքացնելու բռնկվել նվազ կալորիական ջերմային աղբյուրի կարճատև ազդեցությունից:

 

II. ԳՅՈՒՂԱՏՆՏԵՍԱԿԱՆ ՆՇԱՆԱԿՈՒԹՅԱՆ ՀՈՂԵՐՈՒՄ ՀՐԴԵՀԱՅԻՆ ԱՆՎՏԱՆԳՈՒԹՅԱՆ ՊԱՀԱՆՋՆԵՐԸ

 

1. Գյուղատնտեսական նշանակության հողերի սեփականատերը` մինչև գյուղատնտեսական աշխատանքներ սկսելը, ապահովում է այդ աշխատանքներում ներգրավված անձանց հակահրդեհային սարքավորումներով և հրդեհաշիջման միջոցներով, ինչպես նաև ծանուցում սույն կանոնների մասին:

2. Գյուղատնտեսական նշանակության հողերի միջտարածությունները, անցումները կարող են օգտագործվել նաև որպես հակահրդեհային ճանապարհներ և պետք է ազատ լինեն հրշեջ ավտոմեքենաների և հրդեհային գույքի մոտեցման համար: Հակահրդեհային ճանապարհները պետք է կառուցվեն այնպես, որ դրանք ծառայեն նաև որպես հնարավոր հրդեհների տարածման կանխման պատնեշ, ինչպես նաև առկա հրդեհների մեկուսացման հենակետ:

3. Հակահրդեհային միջտարածությունները պետք է ժամանակին մաքրվեն հրդեհավտանգ թափոններից: Հրդեհավտանգ թափոնները, աղբը պետք է հավաքվեն հատուկ հատկացված տարածքներում և տեղափոխվեն: Հակահրդեհային միջտարածություններում արգելվում է կրակի միջոցով թափոններ ոչնչացնելը, իսկ աղբաոչնչացման համար նախատեսված հատուկ տեղերում աղբի այրման նկատմամբ ապահովել հսկողության իրականացումը:

4. Եթե գոյություն ունեն բնական կամ արհեստական ջրաղբյուրներ (գետեր, լճեր, ավազաններ և այլն), պետք է կառուցվեն մերձատար ճանապարհներ, ինչպես նաև հատուկ հարմարեցված պինդ ծածկույթով հրապարակներ 12x12 մ-ից ոչ պակաս չափերով` հրշեջ մեքենաների կայանման և տարվա ցանկացած ժամանակ ջուր վերցնելու համար: Արհեստական ջրամբարների, դրանց մոտենալու ճանապարհների, ինչպես նաև ջրառման սարքավորումների մշտապես պատրաստականության ապահովման համար պատասխանատու են համապատասխան կազմակերպությունները:

5. Հրդեհաշիջման համար նախատեսված ջրաղբյուրներին, հրդեհային գույքին մոտեցման ճանապարհները և անցումները պետք է միշտ ազատ լինեն: Վերակառուցման պատճառով ճանապարհների փակման դեպքում, ջրաղբյուրներին մոտենալու կամ այդ հատվածով անցնելու նպատակով պետք է տեղադրվեն շրջանցման ուղղությունը ցույց տվող ցուցանակներ:

6. Ջրաղբյուրների մոտ, ինչպես նաև դեպի դրանք տանող ճանապարհներին պետք է տեղադրվեն համապատասխան ցուցատախտակներ` մինչև ջրաղբյուր եղած հեռավորության նշումով:

7. Բնական և արհեստական ջրաղբյուրների բացակայության դեպքում գլանատակառներում և այլ տարողություններում հրդեհաշիջման նպատակով պետք է ստեղծվեն ջրի պաշարներ:

8. Հրդեհավտանգ ժամանակաշրջանում գյուղատնտեսական նշանակության հողերում հրդեհների կանխարգելման նպատակով, արգելվում է`

1) վառել խարույկներ: Խիստ անհրաժեշտության դեպքում, խարույկ կարելի է վառել բաց տարածքում` շրջապատելով այն 0,5 մետրից ոչ պակաս հանքայնացված շերտով և խարույկը հանգցնել ջրով կամ ծածկել հողով.

2) նետել այրվող լուցկի, չմարված ծխախոտի մնացորդ.

3) ավտոմեքենաները լցավորել վառելիքով` աշխատող շարժիչների դեպքում.

4) շահագործել անսարք սնուցման համակարգով մեքենաներ.

5) կրակի հետ անզգույշ վարվել` ծխել, հրդեհավտանգ աշխատանքներ կատարել, բաց կրակից օգտվել, ինչպես նաև կրակն առանց հսկողության թողնել.

6) կատարել չոր խոտի և խոզանի այրում (բացի վերահսկելի այրումներից, որոնք իրականացվում են սահմանված կարգով, որոշակի ժամանակահատվածներում` տեղական իշխանությունների թույլտվությամբ և լիազոր մարմնի հետ համաձայնեցված).

7) արևով լուսավորվող տարածքներում թողնել շշեր, ապակու կտորներ, քանի որ դրանք կարող են ֆոկուսացնել ճառագայթներն ու աշխատել որպես հրկիզող լինզաներ.

8) թողնել (թափել) քսայուղով, բենզինով, կերոսինով և դյուրավառ այլ հեղուկներով ներծծված լաթեր (բացի հատուկ հատկացված տեղերից).

9) առանց շարժիչի ծածկոցների կամ դրանց բաց լինելու դեպքում աշխատեցնել տրակտորներ, ինքնագնաց ամրաշրջանակներ, ավտոմեքենաներ.

10) առանց լիազոր մարմնի պետական հրդեհային և տեխնիկական անվտանգության տեսչության հետ համաձայնեցնելու կրակի հետ կապված աշխատանքներ կատարել:

9. Հրդեհավտանգ ժամանակաշրջանում գյուղատնտեսական աշխատանքներ իրականացնելիս հրդեհաշիջման նպատակով պատրաստ վիճակում պետք է ունենալ հակահրդեհային սարքավորումներ ու սկզբնական հրդեհաշիջման միջոցներ (կրակմարիչներ, ջրով լի տակառներ, ավազով լի արկղեր, կացիններ, բահեր և այլն):

10. Դաշտային պայմաններում նավթամթերքների պահեստավորումը և լցավորումը պետք է կատարվի խոտից ու աղբից մաքրված հրապարակներում, որոնց շուրջը պետք է լինի ոչ պակաս, քան 4 մետր լայնությամբ հերկված շերտ: Լցավորումը թույլատրվում է նաև կատարել կալից, խոտի դեզերից, ծղոտներից, հացահատիկային զանգվածներից ոչ պակաս քան 100, իսկ շինություններից` 50 մետր հեռավորության վրա գտնվող հերկված տարածությունում:

11. Բերքահավաքի մեքենաները, կոմբայնները, տրակտորները և ավտոմեքենաները պետք է ունենան հրդեհաշիջման սկզբնական միջոցներ (երկուական կրակմարիչ, սվինաձև բահ), կարգավորված սնման, վառելիքի, յուղման համակարգեր, ինչպես նաև կահավորված լինեն սարքին կայծմարիչներով:

12. Հատիկավոր կուլտուրաների հասունացումից առաջ անտառների, տորֆային զանգվածների, տափաստանային շերտերի, երկաթգծերի, ավտոճանապարհների մերձակա տարածություններում հացահատիկային դաշտերը պետք է հերկվեն 4 մ լայնությամբ:

13. ժամանակավոր դաշտակացարաններն անհրաժեշտ է տեղադրել հացահատիկային զանգվածներից, կալատեղերից առնվազն 100 մ հեռավորության վրա: Դաշտակացարանների, կալատեղերի տարածքները պետք է ունենան 4 մ լայնությամբ հերկված շերտեր:

14. Գյուղատնտեսական նշանակության հողերում, բարձր հրդեհավտանգության ժամանակաշրջանում հրդեհների առաջացման կանխարգելման և դրանց դեմ պայքարի նպատակով անհրաժեշտ է.

1) մշակել ու իրագործել հակահրդեհային պրոֆիլակտիկ միջոցառումներ (հակահրդեհային քարոզչություն, տարածքի բարեկարգում, միներալիզացված շերտերի, հակահրդեհային ճանապարհների ու ջրամբարների կառուցում, և այլն).

2) առավել հրդեհավտանգ վայրերում` ճանապարհների երկայնքով, տեղադրել կրակի հետ զգույշ վարվելու և հրդեհային անվտանգության կանոնները պահպանելու մասին նախազգուշացնող ցուցանակներ.

3) ստեղծել հակահրդեհային պատնեշների համակարգ, որը սահմանափակում է հնարավոր հրդեհների տարածումը.

4) իրականացնել հրդեհային անվտանգությունն ապահովող այլ միջոցառումներ:

15. Դեզերը, բարդոցները, ծածկարանները և կոշտ կերերի դարսակները պետք է տեղակայվեն էլեկտրահաղորդման գծերից ոչ պակաս, քան` 15, ճանապարհներից` 20, շենքերից` 50 մետր հեռավորության վրա:

16. Դեզերի (բարդոցների) տեղակայման հարթակները, ինչպես նաև դեզերի զույգերի, դարսակների շրջակա հողատարածությունը պետք է հերկվի 4 մետր լայնություն ունեցող շերտով: Հերկված հողաշերտի եզրից մինչև հարթակում տեղադրված դեզը (բարդոցը) պետք է լինի ոչ պակաս, քան 15 մետր, իսկ մինչև առանձին տեղադրված դեզը (բարդոցը) ոչ պակաս, քան 5 մետր:

17. Դեզի (բարդոցի) հիմնատակի մակերեսը չպետք է ավելի լինի 150 մ2-ից, իսկ մամլած չոր խոտի (ծղոտի) դարսակինը` 500 մ2-ից: Առանձին դարսակների, ծածկարանների և դեզերի (բարդոցների) հակահրդեհային միջտարածությունները պետք է լինեն 20 մ-ից ոչ պակաս: Դարսակների, ծածկարանների և դեզերի (բարդոցների) զույգերով տեղադրման դեպքում` միջտարածությունները պետք է լինեն ոչ պակաս, քան 6, իսկ դրանց զույգերի միջև` 30 մետր: Բարձր խոնավություն ունեցող դեզերում (բարդոցներում) պետք է իրականացվի ջերմաստիճանի նկատմամբ հսկողություն:

18. Տրանսպորտային միջոցները խոտի դեզերին պետք է մոտենան շարժիչներից արտամղվող գազերի ուղղությանը հակառակ:

19. Չոր խոտը պետք է պահեստավորել կամուրջներից, ճանապարհային շինություններից, գնացքների կազմակերպված երթևեկության ուղիներից ոչ պակաս, քան 50 մետր հեռավորության վրա: Չի թույլատրվում դրանց պահեստավորումը էլեկտրահաղորդման և կապի գծերի տակ:

20. Գյուղատնտեսական նշանակության հողերում հրդեհային անվտանգության կանոնները խախտելու համար պատասխանատու անձինք պատասխանատվություն են կրում Հայաստանի Հանրապետության օրենքով սահմանված կարգով:

 

 

pin
Գյուղատնտեսության նախարարություն
03.06.2016
N 149-Ա
Հրաման