040.0208.260400
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«26» ապրիլի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
26 ապրիլի 2000 թվականի N 208
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏԵՐԱԶՄԻ, ԱՇԽԱՏԱՆՔԻ, ԶԻՆՎԱԾ ՈՒԺԵՐԻ ԵՎ ԻՐԱՎԱՊԱՀ ՄԱՐՄԻՆՆԵՐԻ ՎԵՏԵՐԱՆՆԵՐԻ ՄԻՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
Հայրենական մեծ պատերազմի հաղթանակի 55-րդ տարեդարձին նվիրված` Մոսկվայում կայանալիք հանդիսություններին և զորահանդեսին Հայաստանի Հանրապետության պատվիրակության մասնակցությունն ապահովելու նպատակով Հայաստանի Հանրապետության կառավարությունը որոշում է.
1. Հայաստանի Հանրապետության պատերազմի, աշխատանքի, զինված ուժերի և իրավապահ մարմինների վետերանների միությանը հատկացնել 5163.0 հազ. դրամ, որից 3838.0 հազ. դրամը` գործուղման ծախսերի և 1325.0 հազ. դրամը` հանդերձանքի ձեռքբերման համար, Հայաստանի Հանրապետության 2000 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
2. Ընդունել ի գիտություն, որ «Հայկական ավիաուղիներ» պետական փակ բաժնետիրական ընկերությունը Մոսկվա մեկնող պատվիրակության անդամներին (25 մարդ) հատկացնելու է Երևան-Մոսկվա-Երևան չվերթի ավիատոմսեր` 90 տոկոս զեղչով:
3. Սույն որոշումն ուժի մեջ է մտնում 2000 թվականի ապրիլի 26-ից: